LATEST NEWS
New section No6
Impamvu 5 zatumye Sepp Blatter yegura ku mwanya w’ ubuyobozi bwa FIFA
Publish Date: mercredi 11 novembre 2015
VISITS :433
By Admin

Uwari umuyobozi w’ ishyirahamwe ry’ umupira w’ amaguru ku isi FIFA Sepp Blatter yamaze kwegura kuri uyu mwanya kuri uyu wa kabiri nyuma y’ iminsi ine gusa yongeye gutorerwa manda ya gatanu.

Iyegura rya Blatter ryashimishije abatari bacyeya cyane cyane abanyamerika ndetse nabongereza bari bafitanye amasinde akomeye kubera ko ibi bihugu byagiye bitavuga rumwe na FIFA ku byemezo bimwe na bimwe.

Blatter washakaga cyane ko umupira waryohera impande zose z’ isi ageza henshi igikombe cy’ isi benshi batifuzaga ko kigera, cyaje muri Africa kandi kiri mu bikombe by’ isi byagenze neza cyane kuburyo butazibagirana, none agihaye Qatar nayo ishaka kwereka isi ko byose bishoboka ni ubwo habayo ubushyuhe bwinshi ariko football ni iyabose.

Hano hari impamvu eshanu ziri mu byatumye Sepp Blatter yegura :

1. Impamvu za politike zibyihishe inyuma

Uretse abareba hafi nk’ inkoko badashobora kurenza amaso ibibazo byaba byaragaragaye muri FIFA ngo barebe nikibyihishe inyuma kindi kandi gikomeye, Sepp Blatter yagambaniwe n’ ibihugu bikomeye ku isi muri politike kugirango byihimure ndetse bibone n’ ijambo rikomeye byari byarabuze muri FIFA.

Leta z’ unze ubumwe z’ America, umupira waho ntabwo uri kurwego rwo hejuru kuburyo bashaka kurinda ubusugire bwawo, ahubwo ikibyihishe inyuma ni ubwumvikane bwa America n’ ubwongereza maze bakoresha imbaraga bafite muri politike bazijyana muri football kubera inyungu zabo bwite bagiye gukurayo aho bashaka kuyobora mu buryo butaziguye FIFA.

Aha ni ukuvuga gutereka umuntu ku ntebe ya FIFA ariko akazajya agendera ku mahame y’ ibi bihugu bikomeye ku isi muri politike nyamara mu nyungu za ruhago ari ntazo.

2. RUSSIA 2018

Ubwongereza ni igihugu ku isi gifite itangazamakuru rikomeye kuburyo iyo ryakwibasiye utapfa kuricika. Kuva ubwongereza bwashaka kwakira igikombe cy’ isi cya 2018 cyahawe uburusia, ubwongereza bwahise buba umwanzi ukomeye wa FIFA maze amakuru yo gushaka kwihimura ntiyasibye kugaragara.

Amakuru menshi yagiye acicikana ni uko iki gikombe cyahawe abarussia batanze ruswa ku bintu benshi batahaye agaciro dore ko abarusiya ari n’ igihugu nacyo kihagazeho

3. QATAR 2022

Leta z’ unze ubumwe za America ari nazo zayoboye byimazeyo iki gikorwa cyo gukuraho Blatter aho zafashe abayobozi bakomeye muri FIFA bagera kuri 7 nabandi barenga 19 bakurikiranwaho ruswa mbere y’ iminsi itatu ngo habe amatora ari nayo Blatter yatsindiyemo manda ya 5 yaragiye kuyobora.

Ibi America ntiyabikoze ishaka kwerekana ko ikunda ruhago bityo idashaka ko yangirika, yabikoze ahubwo iharanira inyungu zayo aho yihimura ku kuba igihugu cya Qatar cyarahawe kwakira igikombe cy’ isi cya 2022 nyamara America niyo yari yizeye kugihabwa nubwo amatora yakozwe kigahabwa Qatar.

Blatter warushyigikiwe nibihugu 133 mu bihugu 209 bigize FIFA, yirengagije ibi byose maze ariyamamaza ndetse aranatsinda ariko nyuma hakomeje kuba ibiganiro mu bwiru hagati y’ ibi bihugu bikomeye ari nabyo byaje kurangira afashe umwanzuro wo kureka uyu mwanya.

