LATEST NEWS
New section No6
Irushanwa rya Rayon sport ryari ryanzwe ryabaye initwara neza
Publish Date: jeudi 26 novembre 2015
VISITS :176
By Admin

Ku mukino wa mbere w’irushanwa ‘Rayon Sports Star Times Christmas Cup’, Rayon Sports FC yatsinze Gicumbi FC igitego kimwe ku busa (1-0) ; Umutoza mushya Jacky Ivan Minaert yishimiye intsinzi ye ya mbere atoza Rayon. Igitego cya Rayon cyatsinzwe n’umusore Mustapha Bisengimana.

Nyuma y’umukino, Umutoza Jacky Ivan Minaert yabwiye itangazamakuru ko yanyuzwe n’intambwe ikipe ye (Rayon Sports) iteye mu gihe cy’icyumweru kimwe gusa bamaze bakorana imyitozo.

Akavuga ko ikipe ye ibura abakinnyi nka batanu cyangwa batandatu kugira ngo birusheho kugenda neza.

Yagize ati “Ntabwo nagereranya iyi kipe n’iyari isanzwe,…Nimwe mwambwira uko mwabonye Ikipe muyigereranyije n’ikipe nasanze,…twabonye amahirwe nk’umunani cyangwa icyenda mu gihe Ikipe twakinaga yabonye amahirwe amwe yabyara igitego nk’inshuro imwe gusa,…nicyo cyangombwa.


Intego ni ugutsinda, bitabaye ibyo sinabaye ndi hano, njye naje gutsinda,…naho ubundi bitabaye ibyose gukina umupira w’amaguru byaba bimaze iki ?”

Jacky kandi yashimye uburyo ikipe ye yose muri rusange yitwaye uyu munsi, nubwo ngo itabyaje umusaruro amahirwe y’ibitego yose yabonye ngo itsinde ibitego byinshi.
Uyu mutoza wa Rayon Sports avuga ko ikipe ye igifite byinshi byo gukora cyane cyane ku bakinnyi bo hagati, n’abasatira izamu kugira ngo amahirwe babona bayabyaze umusaruro.

Umutoza Jacky Ivan Minaert yabwiye abanyamakuru ko intego ye muri Rayon Sports muri uyu mwaka w’imikino ari ugutwara ibikombe.

Umutoza Emmanuel Ruremesha wa Gicumbi FC yemeye ko ikipe ye yarushijwe, ahubwo ngo Rayon Sports yari kuba yamutsinze ibitego byinshi ni uko itabyaje umusaruro amahirwe yabonye.

Ruremesha yavuze ko impamvu yo kutitwara neza, ari uko abakinnyi be batitozaga kuko bavuye mu kiruhuko cy’ibyumweru bibiri.

Ati “Twebwe kuva twakina na Rwamagana, hashize ibyumweru bibiri, ubu nibwo bwa mbere twahura, muri macye kuba ntsinzwe na Rayon Sports 1-0 nta myitozo, tumaze ibyumweru bibiri tudakina umupira,…ntabwo umuntu yavuga ko ari bibi cyane.”

Ruremesha yirinze guha abafana ba Gicumbi ikizere muri iri rushanwa, gusa avuga ko iri rushanwa rizabafasha kwitegura intangiro za Shampiyona.

Ruremesha yashimiye iri rushanwa ‘Christmas Cup’
Emmanuel Ruremesha kandi yashimye abateguye iri rushanwa, kuko ngo amarushanwa nk’aya afasha amakipe kwiyubaka.

Yagize ati “Kuva natangira umupira nibwo nabona irushanwa nk’iri mu Rwanda rifata amakipe menshi kandi rigashyiramo uburyo bwinshi kuko ikipe ya mbere izahabwa Miliyoni 5, kandi amakipe yahawe n’amafaranga yo kwitegura ni ibintu byiza cyane, ni tugira amahirwe tuzabona abandi nk’aba baza,…bituma abakinnyi babaho neza kandi bakarushaho kwitegura neza,…kandi bifasha n’ikipe ku ngengo y’imari kuko nibaza nk’uwa mbere, uwa kabiri n’uwa gatatu amafaranga bazabona azabafasha kwitegura Shapiyona.”

Uyu munsi muri iri rushanwa AS Kigali yatsinze Bukavu Dawa yo muri Repubulika Iharanira Demokarasi ya Congo ibitego 5-0.

Imikino irakomeza kuri uyu wa kane izasozwe muri week end.
Iri rushanwa ririmo amakipe 8 ari mu matsinda abiri :

Itsinda A : Rayon Sports, SC Kiyovu, Gicumbi FC na Villa Sport Club
Itsinda B : AS Kigali, Mukura Victory Sports, Police FC na Bukavu Dawa

M.Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Menya abakandida bahatanira kuyobora u Rwanda

14-07-2017

Menya abakandida bahatanira kuyobora u Rwanda

Abaturage Kaniga ngo’ RPF - Inkotanyi ’ iri hafi guhindura aho batuye paradizo

14-07-2017

Abaturage Kaniga ngo’ RPF - Inkotanyi ’ iri hafi guhindura aho batuye...

Ukuntu Perezida wa Green Party yanga abamuvuga ibyo adashaka atowe yavamo umunyagitugu

12-07-2017

Ukuntu Perezida wa Green Party yanga abamuvuga ibyo adashaka atowe yavamo...

Ubukungu bw’u Rwanda bwiyongereye ku kigero cya 1.7% mu gihembwe cya mbere cya 2017

10-07-2017

Ubukungu bw’u Rwanda bwiyongereye ku kigero cya 1.7% mu gihembwe cya mbere...

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba Abatutsi banyuzemo

10-07-2017

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba...

Ambasaderi w’umuryango w’ubumwe bw’Uburayi mu Rwanda yagawe kubera kwivanga muri politiki y’u Rwanda

6-07-2017

Ambasaderi w’umuryango w’ubumwe bw’Uburayi mu Rwanda yagawe kubera kwivanga...

Kongera imbaraga n’ubufatanye mu gutanga serivisi nziza : intego ya police, Intara y’Iburengerazuba n’abanyamakuru

2-07-2017

Kongera imbaraga n’ubufatanye mu gutanga serivisi nziza : intego ya police,...