LATEST NEWS
Ikoranabuhanga
Perezida Kagame yagaragaje ko ikoranabuhanga ryagira akamaro rikoreshejwe uko bikwiye
Publish Date: vendredi 23 octobre 2015
VISITS :409
By Admin

Perezida wa Repubulika Paul Kagame yagaragaje ko ikoranabuhanga rishobora guhindura ubuzima bwa muntu mu gihe ribyajwe umusaruro nk’uko bikwiriye.

Ni mu nama y’iminsi itatu ya Transform Africa yaberaga I Kigali kuva ku wambere tariki ya 19 Ukwakira, yasoje imirimo yayo ku mugoroba wo kuri uyu wa gatatu tariki ya 21 Ukwakira.

Iyi nama yigaga ku buryo ikoranabuhanga ryagira uruhare mu guhindura iterambere ry’umugabane wa Afurika.

Perezida kagame yerekanye uburyo ikoranabuhanga riramutse rishyizwe mu mwanya rikwiriye muri gahunda z’ibihugu by’Afurika byazafasha abaturage kugera ku mibereho myiza.

Yagize ati : “ Ikoranabuhanga si bya bikoresho abantu baba barite mu ntoki, ahubwo ni umusaruro bizana ugaragara hafi bikanagirira akamaro abaturage. Ikoranabuhanga rishobora guhindura ubuzima bw’abantu bashobora kuba bataranafatisha intoki zabo kuri Telefoni igezweho, ati : “ urenze kuri ibyo, ikoranabuhanga ryafashije guverinoma gukora ku buryo bwiza kandi bunyuze mu mucyo riha abaturage serivisi. Ati : “ ibi bituma habaho impinduka mu buzima, imikorere ya gasutamo ikihuta n’ibyangombwa by’ubutaka bigatangwa hifashishijwe mudasobwa,”

Mu kiganiro abayobozi batanze, Perezida Kagame we yasobanuye uburyo gushora imari mu ikoranabuhanga bitezimbere inzego zose z’ubuzima z’ibihugu.

Yagize ati : “ Ishoramari mu ikoranabuhanga ntiriza nyuma yo guhagarika iryo mu zindi nzego, iyo washoye imari mwikoranabuhanga mu buryo buziguye cyangwa butaziguye, akenshi na kenshi uba ushoye no mu zindi nzego, uzasanga buri rwego rufite icyo rukeneye kiva ku ikoranabuhanga,” yakomeje agira ati : “ ibi ni bimwe mu byo twize kandi uko ubitangiye hakiri kare ni nako birushaho kuba byiza,”

Perezida Kagame yasobanuye uburyo gukorana n’abafatanyabikorwa hifashishijwe ikoranabuhanga bitanga umusaruro mu mitangire ya serivisi ngo kuko biha uburyo bushya bwo kugeza ku bakiriya serivisi zihuse.

Perezida w’u Rwanda Paul Kagame

Yagize ati : “ Nta nakimwe muri ibi cyari gushoboka iyo hadashorwa imari mwikoranabuhanga mu kwegereza interineti abaturage,”

Perezida Kagame yashimangiye ko ikoranabuhanga ryahinduye imyigishirize mu burezi , aho bishoboka guhererekanya amakuru kuri buri wese.

Yagize ati : “ Afurika ntishobora kuvanwa mwiterambere ry’isi, dushobora gutezimbere ibyo dufite n’umusaruro wacu dukoresheje uburyo bumwe nk’ubw’ibindi bihugu byakoresheje,”

Umukuru w’igihugu yakomeje asobanura ko kubaho kw’ikoranabuhanga bidahindura ubuzima bw’abaturage batabigizemo uruhare mu guhindura imyumvire bakabigira ibyabo kandi bagakora cyane ngo babiharanire.

Ku ruhande rw’ibindi bihugu nka Mali, Gabon n’ Angola, abari bahagarariye ubuyobozi bwabyo bemeje ko hari intambwe ishimishije bigenda bitera bishakisha uko ikoranabuhanga ryabihuza kuko ibyo guhindura ubuzima bw’abaturage bigerwaho ibihugu bitahirije umugozi umwe nk’uko ibihurira mu muhora wa ruguru byabigenje bishyiraho akarere k’itumanaho(One Network Area) yahuriweho n’U Rwanda, Kenya, Uganda na Sudani y’Epfo).

Muri iyi nama ya Transform Afurika, Minisitiri w’urubyiruko n’ikoranabuhanga Jean Philibert Nsengimana yagaragaje ko iyi nama itanga umusaruro ukomeye ku rubyiruko, nk’uko iy’uyu mwaka yitabiriwe n’abikorera ku kigero cya 47 ku ijana.

Inama yasojwe hemejwe ko hagiye gushakwa miliyari zisaga maganatatu (300) z’amadorari y’Amerika akenewe mu ishoramari ry’umugabane w’Afurika mu ikoranabuhanga.

Ifoto y’urwibutso Transform Africa 2015

Elias Hakizimana.

IBITEKEREZO

TANGA IGITEKEREZO

Kwamamaza
Kwamamaza
Also in this section
Rulindo : Mu mwiherero w’ Abanyamabanga Nshingwabikorwa basabwe gutyaza ubwenge

Rulindo : Mu mwiherero w’ Abanyamabanga Nshingwabikorwa basabwe gutyaza...

Exclusive : Apple, Google to pay $324 million to settle conspiracy lawsuit

Exclusive : Apple, Google to pay $324 million to settle conspiracy...

Global community Ejo Heza mu gikorwa cyo kwigisha gusoma no kwandika hifashishijwe telefoni

Global community Ejo Heza mu gikorwa cyo kwigisha gusoma no kwandika...

Urubuga Rushyashya.net rwabazaniye Version Mobile

Urubuga Rushyashya.net rwabazaniye Version Mobile

Itangwa ry’ ibihembo by’ abanyamakuru byari urusimbi

Itangwa ry’ ibihembo by’ abanyamakuru byari urusimbi

NEW POSTS
Ibimenyetso bishya ku ihanurwa ry’Indege ya Habyarimana : Imbunda yakoreshejwe irasa missile yafatiwe muri Congo

27-02-2017

Ibimenyetso bishya ku ihanurwa ry’Indege ya Habyarimana : Imbunda...

Amaraso arasama : Kayumba yataye umutwe asigaye arara kumva ya Karegeya

26-02-2017

Amaraso arasama : Kayumba yataye umutwe asigaye arara kumva ya...

Umugororwa Rugamba Jovin arashakishwa uruhindu kubera gutoroka gereza nshya ya Mageragere

26-02-2017

Umugororwa Rugamba Jovin arashakishwa uruhindu kubera gutoroka gereza...

Uko Dusabe Therese nyina wa Victoire Ingabire yoretse imbaga i Butamwa

25-02-2017

Uko Dusabe Therese nyina wa Victoire Ingabire yoretse imbaga i...

Guverinoma y’Icyuka isa n’abana batoba akondo

24-02-2017

Guverinoma y’Icyuka isa n’abana batoba akondo

Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda