LATEST NEWS
New section No6
Ese Bob Marley yari muntu ki
Publish Date: lundi 30 novembre 2015
VISITS :299
By Admin

Bob Marley ufite amazina ye yose ya Robert Nesta Marley, ni umuhanzi w’icyamamare wamenyekanye mu njyana ya Reggae kandi akunzwe cyane kubera ubutumwa bukubiye mu bihangano bye.

Bob Marley yavutse tariki ya 6 Gashyantare mu 1945, avukira mu gihugu cya Jamayika ariko aza gutabaruka taliki ya 11 Gicurasi 1981 mu mujyi wa Miami muri Leta zunze ubumwe z’Amerika.

Bob Marley yabaye umuhanzi wagize uruhare mu kumenyekanisha injyana ya Reggae ndetse anagurisha ibihangano byinshi muri iyo njyana kurusha bagenzi be baje bayimusangamo.

Uyu muhanzi abyarwa na Cedella Marley, umwirabura w’umunyajamayikakazi na Narval Marley akaba Umwongereza wo muri Jamayika.

Amaze kugira imyaka 5 y’amavuko, se yamujyanye mu mujyi ngo abashe kwiga ariko nyuma aza guhura n’ubuzima butari bwiza kuko nyina yaje kumusanga mu muhanda wa Kingston akorera akazi umukecuru wamutumaga, hanyuma nyina ahitamo kumwambura se.

Nyuma y’igihe gito kandi Bob Marley yaje kuva mu cyaro ajya gushakisha ubuzima mu mujyi wa Trenchtown ahahurira na Neville Livingston wanitwaga Bunny Wailer na Winston Hubert McIntosh uzwi nka Peter Tosh bafatanyije guhimba no kuririmba.

Ibi byatumye mu 1962 Bob Marley abasha gusohora indirimbo ya mbere yise “Judje not”, aha akaba yari afite imyaka 17 y’amavuko. Yaje gufata umwanzuro wo gukorana itsinda na bagenzi be bavuzwe hejuru baryita “Wailers” bisobanura “Ababibyi”, bikaba byari mu mwaka w’1963, ndetse icyo gihe basinyana kontaro na “Studio One” mu 1964. Imwe muri alubumu ze zamumenyekanishije ikanagurwa kurusha izindi ni iyo yise « no woman no cry » ifite ubutumwa buhumuriza umugore uba mu buzima bubi no guhohoterwa.

Umuhanzi Bob Marley yahuye n’imbogamizi

Mu mbogamizi Bob Marley yagiye agira harimo kuba mu itangira ibihangano bye bitarakunzwe, no kuba nta muterankunga yagize kugira ngo amufashe mu icuruzwa ry’ibihangano bye, bityo indirimbo ze ntizicuruzwe cyane.

Kubera izo nzitizi urubuga Wikipedia dukesha aya makuru ku buzima bwa Bob Marley, bivugwa ko byamuteye ubukene ku buryo kuba mu mujyi n’umugore we yari yarashatse Ritha Anderson hamwe n’abana babo babiri byagoranye bituma asubira ku ivuko, aho hari mu 1967.

Mu 1969 Bob Marley yerekeje muri Amerika abona akazi mu ruganda rukora ibijyanye n’imodoka hanyuma umugore we n’abana baza kuhamusanga ndetse nyuma yaho anakora muri imwe mu mahoteli yaho ariko anabivanga na muzika.

Nubwo yagiye yamamara akanakundwa bagerageje kumwica

Ubwo hari ku itariki 3 Ukuboza mu 1976, Bob Marley yari agiye kwicirwa mu mujyi wa Kingston mbere ya konseri yari agiye gukora, mu gihe abantu batandatu bafite intwaro bamutegeye iwe, bamurasa isasu ryamufashe ukuboko, irindi mu gituza, mu itako, irindi rikomeretsa umugore we Ritha mu mutwe ariko ntiryamuhitana.

Bob Marley kandi yagiye akurikiranwaho kuvugira abirabura babayeho mu buzima bubi ashaka kugaragaza amateka yabo. mu bihe bya nyuma by’ubuzima bwe kuri iyi si, Bob Marley yinjiye idini ry’aba Ortodoxe bo muri Etiyopiya anifuza gusoreza ubuzima bwe muri Etiyopiya ntibyamuhira, kuko yaje kugwa i Miami ku ya 11 Gicurasi 1981, ashyingurwa ku italiki ya 21 Gicurasi.

Uyu muhanzi yatabarutse asize abana 11 bazwi harimo abo yabyaranye n’umugore we Ritha hamwe nabo yabyaye hanze. Muri abo bana kandi hari n’abakurikije umwuga wa se w’ubuhanzi aribo : Ky-Mani Marley, Damian Marley, Ziggy Marley na Julian Marley. uwitwa Rohan Marley we yabaye umukinnyi wabigize umwuga mu mupira w’amaguru muri Amerika.

M.Fils

IBITEKEREZO
Mutabazi moses

Nyine umuntu anyurakure mubuzima ariko gusiga umurage wijambo biragoye


TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...