4. Ruswa muri FIFA

Blatter yamaze nawe kugerekwaho ikirego cya ruswa aho amakuru avuga ko hari ruswa ya miliyoni y’ amadorari ya America yatanze akiri umunyamabanga muri FIFA mbere yuko aba perezida aho yakoreshejwe ayaha abamutoye ngo abe perezida.

Ikindi aregwa ni ukuba yaragize uruhare mu kugurisha amatike mu buryo butemewe mu gikombe cy’ isi cya 2014 aho mwishwa we yafatiwe muri iki gikorwa ayagurisha muri Brazil maze bikavugwa ko Blatter yaba yarabifiteho amakuru.

Igisa nicyamucishije umutwe ni igikombe cya 2010 cyabereye muri Africa yepfo maze Abanyamerika bakaza kugaragaza ko Africa yepfo yatanze kayabo ka miliyoni 10 zamadorari ya America kugirango ihabwe iki gikombe.

Byaje guhumira ku mirari ubwo Africa yepfo yemeraga ko yatanze aya mafaranga ngo ajye gufasha mu iterambere ry’ umupira muri bimwe mu bihugu byo muri America yo hagati (Caribbean).
Aha rero hibajijwe niba Africa yepfo ariyo yaba ifite amafaranga menshi kuburyo yajya guteza imbere imipira yo kuyindi migabane.
Ubu ibiro by’ ubucamanzabwa America byamaze gutangaza ko Blatter nawe agiye gukurikiranwa ku birego bimwe na bimwe.

5. Blatter yabuze uko yagira

Buriya iyo umuyobozi nkuyu, watowe n’abahagarariye umupira w’ amaguru hirya no hino avuga ko abantu bazi umupira benshi ntibashaka ko ayobora iyi manda, yari yabuze uko yagira kubera ibintu byinshi byamuzaga mu matwi.

Ntamuntu numwe kuri iyi si wabura abanzi, ariko niba uhaye urwaho abanzi bawe ukabareka bakagera kucyo bashaka ni uko nawe uba ufite icyo wishinja cyangwa ukaba warwanije n’ imbaraga zawe zose ariko zikarangira.

Blatter rero we afite ibibazo birenze ibi kuko uretse kuba yarwanyije akagera aho atorwa nyamara abamurwanyaga bataranashakagako atorerwa uyu mwanya, noneho ikindi azi neza ni uko ku ngoma ye muri FIFA hanyuze ibirego byinshi bya ruswa nkuko nawe abyemera dore ko anamaze gutorwa yavuze ko muri iyi si nta mwere ubamo bityo bagiye gukosora ibitagendaganeza, ukongeraho ko yaramaze imyaka 17 yicaye kuri iyi ntebe, ukongeraho inama zabayobozi bakomeye ku isi bamuhaga bamubwira ko ibyamubera byiza yakwegura kandi harimo n’ inshuti ze, byose yabikusanyije asanga ntakindi yakora maze kumyaka 79 amanika inkweto.
Kubwamahirwe nakita macyeya yiwe, agiye atabikoze.

Ese kubera iki America ?

Abanyamerika nibindi bihugu bifite imbaraga hari byinshi cyane byagiye byivangamo bivuga ko biharanira inyungu za rubanda nyamara nyuma ugasanga ntakintu rubanda rwungutse ahubwo ibi bihugu nibyo byasaruye nyuma yo gutembagaza ubuyobozi bwa benshi bwabaga bubazitira.

Nta gushidikanya rero ko iyi ariyo nzira abanyamerika bashatse kunyuramo kugirango binjire no mu kigo kigengaga ku isi FIFA nayo bayizunguze uko bashaka.
Uretse benshi bagendera mu kigare, ingoma ya Blatter ntabwo yarikwiye kurangira gutya.

Uyu munsi America yinjira muri gahunda zikigo runaka, zigihugu runaka benshi bakayiha amashyi ngo yaciye amakosa, yakoze akazi kenshi nyamara bwacya yakuzira anawe itangiye kwinjira mu byawe uti ’Kuki America yivanga ?’ Imbaraga zayo ikomeje rero kuzikoresha no hanze ya politike ubu ubwo yinjiye muri rugaho ndacyeka n’ umupira w’ arangiye.

Mutabazi Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Ishyaka Green Party Riramagana ibyatangajwe na Général Kayumba Nyamwasa.

30-03-2017

Ishyaka Green Party Riramagana ibyatangajwe na Général Kayumba...

Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...