LATEST NEWS
New section No6
Ibintu 4 byo kunenga Minispoc na 4 byo kuyishima
Publish Date: mardi 10 novembre 2015
VISITS :705
By Admin

Minisiteri ifite Siporo mu nshingano zayo (MINISPOC) hari ibintu byiza yakoze n’ibindi byagenze nabi mu gihe cy’amezi umunani kuva aho Uwacu Julienne abereye Ministre wa Siporo n’Umuco, ikinyamakuru Izuba Rirashe cyakusanyije ibintu 4 byo kuyinenga na 4 byo kuyishima.

Ibintu 4 byo kunenga
1.Amwe mu makipe yitabiriye imikino y’Afurika ku butumire

Mbere y’uko u Rwanda rwitabira imikino ya Afurika (All African Games) yabereye muri Congo Brazzaville muri Nzeli 2015, Minisiteri ya Siporo n’Umuco yavuze ko nta mukinnyi uzongera kwitabira imikino ku mpuzamahanga ku butumire (imvitation) ariko ntabyubahirijwe, kuko nko mu mukino wo kurwanisha inkota (Fencing) n’indi byabayeho.

Ikindi cyavuzwe muri imikino y’Afurika ni uko abakinnyi bayitabiriye inshuro nyinshi ntibazane umudali batari bemerewe kuyitabira, ariko birangira bitubahirijwe.
Icyemezo cyo kutohereza abakinnyi mu marushanwa ku butumire no kutayitabira kandi nta mudali umukinnyi yari yazana byakunze gusobanurwa na Bugingo Emmanuel ushinzwe imikino muri MINISPOC akunganirwa na Rurangayire Guy ushinzwe amakipe y’igihugu.

2.Gushyigikira ikipe itarakoze imyitozo

Tariki ya 17 Nyakanga 2015 nibwo byamenyekanye ko ikipe y’igihugu y’abagore ya Handball yitabiriye amarushanwa Nyafurika yiswe “22ème CHAMPIONNAT D’AFRIQUE DES NATIONS JUNIORS FEMININS 2015” yabereye muri Kenya, ariko nubwo yagiyeyo, ariko yayitabiriye nta mwiherero (local) ubayeho. Ikindi cyabayeho ni uko abakinnyi bagiye n’imodoka bakagerayo bakererewe ku buryo byavuzwe ko bashobora kuba batarakinnye, ahubwo bayitabiriye mu rwego rwo kwirinda ko u Rwanda rwazafatirwa ibihano, ariko bitari ugushaka insinzi.

Ngarambe Jean Paul, Umunyamabanga Mukuru mu Ishyirahamwe ry’umukino wa Handball mu Rwanda (FERWAHAND) yavuze ko impamvu bagiye n’imodoka ari uko bari basabye Minispoc amafaranga ntiyahita iyabaha ariko ibabwira ko bashaka ubundi buryo bayishakamo bakazayasubizwa nyuma.

3.Imikoranire mibi hagati y’itangazamakuru na MINISPOC

Ministre wa Siporo n’Umuco, Uwacu Julienne ntakunze kuboneka kuri telefone ye igendanwa (mobile) iyo abanyamakuru bakeneye kugira icyo bamubaza. Hari nimero mbere byavugwaga ko ari iya Ministre Uwacu, ariko inshuro nyinshi yahamagarwaga ntiyabonekaga.

Hari indi nimero Uwacu akoresha muri iyi minsi, ariko iyo uyihamagaye akenshi avuga ko ari mu nama.

Ministre Uwacu Julienne mu byo atandukaniyeho n’abamubanjirije ni uko adakunze gutanga amakuru kuri telefone akaba ashobora kuboneka iyo MINISPOC yateguye ikiganiro n’abanyamakuru (Press conference).

Bugingo Emmanuel ushinzwe Siporo muri MINISPOC nawe hari inshuro nyinshi umunyamakuru yamuhamagaye akamufata, ariko yashaka kugira icyo amubaza akamubwira ko ari mu nama, ko aza kongera mu kanya umunsi ukarangira batavuganye.

