LATEST NEWS
New section No6
Gahongayire yakoze igitaramo cyo gufasha abagore batishoboye
Publish Date: samedi 19 décembre 2015
VISITS :307
By Admin

Aline Gahongayire yakoze igitaramo gisoza umwaka akusanya inkunga azafashisha abagore b’abakene batishoboye abinyujije mu cyo yise “Ineza Initiative”.


Ezra Kwizera yaje kuririmba i Kigali aturutse muri Canada
Mu gitaramo yise ‘Ineza Concert’ cyari kigamije gukusanya inkunga yo gufasha abagore batishoboye, uyu muhanzi yagarutse ku mateka yo kubura imfura ye avuga ko ari byo byamuremyemo umutima wo kurushaho guha agaciro umugore.

Ku mugoroba wo ku wa Gatanu tariki 18 Ukuboza 2015 nibwo Aline Gahongayire yatangije ku mugaragaro umuryango yise ‘Ineza Initiative’ anagaragaza bimwe mu bikorwa umaze kugeraho.

Ku isaha ya saa moya n’igice nibwo iki gitaramo cyatangiye, umuhanzi Janvier Kayitana wegukanye igihembo cy’indirimbo y’umwaka muri Groove Awards 2015 ni we wabanje ku rubyiniro, akurikirwa n’itsinda ribyina rya Shining Stars.

Aline Gahongayire wari utegerejwe na benshi muri iri joro yageze ku rubyiniro yambaye ikanzu ndende y’umuhondo, ahera ku ndirimbo ze zakunzwe hambere n’izindi zirimo iyitwa ‘Hari Impamvu’, ‘I love the way Jesus loves me’.

Gahongayire amaze kuririmba, hanyuzemo akaruhuko gato herekanwa amashusho agaragaza bimwe mu bikorwa umuryango Ineza Initiative umaze gukorera abagore batishoboye.

Mu buhamya bwatanze n’abafashijwe, bavuze ko uyu muryango wabavanye mu bwigunge bongera kuryoherwa n’ubuzima nyuma y’ibibazo bitandukanye buri wese yanyuzemo.

Ahagana saa yine z’ijoro, Aline Gahongayire yongeye gusubira ku rubyiniro yahinduye imyambarire. Mu byo yavugiye muri iki gitaramo, Aline Gahongayire yasabye buri wese gutiza imbaraga uyu muryango kugira ngo uzashinge imizi unafashe umubare munini w’abagore bafite ibibazo.

Yahishuye ko atari azi agaciro k’umubyeyi w’umugore. Ngo yiyumvise uburemere n’akamaro k’ababyeyi nyuma yo kwibaruka umwana agahita apfa.Iki gitekerezo cyo gushinga uyu muryango cyaturutse ku bikomere yatewe no kubura imfura ye y’umukobwa yari yahawe izina rya ‘Ineza’ ahitamo kuryitirira uyu muryango uzajya ufasha ababyeyi batishoboye.

Yagize ati “Ubwo nabyaraga umwana Imana ikamwisubiza nibwo nabonye imbaraga z’umugore, gutwita amezi icyenda, ukagenda wigengesereye kugira ngo hatagira igihungabanya umwana wawe nyuma Imana ikamwisubiza nta n’umunsi umwe byibuze mumaranye.”

“Byampaye isomo ryo kumva ko abagore bose ari nkanjye, ndetse bindemamo umutima wo kumva ko umwana wese uvutse ari uwanjye, bityo bituma nshinga uyu muryango wa ‘Ineza’ kugira ngo Ineza nyigirire abandi.”

Muri iki gitaramo cya ‘Ineza Concert’ cyabereye kuri Serena Hotel, Aline yafashijwe na bagenzi be barimo Fanny bahuriye mu itsinda rya Blessed Sisters Kambua Matho ukunzwe muri Kenya ndetse na Ezra Kwizera wari waturutse muri Canada.

Aline Gahongayire yihaye umuhigo ko buri mwaka azajya afasha abagore ibihumbi bitatu.

Inkunga yavanye muri iki gitaramo, Gahongayire ntiyavuze ingano yayo gusa yemeje ko azayishyikiriza abo yayigeneye bidatinze.

FOTO/Igihe

M.Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’