LATEST NEWS
Amakuru
Sen. Tito Rutaremara yagize icyo avuga ku Inzu ihereye i Kanombe ahahoze hatuye Perezida Juvenal Habyarimana
Publish Date: jeudi 21 juillet 2016
VISITS :6292
By Admin

Ubwo bagaragarizwaga ibyavuye mu gikorwa cyo kugenzura ibikorwa by’ubukerarugendo byakozwe na Komisiyo y’Iterambere ry’ubukungu n’imari mu nteko ishinga amategeko, bamwe mu basenateri bavuze ko ibigaragara mu ngoro ndangamateka y’Abaperezida bitera urujijo, Sen. Tito Rutaremara we avuga ko iyi nzu itashyirwamo ibyiza ahubwo ikwiye gushyirwamo ibibi byose byakozwe mu Rwanda.

Amakuru dukesha umuseke.rw , avuga ko amashusho y’incamake z’uru rugendo rwakozwe n’Abasenateri bagize iyi komisiyo yo mu mutwe wa Sena, agaragaramo kutemeranya n’ibikorwa biri muri zimwe mu ngoro ndangamateka z’u Rwanda nk’iy’abakuru b’igihugu ihereye i Kanombe ahahoze hatuye Perezida Juvenal Habyarimana.

Avuga ku mafoto agaragaza ibikorwa bya Jenoside nk’imyitozo y’Interahamwe basanze muri iyi Ngoro, (muri aya mashusho yeretswe) Senateri Karangwa Chrysologue, yaagize ati “ Murashaka kwigisha iki ? Murashaka kwerekana iki ? Uko Jenoside yateguwe ?”

Senateri Karangwa Chrysologue

Mu bitekerezo byatanzwe nyuma yo kwerekwa iyi Raporo n’aya mashusho y’incamake yayo, Abasenateri bavuze ko ibikorwa bigaragara muri iyi nzu bitaga iyo kwa ‘Habyarimana’ bitera urujijo ku buryo hagenwa imikorere yayo cyangwa igafungwa burundu.

Hon Sen Jean Damascene Ntawukuriryayo ati “ …None se kutubwira ngo twagiye kuyisura dusanga bashyizemo amafoto kubera ko twari mu gihe cy’icyunamo, ubwo twe tuzi icyo imaze cyangwa twe twagiyeyo tuzi icyo itumariye.”

Hon Sen Jean Damascene Ntawukuriryayo

Senateri Tito Rutaremara atanga igitekerezo kuri ibi bikorwa basanze muri iyi nzu, yagize ati “ Ntabwo wajya kwerekana ubuzima bwiza bwa Habyarimana kandi ni we wayubatse ayijyamo, ni ugushaka ibintu bigaragaza ibyo yakoze koko akaba ari byo bijyamo,…

Senateri Tito Rutaremara

Ahubwo se twatanze ibitekerezo iyi nzu ikazaba musée yo kwerekana ibyo Habyarimana yakoze, cyangwa ibibi byose byakozwe mu Rwanda.”

Abasenateri bagize iyi Komisiyo yasuye iyi ngoro ndangamateka bavuga ko babwiwe ko aya mashusho agaragaza amahano ya Jenoside ashyirwamo mu bihe byo kwibuka ubundi agakurwamo.

Ngo n’abasobanura ibiri muri iyi ngoro ntibabizi…

Senateri Bizimana Evariste uri muri iyi komisiyo yasuye ibi bikorwa, yavuze ko ibisobanurwa n’abagaragaza ibikorwa biri muri iyi ngoro ndangamateka y’Abaperezida ntaho bihuriye n’ukuri.

Senateri Bizimana Evariste

Ati “ Abatanga amateka kwa Habyarimana ntibabizi, ubabaza igiti cy’umurinzi gihari bakakubwira ko ari icyo Habyarimana yateye, nyamara wakireba ugasanga gishobora kuba gifite nk’imyaka 200.

Bakakubwira ngo piscine ihari ni aho uruziramire rwabaga, wareba neza ugasanga ni ikarita y’u Rwanda.”

