LATEST NEWS
XXXXXXXXXXXXXXXXXXXXXXX
Rutihunza Theobald n’agatsiko ke bakomeje kwihisha inyuma y’Abanyacyangugu
Publish Date: mercredi 29 janvier 2014
VISITS :576
By admin


RUTIHUNZA Theobald uvuga ko aharanira uburenganzira bwa muntu ,ubu akaba ayobora umuryango LIPRODHOR wateshutse ku nshingano zawo ,aherutse gusohora inkuru ku rubuga rutwitsi www.leprophete.fr aho asebya ikinyamakuru RUSHYASHYA agihimbira ngo gifite umugambi mubisha wo kurimbura Abanyanyangugu.Gusa rero, yishyize hanze kuko yagaragaje ko ari mu murongo w’Abapadiri b’intagondwa bakomoka muri Diyosezi ya Cyangugu biyemeje gusebya urwababyaye kandi akorana na bo bya hafi.

Iyo nyandiko kimwe n’izindi nyandiko za www.leprophete.fr yuzuyemo amacakubiri,nta gitekerezo kizima kirimo nk’uko bigaragarira uyisoma wese :
*Umutwe w’inyandiko ye ubwawo uteye urujijo:Ese ni nde ushaka kurimbura Abanyacyangugu ?Ese uwo ushaka kurimbura Abanyacyangugu arabahora iki ?Ese Abo Banyacyangugu bavugwa ni ba nde ?

Iyo usomye iriya nyandiko ubona Abanyacyangugu bavugwa ari RUTIHUNZA Theobald ubwe,Faustin TWAGIRAMUNGU alias RUKOKOMA,Jean Marie Vianney NDAGIJIMANA,Padiri Thomas NAHIMANA, Padiri Fortunatus RUDAKEMWA na NZEYIMANA Oscar.

Aha ni ho RUTIHUNZA Theobald yibeshya cyane.Aba banyepolitiki bashyize imbere inyungu zabo bwite ntibahagarariye Abanyacyangugu.Niba bikirigita bagaseka bakibwira ko bavugira Abanyacyangugu baribeshya cyane.Iyo bisararanga ku maradiyo,Abanyacyangugu bumva bari kubamena umutwe n’inyandiko zabo zibatera ishozi.Nta kintu bamariye Abanyacyangugu kandi niba birirwa bomongana mu mahanga babeshya ngo baravugira Abanyacyangugu nibasigeho kuko nta munyacyangugu wabatumye.

Niba RUTIHUNZA Thebald yumva mu mutwe we ko Abanyacyangugu ari biriya bisahiranda bafatanyije gusebya Igihugu no kubiba amacakubiri,RUSHYASHYA ntizabaha amahwemo.Ariko RUSHYASHYA ntigamije kubarimbura nk’uko babyibwira ahubwo iratera mu rya Leta y’Ubumwe ihora ihamagarira abahunze igihugu bose gutahuka bagafatanya n’abandi banyarwanda kubaka urwababyaye.

Inyandiko ya Rutihunza Theobald igaragaza ko yasesewe n’ingengabitekerezo y’amacakubiri.Uwamunzwe na yo weseahora yibwira ko ahagarariye ubwoko,akarere,idini…kandi ntawamushyizeho.Ibyo Theobald na bagenzi be bavuga cyangwa bakora,babikora ku giti cyabo,ni bo bagomba kubibazwa.Niba hari n’Abanyacyangugu bakorana na bo,ntibigomba kwitirirwa Abanyacyangugu bose.Kandi abo bakorana na bo ntibari bagikwiye kwitwa Abanyacyangugu ahubwo ni ingambanyi ziri gutema ishami zicayeho.

Niba Rutihunza Theobald akunda Abanyacyangugu koko,yagombye kwamagana FDRL-niba na we atayirimo-yo ikomeje kubuza impunzi zirimo n’Abanyacyangugu gutahuka,ikazifataho ingwate izigira urwitwazo maze igakomeza kuyobya amahanga ngo ifite icyo irwanira kandi iri kurengera inyungu z’agatsiko ka RUTIHUNZA n’abandi bameze nka we.

