LATEST NEWS
XXXXXXXXXXXXXXXXXXXXXXX
Padiri Thomas Nahimana : Umunyepolitiki ufite Impamyabumenyi y’ikirenga mu gutukana
Publish Date: jeudi 13 février 2014
VISITS :1060
By admin


Kuri uyu wa kane tariki ya 19 Ukuboza 2013,Padiri Thomas NAHIMANA yasohoye ku rubuga rwe rutwitsi “ www.leprophete.fr” inkuru ya RUSHYASHYA igira iti”IKIBAZO SI UGUKATIRWA IMYAKA 15 AHUBWO NI UBURYO AZITWARA MURI GEREZA”

Iyo nkuru yanengaga Abanyapolitiki bamwe bihishe i Bulayi bahise basohora amatangazo banenga igihano inkiko zahaye INGABIRE Victoire batabanje gusesengura ngo barebe niba ibyaha Ubushinjacyaha bw’u Rwanda bumushinja atarabikoze koko.

Igihe ubutabera bw’u Rwanda buri mu rwego rushimishije ku buryo amahanga abushima,Abanyarwanda bashakisha amaronko mu gusebanya bakomeje kuburwanya nta kindi babunenga babuziza gusa ko ari ubw’u Rwanda.

Mbere yo kwandukura inkuru ya www.rushyashya.net uko yakabaye, Padiri Thomas yarabanje yifatira ku gahanga umwanditsi CYIZA Davidson,agaragaza ko yiyambuye umwambaro w’ubupadiri kera,maze akora mu nganzo y’ibitutsi.

Ibitutsi bya Padiri Thomas bikomeje gushimangira ko afite ubwoba bwo kuzakatirwa igihano gisumbye icya Victoire INGABIRE kuko amaze kwigwizaho ibyaha bihanwa n’amategeko mpuzamahanga ; igisigaye gusa ari imbarutso maze agafatwa.

Nk’uko bimenyerewe,Padiri Thomas yatukaguye CYIZA maze amugerekaho ibimuriho,ari na byo tugira ngo tugaragaze muri iyi nyandiko :
*Biragaragara ko Padiri Thomas NAHIMANA ” yataye umutwe” kuko ntibyumvikana ukuntu Umupadiri muzima yashinga urubuga rw’ibitutsi n’amacakubiri,akandagaza umugiriye inama wese,akiba umushinga w’Ishyaka rya Faustin TWAGIRAMUNGU akawuhinduramo Ishyaka ISHEMA maze akiyemeza kuriyobora.

*Muri uko guta umutwe,ikimaze iminsi cyibazwa ni ukumenya niba Padiri Thomas yikoresha cyangwa niba atari igikoresho cy’inyangabirama zitishimira ibyiza u Rwanda rwagezeho.Padiri Thomas ni “ingorofani” y’abanga kuva ku izima ngo bemere ko batsinzwe maze bayoboke FPR-Inkotanyi,bagahora barota guhirika Leta.

*Padiri Thomas NAHIMANA afite “ibitekerezo n’ibyiyumviro byo hasi cyane” kuko intwaro ye ikomeye si uguhangana mu bitekerezo ahubwo ni ugutukana,gusebanya no guharabikana.Kuri we,”kugira akenge mu mutwe” ni ukubona ibintu no gutekereza kimwe na we.

*Padiri Thomas ni “gateranya”.Arashaka guteranya Perezida KAGAME na Tom NDAHIRO ndetse na CYIZA Davidson.Ariko ibyo nta gitangaza kirimo kuko ari bumwe mu buryo akoresha ajijisha ngo aragira inama Perezida KAGAME yo kwirinda abamushuka cyangwa abamuyobya kandi ari agamije kumuca ku bantu.Arisararanga ngo ari kumugira inama yarangiza agashira isoni,akisararanga,akamutukagura.

*Padiri Thomas ni “inkonkobotsi” muri politiki.Kuva aho ahungiye Igihugu amaze gusahura Paruwasi ya Muyange yari abereye Padiri Mukuru no gutobanga Komisiyo y’Ubutabera n’Amahoro yari ashinzwe muri Diyosezi ya Cyangugu,ubu yikunkumuyemo “inkonkobotsi “ y’umunyepolitiki wirirwa asenya.
*Padiri Thomas “ntazi gutandukanya iburyo n’ibumoso”.

None se Umupadiri wubahutse Musenyeri we akamutuka izuba riva yarangiza akamwagukira !None se Umupadiri wandagaje ku mugaragaro Abapadiri bagenzi be basangiye ibanga rya gisaseridoti !None se Umupadiri wigize inzobere mu bya gisirikari na polisi ku buryo adahwema kwigerera izo nzego Abanyarwanda bakesha umutekano !None se Umupadiri utubaha Prezida wa Repubulika nk’urwego rukuru rw’igihugu akibwira ko “yarutoba cyangwa yarutobera” !