Senateri Bizimana ukomeza kunenga ibiri muri iyi ngoro, avuga ko irimo abaperezida batatu gusa nyamara yitwa ko ari ingoro ndangamateka y’abakuru b’igihugu bayoboye u Rwanda.

Ati “ Harimo Habyarimana, Kayibanda na Sindikubwabo, ukababaza uti se ko ari ingoro y’abaperezida, abandi bakuru b’ibihugu barihe ? bakarebana.”

Iyo kwa Richard Kandt yo ngo iri kugirwa ahororerwa inyamaswa zirya abantu

Abasenateri banengaga ibyagaragaye mu ngoro ndangamateka z’u Rwanda, banagarutse ku nyamaswa zikomeje gushyirwa mu ngoro ndangamateka y’Umudage Richard Kandt ufatwa nk’uwatangije umurwa mukuru w’u Rwanda.

Izi ntumwa za rubanda zivuga ko iyi nyubako yakwiye kugaragaza amateka y’uyu mudage ariko ntitandukire ngo ishyirwemo izi nyamaswa zirimo n’izirya abantu nk’inzoka n’ingona, bateganya kuzana.

Hon Bizimana ati “ Iyo winjiye muri iriya nzu ubona handitse ngo amateka ya Kandt, wageramo imbere ugasangamo inzoka.”

Sen. Prof Karangwa Chrysologue we yavuze ko iyi nzu idakwiye kwitirirwa Kandt kuko basenye umwimerere wayo, yavuze ko ikwiye gushyirwamo amateka y’ubukoloni bwakorewe Abanyarwanda.

Senateri Mukankusi Perina uyobora iyi Komisiyo y’Iterambere ry’ubukungu n’imari muri Sena yasuye ibi bikorwa, yavuze ko uru rujijo rw’ibikorwa bigaragara muri izi ngoro ndangamateka rwarahawe icyuho n’itegeko rizishyiraho kuko ritagena inshingano z’izi ngoro ahubwo rikagena ko bigenwa n’Iteka.

Senateri Mukankusi Perina

IBITEKEREZO
Kagina

Mu gihe tugezemo birakomeye kubeshya abaturage. Birashoboka ko ubu mu Rwanda abaturage badafite uburenganzira bwo kuvuga icyo batekereza aliko si ukuvuga ko aba baturage hali icyo bayobewe. Abibwira ko abaturage ali injiji balibeshya. Bimaze iki kubeshya abantu cg kugoreka amateka mu gihe abo ubwira bazi neza neza neza neza ko ulimo kubabeshya cg kugoreka ayo mateka. Uli umuntu uzi ubwenge ibyiza wakwicecekera kuko iyo utangiye kubabeshya babona ko bwa bwenge bagukekeraho ntabwo ubwo ukaba witambitse ubusa. Hali igihe ubona ibintu bitangajwe n'umuntu witwa ngo ni umuyobizi, ngo wize amashuli waminuje ukumirwa. Abasomye iyi nyandiko yo hejuru n,ibitekerezo baliya bayobozi batangamo yambera umugabo. Ninde usoma ibintu nka biliya ntiyibaze kuli baliya bayobozi ?

eric

Reka reka genda wowe uvugango bazashyiremo ko yasinye amasezerano yamahoro. Yasinyishije ikaramu kurupapuro ararangije we nizindi nkora maraso batumiza imihoro nimbunda nibindi mumutungo wigihugu ngo byice abatutsi. Nonese icyushaka kumvukanisha niki ? banza ugereranye ibyo nkubwiye byonyine !! Nagende umushenzi ahubwo iriyanzu bayisenye izitweko itanabayeho kuko nanyirayo iyo atabaho urwanda ntiruba rwaratembyemo amaraso. Akhheee

Ivan ndongozi

Ariko abantu ni abasazi aba basenateri bose ndabona bakwiye ingando kuyoborwa nabantu nkaba ntho tujya Mana yi rwanda dutabare mbe narinziko iyo umuntu imyaka igenda agenda aba muzima ubugome bugabanuka ariko se yewe nibidanger nuko nyine bigiye gutungana nabwiye presida mwese akabafunga kuko mufite ubutindi kumutima mwese

