LATEST NEWS
XXXXXXXXXXXXXXXXXXXXXXX
Amayobera ku rupfu rwa Patrick Karegeya
Publish Date: mercredi 15 janvier 2014
VISITS :1352
By admin

Kuri uyu wa kane tariki ya 02 Mutarama2014, nibwo inkuru yabaye kimomo mu bitangazamakuru byinshi byiriwe bitangaza ko Patrick KAREGEYA yiciwe mu gihugu cy’ Afurika y’epfo muri Hoteli Michelangelo Towers iri mu gace ka Sandton,mu mujyi wa Johannesburg.

Inkuru y’urwo rupfu ikimara kumenyekana havuzwe byinshi cyane ku buryo kumenya neza icyo yazize bisaba ubushishozi. Abarwanya Leta iriho mu Rwanda bahise bihutira gutangaza ko yishwe na Guverinema y’u Rwanda.
Nyamara ukoze neza isesengura, hari ibintu bitatu by’ingenzi byatuma uwariwe wese yasobanukirwa uburyo uyu mugabo yishwemo n’impamvu zishobora kuba zarateye urwo rupfu :

1. Ese umuntu yaguhamagara ngo umusange kuri Hotel akaba ariwowe ukodesha chambre muri buhuriremo ?Ibi bikaba bitumvikana ukuntu Col. Karegeya yaba yaraguye muri chambre ya Hotel we ubwe yafashe ngo aze kubonaniramo n’uwomuntu bavuga wamugambaniye , ese wajya kureba umuntu warangiza ugafata chambre ya Hotel muri buhuriremo, kuko iyo chambre bigaragara ko yari iya Karegeya kandi ntabwo yabaga muri iyo Hotel, kuki yafashe chambre ?

2. Ese kuki Col. Karegeya yari yarahawe abamurinda na Leta y’Afrika y’Epfo,akagenda abihishe, yarangiza akajya gukodesha chambre muri hotel iri mu mujyi abamo, ubwo ntabintu yari arimo yashakaga gukora rwihishwa kugirango abamurinda batabimenya ? kuki yagiye yihishe abantu bamurindaga, kuki yabakwepye !

3. Ese abavuga ko yahamagawe na Apolo hari gihamya igaragaza ko koko yamuhamagaye ngo babigaragarize na polisi mu iperereza ?

Ibi bintu uko ari bitatu uwabikorera isesengura wese yabonamo ukuri kuruta ibyirirwa bitangazwa ku rupfu rw’uyu mugabo n’abaharabika Leta y’u Rwanda.

Uhuje iri sesengura n’ibivugwa ku rupfu rwa Karegeye ubonamo ibi bikurikira :

Ibitangazamakuru nka Leprophete.fr byakunze kuvuga ko Patrick KAREGEYA yishwe n’uwitwa APOLLO KIRISISI bari bagiye guhura, bakaba bari basanzwe ngo bakorana ashinzwe kumunekera Leta y’u Rwanda na RPF.Uwo APOLLO ntahantu bagaragaza ahuriye na Leta y’u Rwanda ngo bavuge ko ariyo yamutumye ngo ni umucuruzi bivuze ko ari umuntu wikorera ku giti cye,si umusirikari,umupolisi cyangwa umukozi wa Leta.Abari kugereka urupfu rwa Patrick KAREGEYA kuri Leta y’u Rwanda nta bimenyetso bafite.

Abavugira Leta nka Ambasaderi muri Afurika y’epfo Vincent KAREGA baribaza aho babikura. Ese niba koko APOLLO yari asanzwe akorana na KAREGEYA amunekera kuki wenda batapfuye ko yanze kumuhemba cyangwa andi mabanga bafitanye ? Ese ko uwo APOLLO yari umucuruzi, kuki wenda batari bafatanyije maffia hanyuma akamwicisha kugira ngo yikubire umutungo wenyine ?

Amacakubiri mu ishyaka RNC : Hamaze iminsi havugwa ubwumvukane buke mu ishyaka RNC ndetse n’ubushyamirane kubera amatora. Imbuga za internet nka www.leprophete.fr na www.rushyashya.net ntizahwemye kubivuga. Erega Karegeya yanakwicwa na mugenziwe Kayumba Nyamwasa bapfa imyanya y’ubuyobozi mu ishyaka ryabo RNC, dore ko ubu barimo no gushinga umutwe wa gisilikare aho Col. Karegeya yifuzaga kuzamurwa muntera agahabwa ipeti rya General n’umwanya ukomeye w’ubuyobozi bw’ubutasi bwa Gisilikare. Uwashaka kumva neza ko ibi bishoboka yasoma inkuru ya Rushyashya yo ku wa 31 Nyakanga 2013 igira,iti”KAYUMBA NYAMWASA ARASHINJWA URUPFU RWA LIEUTENANT DAN TWAHIRWA”.None kuki hagati y’abayoboke ba RNC batakwicana bapfa ubutegetsi n’ibindi bibazo bafitanye ?

Ukwihorera ku bakunzi ba Christophe MATATA:Nk’uko byakunze kuvugwa,Patrick KAREGEYA akekwaho ko ari we wicishje umuhanzi ukomoka mu gihugu cy’u Burundi Christophe MATATA abinyujije ku mukobwa w’umurundikazi wari ihabara rye wamuhaye uburozi.Abakunzi ba Christophe MATATA na bo bashobora kuba bashatse kwihorera bakaba baha ifaranga uwo APOLLO KIRISISI maze akamwivugana.
Intagondwa z’abahutu zamunzwe n’irondakoko n’ingengabitekerezo ya jenoside:Abahezanguni b’abahutu barimo Padiri Thomas NAHIMANA,umuyobozi w’urubuga rw internet www.leprophete.fr ruzwiho irondakoko,na Simeon MUSENGIMANA,Umuyobozi wa radiyo “Ijwi rya Rubanda” ubu ngubu ifatwa nka RTLM,bari bamaze igihe bikoma cyane Patrick KAREGEYA,KAYUMBA NYAMWASA,Theogene RUDASINGWA… ngo bafite ibiganza bijejeta amaraso.Birashoboka rero ko izo ntagondwa z’abahutu zaba zitangiye kubikiza zihereye kuri KAREGEYA.

