LATEST NEWS
Africa
Abagororwa 583 bafungiwe Jenoside bandikiye imiryango 813 bahemukiye
Publish Date: mardi 17 novembre 2015
VISITS :159
By Admin

Nyuma yo kwemera icyaha cya Jenoside bafungiwe Abagororwa 583 bafungiwe icyaha cya Jenoside muri gereza ya Rwamagana (Nsinda) bandikiye imiryango 813 bahemukiye bayisaba imbabazi, ubu bakaba bifuza guhuzwa na yo kugira ngo basabe imbabazi mu ruhame.

Nk’uko umuyobozi w’ihuriro (club) rirwanya Jenoside n’ingengabitekerezo yayo muri gereza ya Rwamagana, Cyusa Emmanuel abitangaza ngo hamwe no kugenda bahugurana hagati yabo nk’abagororwa ndetse bakagenda bahabwa ibiganiro n’inama zitandukanye zose zaganishaga ku bumwe n’ubwiyunge, bamwe mu bagororwa bafungiye muri iyi gereza ya Rwamagana kubera icyaha cya Jenoside bakoze, bahise bumva uburemere bw’icyaha bakoze ndetse biyemeza gusaba imbabazi imiryango bahemukiye n’imbaga y’abanyarwanda muri rusange.

Cyusa Emmanuel yagize ati : “mu gushimangira ubumwe n’ubwiyunge hagati yacu nk’abagororwa n’imiryango twahemukiye, abagororwa 583 bafungiye muri gereza ya Rwamagana bakaba baregwa icyaha cya Jenoside bishinja kandi biyemerera ko bakoze icyaha kigayitse, bandikiye imiryango 813 bahemukiye muri Jenoside yakorewe Abatutsi muri Mata 1994, babikora bicishije bugufi kandi babikuye ku mutima.”

Nk’uko uyu muyobozi w’iri huriro akomeza abivuga ngo kugira ngo ibi bigerweho hari ingamba zitandukanye bafashe. Cyusa Emmanuel akomeza agira ati : “ingamba twafashe zirimo Kurandurana n’imizi ingengabitekerezo ya Jenoside, ihakana n’ipfobya ryayo, guhagarika ikwirakwizwa ry’ibihuha bigamije kwangisha abandi abagororwa gahunda za leta y’ubumwe n’ubuyobozi bw’igihugu cyacu muri rusange”

Nk’uko imibare ibigaragaza, mu bagororwa bafungiye muri gereza ya Rwamagana, abagororwa 527 bakomoka mu ntara y’iburasirazuba bandikiye imiryango 742 bahemukiye mu gihe cya Jenoside bayisaba imbabazi.

Mu bakomoka mu mugi wa Kigali, umugororwa 1 yandikiye umuryango 1 yahemukiye mu gihe cya Jenoside awusaba imbabazi.

Mu bakomoka mu ntara y’amajyepfo, abagororwa 30 bandikiye imiryango 40 bahemukiye mu gihe cya Jenoside bayisaba imbabazi. Mu bagororwa bakomoka mu ntara y’I burengerazuba, abagororwa 24 bandikiye imiryango 30 bahemukiye bayisaba imbabazi naho mu bagororwa bakomoka mu ntara y’amajyaruguru, umugororwa 1 ni we wandikiye umuryango 1 yahemukiye muri Jenoside awusaba imbabazi. Aba bagororwa bose hamwe nibo bakora igiteranyo cya 583 bakaba barandikiye imiryango 813.

Mu byifuzo bagaragaje, aba bagororwa basabye guhuzwa n’imiryango bahemukiye kugira ngo bayisabe imbabazi mu ruhame ndetse basabe imbabazi n’abanyarwanda muri rusange.

Mu ijambo rye, umunyamabanga nshingwabikorwa w’Akarere Kakooza Henry akaba yabemereye ko kubufatanye n’ubuyobozi bwa gereza ndetse n’izindi nzego bazabakorera ubuvugizi kuri iki kifuzo bafite.

Kamurase Hassani

IBITEKEREZO
rucogza

Umutekanoiwoshingiro ry'iterambere n'ingomwa ko tuwubngabga andi tukawicungira


TANGA IGITEKEREZO

Kwamamaza
Kwamamaza
Also in this section
Kagame yageze i Brazaville mu nama ya ICGLR

Kagame yageze i Brazaville mu nama ya ICGLR

Diamond Platnumz yahishuye icyo byamusabye ngo azahure umubano we na Zari wari warajemo agatotsi

Diamond Platnumz yahishuye icyo byamusabye ngo azahure umubano we na Zari...

Dore Amafoto Agaragaza Ubwiza bwa Habiba Umukobwa uhagarariye u Rwanda Muri Miss Supranational

Dore Amafoto Agaragaza Ubwiza bwa Habiba Umukobwa uhagarariye u Rwanda Muri...

Igihano Diamond azahabwa natsindwa na Hamisa Mobetto cyamenyekanye !!

Igihano Diamond azahabwa natsindwa na Hamisa Mobetto cyamenyekanye...

FDLR yagabye igitero ku biro bya polisi yica abantu

FDLR yagabye igitero ku biro bya polisi yica abantu

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...