Mugisha

Ntamucyo we !ibyo uvuga ubihagazeho ?sen TITO se umubera mumutwe kuburyo umenya ibyo atekereza !?hanyuma se urashaka tuvuge ibyiza bihe bya habyarimana !ko yategiye jenocide c ?,ko yashishikarije interahamwe kwica abatutsi c ?kureka inkoramaraso zikagerageza kwica abantu zabugesera nazabigogwe nahandi ?ngaho bwira ikikunyuze muribyo nikihe !?abahutu uvuga yanga nabahe !?abasize bishe imbaga yabanyarwanda babatutsi !?mwagiye muba abantu bafite mumutwe hazima.haba habyarimana haba sindikubwabo yaba kayibanda,abo bose nabayobozi bibyasha(ibizinga)mumate yurwanda.none ngo bazashyiremo ngo asinya amasezerano !ariya yayasinye kuko FPR INKOTANYI(intwari zurwanda) zari zamwokeje igitutu namahanga yose yahagututse,zari impuhwe zabihehe yari yifitiye.niba unushyigikiye nibyobyiza uvuga ko yaba yarakoze iturize uzabimubwira kera nimuhura hatari hano,kandi ntanubwo dukeneye kubimenya bizamenkwe nabandi nkawe.naho wikwiha muzee TITO kuko nawe nintwari yacu naho urwo rwango uvuga nurwo yanze ikibi igihe yemeraga kuza kwifatanya nabandi kukirwanya.

Mugisha

Ntamucyo we !ibyo uvuga ubihagazeho ?sen TITO se umubera mumutwe kuburyo umenya ibyo atekereza !?hanyuma se urashaka tuvuge ibyiza bihe bya habyarimana !ko yategiye jenocide c ?,ko yashishikarije interahamwe kwica abatutsi c ?kureka inkoramaraso zikagerageza kwica abantu zabugesera nazabigogwe nahandi ?ngaho bwira ikikunyuze muribyo nikihe !?abahutu uvuga yanga nabahe !?abasize bishe imbaga yabanyarwanda babatutsi !?mwagiye muba abantu bafite mumutwe hazima.haba habyarimana haba sindikubwabo yaba kayibanda,abo bose nabayobozi bibyasha(ibizinga)mumate yurwanda.none ngo bazashyiremo ngo asinya amasezerano !ariya yayasinye kuko FPR INKOTANYI(intwari zurwanda) zari zamwokeje igitutu namahanga yose yahagututse,zari impuhwe zabihehe yari yifitiye.niba unushyigikiye nibyobyiza uvuga ko yaba yarakoze iturize uzabimubwira kera nimuhura hatari hano,kandi ntanubwo dukeneye kubimenya bizamenkwe nabandi nkawe.naho wikwiha muzee TITO kuko nawe nintwari yacu naho urwo rwango uvuga nurwo yanze ikibi igihe yemeraga kuza kwifatanya nabandi kukirwanya.

Kwihangana

Mushyireho izindi commentaire se nisomere.

Patati patata

Amategeko ashy ishyirwaho izo ngoro navugururwe ajyane n'igihe. Ibyo kwirirwa badusubiriramo ibihe byiza bya habyarimana bazabirekere umuryango we ntabwo byagombye kuba inshingano za leta.

vugukuri

ubwo se uragira ngo Tito avuge ki ?yarwanyije ubuyobozi bwariho kandi indorerwamo yari yambaye zarimo porogaramu yo kubona ibibi gusa ubwo rero nibyo byisenze mu bwonko.ushaka ko abona ibyiza wamwambika izindi kandi ntiyazikunda kuko akomeje urugamba

Natal

Inyamaswa zirya abantu zizajya zihabwa abahe ?