Uburaya cyangwa ubuhabara:Birazwi cyane ko Patrick KAREGEYA akunda gusambana.Ndetse kubera iyo ngeso yakingiye ikibaba umunyemari KABUGA Felicien wagize uruhare rukomeye muri jenoside yakorewe abatutsi muri Mata 1994 kubera gusambanya umukobwa we, byatumye ashaka kumuhesha imitungo ya se w’umujenosideri .

Nk’uko www.rushyashya.net yabitangaje mu gitondo cyo kuri uyu wa kane tariki ya 02 Mutarama 2014 ngo KAREGEYA ashobora no kuba yazize umugore w’umuzungu yasambanyaga.Umunyamakuru wa BBC Gahuzamiryango yagize ati’’Igipolisi kivuga ko yaba yaranizwe,ijosi ry’iwe basanze ryabyimbye kandi batoraguye essuie-main iriho amaraso mu cyumba basanzemo ikiziga cy’iwe…”Ayo makuru ntavuga ko bamusanze mu cyumba cya APOLLO KIRISISI uvugwa ko ari we wamwishe. Ngo ahubwo “bamusanze mu cyumba cy’iwe”.Ese yakoraga iki muri icyo cyumba yari yafashe kuburyo abishi be bamwihishe muri icyu cyumba cye ? Ese ntaza Camera ziri muri icyu cyumba ngo zibe zarasigaranye amashusho yashingirwaho mu iperereza . Ni ugukomeza itohoza.

Abarwanya Leta iriho mu Rwanda muri iki gihe bahora bayitwerera ibibi byose.uko basebya u Rwanda n’Abanyarwanda na bo baba bisebya.Nibajye bareka kuvugira mu cyuka batange ibimenyetso.None se ko abanyepolitiki barwanya u Rwanda n’Abanyarwanda , ubwabo batumvikana kuki batakwicana hagati yabo ?

Wowe isesengura ryawe rirakwereka iki ?

Cyiza Davidson

IBITEKEREZO
justin

abo batubuza amahoro batuje bakatureka ko imana ariyo igomba kuducira urubanza ?

RWANDA

Ariko nkubu uri umunyamakuru kweli ? ufite isesengura ripfuye pe !! kuburyo nikinyamakuru ukorera kibigwamo.

Donat

Ndabona uwanditse ibi mumurenganya ko avuze uko abyumva mwe muramunenga mushingiye kuki ?Hari andi makuru arenze aya namwe mwayatugezaho,

uwanziza

ariko wize itangazamakuru ?ushatse wakwigira muri politique kuko itangazamakuru ryo ntaryo ushoboye kabisa.reka gufana

joseph

ukuri kuzwi nuwamwisshe naho wowe urarengana urishakira umugati peeeeeeeeeeeeeeeee ntawutema ishami aryicayeho

muti

ariko ntimugatukane sibyiza kumbuga nkizi !! mwagiye mushaka aho muhurira mugatukana mwenyine ntawe mubitumiyemo ?

kk

gusa uyu wanditse iyi nkuru biragaragara ko afite amarangamutima menshi na politiki nyinshi, rwose umunyamakuru ntabwo ari umuvugizi, mugomba kuba neutre nimutisubiraho iki kinyamakuru cyanyu bazagica amazi pe

Kassim

Iyi nkuru ya Patrick Karegeya mwayisize amavuta n' urusenda rwinshi Cyaneee !! Ewe abanyarwanda sinzi ahantu navuga twigiye ikintu cyitwa kubeshya !!! Mbese n'ujya kubeshya nta nabanza ngo arebe abo abwira abo aribo ? u Munyarwanda w'uyu munsi ntabwo ari umunyarwanda wo mu myaka 5 ishize so bene nk'izi nkuru turazisoma ariko ni bacyeya cyane zigera ku mutima kuko nta kindi kiba kizihishe inyuma usibye inyungu za Politique. Inama nabagira, mukore itangazamakuru ry'umwuga naho ubundi ibi babyita kwitesha agaciro byazaviramo ikinyamakuru cyanyu kubura isoko kubera "manque de credibilite". Mugire amahoro.

ruhu

ariko sinari nabona ikigoryi nkawe


TANGA IGITEKEREZO

Kwamamaza
Kwamamaza
Also in this section
Twagiramungu alias Rukokoma yayobotse umutwe w’ iterabwoba FDLR

Twagiramungu alias Rukokoma yayobotse umutwe w’ iterabwoba FDLR

Washington:u Rwanda rwongeye gutera utwatsi raporo ya Human Right Watch

Washington:u Rwanda rwongeye gutera utwatsi raporo ya Human Right...

Hollande officialise sa rupture avec sa compagne

Hollande officialise sa rupture avec sa compagne

KUKI ABANYAPOLITIKI BIYITA NGO NI OPOZISIYO BATINYA GAHUNDA YA « NDI UMUNYARWANDA » ?

KUKI ABANYAPOLITIKI BIYITA NGO NI OPOZISIYO BATINYA GAHUNDA YA « NDI...

Iraq forges new strategy to defeat fighters

Iraq forges new strategy to defeat fighters

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...