LATEST NEWS
Amakuru
Umuhanzi Safari Papy John wamenyekanye mu ndirimbo “Umutima ukunda” yavuye ku isi y’abazima
Publish Date: dimanche 13 décembre 2015
VISITS :1824
By Admin

Umuhanzi nyarwanda Safari Papy John wamenyekanye cyane mu ndirimbo “Umutima ukunda” yanakunzwe cyane, yashizemo umwuka mu ijoro ryo kuri uyu wa Gatandatu azize uburwayi, akaba yaguye mu bitaro bya Kaminuza bya Kigali bizwi nka CHUK aho yagejeje amerewe nabi agahita atabaruka.

Safari Papy John benshi bakundaga kwita Safa Papy, yari umuhanzi nyarwanda, umucuranzi mwiza w’ibyuma bya muzika nka gitari na Piano, akaba yari n’inzobere mu bya muzika kuburyo yajyaga afasha abahanzi batandukanye mu bijyanye no gutunganya indirimbo. Yari umwe mu bahanzi nyarwanda bazi cyane gucuranga no kuririmba indirimbo zo mu bihe byashize zaba iz’igifaransa n’iz’icyongereza, akaba yaranagiye ataramira ahantu hatandukanye mu mahoteli nka Milles Collines, Serena n’ahandi henshi.

Safa Papy John kandi yamenyekanye cyane mu ndirimbo yise “Umutima ukunda”, indirimbo yakunzwe cyane kugeza n’ubu aho amwe mu magambo yayo yari agikoreshwa henshi mu Rwanda bagira bati : “Umutima ukunda ntiwihishira, n’iyo nyirawo yifashe urukundo ruramutamaza”. N’ubwo muri iyi minsi atagaragaraga akora izindi ndirimbo nshya nyinshi, yabagaho mu buzima bwo gukora muzika yakoraga nk’umwuga yitabira ibitaramo bitandukanye hirya no hino ku isi.

Safa Papy John wavukiye i Kinshasa mu mwaka w’1966, yatabarutse afite imyaka hafi 50 y’amavuko, akaba yasize umugore umwe n’abana bane, barimo batatu yabyaranye n’uyu mugore ndetse n’umukobwa mukuru yabyariye i Kinshasa muri Repubulika iharanira Demokarasi ya Kongo.

Mu Kiganiro umugore wasizwe na nyakwigendera yagiranye n’umunyamakuru wa Inyarwanda.com, avuga ko Safa Papy John yari asanzwe arwara indwara ya diyabete, bakaba bakeka ko ari yo yamuhitanye. Avuga ko yafashwe kuwa mbere w’icyumweru gishize, ariko kuri uyu wa Gatandatu akaba ari bwo yaje kuremba cyane agezwa ku bitaro bya CHUK ahagana saa kumi n’ebyeri z’umugoroba, hanyuma ahagana saa tatu z’ijoro ashiramo umwuka

RIP Safari Papy John

Muri Nyakanga uyu mwaka, Safari Papy John yatangaje ku rubuga rwa facebook ko kubera urukundo rwinshi abafana bamweretse, agarutse mu muziki nyuma y’igihe atagaragara, kandi ko atangiye manda ye ya kabiri azasoza ari uko apfuye, none koko nyuma y’amezi macye muzika ye isojwe n’urupfu. Uyu mugabo kandi aheruka kugaragara mu iserukuramuco rya Kigali Up ryabaye tariki 26 na 27 Nyakanga, aho yashimishije cyane abaryitabiriye..

Umwanditsi wacu

IBITEKEREZO
dada

icyonkundira urupfu niki wabukaze waba udakaze amaherezo nihariyahasi iwabo watwese iyorwakubonye ntushobora kurusimbuka urupfu nahandwemerera

safari innocent deny

yarumuriribyi mwiza wicyitegererezo knd yarakunzwe nabenshi,gusa kugumana nawe ntibidushobokeye IMANA imuhe iruko ridashira knd dukomeza kwihanganisha umuryango we.

Philippe k

Imana imuhe iruhuko ridashira.Ndamwibuka twarakoranye muri O.I.M intambara ikirangira yari umwana mwiza cyane


TANGA IGITEKEREZO

Kwamamaza
Kwamamaza
Also in this section
Bernard Munyagishari yakatiwe gufungwa burundu

Bernard Munyagishari yakatiwe gufungwa burundu

Icyiciro cya kabiri cy’abanyamakuru cyatangiye Itorero i Nkumba

Icyiciro cya kabiri cy’abanyamakuru cyatangiye Itorero i Nkumba

Ibuka yanenze ibihano bihabwa abagaragaza ingengabitekerezo ya Jenoside

Ibuka yanenze ibihano bihabwa abagaragaza ingengabitekerezo ya...

Minisiteri y’Uburezi yahagaritse amashami atatu ya Kaminuza ya Gitwe, abanyeshuri basabwa gutaha

Minisiteri y’Uburezi yahagaritse amashami atatu ya Kaminuza ya Gitwe,...

Iradukunda Elsa ni we wambitswe ikamba rya Miss Rwanda 2017

Iradukunda Elsa ni we wambitswe ikamba rya Miss Rwanda 2017

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...