LATEST NEWS
UTUNTU N’UTUNDI
Inkomoko n’igisobanuro cyo kwambarira ipantalo munsi y’ikibuno
Publish Date: mardi 2 juin 2015
VISITS :8192
By admin

Nta gushidikanya ko abantu benshi bibaza inkomoko yo kwambarira ipantalo munsi y’ikibuno, urubyiruko rw’iki gihe rwadukanye.

Inkomoko yo kwambarira ipantalo munsi y’ikibuno, ivugwa ukubiri kandi bibanza gutekerezwaho n’ugiye kuyambara nkuko urubuga africeleb dukesha iyi rwabitangaje.

Amakuru yanditswe ku mbuga nkoranyambaga zivuga ku mibereho y’abantu, avuga ko kwambarira ipantalo munsi y’ikibuno byakomotse mu magereza yo muri leta zunze ubumwe z’Amerika.

Andi makuru avuga ko imfungwa zashakaga gukora imibonano hagati yazo (ubutinganyi), byabaye ngombwa ko zivumbura ubundi buryo butamenywa n’abarinzi b’amagereza.

Kugira ngo izo mfungwa zimenye, hagati yazo, ko zishaka gutingana (kubana kw’abahije ibitsina ) muri gereza, zakoreshaga ikimenyetso cyo kwambarira ipantalo munsi y’ikibuno bikagaragaza ko biteguye kuryamana n’uwo bahuje igitsina.

Ngiyo inkomoko n’ igisobanuro cyo kwambarira ipantalo munsi y’ikibuno, byaje no gukwira ku isi yose.

Icyo Urubyiruko ruvuga ku kwambarira ipantalo munsi y’ikibuno :

Alexi Bizimungu avuga ko kwambarira ipantalo munsi y’ikibuno nta kibazo abibonamo. Yagize ati “kuri njye mbona kwambarira ipantalo munsi y’ikibuno nta kibazo kibirimo kuko n’ababyeyi banjye ntibabimbuza.”

Nsanzabera uzwi ku izina rya Chris yabwiye Imvaho Nshya ko kwambarira ipantalo munsi y’ikibuno, ari sitile igezweho kandi ko ngo uwambaye muri ubwo buryo yumva anyuzwe nabwo.

Umuririmbyikazi akaba n’umunyamideli Aline Gahongayire, avuga ko uwambarira ipantalo munsi y’ikibuno aba ataberewe kandi ngo bihabanye n’umuco nyarwanda.

Yagize ati “ abambarira amapantalo munsi y’ikibuno baba bashaka kwerekana imyenda y’imbere, kugira ngo babikore neza kuri njye nsanga bakwiye kujya kuri pulaje.”

Akomeza avuga ko kwambara utambaye atari byiza. Yongeraho ko urubyiruko rwambarira munsi y’ikibuno, atari ibyo rwihimbiye kuko rubikura ku basitari, na bo kandi ngo babikora kugira ngo amazina yabo akomeze avugwe muri showbiz.

Asaba urubyiruko kutigana imyambarire y’abasitari ahubwo bakihangira imyambarire yarwo ya Kinyafurika cyangwa ya Kinyarwanda ariko nabwo rukabikorana ubwenge.

Francois Nyangezi umukozi w’agateganyo ushinzwe umuco muri Minisiteri y’Umuco na Siporo avuga ko iyo myambarire urubyiruko ruyikomora ku iterambere, kuri interineti na masinema.

Asaba urubyiruko ko niba rugiye kwambara rugomba gutekereza niba biruhesha agaciro. Yagize ati “Ntitubabwiye ngo bambare nk’ibyo mu myaka 100 ishize, ariko nanone rwe guta umuco.”

Avuga ko icyo nka Minisiteri ikora, ari ukumvisha urubyiruko kumva ko umuntu agirwa n’umuco we kandi muri uwo muco ukaba ukubiyemo n’imyambarire.

Kwambarira ipantalo munsi y’ikibuno ahanini usanga bikorwa n’urubyiruko bityo ugasanga imyenda rwambariyemo imbere iragaragara ibintu bifatwa nko kwambara ubusa mu muryango nyarwanda.

Kamurase Hassani

IBITEKEREZO
Tuvugukuri Jonathan

Njye Mbona Kwambara Pocket Nakibi Kirimo Kuko Ninkuko Nabakobwa Bambara Utujipo Tugera Munsi Y Ikibuno. Nonec kwambara utujipo tugufi kubakobw byo mwasobanura aho byavuye ? arko biriho. mureke umusore yambara ibijyanye na visio nkuko n umukobwa yambara ibijyanye nayo. igihe kiragera akabivaho bitewe nimyaka agezemo.

ewurope

birakazep

Faustin Habiyakare

Uwomuco w'urubyiruko ruharaye numwiganano kandi ntibazi inkomoko yabyo. iyo myambalire igaragara nabi abanyarwanda ntibibashimisha. nkabambana kugira ngo urubyiruko rubicikeho mwabishyira mu matolero , mu gipolisi mu gisirikari abashinzwe sport n umuco nandi matsinda atandukanye.ndumva byafasha kumyumvire.

ngabire

Bana bacu nimusigeho mwigendera ku by'abasazi batiyubaha mujye mushishoza, mukore igikwiye. Ese kuki utakwitekerereza imyambarire iguhesheje ishema ? niyo waba ukunda umuntu,,ujye umenya aho afite intege nke,, wibande ku byiza bye, ibibi bye ubigendere kure cyangwa nubishobora umukosore..Kwigana ibii ngo ni ukobyakozwe n'uwaririmbye indirimbo ikagushimisha si byo. Noneho uwo ukunda agutumye kwica wagenda se ? waba utaniyehe n'interahamwe ?

NDABABAYE

NDABABAYE. Kweri urubyiruko rw'u Rwanda ?


TANGA IGITEKEREZO

Kwamamaza
Kwamamaza
Also in this section
Imiti ituma abakobwa bagira ibibuno binini yahindutse ikibazo gikomeye

Imiti ituma abakobwa bagira ibibuno binini yahindutse ikibazo...

Amafoto y’ahantu nyaburanga ha mbere hakurura ba mukerarugendo muri Afurika

Amafoto y’ahantu nyaburanga ha mbere hakurura ba mukerarugendo muri...

Amafoto atangaje utari uzi ya Perezida Obama muri Afurika

Amafoto atangaje utari uzi ya Perezida Obama muri Afurika

Ku myaka 179 y’amavuko Mahashta aremeza ko urupfu rwamwibagiwe

Ku myaka 179 y’amavuko Mahashta aremeza ko urupfu rwamwibagiwe

Ubushinwa:Yuan yatawe muri yombi nyuma yo gufatwa atereta abagore 17 ndetse abaka amafaranga

Ubushinwa:Yuan yatawe muri yombi nyuma yo gufatwa atereta abagore 17...

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...