4. Intege nke mu kwita ku kibuga cya Sitade Amahoro

Ikibuga cya Sitade Amahoro ntikigeze cyitabwaho ku buryo no mu mukino wabaye tariki ya 5 Nzeli 2015, wahuje Amavubi na Ghana ari kimwe mu byo abantu bibajijeho.
Mbere y’uko uwo mukino wa Ghana uhakinirwa muri Sitade Amahoro tariki ya 28 Kanama 2015 hari habereye umukino wa gishuti hagati y’Amavubi na Ethiopia nabwo ikibuga nticyari gikozwe neza, kuko kituhirwaga, ibyatsi birimo bikuma.

Kuba Sitade Amahoro i Remera yarangiritse mu gihe cy’impeshyi, ni ibintu byanenzwe n’abantu batandukanye.

Ibintu bine byo gushima Minispoc mu mezi umunani
1.Guca ubusumbane mu bakinnyi

Hari ubwo abakinnyi b’umupira w’amaguru aribo batoneshwaga gusa nta n’ikintu bakora kidasanzwe batsinda umukino umwe gusa wo gushaka itike y’igikombe cya Afurika bakagenerwa za Miliyoni kandi kugira ngo bigerweho hifashishijwe abanyamahanga, ariko kuva aho Ministre Uwacu Julienne na Rurangayire Guy ushinzwe amakipe y’igihugu muri MINISPOC bahagereye habaye impinduka kuko n’abakina indi mikino iyo bitwaye neza bagenerwa ishimwe (prime) kimwe n’abandi.

2.Ministre wa Siporo n’Umuco yahaye agaciro abakinnyi bafite ubumuga

Uwacu Julienne Ministre wa Siporo n’Umuco yahaye agaciro abakinnyi bafite ubumuga, bitandukanye no mu myaka ya kera. Uwacu mu gihe kitarenze amezi umunani yasuye biro ya Komite y’Igihugu y’Imikino y’Abantu bafite Ubumuga (NPC Rwanda) iri kuri Sitade Amahoro, yaje kureba aho shampiyona ya Sitball isozwa ari nabwo bwa mbere yari abonye aho abafite ubumuga bakina. Ministre wa Siporo n’Umuco na none yasuye amakipe y’u Rwanda ya Siting Volleyball mu bagabo n’abagore, ayasaba kwitwara neza mu mikino y’Afurika yo gushaka tike yo kujya mu mikino Paralempike izabera i Rio aho yavuze ko tike niboneka ibindi byose abakinnyi bazakenera mu myitozo Minispoc izabitanga.

Aha ikipe y’u Rwanda y’abagore niyo yahise ibona tike yo kwitabira imikino Paralempike izabera muri Brazil umwaka utaha wa 2016
.
Ni kenshi NPC Rwanda yagiye yirya ikamara kugira ngo itegure abakinnyi no kugira ngo yitabire amarushanwa nta n’umuyobozi uza kureba aho basoza imikino yaba iyo ku rwego rw’igihugu n’iyo ku rwego mpuzamahanga, ariko nyuma y’urukundo Ministre Uwacu yagaragarije abafite ubumuga ubu abakinnyi bakina bafite intego ndetse bumva ko n’urwego rukuriye siporo rubashyigikiye.

3. Amashyirahamwe y’imikino yasinye imihigo

Hashize imyaka amashyirahamwe y’imikino asabwa gusinya imihigo, ariko ntibishyirwe mu bikorwa, ariko kimwe mu gikorwa Minisiteri ya Siporo n’Umuco yagezeho mu mezi umunani ashize harimo no gusinya imihigo ku mashyirahamwe yo mu Rwanda. Ubu amashyirahamwe y’imikino mu Rwanda yemewe ni 20 mu gihe andi asigaye atemewe kuko atagira ubuzimagatozi ari nayo mpamvu atatanze imihigo muri MINISPOC.

4. Minispoc yazanye uburyo bushya bwo kwishyuza ku ma Sitade

Minisiteri ya Siporo n’Umuco yazanye uburyo bushya bwo kwishyuza ku ma sitade hakoreshejwe ikoranabuhanga.

Bugingo Emmanuel ushinzwe siporo muri MINISPOC yemeza ko ijana ku ijana nta bujura bw’amatike yo kwinjira kuri Sitade bukibaho kubera ubwo buryo bushya bwatangijwe bwo kwishyura.

Source:Izubarirashe

M.Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Ishyaka Green Party Riramagana ibyatangajwe na Général Kayumba Nyamwasa.

30-03-2017

Ishyaka Green Party Riramagana ibyatangajwe na Général Kayumba...

Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...