Barnabas Ntamucyo

Kubasomyi nabanditsi bikinyamakuru Rushyashya, maze gusoma no kwiyumvira ibitekerezo bitandukanye by'Intumwa za Rubanda kubyerekeranye n'Amateka asobanura Iby'Inzu yuwahoze Ari Umukuru w'Igihugu cy'u Rwanda kuva 05/07/1973 kubera 06/04/1994, twibaza byinshi kuribi ibitekerezo aho tuva naho twerekereza nka rubanda rwejo rwaba Nyarwanda":Mbanze nshimire kandi nshigikire Ibitekerezo byubaka bigaragaza ubwenge nubushishozi bwa Sen..Bizimana Evariste, Nongere ngaye cyane kandi mvuge kubitekerezo bigayitse bitarimo ubushishozi nubwenge bw' Inararibonye byagombye kuranga Sen. Tito Rutaremara, Abazi uyu Mugabo neza benshi bamuzi kubitekerezo bye byubuhezanguni birenze( très extremists) ,urwango afitiye abanyarwanda benshi batari abayoboke ba FPR ( birazwi ko abenshi murabo Ari abo mubwoko bw' abahutu), ESE UWABAZA SEN.TITO RUTAREMARA IBYIZA AMAZE GUKORERA ABANYARWANDA KUVA YARUTAHA MURI 1994 KUGEZA MAGINGO AYA YABONA MUSEE YE YAJYAMO INGANIKI UGERERANIJE NIBYASHIRWA MURI MUSEE YUWAHOZE ARI PREZIDA W'U RWANDA JUVENAL HABYARIMANA ??! GUSA ICYO NAKWIBUTSA SEN. TITO RUTAREMERA, NIBA IGITEKEREZO CYE GISHIGIKIWE NABENSHI KIKEMEZWA, IGITEKEREZO NAKONGERAHO NGASABA NKUMUNYARWANDA UFITE UBURENGANZIRA BWO KUGARAGAZA NO KUVUGA IKIMURI KUMUTIMA, MUBYO SEN.TITO RUTAREMARA YIFUZA BYASHIRWA MUNZU YAMATEKA YIBIKORWA BIBI UWARI PREZIDA WU RWANDA JUVENAL HABYALIMANA YAKOZE ,HAZASHIRWEHO GUSINYA AMASEZERANO Y'AMAHORO YA ARUSHA YEMERERA ABAYOBOZI BA POLITIKE BA FPR BARI BAYOBOWE NA TITO RUTAREMARA NABANDI ,NABASIRIKARI( SOLDATS DU FPR ) KWINJIZWA MUNYUBAKO Y'INGORO YABASHINGAMATEKA YA KIMIHURURA MBERE YUKO IBYEMEZO BYOSE BIJYANA NAMASEZERANO YA ARUSHA BISHYIRWA MUBIKORWA KUMBANDE ZOMBI ZARI ZISHYAMIRANYE !! NONGERE NSABE ABAYOBOZI BIKI KINYAMAKURU GUHITISHA COMMENT YANJYE NIBA KOKO BAGENDERA KWITANGAZA MAKURU NYARYO( OBJECTIVITE).


TANGA IGITEKEREZO

Kwamamaza
Kwamamaza
Also in this section
Intara y’Iburasirazuba : Imikwabu itandukanye yafashe ibiyobyabwenge n’inzoga zitemewe mu Rwanda

Intara y’Iburasirazuba : Imikwabu itandukanye yafashe ibiyobyabwenge...

Perezida Kagame yakiriye indahiro za Depite Bitunguremye, Kalinijabo na Mukamana bose bakomoka muri RPF- Inkotanyi.

Perezida Kagame yakiriye indahiro za Depite Bitunguremye, Kalinijabo na...

Komisiyo y’Igihugu y’amatora yasimbuje abadepite batatu barimo Depite Nyandwi Désiré witabye Imana

Komisiyo y’Igihugu y’amatora yasimbuje abadepite batatu barimo Depite Nyandwi...

’Imana y’ I Rwanda mu Buhinde’-Prof. MALONGA Pacifique

’Imana y’ I Rwanda mu Buhinde’-Prof. MALONGA Pacifique

Kigali : Umugabo yafatanwe inoti z’impimbano

Kigali : Umugabo yafatanwe inoti z’impimbano

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon