LATEST NEWS
New section No6
AS Kigli yasubiye kumwanya wa mbere ,MUKURA yisengerera KIYOVU
Publish Date: mardi 3 novembre 2015
VISITS :178
By Admin

Kuri uyu wa kabiri hakinwe umunsi wa munani wa Shampionat mu Rwanda hari hitezwe kureba niba AS Kigali igumana umwanya wa mbere, iyi yabikoze itsinda Amagaju. Hari hategerejwe kandi umukino ukomeye hagati y’amakipe makuru ya Mukura VS na Kiyovu Sports warangiye Mukura ikomeje kwerekana ko iri mu bihe byiza. Rayon Sports yari yakiriye Bugesera yo yabonye amanota atatu bigoye.

Uyu munsi wa munani wabanjirijwe n’amakuru y’uko abasifuzi batari busifure iyi mikino kubera ibirarane baberewemo n’ishyirahamwe ry’umupira w’amaguru mu Rwanda, gusa amakuru aravuga ko ubuyobozi bw’iri shyirahamwe bwabasezeranyije ko bakora akazi kabo none ejo kuwa kane bakabona amafaranga babarimo.

AS Kigali ya mbere ku rutonde rw’agateganyo yari yakiriye Amagaju y’i Nyamagabe kuri stade de l’Amitie ku Mumena i Nyamirambo, ntabwo byagoye cyane iyi kipe y’i Kigali kuko yatsinze Amagaju ibitego bibiri ku busa igumana umwanya wa mbere n’amanota 18 ikaba itaratsinwa na rimwe mu mikino umunani.

Mukura VS igaragaza ko iri mu bihe byiza yari yaje i Kigali gusura Kiyovu Sports bakinira ku Kicukiro, aya makipe yombi yanganyaga amanota 13 ariko Kiyovu ikaza ku mwanya wa gatatu kuko yari izigamye ibitego bitandatu Mukura ikaba iya gatanu izigamye ibitego bibiri.

Uyu mukino ni uw’amakipe makuru kandi yari akomeye cyane mu Rwanda, ni umukino cyakora utagikomeye cyane nka kera kuko ubu hazamutse andi makipe arazihangamura. Ni umukino waranzwe n’ishyaka ariko Mukura ikarusha Kiyovu ndetse mu gice cya mbere ku munota wa 15 Muhajiri Hakizimana, murumuna wa Haruna Nyonzima abonera igitego ikipe y’i Huye.

Mu gice cya kabiri nanone ku munota wa 15 Mukura yongeye gusatira Kiyovu iyibonamo igitego cya kabiri kinjijwe na Amani Mukeshe Mugisha umukino urinda urangira Kiyovu yo itarebye mu izamu rya Mukura.

Undi mukino wasaga n’ukomeye ni uwahuje ikipe ya Sunrise FC na Rwamagana City zombi zo mu mujyi wa Rwamagana. Izi zahoze zombi ari ikipe imwe, Sunrise iza gushibuka muri Rwamagana City iba ikipe y’ubuyobozi bw’Intara naho Rwamagana City ikomeza kuba iy’abaturage b’i Rwamagana. Uyu niwo mukino wa mbere zari zikinnye zombi zihuriye mu kiciro cya mbere kuko Rwamagana iherutse kuzamuka nayo.

Sunrise FC yeretse Rwamagana City ko yayitanze mu kiciro cya mbere ibatsinda ibitego bibiri kuri kimwe.

Rayon Sports yo yakiriye kuri stade y’i Muhanga ikipe ya Bugesera FC, nayo iherutse kuzamuka, Rayon ibona amanota atatu yiyushye akuya kubw’igitego cya Thierry Manzi ku munota wa 11 ikipe yakomeje kurwaho kugera ku munota wa nyuma.

Imikino yabaye uyu munsi :

Kiyovu Sports 0-2 Mukura VS
Rayon Sports 1 – 0 Bugesera FC
Sunrise FC 2 – 1 Rwamagana
AS Kigali 2 – 0 Amagaju
Marines Fc 0 – 0 Musanze FC

Imikino itegerejwe ejo kuwa 04/11/2015 :

Gicumbi Fc vs APR Fc (Gicumbi)
Etincelles Fc vs Espoir Fc (Tam Tam)
AS Muhanga vs Police FC (Muhanga)

Rushyashya

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’