LATEST NEWS
Africa
Nyagatare : Barishimira umusaruro w’ubukangurambaga mu kurwanya ibiyobyabwenge
Publish Date: mercredi 10 février 2016
VISITS :79
By Admin

​Ubukangurambaga burwanya itundwa, icuruzwa n’ikoreshwa ry’ibiyobyabwenge mu karere ka Nyagatare, bwatumye hafatwa ibinyobwa bitemewe birimo amakarito 500 ya Chief Warage na litiro 650 za kanyanga.

Umuyobozi wa Polisi mu karere ka Nyagatare, Senior Superintendent of Police (SSP) Christian Safari avuga ko ibi biyobyabwenge bifite agaciro ka miliyoni 9 n’ibihumbi 200 (9,200,000) by’amafranga y’u Rwanda, bikaba byarafashwe ku bikorwa by’isaka byabaye mu mezi abiri ashize, nyuma y’amakuru aba yatanzwe n’abaturage.

Ibi biyobyabwenge bikaba byarangijwe mu cyumweru gishize imbere y’amagana y’abaturage n’urubyiruko rw’abanyeshuri, igikorwa gifasha mu guha inyigisho abaturage ku bubi bwo kubinywa ndetse n’ingaruka zirimo n’igifungo haba kubabikoresha cyangwa ababicuruza.

SSP Safari yagize ati :”Ibi byose byafashwe mu Kuboza k’umwaka ushize na Mutarama uyu mwaka, bifatanywe ababicuruza ku makuru arambuye duhabwa n’abaturage muri bwa bufatanye bwiza dusanganywe bwo gukumira no kurwanya ibyaha”.

Nyagatare ikaba izwi nk’inzira y’inzoga zitemewe nka zebra, blue sky na kitoko.
Yongeyeho ati :” hari impinduka nini ubukangurambaga bwazanye kuko, nk’abaturiye umupaka barimo benshi babyambutsa mu buryo butemewe, ariko ubu nibo baduha amakuru menshi ku bakiri mu bikorwa nk’ibyo.”

Abenshi mu bafatwa ni abamotari baba bakodeshejwe n’abacuruzi babyo ngo babibagereze aho bashaka kubijyana.

Ingingo ya 24 y’itegeko ku biyobyabwenge, ivuga ko ikinyobwa cyose kirengeje 45 ku ijana by’alukolo cyangwa ikindi kinyobwa cyose kitujuje ubuziranenge bwo kunyobwa gifatwa nk’ikiyobyabwenge.

Ingingo ya 594 y’igitabo cy’amategeko ahana y’u Rwanda ivuga ko umuntu wese ukora, uhindura, winjiza, ugurisha mu gihugu ibiyobyabwenge n’urusobe rw’imiti ikoreshwa nka byo mu buryo bunyuranije n’amategeko, ahanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni eshanu (5.000.000).

RNP

IBITEKEREZO
Mike

Ngira ngo ntawe utazi ingaruka z'ibiyobyabwenge.Twe kubinywa,twirinde kubicuruza, kandi twe kubikwirakwiza, kandi dutange amakuru y'ababikora.


TANGA IGITEKEREZO

Kwamamaza
Kwamamaza
Also in this section
Impinduka mu gisirikare cya Uganda

Impinduka mu gisirikare cya Uganda

Gen. Muhoozi yayoboye operasiyo idasanzwe ya gikomando ifata ibikoresho bya girisikare mu baturage

Gen. Muhoozi yayoboye operasiyo idasanzwe ya gikomando ifata ibikoresho bya...

Kenya ibintu byasubiye irudubi nyuma yo kwivana mu matora kwa Odinga

Kenya ibintu byasubiye irudubi nyuma yo kwivana mu matora kwa...

Kenya : Odinga yivanye mu matora bitunguranye

Kenya : Odinga yivanye mu matora bitunguranye

NEW POSTS
HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...

Twagiramungu Faustin Alias Rukokoma, yapfuye ahagaze

10-10-2017

Twagiramungu Faustin Alias Rukokoma, yapfuye ahagaze