LATEST NEWS
Amakuru
Rwanda : NEC yatangaje by’agateganyo ko 98.3% batoye Itegeko Nshinga rishya
Publish Date: lundi 21 décembre 2015
VISITS :1610
By Admin

Komisiyo y’igihugu y’amatora (NEC), kuri uyu wa Gatandatu tariki 19 Ukuboza ,yatangaje ibyavuye mu matora ya referandumu by’agateganyo mu turere twose 30 tugize igihugu ,aho abatoye Yego bemeza guhindura itegeko nshinga rya Repubulika y’u Rwanda bangana na 98.3% ,naho 1.7% batoye Oya ,bemeza ko ritahinduka.

Mu bantu bagera kuri 6 392 867 bari biyandikishije kuri lisiti y’itora , abagera kuri 6 285 353 nibo batoye. 99.6% by’abatoye babikoze neza.

Umunyamabanga nshingwa bikorwa wa Komisiyo y’Igihugu y’Amatora, Charles Munyaneza, yagaragaje ko abagera kuri 6 155 606 bemeye impinduka z’Itegeko Nshinga ku kigero cya 98.3% ,naho abagera ku 100 863 bangana na 1.7% bahakanye ko rihinduka.

Aya matora yakorewe ku masite 2288 ,Komisiyo y’Igihugu y’Amatora ivuga ko ibyayavuyemo bihuye n’ibyifuzo by’Abanyarwanda.

Uko amajwi y’agateganyo ameze mu turere dutandukanye

Akarere ka Bugesera abatoye Yego ni 99.1% naho abatoye Oya ni 0.9%
Akarere ka Burera abatoye Yego ni 98.2% ,naho abatoye Oya ni 1.8%
Akarere ka Gakenke abatoye Yego ni 99.9% ,naho abatoye Oya ni 0.1%
Akarere ka Gasabo abatoye Yego ni 98% ,naho abatoye Oya ni 2%
Akarere ka Gatsibo abatoye Yego ni 98.3% ,naho abatoye Oya ni 1.7%
Akarere ka Gicumbi abatoye Yego ni 98.5% ,naho abatoye Oya ni 1.5%
Akarere ka Gisagara abatoye Yego ni 98.7% ,naho abatoye Oya ni 1.3%
Akarere ka Huye abatoye Yego ni 98.2% ,naho abatoye Oya ni 1.8%
Akarere ka Kamonyi abatoye Yego ni 98.9% ,naho abatoye Oya ni 1.1%
Akarere ka Karongi abatoye Yego ni 98.6% ,naho abatoye Oya ni 1.4%
Akarere ka Kayonza abatoye Yego ni 99.2% ,naho abatoye Oya ni 0.8%
Akarere ka Kicukiro abatoye Yego ni 95.9% ,naho abatoye Oya ni 4.1%
Akarere ka Kirehe abatoye Yego ni 98.6% ,naho abatoye Oya ni 1.4%
Akarere ka Muhanga abatoye Yego ni 97.7% ,naho abatoye Oya ni 2.3%
Akarere ka Musanze abatoye Yego ni 98.9% ,naho abatoye Oya ni 1.1%
Akarere ka Ngororero abatoye Yego ni 98.2% ,naho abatoye Oya ni 1.8%
Akarere ka Ngoma abatoye Yego ni 98.9% ,naho abatoye Oya ni 1.1%
Akarere ka Nyabihu abatoye Yego ni 98.4 ,naho abatoye Oya ni 1.6%
Akarere ka Nyagatare abatoye Yego ni 98.5% ,naho abatoye Oya ni 1.5%
Akarere ka Nyamagabe abatoye Yego ni 97.5% ,naho abatoye Oya ni 2.5%
Akarere ka Nyamasheke abatoye Yego ni 98.0% ,naho abatoye Oya ni 2.0%
Akarere ka Nyarugenge abatoye Yego ni 93.8% ,naho abatoye Oya ni 6.2%
Akarere ka Nyaruguru abatoye Yego ni 98.8% ,naho abatoye Oya ni 1.2%
Akarere ka Nyanza abatoye Yego ni 98.1% ,naho abatoye Oya ni 1.9%
Akarere ka Rubavu abatoye Yego ni 98.6% ,naho abatoye Oya ni 1.4%
Akarere ka Ruhango abatoye Yego ni 98.6% ,naho abatoye Oya ni 1.4%
Akarere ka Rulindo abatoye Yego ni 97.5%, naho abatoye Oya ni 2.5%
Akarere ka Rusizi abatoye Yego ni 98.5% ,naho abatoye Oya ni 1.5%
Akarere ka Rutsiro abatoye Yego ni 97.9% ,naho abatoye Oya ni 2.1%
Akarere ka Rwamagana abatoye Yego ni 99.2 ,naho abatoye Oya ni 0.8%

