LATEST NEWS
Africa
Guverinoma yiyemeje kubungabunga igishanga cya Nyabarongo
Publish Date: jeudi 24 décembre 2015
VISITS :157
By Admin

Kuri uyu wa gatatu i Kigali habereye inama yahuje abafatanyabikorwa mu kurengera ibidukikije bagizwe na Minisiteri y’Umutungo kamere, Ikigo cy’igihugu kirengera ibidukikije REMA, Polisi y’u Rwanda, Minisiteri y’Ingabo, Minisiteri y’Ubutegetsi bw’Igihugu, Minisiteri y’Ubuhinzi, ba Guverineri b’Intara zose, ba Meya b’uturere twose ndetse n’izindi nzego zishinzwe umutekano.

Ni inama yari igamije gufatira hamwe ingamba zo kurengera ibidukikije muri rusange no kubungabunga umugezi wa Nyabarongo by’umwihariko haherewe ku kubungabunga imigezi mito iwisukamo kugirango hagabanywe ndetse no hacibwe burundu isuri ijyanamo ibintu bitandukanye birimo ubutaka, amafumbire ndetse n’ibindi bintu bifitiye akamaro ubutaka n’ababutuyeho muri rusange ; ibi bikaba bigamije kuvana umugezi wa Nyabarongo ku ibara ufite ubu kugeza igize amazi y’urubogobogo.

Minisitiri w’Umutungo kamere, Dr Vincent Biruta ari nawe wari umushyitsi mukuru muri iyi nama, mu ijambo rye, yagaragaje ko ubucukuzi bw’amabuye y’agaciro, bwaba ubukorwa n’abafite ibyangombwa cyangwa abatabifite, hafi ya bwose bukorwa mu buryo butarengera ibidukikije ku buryo Minisiteri ayobora itazihanganira abangiza ibidukikije n’iyo baba bafite ibyangombwa, bakaba bazagabanywa hagasigara abubahiriza amabwiriza ajyanye no kurengera ibidukikije.

Aha yagize ati "Umuyobozi w’ibanze afite uburenganzira bwo gutafira icyemezo umucukuzi wangiza ibidukikije hatitawe ko afite icyangombwa cyangwa atagifite, kubona ko ibidukikije bibangamiwe kandi nta bumenyi buhambaye bisaba, ahubwo inzego zose dufatanyije , nta n’amikoro menshi byadutwara ngo iki kibazo kibonerwe umuti.”

Minisitiri w’Ingabo , Jenerali James Kabarebe mu ijambo rye, yasabye ko hashyirwa imbaraga mu kugenza ibyaha byangiza ibidukikije kuko bigaragara ko uburyo busanzwe bukoreshwa mu gushaka umuti w’ibyaha byangiza ibidukikije, cyane cyane ibikorwa n’abacukura amabuye y’agaciro, budatanga igisubizo kirambye.

Umuyobozi mukuru wa Polisi y’u Rwanda, IGP Emmanuel K.Gasana, yagaragaje impungenge aterwa n’abangiza ibidukikije aho yatanze ingero z’ibura ry’amazi cyangwa iry’amashanyarazi byose bifite inkomoko ku kwangizwa kw’ibidukikije, akaba yavuze ko Polisi y’u Rwanda ifatanyije n’izindi nzego izakomeza kugenza ibyaha byangiza ibidukikije kandi izajya ihanisha ababikora .

Ku birebana n’umugezi wa Nyabarongo yagize ati "Dufatanyije n’inzego bireba ndetse n’abagize komite zo kwicungira umutekano CPCs, twabashije gushyira ahagaragara ahakwibandwaho mu gushyirwaho umukandara mu rwego rwo kubungabunga umugezi wa Nyabarongo.”

Yarangije kandi agira ati "Uyu niwo munsi mwiza kuri twe n’abafatanyabikorwa ngo hagire igikorwa, igitera ikibazo turakibona, ntidukwiye rero kureka ibyiza igihugu cyacu kimaze kugeraho ngo byangizwe n’abakora ibitemewe n’amategeko, ibi kandi turasabwa kubikora mu buryo bwihuse ngo dutabare ibidukikije n’ubuzima bw’abantu muri rusange.”

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Kagame yageze i Brazaville mu nama ya ICGLR

Kagame yageze i Brazaville mu nama ya ICGLR

Diamond Platnumz yahishuye icyo byamusabye ngo azahure umubano we na Zari wari warajemo agatotsi

Diamond Platnumz yahishuye icyo byamusabye ngo azahure umubano we na Zari...

Dore Amafoto Agaragaza Ubwiza bwa Habiba Umukobwa uhagarariye u Rwanda Muri Miss Supranational

Dore Amafoto Agaragaza Ubwiza bwa Habiba Umukobwa uhagarariye u Rwanda Muri...

Igihano Diamond azahabwa natsindwa na Hamisa Mobetto cyamenyekanye !!

Igihano Diamond azahabwa natsindwa na Hamisa Mobetto cyamenyekanye...

FDLR yagabye igitero ku biro bya polisi yica abantu

FDLR yagabye igitero ku biro bya polisi yica abantu

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...