LATEST NEWS
Imiyoborere myiza
Urubanza rwa Col Byabagamba na Brig Gen Rusagara rwongeye gusubikwa
Publish Date: mardi 27 janvier 2015
VISITS :820
By admin

Kuri uyu wa kabiri tariki ya 27 Mutarama 2015 urukiko rukuru rwa Gisirikare rwongeye gusubika urubanza ruregwamo Brig General na Col Tom Byabagamba na SGT Francois Kabayiza. Aba bose uko ari 3 bari bitabye baje kuburana mu mizi ibyaha baregwa.

Ubwo uru rubanza rwatangiraga, mbere y’uko ubushinjacyaha buhabwa umwanya ngo busobanure uburyo ibyaha byakozwe n’ibimenyetso bishingirwaho buri wese ashinjwa, uruhande rw’abaregwa rwahise rugaragaza inzitizi z’uburwayi bw’umwe muri bo, bwatumye nyuma yo kubujyaho impaka, urubanza rusubikwa.

Uwagaragaje ibimenyetso by’uburwayi ni Sgt Kabayiza François Muri uru rubanza yagaragaye nk’umuntu ufite intege nke, asusumira ndetse anakorora cyane, bikaba byanatumye yemererwa kuburana yicaye mu gihe bagenzi be bo bari bahagaze.

Sgt Kabayiza n’Umwunganira bavuze ko yajyanwe ku Bitaro byitiriwe Umwami Faisal acishwa mu cyuma, ariko yoherezwa no ku muganga wo ku bitaro by’i Ndera, akaba atarabona ibisubizo bya muganga.

Byumvikanyweho n’impande zombi z’ababuranyi Umucamanza yahise asubukika Urubanza, hemezwa ko ruzasubukurwa nyuma y’ibyumweru bitatu urwaye yamaze kwivuza, atangaza ko ruzaburanishwa kuwa 25 Gashyantare 2015 saa tatu.

Hagati aho, Me Gakunzi Musoni Valery wunganira Col.Byabagamba yasabye ko umukiriya we yaburana ari hanze, kuko impamvu zatangwaga n’Ubushinjacyaha mu rubanza ku ifunga n’ifungura by’agateganyo zitakiriho.

Yavuze ko kuba iperereza ryararangiye, impamvu yatangwga ko Col. Byabagamba aburanye ari hanze yakotsa igitutu abatangabuhamya, nta shingiro bigifite, kuko dosiye yamaze gushyikirizwa Urukiko, kandi aho atuye mu Karere ka Gasabo, Ubushinjacyaha bukaba buhazi.

Ibyo kuba yacika ubutabera, Me Gakunzi yavuze ko umukiriya we afite ubushake bwo kuburana, igihe cyose ubutabera bwamukenera bwamubona.

Brigadier General Franck Rusagara na Col Tom Byabagamba baarashinjwa ibyaha byo gukwiza nkana ibihuha bagomesha rubanda bagamije arwangisha ubutegetsi, bagashinjwa na none ibyaha byo gusebya Leta, no guhisha nkana ibintu byagombye gufasha kugenza icyaha gikomeye.

By’umwihariko Col Tom Byabagamba hiyongeraho icyaha cyo gusuzugura ibendera ry’igihugu.

Brig Gen Frank Rusagara wasezerewe mu gisirikare mu byaha ashinjwa hiyongeraho icyaha cyo gutunga imbunda mu buryo bunyuranyije n’amategeko.

Sgt Kabayiza François wasezerewe mu gisirikare we ashinjwa icyaha kimwe rukumbi cyo guhisha nkana ibintu byagombye gufasha kugenza icyaha gikomeye.

Uhereye hagati ni Col Tom Byabagamba SGT Francois ubunganira mu mategeko na Brig General Franck Rusagara

Kuwa 30 Nzeli 2014, Urukiko rwa Gisirikare rwa Nyamirambo rwabakatiye bose gufungwa iminsi 30 y’agateganyo ngo hakorwe iperereza, hanakusanywe ibimenyetso bibashinja.

Iki gihano cyajuririwe mu Rukiko Rukuru rwa Gisirikare rwa Kanombe, bagaragaza ko bafunzwe ukwezi kurenga Ubushinjacyaha butagombye kuvuga ko bugishakisha ibimenyetso. Ubu bujurire ariko ntacyo bwagihinduyeho.

Uko ari batatu batawe muri yombi mu minsi yegeranye. Brig Gen Rusagara yafunzwe kuwa 18 Kanama 2014, Col Tom Byabagamba afatwa ku wa 23 Kanama 2014, naho Sgt Kabayiza afatwa kuwa 24 Kanama 2014.

Iyi nkuru turacyayikomeza



Alphonse Munyankindi / Rushyashya.net

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame yahawe igihembo cyo kugarura icyizere mu Banyarwanda no kwimakaza demokarasi

Perezida Kagame yahawe igihembo cyo kugarura icyizere mu Banyarwanda no...

Ruswa Urayirya nayo ikakurya ! Tugarure Ubumuntu !

Ruswa Urayirya nayo ikakurya ! Tugarure Ubumuntu !

Umujyi wa Amsterdam wahaye Perezida Kagame umwambaro w’ikipe ya Ajax

Umujyi wa Amsterdam wahaye Perezida Kagame umwambaro w’ikipe ya...

Gatsibo : Abaturage bafatanije na polisi barubaka sitasiyo ya polisi izatwara miliyoni 32

Gatsibo : Abaturage bafatanije na polisi barubaka sitasiyo ya polisi...

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...