LATEST NEWS
Imyidagaduro
Ikipe ya Arsenal yananiwe gufata umwanya wa mbere
Publish Date: dimanche 27 décembre 2015
VISITS :189
By Admin

Ikipe ya Arsenal yananiwe gufata umwanya wa mbere mu gihe Leicester City yari iwuriho yari yatsinzwe na Liverpool igitego kimwe ku busa na ho Louis Van Gaal atangaza ko ashobora gusezera atarindiriye ko ubuyobozi bwa Manchester United bumwirukana nyuma yo gutsindwa na Stoke City 2-0.

Shampiyona y’igihugu y’u Bwongereza yakinwaga ku munsi wayo wa 19 ku munsi ukurikira noheli kuri uyu wa gatandatu, tariki ya 25 Ukuboza 2015.

Manchester United yatsindiwe na Stoke City ku kibuga cya Britannia Stadium ibitego 2-0 mu mukino wabimburiye indi. Ibitego bya Stoke City byatsinzwe na Bojan Krkic ndetse na Marco Artonauvic.

aha bayitsindaga igitego cyambere cyatsinzwe na Bojan

Umutoza Louis Van Gaal yagiye kuri Britannia Stadium ari ku gitutu gikomeye dore ko uyu mukino yatsinzwe wari umwe muri 2 yahawe ngo atsinde bitaba ibyo akirukanwa. Uyu wari umukino wa 4atsindwa muri Premier league n’uwa 7 muri rusange ikipe ye idatsinda.

Nyuma y’uyu mukino, umuholande wigeze gutoza amakipe arimo FC Barcelona, Ajax na Bayern Munchen yatangaje ko ashobora gusezera ubwe atarindiye ko ubuyobozi bw’ikipe ya Manchester United bufata icyemezo cyo kumusezerera.

Yagize ati “Si ngombwa ko ikipe ari yo yanyirukana. Rimwe na rimwe ngomba kubyikorera, ni njye ugomba kubyivugira mbere.’’ “Kuri njyewe, iby’ingenzi ni ibyo abantu bambwira twiherereye kurusha mu ruhame gusa sinabibabwira kuko bitabareba [abanyamakuru].’’

Louis Van Gaal w’imyaka 64 y’amavuko yabajijwe niba yumva ari we uzaba atoza Manchester United kuri uyu wa mbere ubwo izaba ikina na Chelsea, asubiza agira ati “ Ni ugutegereza tukareba gusa ndatekereza ko nzawutoza.’’
Gutsindwa kwa Manchester United byatumye ijya ku mwanya wa 6 n’amanota 29 inganya na Chrystal Palace.

Southampton yazukiye kuri Arsenal iyibuza gufata umwanya wa mbere
Ikipe ya Arsenal yananiwe gufata umwanya wa mbere nyuma yo gutsindwa na Southampton ibitego 4-0 mu gihe Leicester City iwumazeho igihe kirekire yari yatsinzwe na Liverpool igitego kimwe ku busa cyatsinzwe na Christian Benteke ku munota wa 63 w’umukino.

Arsenal yakinnye nyuma y’andi makipe yose yaje mu kibuga ibizi neza ko gutsinda umukino wayo na Southampton byasobanuraga kurara ku mwanya wa mbere dore ko yarushwaga na Leicester City amanota 2 mbere yo gukina uyu mukino.

Byasaga n’aho biri bworohere Arsenal kuko Southampton y’umutoza Ronald Coeman yari imaze imikino itanu idatsinda nyamara Arsenal yatunguwe cyane kuko nk’ikipe ihabwa amahirwe yo gutwara igikombe cya shampiyona yatsinzwe ibitego 4-0.

Ibitego bya Southampton byatsinzwe na Cuo Martina, Shane Long watsinze 2 ndetse na Jose Miguel.

Nyuma yo gutsindwa, Ikipe ya Arsenal yagumye ku mwanya 2 n’amanota 36 inyuma ya Leicester City ifite 38 mu gihe Manchester City yazegereye ku mwanya wa gatatu n’amanota 35.

Mu yindi mikino, ikipe ya Manchester City yatsinze Sunderland ibitego 4-1. Ni ibitego byatsinzwe na Raheem Sterling, Yaya Toure, Kevin De Bryune ndetse na Wilfred Bony waje no guhusha penaliti muri uyu mukino na ho kimwe cya Sunderland cyatsinzwe na Fabio Borini.

Ikipe ya Chelsea yakinaga umukino wa kabiri nyuma yo kwirukana umutoza wayo Jose Mourinho yo yanganyije na Watford ibitego 2-2. Ibitego bya Chelsea byatsinzwe na Diego Costa na ho ibya Watford bitsindwa na …. Muri uyu mukio, Oscar Junior Dos Santos yahushije penaliti.


Diego Costa watsinze igitego

Tottenham yatsinze Norwich City ibiteo 3-0 harimo bibiri byatsinzwe na Harry Kane ndetse n’icyatsinzwe na Thomas Caroll mu gihe AFC Bournemouth yanganyije ubusa ku busa na Chrystal Palace.

Everton yatsinze Newcastle United igitego kimwe ku busa ; cyatsinzwe na Tom Cleverley na ho Swansea City itsinda Westbromwich 1-0 mu gihe Aston Villa yaguye miswi na West Ham United, amakipe yombi anganya 1-1.

M.Fils

IBITEKEREZO
Nkurunziza Venuste

jew nara babay mbony ikipe yacu itsinzw ariko ndafana fc barcelona yaray ikuyemw arsenal ok


TANGA IGITEKEREZO

Kwamamaza
Kwamamaza
Also in this section
Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

CAN 2017 : Abahungu ba Abedi Pele basezereye DR Congo ya Florent Ibenge

CAN 2017 : Abahungu ba Abedi Pele basezereye DR Congo ya Florent...

NEW POSTS
Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...