Muri rusange ,ibyavuye mu matora ya referandumu by’agateganyo ,birerekana ko akarere ka Gakenke kahize utundi gutora Yego ku kigero cya 99.9% ,gakurikirwa n’Uturere twa Kayonza na Rwamagana twatoye Yego ku kigero cya 99.2%.

Akarere ka Nyarugenge niko kagaragayemo abantu bake batoye Yego ,ku kigero cya 93.8% ,na benshi batoye Oya ku kigero cya 6.2% ,gakurikirwa na Kicukiro yatoye Yego ku kigero cya 95.6%.

Mu mahanga

Abanyarwanda baba mu mahanga (Diaspora ) , bitabiriye igikorwa cy’amatora ya Referandumu kuwa 17 Ukuboza 2015. Muri rusange batoye Yego ku kigero cya 98.7% naho abatoye Oya ni 1.3%.

Komisiyo y’igihugu y’amatora ivuga ko muri rusange aya matora yakurikiranywe n’indorerezi zigera kuri 620 ,kandi yagenze neza uretse utubazo twagaragaye hamwe na hamwe nko kugeza ibikoresho kuri biro by’amatora byatinze, abatariyimuje kuri lisiti z’itora , no kuba uturere tumwe na tumwe twaratinze gutangaza ibyavuye mu matora bigatuma igihe byari gutangarizwa kiyongera.

Biro ya Komisiyo y’Amatora

Ibyavuye mu matora ya Referendumu mu buryo ntakuka bizatangazwa ku wa Mbere tariki 21 Ukuboza 2015.

Ubwanditsi

IBITEKEREZO
RUTAYISIRE EMMANUEL

NEC KOMEREZAHO

EMY

TWISHIMIYE UKO AMATORA YAGENZE PEREZIDA WACU TURAMUKUNDA KANDI TURAMUSHYIGIKIYE


TANGA IGITEKEREZO

Kwamamaza
Kwamamaza
Also in this section
Jean Sayinzoga yashyinguwe mu cyubahiro (Amafoto)

Jean Sayinzoga yashyinguwe mu cyubahiro (Amafoto)

Bernard Munyagishari yakatiwe gufungwa burundu

Bernard Munyagishari yakatiwe gufungwa burundu

Icyiciro cya kabiri cy’abanyamakuru cyatangiye Itorero i Nkumba

Icyiciro cya kabiri cy’abanyamakuru cyatangiye Itorero i Nkumba

Ibuka yanenze ibihano bihabwa abagaragaza ingengabitekerezo ya Jenoside

Ibuka yanenze ibihano bihabwa abagaragaza ingengabitekerezo ya...

Minisiteri y’Uburezi yahagaritse amashami atatu ya Kaminuza ya Gitwe, abanyeshuri basabwa gutaha

Minisiteri y’Uburezi yahagaritse amashami atatu ya Kaminuza ya Gitwe,...

NEW POSTS
Dr Gerard Gahima yandagaje bamwe mu bashaka gupfobya no guhakana Jenoside yakorewe abatutsi mu 1994

24-06-2017

Dr Gerard Gahima yandagaje bamwe mu bashaka gupfobya no guhakana Jenoside...

Bombori-Bombori mu Ishema Party : Uwitwa Muzungu Pierre yandikiye Padiri Nahimana Imyanzuro Ikakaye

24-06-2017

Bombori-Bombori mu Ishema Party : Uwitwa Muzungu Pierre yandikiye Padiri...

Ingabo z’u Rwanda zirashakisha Uruhindu abagabye Igitero i Rusizi cyaguyemo umwe, umunani bagakomereka

23-06-2017

Ingabo z’u Rwanda zirashakisha Uruhindu abagabye Igitero i Rusizi...

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...