LATEST NEWS
Imiyoborere myiza
Gicumbi : Abanyeshuri ba Gishambashayo barasaba ubuvugizi
Publish Date: mardi 3 février 2015
VISITS :369
By admin


Abanyeshuri ba GISHAMBASHAYO mu murenge wa Rubaya mu karere ka Gicumbi barasaba intumwa za rubanda kubegereza amashuri kugira ngo imyigire yabo igende neza.

Bamwe mu banyeshuri b’ umurenge wa Rubaya ubarizwa mu karere ka Gicumbi bavuga ko kuba amashuri abari kure bituma bahura n’ ingorane zitandukanye kugeza nubwo bamwe bava mu ishuri kubera gucika intege zo kujya kwiga kure bityo bagasaba intumwa za rubanda kubakorera ubuvugizi kugirango begerezwe amashuri kuko ahari ari kure.

Aba banyeshuri batuye muri centre ya GISHAMBASHAYO mu murenge wa Rubaya mu karere ka Gicumbi bavuga ko hari umusozi muremure bamwe bazamuka bajya kwiga abandi bakajya Cyumba, ibintu bavuga ko bituma amasomo yabo atagenda neza aho bavuga ko bituma abana bakiri bato bacika intege bakanava mu ishuri.

Aba banyeshuri baganiriye na Radio Ishingiro dukesha iyi nkuru bagize bati : “ Dore uriya musozi uri hakurya ujya Bungwe mu karere ka Burera niwo tuzamuka tujya kwiga cyangwa se tukazamuka Cyumba, ibi biratubabaza kuko tugera mu rugo bwije iyo tuva ku ishuri nkatwe twiga muri Nine(Nine Years Basic Education : Uburezi bw’ Ibanze bw’ Imyaka Icyenda) bityo tukabura uko dusubira mu masomo”.



Hon Gatabazi Jean Marie Vianney abanyeshuri ba Gishambashayo bakeneye ubuvugizi bwawe.

Izi mpungenge zo kuba amashuri ari kure yabo kandi abanyeshuri bazisangiye n’ ababyeyi aho basaba ko ubuyobozi bwakora ibishoboka byose bukabegereza amashuri kugira ngo imyigire y’ abanyeshuri igende neza kuko hari n’ abareka ishuri bitewe no kwiga kure.

Umwe mu babyeyi yagize ati :” Abana bacu kujya ku ishuri baravunika, cyane cyane abiga ku mashuri y’ ibanze urabona ko ari bato bazamuka hariya hejuru abandi bakazamuka iriya abandi bakajya Cyumba, umwana muto w’ imyaka itandatu hari igihe yanga kujya kwiga bitewe nuko baba biga kure bikaba ngombwa nanjye mu mirimo yanjye ko nkererwa nkirwa mu rugo nkategereza ko amasaha agera kugira ngo umwana abone uko ajya ku ishuri”.

Ubuyobozi bwo buvuga ko bugiye gukora ubuvugizi kugira ngo iki kibazo gishakirwe umuti kandi ngo usibye no muri RUBAYA ngo n’ ahandi kiri mu karere ka Gicumbi kigiye gushyirwamo imbaraga,.

GATABAZI Jean Marie Vianney, umudepite mu nteko ishinga amategeko y’ u Rwanda na we avuga ko iki ari ikibazo gikomeye ariko ngo bagiye kugikorera ubuvugizi ndetse baganire n’ ubuyobozi bw’ akarere ka Gicumbi kandi ngo bigomba gukorwa mu gihe cya vuba.

Gatabazi ati :”Ni ikibazo gikomeye abana ba Gishambashayo hariya bazamuka imisozi bajya Cyumba hejuru abandi bakazamuka imisozo bajya mu mudugudu wa Kabeza abandi bakazamuka imisozi bajya za Burera, abana bato b’ imyaka itanu, itandatu urumva ni ibintu bidashimishije, ibyo tuzabikorera ubuvugizi, hari n’ abandi bantu benshi byababaje ku buryo twifuza yuko kiriya gikorwa cyo kubegereza amashuri byakemuka vuba, tuzabiganira ku rwego rw’ akarere ariko tuzanabikorera ubuvugizi kimwe n’ ahandi muri aka karere n’ ibindi bibazo twagiye twakira ku buryo bikemuka vuba.

Amashuri naramuka yubatswe akegerezwa abanyeshuri muri uyu murenge wa Rubaya ndetse n’ ahandi hari ikibazo cyuko ari kure yabo mu karere ka Gicumbi byazongera ireme ry’ uburezi dore ko hari nk’ aho abanyeshuri bacika intege bakava mu ishuri cyangwa se bakaniga igihe gito mu gihe baba bakererewe ari na byo ngo bitera bamwe umusaruro muke mu ishuri.

Alphonse Munyankindi / Rushyashya.net

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame yahawe igihembo cyo kugarura icyizere mu Banyarwanda no kwimakaza demokarasi

Perezida Kagame yahawe igihembo cyo kugarura icyizere mu Banyarwanda no...

Ruswa Urayirya nayo ikakurya ! Tugarure Ubumuntu !

Ruswa Urayirya nayo ikakurya ! Tugarure Ubumuntu !

Umujyi wa Amsterdam wahaye Perezida Kagame umwambaro w’ikipe ya Ajax

Umujyi wa Amsterdam wahaye Perezida Kagame umwambaro w’ikipe ya...

Gatsibo : Abaturage bafatanije na polisi barubaka sitasiyo ya polisi izatwara miliyoni 32

Gatsibo : Abaturage bafatanije na polisi barubaka sitasiyo ya polisi...

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...