LATEST NEWS
Amakuru
Nta buhungiro bw’abanyabyaha buri mu Rwanda-Umuvugizi wa Polisi y’u Rwanda
Publish Date: vendredi 4 décembre 2015
VISITS :879
By Admin

Ibi ni ibyatangajwe n’Umuvugizi wa Polisi y’u Rwanda Chief Superintendent of Police (CSP) Celestin Twahirwa, ubwo itangazamakuru ryerekwaga umusore uri mu kigero cy’imyaka 22 witwa Mateso Fidèle, wibye amafaranga muri Hoteli mu gihugu cya Uganda tariki ya 29 Ugushyingo afatirwa mu Rwanda bukeye tariki ya 30 Ugushyingo 2015.

Mulindi Camille niwe wibwe, akaba ari umunyarwanda ukorera ibikorwa bye by’ubucuruzi mu gihugu cya Uganda, afiteyo hoteli yitwa Kilimandjaro. Asobanura uko yibwe amashilingi ya Uganda miliyoni 11 ni ukuvuga amafaranga miliyoni 4 y’u Rwanda yagize ati :” uyu musore yaje nk’umukiriya i Kampala aho nkorera ndamwakira nka mwene wacu w’umunyarwanda,ambwira ko ashaka akazi ndakamuha.

Namuhaye akazi ko kwakira abakiriya no gutunganya ibyumba byo kuryamamo. Haje kuza umukiriya ushaka icyumba tariki ya 29 Ugushyingo mnaze abitsa amafaranga ye miliyoni 11 z’amashilingi ya Uganda aho bakirira abakiriya. Byageze mu ijoro uyu musore Mateso Fidèle aterura ariya mafaranga atega imodoka aza mu Rwanda”.

Mulindi yakomeje avuga ko akimara kumenya ko yibwe,yahise atanga ikirego kuri Polisi ya Uganda nayo ihita ibimenyesha iy’u Rwanda kuko uwari wayibye yari yamaze kwambuka umupaka yageze mu Rwanda.Uyu musore yaje gufatirwa i Kabarore mu karere ka Gatsibo na Polisi y’u Rwanda ubwo yari mu modoka ya bisi yerekezaga mu mujyi wa Kigali.

Mulindi Camille akimara gusubizwa amafaranga ye na Chief Superintendent of Police (CSP) Peter Karake, umuyobozi wungirije wa Polisi mpuzamahanga - ishami ry’u Rwanda, yashimye imikoranire myiza iri hagati ya Polisi z’ibihugu byombi. Yashimiye cyane Polisi y’u Rwanda kuba yarakoze ibishoboka byose igakurikirana uriya musore kugera afashwe.


Umuvugizi wa Polisi y’u Rwanda CSP Celestin Twahirwa

Umuvugizi wa Polisi y’u Rwanda CSP Celestin Twahirwa, yavuze ko kubera ubufatanye n’imikoranire myiza hagati ya Polisi y’u Rwanda n’iya Uganda, aribyo byatumye Mateso Fidèle afatwa. Yakomeje avuga ko polisi zombi zifitanye amasezerano yo gufatanya kurwanya ibyaha ku buryo uwakora icyaha mu gihugu kimwe agahungira ahandi aba yibeshya, kuko yafatwa na polisi yo mu kindi gihugu.

Uyu musore icyaha kiramutse kimuhamye yahanishwa igihano cy’igifungo kiri hagati y’amezi atandatu kugera ku myaka ibiri n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe cyangwa kimwe gusa muri ibyo bihano nk’uko bikubiye mu ngingo ya 300 yo mu gitabo cy’amategeko mpanabyaha cya Repubulika y’u Rwanda.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Kigali : Abana b’inzererezi batatu batwikiwe muri ruhurura, babiri barapfa bivugwa ko batwitswe n’Abanyerondo.

Kigali : Abana b’inzererezi batatu batwikiwe muri ruhurura, babiri barapfa...

Ibyemezo by’Inama y’Abaminisitiri yo kuwa Gatatu tariki ya 26 Mata 2017

Ibyemezo by’Inama y’Abaminisitiri yo kuwa Gatatu tariki ya 26 Mata...

Impanuka y’imodoka yari itwawe n’ukekwaho ubusinzi yahitanye batatu barapfa, abandi barakomereka

Impanuka y’imodoka yari itwawe n’ukekwaho ubusinzi yahitanye batatu barapfa,...

Jean Sayinzoga yashyinguwe mu cyubahiro (Amafoto)

Jean Sayinzoga yashyinguwe mu cyubahiro (Amafoto)

Bernard Munyagishari yakatiwe gufungwa burundu

Bernard Munyagishari yakatiwe gufungwa burundu

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...