LATEST NEWS
MURI AFURIKA
Uwo mutwe urwanya Leta nta hazaza ufite, tuzawumenera mu igi-Willy Nyamitwe
Publish Date: lundi 28 décembre 2015
VISITS :1482
By Admin

Umuvugizi wa Perezida w’u Burundi, Willy Nyamitwe, aravuga ko umutwe uherutse kuvuka uvuga ko urwanya ubutegetsi witwa FOREBU (Forces républicaines du Burundi) nta hazaza ufite.

“Si wo mutwe urwanya ubutegetsi wa mbere uvutse. Hari indi myinshi yawubanjirije kandi yose twagiye tuyimenera mu igi, FOREBU na yo nta hazaza ifite, ntaho itaniye n’abayibanjirije.”

Aya ni amagambo umuvugizi wa Perezida Nkurunziza, Willy Nyamitwe, yabwiye Ibiro Ntaramakuru by’Abafaransa, AFP.

Lt Col Edouard Nshimirimana kuwa gatatu w’icyumweru gishize ni bwo yatangaje ishingwa rya FOREBU, aho yavuze ko ihuza imitwe yitwaje intwaro ikomeye yose ikorera mu Burundi.

Nk’uko Nkurunziza abivuga, kuva yajya ku butegetsi muri 2005 hari imitwe myinshi yamurwanyije ariko yose ntiyagiye irenga umutaru.

U Burundi bwaranzwe n’intambara zishingiye ahanini ku moko hagati ya 1993-2006, ziza guhoshwa hiyambajwe amasezerano ya Arusha yasinywe n’impande zombi mu 2000.

Lt Col Nshimirimana asobanura ko FOREBU igamije “gukura Nkurunziza ku butegetsi kugira ngo hubahirizwe ibikubiye mu masezerano ya Arusha na demokarasi.”

Gusa, Willy Nyamitwe asanga iby’uyu mutwe ari uguhobagira. “Ni umutwe udafite impamvu n’imwe yo kubaho uharanira ibintu bitumvikana. Uzazima nk’indi yose hakoreshejwe ubumwe bw’Abarundi.” Uku ni ko yabwiye AFP.

Yakomeje agira ati “Uyu mutwe wariho na mbere y’uko bawutangaza ku mugaragaro. Uyu ni wo wagabye ibitero byinshi byagiye biburizwamo, birimo n’icyo kuwa 11 Ukuboza” cyaguyemo abantu 87, nk’uko Leta y’u Burundi ibivuga, mu gihe l’ONU yo ivuga ko haguyemo abasivili 200.

Nyamitwe yongeyeho ko uyu mutwe “watakaje abarwanyi benshi ndetse n’ibintu, bityo ntuzarenga umutaru.”

U Burundi buri mu bihe by’imidugararo ya politiki kuva muri Mata 2015 ubwo Perezida Nkurunziza yatangazwaga n’Ishyaka rye ko ari we uzarihagararira mu matora ya Perezida.

Abatavuga rumwe na we batangiye guhunga igihugu, benshi bahungira mu Rwanda no muri Tanzania, bavuga ko umuntu wese utavugwa rumwe na we ari guhigwa bukware.

Uwo mwuka mubi warakomeje ugera mu gihe cy’amatora, kugeza n’uyu munsi, nk’uko imiryango mpuzamahanga ibyemeza, mu gihe Leta y’u Burundi yo ikavuga ko nta kibazo cy’umutekano muke gihari, ndetse igashinja u Rwanda guha imyitozo n’ibikoresho abashaka gutera igihugu.

Gusa u Rwanda ntirwahwemye kuvuga ko rubeshyerwa, ruvuga ko nta nyungu n’imwe rwakura mu guhungabanya u Burundi. Ku rundi ruhande Perezida Kagame akemeza ko mu Burundi ubwicanyi buhari kandi ko abarundi ari bo ubwabo bakwiye kubuhagarika badategereje inkunga ivuye mu mahanga.

Willy Nyamitwe

Umuryango Uharanira Uburenganzira bw’Ikiremwamuntu Amnistie Internationale uherutse gusohora raporo yamagana ubwicanyi bukomeje guhabwa intebe mu Burundi.

Ibihugu bikomeye ku Isi, byasabye abaturage babyo kuva mu Burundi. Leta zunze ubumwe za Amerika, yasabye abaturage bayo bari mu Burundi kuvayo vuba na bwangu.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame na Macky Sall bahawe igihembo cya kabiri cyitiriwe Babacar Ndiaye

Perezida Kagame na Macky Sall bahawe igihembo cya kabiri cyitiriwe Babacar...

RwandAir yatangije urugendo rwa mbere i Burayi ihereye mu Bwongereza

RwandAir yatangije urugendo rwa mbere i Burayi ihereye mu Bwongereza

U Rwanda rwifatanyije na Afurika mu kwizihiza umunsi wo kwibohora kwayo

U Rwanda rwifatanyije na Afurika mu kwizihiza umunsi wo kwibohora...

Icyumweru cyahariwe ibikorwa bya Polisi y’u Rwanda cyakomereje mu turere twa Kamonyi, Ngororero na Kicukiro

Icyumweru cyahariwe ibikorwa bya Polisi y’u Rwanda cyakomereje mu turere twa...

NEW POSTS
Uburiganya : Mpayimana Philippe yashyizwe mu majwi mu bashaka imikono ya kandidatire binyuranyije n’amategeko

27-05-2017

Uburiganya : Mpayimana Philippe yashyizwe mu majwi mu bashaka imikono ya...

Minisitiri Mukantabana yashimiye umudepite w’u Rwanda watumye atahuka

26-05-2017

Minisitiri Mukantabana yashimiye umudepite w’u Rwanda watumye...

Inkoni y’Umwana ishira Dondi Dondi : Abandi bapasiteri 3 ba Zion Temple basezeye kuri Apotre Gitwaza, amaherezo ni ayahe ?

26-05-2017

Inkoni y’Umwana ishira Dondi Dondi : Abandi bapasiteri 3 ba Zion Temple...

Mbanda yahaye ’ Gasopo’ Amashyaka yiyita Opposition harimo na RNC

26-05-2017

Mbanda yahaye ’ Gasopo’ Amashyaka yiyita Opposition harimo na...

ITANGAZO RYA RUSHYASHYA

24-05-2017

ITANGAZO RYA RUSHYASHYA

Rudasingwa Theogene yaba ahugiye kuki ?

23-05-2017

Rudasingwa Theogene yaba ahugiye kuki ?

Teteri Agnes Umugore wa Eugene Gasana aravugwa mu bikorwa bya Politiki

23-05-2017

Teteri Agnes Umugore wa Eugene Gasana aravugwa mu bikorwa bya...

Impamvu John Mirenge yakuwe k ’Ubuyobozi bwa ’ RwandAir ’ Igitaraganya

16-05-2017

Impamvu John Mirenge yakuwe k ’Ubuyobozi bwa ’ RwandAir ’ Igitaraganya