LATEST NEWS
Ikoranabuhanga
Mu rwego rwo kongera ubumenyi abize iby’ ubuhinzi n’ amashyamba bazajya bakomereza muri IPRC
Publish Date: lundi 10 novembre 2014
VISITS :495
By admin

Théodore Habimana, umuyobozi ushinzwe amahugurwa mu kigo k’ igihugu gishinzwe guteza imbere ubumenyi ngiro (WDA), avuga ko abize iby’ ubuhinzi ubworozi n’ amashyamba (EAV) mu mashuri yisumbuye, bagomba gukomereza amasomo yabo muri IPRC kugira ngo bongere ubumenyi mu myuga baba bize, bityo babashe gufasha abaturarwanda.

Ibi yabivuze haherewe ku ko hari abanyeshuri 143 barangije mu mashuri y’ubuhinzi, ubworozi n’ amashyamba bari bemerewe kwiga mu ishami rya kaminuza y’ u Rwanda ry’ ubuhinzi n’ ubworozi, hanyuma bakimurirwa muri IPRC.

Asobanura ko byari ngombwa kwimurira aba banyeshuri muri IPRC yagize ati “Tugiriwe inama na minisiteri y’uburezi, twabonye ko hakenewe abatekinisiye mu by’ ubuhinzi ku rwego rwo hejuru.”

Yunzemo ati : “Twasanze hari abanyeshuri bari bararangije mu mashuri y’ ubuhinzi n’ ubworozi n’ amashyamba bari bemerewe kwiga muri kaminuza, dusanga byaba byiza baje kwiga mu mashuri y’ imyuga kugira ngo babashe kunononsora neza imyuga bari barize mu mashuri yisumbuye, ndetse bashobore no kuba bajya gutera inkunga abahinzi.”

Ese gukomereza muri Kaminuza bitandukaniye he no gukomereza muri IPRC ? Habimana ati : “ukomeza muri kaminuza ni utegurirwa kuba umushakashatsi mu rwego rw’ibyo ari kwiga. Tuvuge nk’ uwiga ubuhinzi muri kaminuza, yakabaye ushyira ahagaragara nk’ imiti yo kwifashisha mu buhinzi.”

Ariko ngo uwize iby’ ubuhinzi mu mashuri makuru y’ imyuga (IPRC), ni ugomba gukorera mu murima, akaba ari kumwe n’ abahinzi, akareba ibibazo bihari, indwara n’imbuto nshyashya zaba zakozwe na ba bashakashatsi, akazigeza ku bahinzi.

Akomeza agira ati : “Hari abo tuzajya twigisha ibijyanye no kurwanya isuri. Tujya tugira ikibazo cy’ ibura ry’imvura ugasanga abantu bararumbije, turateganya gutangiza amashami ajyanye no kuhira imyaka dukoresheja amazi dufite, atari ukwifashisha indobo cyangwa ibyuhira imyaka ahubwo bakoreheje amamashini cyangwa se n’ ubundi buryo bwo gufata amazi.”

None koreji y’ ubuhinzi n’ ubworozi izajya yigamo ba nde ? “Higa abize ibijyanye n’ amasiyanse mu mashuri yisumbuye kuko baba bagomba gukora nk’ abashakashatsi : n’ ubwo babikora mu buhinzi, bifashisha ibyo bize mu butabire, mu bugenge no mu mibare.”

Aba ngo ni bo baba bagomba no gukomeza muri za masters ndetse na doctorat, bakazanavamo abarimu ndetse bakaba banashyiraho ingingo ngenderwaho (theories).

Jean Paul Kayitare / Rushyashya.net
kaypaul202@yahoo.fr

IBITEKEREZO

TANGA IGITEKEREZO

Kwamamaza
Kwamamaza
Also in this section
Rulindo : Mu mwiherero w’ Abanyamabanga Nshingwabikorwa basabwe gutyaza ubwenge

Rulindo : Mu mwiherero w’ Abanyamabanga Nshingwabikorwa basabwe gutyaza...

Exclusive : Apple, Google to pay $324 million to settle conspiracy lawsuit

Exclusive : Apple, Google to pay $324 million to settle conspiracy...

Global community Ejo Heza mu gikorwa cyo kwigisha gusoma no kwandika hifashishijwe telefoni

Global community Ejo Heza mu gikorwa cyo kwigisha gusoma no kwandika...

Urubuga Rushyashya.net rwabazaniye Version Mobile

Urubuga Rushyashya.net rwabazaniye Version Mobile

Itangwa ry’ ibihembo by’ abanyamakuru byari urusimbi

Itangwa ry’ ibihembo by’ abanyamakuru byari urusimbi

NEW POSTS
Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...

Kigali : Ubutinganyi bwafashe indi ntera

17-03-2017

Kigali : Ubutinganyi bwafashe indi ntera

Gloria Kayitesi Umugore wa Lt. Joel Mutabazi arafatanya na Kayumba mu bikorwa byo guhungabanya umutekano w’u Rwanda

14-03-2017

Gloria Kayitesi Umugore wa Lt. Joel Mutabazi arafatanya na Kayumba mu...

Nta terambere rishoboka bikozwe n’umuntu umwe kabone nubwo yaba Perezida-Kagame

13-03-2017

Nta terambere rishoboka bikozwe n’umuntu umwe kabone nubwo yaba...

Ibitekerezo bya Ange Kagame ku ruhare rw’urubyiruko mu guhashya icyorezo cya Sida

13-03-2017

Ibitekerezo bya Ange Kagame ku ruhare rw’urubyiruko mu guhashya icyorezo cya...