LATEST NEWS
Imyidagaduro
CHAN2016 : Rutahizamu Sugira Eneste Amavubi ayagejeje 1/4
Publish Date: mercredi 20 janvier 2016
VISITS :586
By Admin

Ibitego bya Sugira Ernest bifashije ikipe y’igihugu y’u Rwanda Amavubi gutsinda umukino wa kabiri wo mu itsinda rya mbere rya CHAN wayihuzaga na Gabon kuri stade Amahoro i Remera kuri uyu wa Gatatu, bwa mbere mu mateka y’u Rwanda, Amavubi agera muri 1/4 cya CHAN.

Rutahizamu Sugira Ernest

Umutoza w’Amavubi, Johnny McKinstry yari yakoze impinduka imwe ugereranyije n’ikipe yabanjemo ubwo batsindaga Cote d’Ivoire mu mukino ufungura iri rushanwa, aho Sugira Ernest yabanje mu mwanya wa Danny Usengimana.

Amavubi yatangiye umukino yotsa igitutu ikipe ya Gabon yagaragaza guhuzagurika ndetse abona korineli ya mbere ku munota wa mbere w’umukino ariko Iranzi Jean Claude ayiteye ntiyatanga umusaruro.

Ku munota wa 5, Ku ikosa Ambourouet yakoreye kuri Jacques Tuyisenge, Amavubi yabonye coup-franca yahanwe na Emery Bayisenge ariko umunyezamu wa Gabon ashyira umupira muri koruneli.

Nono yabonye amahirwe yo gufungura amazamu muri uyu mukino ku ruhande rwa Gabon ku munota wa14, ariko ananirwa kurenza umupira Bakame barebanaga amaso ku yandi mu ruhande rw’iburyo, umupira ujya muri koruneli yafashwe na Ndayishimiye Eric Bakame.

Iranzi Jean Claude yagerageje ishoti rya kure ku munota wa 20 w’umukino ariko umupira uca ku ruhande rw’izamu rya Bitseki, umunyezamu wa Gabon.
Ku munota wa 23, Engozo’o yakoreye ikosa kuri Jacques Tuyisenge, ryhanwe na Iranzi Jean Cluade watanze umupira hagati inyuma y’urubuga rw’aamhina rwa Gabon ariko ba myugariro b’ibisamagwe barahagoboka.

Ku ruhande rwa Gabon bakoze impinduka hakiri kare ubwo Ambourouet yasimburwaga naStevy Guevane Nzambe ku munota wa 23.

Sugira Ernest yahawe umupira muremure na Yannick Mukunzi, kubw’aamhirwe ya Gabon, Bitseki abasha kuwumutanga arawufata.

Gabon yabonye koruneli ya kabiri mu mukino ku munota wa 35, ariko ntiyagira icyo itanga.

Gabon yongeye kubona indi koruneli nyuma y’iminota ibiri Amavubi abyitwaramo neza maze Innocent Habyarimana wari uzamukanye umupira yihuta akorerwa ikosa na Obambou, ryahanwe na Bayisenge umupira uruhukira mu biganza by’umuzamu Bitseki.

Ku mupira yahawe na Ombolenga ku ruhande rw’ibiryo, Jacques Tuyisenge yabonye amahirwe imbere y’izamu rya Gabon ariko Sugira ananirwa gukozaho.

Amavubi yajkomeje gusatira maze mu rubuga rw’amahina ku kazi ka Jacques Tuyisenge Sugira Ernest afungura amazamu ku ruhande rw’Amavubi ku munota wa 42 w’umukino.

Gabon yabaye nk’ikangutse ishaka kwishyura ariko Nzambè ananirwa kubona incundura za Bakame mbere yuko bajya mu karuhuko.

Nyuma yiminota ibiri gusa, bavuye mu karuhuko, Sugira Ernest yatsinze igitego cya kabiri cy’Amavubi ku mupira yahawe na Nshuti Dominiques Savio wasimbuye Innocent Habyarimana igice cya kabiri kigitangira.

Gabon yatsinze igitego cya mbere muri uyu mukino ku munota wa 56 gitsinzwe na Aaron Salem Boupendza ku mupira yahawe na Nzambe.

Nyuma y’iminota ibiri gusa, Domonique Nshuti Savio yazamukanye umupira, akorerwa ikosa na Tschen Kabi wahawe ikarita ya kabiri y’umuhondo, agahita asohorwa mu kibuga nyuma yo kwerekwa ikarita itukura.

Nshuti Savio yacenze ba myugariro batatu ba Gabon inyuma y’urubuga rw’amahina ahereza Yannick Mukunzi wateye ishoti ryaciye hejuru y’izamu.

Amavubi yakomeje gusatira ahusha ubundi buryo bwa Sugira Ernest na Rwatubyaye Abdul.

Ku mupira wazamukanywe na Sugira Ernest ku ruhande rw’ibumoso yawuhinduye imbere y’izamu rya Gabon maze usanga Iranzi Jean Claude washose ugaca hejuru y’izamu ku munota wa 69 w’umukino.

Ku munota wa 74, Gabon yabonye amahirwe imbere y’izamu ry’Amavubi ariko ba myugariro b’u Rwanda barimo Omborenga Fitina babasha guhagarara neza.

