LATEST NEWS
New section No6
MINISPOC yasabye FERWAFA gukemura ibibazo by’ishuri rya Jimmy Gatete
Publish Date: jeudi 19 novembre 2015
VISITS :998
By Admin

Minisiteri y’Umuco na Siporo (MINISPOC) yasabye Ishyirahamwe ry’Umupira w’amaguru mu Rwanda (FERWAFA) gukemura ibibazo ishuri ry’umupira w’amaguru rya Gatete Jimmy ryagaragarije MINISPOC, ibyo bibazo FERWAFA ikaba yasabwe kubikemura bitarenze iminsi 15.

Hari hashize ukwezi n’igice “Eagle Star Football Academy”, ishuri ry’umupira w’amaguru ryashinzwe na Jimmy Gatete rihagarariwe na Halarimana Emmanuel uzwi ku izina rya Gasimba, ryandikiye MINISPOC riyisaba gukemura ibibazo by’abakinnyi baryo bagiye mu makipe yo mu cyiciro cya mbere, ariko ayo makipe akaba nta faranga na rimwe yageneye iri shuri rya Gatete wabaye rutahizamu w’Amavubi mu myaka ishize, MINISPOC ikaba yahise isaba FERWAFA gukemura iki kibazo cy’iri shuri bitarenze iminsi 15 ni ukuvuga bitarenze tariki ya 15 Ugushyingo 2015, ndetse FERWAFA ikamenyesha MINISPOC uburyo ibyo bibazo byakemuwe.

Mu ibaruwa ya MINISPOC yo 04 Ugushyingo 2015 ikinyamakuru Izuba Rirashe gifitiye kopi, isaba FERWAFA gukemura icyo kibazo cy’abakinnyi bo mu ishuri ry’umupira w’amaguru rya Gatete Jimmy, ndetse n’ibindi bibazo by’abakinnyi bato baturutse mu makipe nka La Jeunesse n’ishuri ry’umupira w’amaguru Imparirwakurusha, bagiye mu makipe yo mu cyiciro cya mbere kandi ayo makipe baturutsemo ntihagire ifaranga na rimwe abona.

Iki kinyamakuru mu kiganiro cyagiranye na Gasimba, yavuze ko yashimishijwe cyane n’icyemezo cya MINISPOC.
Uyu musore yagize ati “mu by’ukuri byaranshimishije cyane ko noneho ibibazo byanjye bigeye gukemuka, hari hashize igihe kinini nandikiye FERWAFA kuri iki kibazo cy’abakinnyi banjye ariko ntacyo yari yaragikozeho, niyo mpamvu nitabaje MINISPOC, murabona ko noneho kigiye gukemuka, ndashimira Minisitiri wa siporo kuko yaduhaye agaciro.”

Mu bakinnyi Gasimba avuga ko bagiye mu cyiciro cya mbere kandi akaba nta ndezo yahawe harimo umukinnyi Muvandimwe Jean Marie Vianney ukinira Police FC, Sibomana Patrick bita Pappy ukinira APR FC, Isaie Songa, Isaac Muganza na Kalisa Rachid bakinira Police FC. Abandi ni Manzi Sincère ukinira Rayon Sports ndetse n’abandi.
Gasimba afite amafoto agaragaza abo bakinnyi batandukanye abatoza bakiri abana.
Iki kinyamakuru kiganira na Manzi Sincère ndetse na Sibomana Patrick Pappy, bose bemeje ko banyuze muri iri shuri ry’umupira w’amaguru rya Jimmy Gatete ndetse hari icyo ryabafashije ngo bagere ku rwego bariho ubu.

FERWAFA ivuga ko ibaruwa ya MINISPOC bayibonye ndetse izakemura iki kibazo mu bwumvikane.

Mulindahabi Olivier, Umunyamabanga Mukuru wa FERWAFA mu kiganiro n’ikinyamakuru Izuba Rirashe yavuze ko bagiye gutumira amakipe yatwaye abo bakinnyi akicarana n’abayobozi b’amakipe yabareze, bagakemura icyo kibazo ku bwumvikane byakwanga abo bakinnyi bakamburwa ayo makipe.

Mulindahabi yagize ati “icya mbere tuzareba ni uko uwo mwana yaba yaragize amasezerano n’iryo shuri ry’umupira w’amaguru ndetse ayo masezerano akaba yarasinywe n’umubyeyi kuko abo bana bari bataragera imyaka ibemerera gusinya, icyo tuzakurikizaho ni ugusaba amakipe yo mu cyiciro cya mbere abafite kwishyura amafranga y’indezo aho abo bana baturutse nibatabyemera hazafatwa ibindi byemezo harimo no kuba ayo makipe yakwakwa abo bakinnyi.”

Ubusanzwe mu mategeko FERWAFA igenderaho avuga ko ikipe itwaye umukinnyi muto ishaka kumukinisha, igomba guha byibuze ibihumbi magana atanu (500,000frw) ikipe yamureze ayo mafaranga akitwa amafranga y’indezo.

M.Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...