LATEST NEWS
Imiyoborere myiza
Ruswa Urayirya nayo ikakurya ! Tugarure Ubumuntu !
Publish Date: mercredi 4 novembre 2015
VISITS :361
By Admin

Abantu benshi bakunda kuvuga no kuganira kubya “RUSWA”ariko bamwe ntibazi neza icyo aricyo ntanubwo bose bayivugaho rumwe.
Ubundi ruswa niki ?

Ruswa ni imyumvire y’umuntu imutera kwifuza kugira ikintu akorerwa cyangwa ahabwa kugirango agire ikindi abona. Bityo rero ruswa iratangwa kandi ikakirwa bityo hari gutanga no kwakira.

Sibyo gusa kuko ruswa ishobora kuguma mu myumvire cyangwa mu bitekerezo igateza ibibazo by’imikorere k’umuntu ubwe ku giti cye :

IMPANDE ESHATU

Hari abafana n’abakunzi ba ruswa babona ko ruswa ari nziza, ntacyo itwaye ahubwo ari uburyo bwo gukemura ibibazo. Igice cy’abantu bibaza batyo bemera kandi bemeza ko iyo umuntu afite ikibazo, ashaka kugera ku kintu runaka inzira zose yakoreshwa akakigeraho ziba ari nzinza “The end justifies the means”, “La fin justifie les moyens”. Uyu mugani si uwanone, sinuwabanyafurika gusa n’uwa cyera no mu bazungu ufite ubusobanuro bwatanzwe haruguru.

Abantu bashaka ubutegetsi nibo bakunze gukoresha icyo gitekerezo cyangwa iyo myumvire umuntu ati nyihera kariya kazi cyangwa uriya mwanya nkwihere amafaranga aya naya cyangwa nkwihere igitsina turyamane, cyangwa se nzajye nkunekera, nkubwire abanzi n’abakunzi ukomeze uri igihangange. Ibyo bita mu ndimi z’amahanga “unscrupulous ambitions”

Uko kwifuza rero, guterwa n’impamvu nyinshi, ubukene cyane cyane ubwo mu mutwe, gukunda ibintu no kugira ubwoba bwo kutigirira icyizere.

Ikindi gice cya kabiri cy’abantu, batanga cyangwa bakira ruswa ariko batayishyigikiye, bavuga ko ari amaburakindi, arinko kubura uko umuntu agira ariko ibyo aribyo byose, ikintu umunyarwanda agomba gutekerezaho ni ikintu gituma atinya kuvuga icyo ashaka :

None se iyo umuntu yaka ruswa arakubwira :

1. “Ngo dore urabona nawe ibwirize ?” nkaho yakweruye akakubwira icyo ashaka.
2. Ati urampa akantu ? Akantu se ni agaki !
3. Ati reba icyo nawe umbwira n’ayandi mangambure aho kuba amagambo afatika !

Ukibaza uti ese ni ikinyarwanda avuga ni igiswahili se ? n’icyongereza se ? ugasanga umugabo araritaye,arasebye, adashobora no kukureba mu maso !

Ibi rero ntagaciro bifite kabisa umugabo ni uwabireka.

Prof. Pacifique MALONGA

Niyo asaba igitsina arakubwira ngo “Urampa kuri byabindi !” ibihe se ? ukagirango hari ibyo yakubikije. Umuntu w’umugabo agatangira kwibaraguza imbere y’umugore cyangwa umukobwa. N’ibindi n’ibindi.

Ruswa kandi abantu nkatwe twemera ko itera umwaku iyo turebye mu mateka ninko kwica umuntu. Amaraso ye arakokama akazakugaruka byanga bikunda. Dore iyo umuntu yaguhaye ruswa ahora akureba akagusoma mu bwonko ukazarinda upfa ukabona uri nk’imbwebwe. Niyo agusekeye abona uri sifuri kumugani w’abaswahili.
Ruswa iraryana,

Iyo ufashwe, urya cyangwa utanga ruswa uba uri nk’imungu mu myaka uhinduka ifu kandi nawe ukaba wangiza ibyagakijije abandi. Ubwo ukaba uriye abantu, ukaba wabifungirwa.

Mukurangiza dore mbagire inama nuko abantu basoma iryo jambo sibyo kuko ni Ru-swa kuko ari iyabantu batumva neza amahoro n’umunezero bitangwa no kuba imfura yishimirwa n’Uwiteka. Umuntu utari umuswa ahubwo w’umuhanga Imana ireba ikinezerwa. Ni “ruswa” bitari “ruhanga” cyangwa “runyabwenge”.

Twirinde ruswa dukore ruhanga cyangwa runyabwenge.

No gupfa tujye dupfa tutandavuye.

Prof. Pacifique MALONGA
Umwanditsi akaba n’umunyamakuru wigenga.

IBITEKEREZO

TANGA IGITEKEREZO

Kwamamaza
Kwamamaza
Also in this section
Umujyi wa Amsterdam wahaye Perezida Kagame umwambaro w’ikipe ya Ajax

Umujyi wa Amsterdam wahaye Perezida Kagame umwambaro w’ikipe ya...

Gatsibo : Abaturage bafatanije na polisi barubaka sitasiyo ya polisi izatwara miliyoni 32

Gatsibo : Abaturage bafatanije na polisi barubaka sitasiyo ya polisi...

Bamwe mu bayobozi baratungwa agatoki mu kubangamira imiturire mu Rwanda

Bamwe mu bayobozi baratungwa agatoki mu kubangamira imiturire mu...

Gicumbi : Abanyeshuri ba Gishambashayo barasaba ubuvugizi

Gicumbi : Abanyeshuri ba Gishambashayo barasaba ubuvugizi

NEW POSTS
Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...