Gabon yakomeje gukinira mu rubuga rw’Amavubi, abona koruneli itagize icyo itanga.
Ku munota wa 78, Savio yazengurutse Moundounga imbere y’izamu ariko ishoti yateye rifatwa neza na Bitseki.

Amavubi yakoze impinduka ya kabiri, Yannick Mukunzi aha umwanya Djihad Bizimana bakinana muri APR FC ku munota wa 79.

Ku munota wa 81, Gabon yabonye coup-franc yatewe maze Bakame arahagoboka mu gihe abenshi babonaga umupira wageze mu rushundura nyuma yo gukubita umutambiko w’izamu.

Nzambe yakoreye ikosa kuri Jacques Tuyisenge ariko Amavubi ntiyaribyaza umusaruro.

Amavubi yakomeje kwiharira umukino imbere y’izamu rya Gabon, ahusha uburyo bw’ishoti rya Sugira ryanyuze hejuru y’izamu ndetse n’umupira wa Yannick.

Mu minota y’inyongera, Gabon yabonye amahirwe yo kwishyura barebana n’izamu rya Bakame ariko umupira uca ku rundi ruhande rw’izamu.

Gabon yakomeje kotsa igitutu Amavubi ariko imipira bakayirenza.

FT : RWANDA 2-1 Gabon

Amavubi y’u Rwanda akaba ageze muri 1/4 cya CHAN ku nshuro ya mbere nyuma yo kuyikina bwa mbere mu 2011 ubwo yaberaga muri Sudani, akananirwa kurenga amatsinda ndetse akaba yaratashye nta mukino atsinze.

Uyu mukino ugiye gukurikirwa n’uhuza Cote d’ivoire na Maroc saa 18:00. Igihe amakipe yombi yanganya, byaha u Rwanda Amahirwe yo kuzamuka ayoboye itsinda nubwo hasigaye imikino y’umunsi wa gatatu muri iri tsinda rya mbere.
Abakinnyi babanjemo :

Rwanda : 1 Eric Ndayishimiye, 14 Celestin Ndayishimiye, 8 Emery Bayisenge, 13 Fitina Omborenga, 22 Abdul Rwatubyaye, 12 Jean Claude Iranzi, 5 Imran Nshimiyimana, 6 Yannick Mukunzi, 9 Jacques Tuyisenge, 16 Ernest Sugira, 17 Innocent Habyarimana.

Abasimbura : 2 Rusheshangoga, 3 Ngirinshuti, 4 Bizimana, 7 Kalisa, 10 Usengimana, 11 Nshuti, 15 Usengimana, 18 Kwizera, 19 Habimana, 20 Ngomirakiza, 21 Munezero, 23 Ndoli.

Umutoza : Johnny McKinstry

Gabon : 1 Bitseki, 2 Ambourouet, 21 Moundounga, 13 Obambou, 15 Ndinga, 6 Kabi, 14 Engozo’o, 7 Nono, 17 Boupendza, 12 Ondo, 11 Mandrault.
Abasimbura : 3 Mouelé, 4 Ness-Younga, 5 Pongui, 8 Ntsitsigui, 9 Atchabao, 10 Aworet, 16 Kantsouga, 18 Heyong, 19 Nzambè, 20 Yacouya, 22 Gnassa, 23 Nzambi.
Umutoza : Jorge Costa

Umukino ukurikiyeho nuwa Maroc na Cote d’Ivoire

M.Fils

IBITEKEREZO
Safe

Ni byiza koko twatsinze ariko rero mu byukuri nta mupira dufite mbona tugendera ku mahirwe kuruta ibyo tugaragaza mu kibuga ! Biratangaje kubona nta rutahizamu ushobora guhagarara mu badefanseri ngo ababyige maze abone igitego bigaragara ko yagikoreye koko kandi duhusha ibitego bitari ngombwa !

edi

amavubi abintuma barushehi kubamaso bagerageze kurushaho guhuza


TANGA IGITEKEREZO

Kwamamaza
Kwamamaza
Also in this section
Man United 4-0 Feyenoord : Rooney umaze iminsi akomerwa n’abafana yaciye agahigo

Man United 4-0 Feyenoord : Rooney umaze iminsi akomerwa n’abafana yaciye...

UEFA CL2016 : Manchester City yabonye itike mu mukino warangiye harimo abakinnyi 20

UEFA CL2016 : Manchester City yabonye itike mu mukino warangiye harimo...

Umunyarwanda Valens Ndayisenga ni we wegukanye tour du Rwanda 2016

Umunyarwanda Valens Ndayisenga ni we wegukanye tour du Rwanda...

Valens Ndayisenga yegukanye agace ka Musanze_Kigali muri Tour du Rwanda

Valens Ndayisenga yegukanye agace ka Musanze_Kigali muri Tour du...

Tour du Rwanda 2016 : Eyob Metkel yegukanye agace ka Muhanga-Musanze, Valens agumana ’Maillot Jaune’

Tour du Rwanda 2016 : Eyob Metkel yegukanye agace ka Muhanga-Musanze,...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...