RUTIHUNZA Theobald n’abandi banyabinyoma nka we nibasubize amerwe mu isaho.Ubu Abanyacyangugu kimwe n’abandi banyarwanda bafite intumbero y’iterambere FPR yabazaniye.Ubu barimo kureba imbere.Barangamiye ibikorwa aho kumva urugambo.Kariya gatsiko kiyitirira Abanyacyangugu karacurangira abahetsi.Nikarambirwa kazaceceka,Igihugu cyaragasize.

rushyashya@gmail.com

IBITEKEREZO
kalisa

ariko ikinyamakuru ntakibazo cyo mumutwe bagira bandika ibintu bidahuye gusa

Bagabo

Iyi ni KANGURA nshyashya ntaho itaniye niya Ngeze. Mukuvangura abantu bamwe ibita inyangarwanda abandi ibita ingengabitekerezo. Iki kinyamakuru ni Rutwitsi gikwiye gufungwa hakili kare. Irondakoko n'akarere kitilira abandi nicyo ligikora ku mugaragaro nta guhanwa kuko ali icyama. POLISI SE YAGIFATIRA IBYEMEZO ? Kwibasira imiryango y'abantu kugiti cyabo bavugwa muli ziliya nyandiko, kubahimbira ibyaha ngo ni abajenosideri, ngo bavukanye ingenga bitekerezo idafite epfo na ruguru aho kwumva ibitekerezo batanga nicyo banenga ku butegetsi ahubwo bakabahimbira ibinyoma iryo niryo tsembatsemba. Bagabo

Bagabo

Biragaragara ko ibyo gouvernement ivugwaho cyane FPR nkishayaka lili kubutegetsi byo kwitwaza jenoside n'amacakubili ali iturufu yo guhisha ibibi ikorera abanyarwanda. None se nkubu Rushyashya ibyo yandika ibitumwe na FPR irafata abantu nkinjiji, abanze ko baboza mubwonko nibo bali kwitwa inyangarwanda. Itandukanilizo se rya FPR na MRND ubu lilihehe ? Wigeze ubona ishyaka lijya gucira abantu urubanza ? Kuva mu mateka y'isi yabaho. Ibyubumwe bw'abanyarwanda se ko ubona ahubwo RUSHYSHYA ishaka kubwira abatutsi ko ali ndakoreka, ahubwo ibateranya n'abahutu kurusha uko bali bababanye. Niba Rushyashya ibona IKUNDA ABATUTSI kurusha LIPRODHOR yabitangiye kuva muli 1990 kandi bikaba bigaragarira mu nyandiko zakozwe zizwi zitari ibihuha ali nayo mpamvu imiryango mpuzamahanga iyizi uko yahagaze mu ntambara, uko abo ba Rutihunza bahizwe ngo ni ibyitso, none kuko avuze ko hali ibitagenda neza kandi bigaragara ngo


TANGA IGITEKEREZO

Kwamamaza
Kwamamaza
Also in this section
Washington:u Rwanda rwongeye gutera utwatsi raporo ya Human Right Watch

Washington:u Rwanda rwongeye gutera utwatsi raporo ya Human Right...

Hollande officialise sa rupture avec sa compagne

Hollande officialise sa rupture avec sa compagne

KUKI ABANYAPOLITIKI BIYITA NGO NI OPOZISIYO BATINYA GAHUNDA YA « NDI UMUNYARWANDA » ?

KUKI ABANYAPOLITIKI BIYITA NGO NI OPOZISIYO BATINYA GAHUNDA YA « NDI...

Amayobera ku rupfu rwa Patrick Karegeya

Amayobera ku rupfu rwa Patrick Karegeya

Iraq forges new strategy to defeat fighters

Iraq forges new strategy to defeat fighters

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...