*Inkuru na za “analyses “ bya Padiri Thomas ni “mbonezarwango” kandi bigaragaza ko afite “ubwenge bugereranyije”.Emmanuel NERETSE,Tom NDAHIRO na RUSHYASHYA barabigaragaje.Igisigaye ni uko ashyikirizwa ubutabera akabibazwa, bwaba ubw’u Rwanda cyangwa mpuzamahanga.

*Padiri Thomas yarasaze agwa ku ijambo:Abanyarwanda si injiji.Koko rero “Abanyarwanda si injiji” nk’uko abikeka.Barangije kumutera imboni basanga ibyo yandika n’ibyo avuga nta kiro “bipima”.Aragosorera mu rucaca.Igisigaye ni uko dosiye ikorwa,igashyikirizwa ubutabera maze agatangira akarya indimi.Padiri Thomas ntakeke ko azakomeza guhionyora amategeko kandi inzego zishinzwe kuyubahiriza ziriho.

Padiri Thomas NAHIMANA gutukana amaze kubigira umco.Ikiri gutohozwa ni ugukurikirana kugira ngo abantu bamenye niba abyize vuba kubera kwijandika muri politiki akaba akinira mu kibuga atazi, cyangwa niba ari ko yarezwe.Ukuri ntikuzatinda kumenyekana.

Cyiza Davidson/Rushyashya.net

IBITEKEREZO
kinamba

mumureke uyu yarazengereye, yijyanye mu bupadiri , nyuma arahobagira ashaka kubuvamo none dore izina rye n'iry akiliziya ari kubyangiriza , mumureke ntazi ikimuhatse

bibiche

nimuhe padiri thomas amahoro, dore ko mudakunda ubambwiza ukuri, uwicisha inkota nawe niyo izamwica, nta maraso yamennye ,turamukunda kandi imana wabona idukoreye igitangaza tukayoborwa nu mu padiri yeba weee mbega ibyiza ,mbega amahoro i Rwanda, mana haba padiri umugisha atuyobore umurinde abagabanyi n abagizi ba nabi, komera mwana w imana thomas turi kumweeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee

umusaza

Rushyashya se mwe ki ko ntabunyamakuru bwanyu

haruna

umuco wo kudahana iyaba wubahilizwa kunisi yose ubu amahoro aba ahinda, ariko kuba hari abaemera guhisha abanyamakosa nibyo bizatuma ntaho tugera, gusa araryeari menge kuko ibi yirirwa avugira hanze biharabika u Rwanda aje yabhanirwa kandi birimvikana ntawaba amurenganyije

huhu

ariko ubundi kiriziya gatorika yamufatiye ibihano ko mbona ntanicyo ayimariye uretse kuyisebya gusa !!!

basabose

Niko se Cyiza we , Niba Padiri afite impamyabushobozi ihanitse mugutukana , ubu wowe ufite imeze ite ??? ncg Mwaliganye , aliko bigaragara ko wamurushaga amanita kuko umulimbere KBS !!!! Gusa baca umugani ngo : nujyagutokora ijisho ryamugenzi wawe , ujye ubanza ukure umugogo uli muryawe !! Please ongera usome ibyo wanditse !!!


TANGA IGITEKEREZO

Kwamamaza
Kwamamaza
Also in this section
Washington:u Rwanda rwongeye gutera utwatsi raporo ya Human Right Watch

Washington:u Rwanda rwongeye gutera utwatsi raporo ya Human Right...

Hollande officialise sa rupture avec sa compagne

Hollande officialise sa rupture avec sa compagne

KUKI ABANYAPOLITIKI BIYITA NGO NI OPOZISIYO BATINYA GAHUNDA YA « NDI UMUNYARWANDA » ?

KUKI ABANYAPOLITIKI BIYITA NGO NI OPOZISIYO BATINYA GAHUNDA YA « NDI...

Amayobera ku rupfu rwa Patrick Karegeya

Amayobera ku rupfu rwa Patrick Karegeya

Iraq forges new strategy to defeat fighters

Iraq forges new strategy to defeat fighters

NEW POSTS
Komite y’inzego z’Iperereza n’Umutekano muri Afurika yahuriye mu nama I Addis Ababa

23-01-2017

Komite y’inzego z’Iperereza n’Umutekano muri Afurika yahuriye mu nama I Addis...

Ibyiza dukesha ikoranabuhanga biruta kure ibibazo rishobora gutera - Perezida Kagame

23-01-2017

Ibyiza dukesha ikoranabuhanga biruta kure ibibazo rishobora gutera -...

Abanyafurika bakeneye kwihutisha ibyo bakora ngo hagerwe ku byo batashoboye kugeraho- Kagame

23-01-2017

Abanyafurika bakeneye kwihutisha ibyo bakora ngo hagerwe ku byo batashoboye...

Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika