LATEST NEWS
New section No6
Byinshi utari uzi kuri kanseri y’inkondo y’umura nuko wayirinda
Publish Date: mardi 17 novembre 2015
VISITS :391
By

Kanseri ifata inkondo y’umura ni kanseri ya gatatu muri kanseri zifata abagore,ikaba ibarirwa muri nyinshi muzica kurusha izindi muri kanseri zose.

Inkondo y’umura ni iki ?

Inkondo y’umura ni igice gitandukanya umura ndetse n’igitsina cy’abakobwa. Ikaba ipima sentimetero 2 cyangwa 3 mu burebure.

Iyi kanseri iterwa niki ?

Iyi kanseri iterwa n’uruhurirane rw’ibintu byinshi, ku isonga ni agakoko(virusi) kitwa HPV kandurira mu mibonano mpuzabitsina gusa hakiyongeraho kuba ufite bimwe mu bituma wakwandura(reba hasi abafite ibyago byo kuyandura).

Bivugwa ko abantu 530,000 bashya bandura iyi kanseri ku isi naho hafi 275,000 barapfa nk’uko imibare yo mu mwaka wa 2008 ibigaragaza.

Ni bande bafite ibyago byo kwandura iyi cancer ?

Icya mbere ni ugutangira imibonano mpuzabitsina umukobwa akiri muto : Iyo ugereranyije no gukora imibonano mpuzabitsina ya mbere ku myaka 21,abakobwa bakora imibonano ya mbere hagati y’imyaka 18 kugeza kuri 20 ibyago byo kwandura iyo kanseri byikuba rimwe n’igice (1.5) naho abayitangira bafite munsi ya 18 ibyago byikuba 2.

Kuryamana n’abantu benshi batandukanye (multiple sexual partners) : ibyago byikuba kabiri iyo umukobwa abonanye n’abahungu babiri, bikikuba gatatu mu gihe abonanye n’abahungu 6 no kurenza.
Icya gatatu ni uwigeze kurwara indwara zindi zandurira mu mibonano mpuzabitsina nka mburugu,imitezi,…

Icya kane ni ababana n’ubwandu bw’agakoko gatera SIDA:abakobwa cyangwa ababyeyi babana n’ubwandu baba bafite ibyago byo kwandura iyi kanseri kuko umubiri wabo nta budahangarwa buhagije uba ufite.

Hari ubundi bushakashatsi buvuga ko kubyara ukiri muto (munsi ya 20) ndetse no kubyara abana benshi byongera ibyago byo kwandura iyi kanseri.

Ibitabo byinshi kandi byerekana ko ubukene nabwo bwongera ibyago. Ubu muri Amerika berekana ko kuva mu 1988 kugeza 1992 iyi kanseri yari yiganje mu bagore bakomokaga mu bice bikennye cyane.

Urubuga uptodate.com rutanga amakuru y’ubuvuzi ruvuga ko iyi kanseri mu bagabo bakebwe (circumcised) batayikwirakwiza nk’abadakebwe.
Virus yitwa HPV(Human papillomavirus) niyo pfundo ry’iyi kanseri kuko ibonekamo ku kigero cya 99.7%

Ibimenyetso biranga kanseri y’inkondo y’umura

Iyo iyi kanseri igifata aka gace kitwa inkondo y’umura ntabimenyetso bigaragarira umugore.Iyo yatangiye kugaragaza ibimenyetso irangwa no kuva amaraso menshi cyangwa adasanzwe mu gihe cy’imihango (Irregular or heavy vaginal bleeding),kuva uturaso umugore amaze kubonana n’umugabo ;abandi bagore bagira ibintu by’uruzi biva mu gitsina.

Kanseri yatangiye gukwirakwira yo irangwa no kubabara mu kiziba cy’inda, igice cyo hasi cy’umugongo,kutituma neza,kujojoba,…

Mubagore bafashwe nabo bataragaragaza ibimenyetso umuganga ashobora kuyivumbura akoresheje imiti basuka ku nkondo akareba imihindagurikire yicyo gice naho abagaraza ibimenyetso bo umuganga ashobora kubibona nta miti akoresheje.
Ese iyi kanseri iravurwa ?

Kanseri y’inkondo y’umura ivurwa bitewe naho igeze kuko bitewe n’igice muganga abona cyafashwe ashyira mu kiciro iyo kanseri(staging) hanyuma bitewe nicyo kiciro ukaba wavurwa.

Bitewe naho iri umuganga ashobora gukuraho igice cyafashwe,akenshi abarwayi baza bageze mu kiciro cyo gukurwamo umura wose cyangwa se ntakigikozwe bafashwa koroshya ibimenyetso bafite(palliative care)

Wakwirinda ute iyi cancer ?

Iyi cancer yakwirindwa mu gihe abakobwa batangira imibonano mpuzabitsina mu gihe batari bato, bayikorana n’umuntu umwe (aha ndavuga uwo bashakanye), hakoreshwa agakingirizo, hirindwa indwara zandurira mu mibonano mpuzabitsina ndetse hirindwa na SIDA kuko nayo igira ingaruka mu gutuma iyi kanseri abagore bayandura.

Iyi kanseri kandi igira urukingo, mu Rwanda hakaba hari amahirwe yo kuba ruhari ndetse rukaba rwaratangiye guhabwa abana bari mu kigero cy’imyaka 12 ku buntu.

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Ese Komisiyo y’Amatora ikwiriye kwakira Kandidatire ya Diane Shima Rwigara ?

28-05-2017

Ese Komisiyo y’Amatora ikwiriye kwakira Kandidatire ya Diane Shima Rwigara...

Uburiganya : Mpayimana Philippe yashyizwe mu majwi mu bashaka imikono ya kandidatire binyuranyije n’amategeko

27-05-2017

Uburiganya : Mpayimana Philippe yashyizwe mu majwi mu bashaka imikono ya...

Minisitiri Mukantabana yashimiye umudepite w’u Rwanda watumye atahuka

26-05-2017

Minisitiri Mukantabana yashimiye umudepite w’u Rwanda watumye...

Inkoni y’Umwana ishira Dondi Dondi : Abandi bapasiteri 3 ba Zion Temple basezeye kuri Apotre Gitwaza, amaherezo ni ayahe ?

26-05-2017

Inkoni y’Umwana ishira Dondi Dondi : Abandi bapasiteri 3 ba Zion Temple...

Mbanda yahaye ’ Gasopo’ Amashyaka yiyita Opposition harimo na RNC

26-05-2017

Mbanda yahaye ’ Gasopo’ Amashyaka yiyita Opposition harimo na...

ITANGAZO RYA RUSHYASHYA

24-05-2017

ITANGAZO RYA RUSHYASHYA

Rudasingwa Theogene yaba ahugiye kuki ?

23-05-2017

Rudasingwa Theogene yaba ahugiye kuki ?

Teteri Agnes Umugore wa Eugene Gasana aravugwa mu bikorwa bya Politiki

23-05-2017

Teteri Agnes Umugore wa Eugene Gasana aravugwa mu bikorwa bya...