LATEST NEWS
Imyidagaduro
Mu Rwanda hizihijwe umunsi w’umwami w’Abami, Haile Selassie
Publish Date: mardi 3 novembre 2015
VISITS :315
By Admin

Umuryango w’Abarasita bo mu Rwanda wizihije umunsi mukuru ngarukamwaka w’iyimikwa ry’Umwami w’Abami Haile Selassie, uba buri wa 2 Ugushyingo.
Ibirori byo kwizihiza uyu munsi mukuru byabereye kuri Murindi Japan One Love, ku mugoroba wo kuri uyu wa Mbere.

Mu kuwizihiza, abahanzi banyuranye b’abarasita baririmbye indirimbo zabo, baririmba n’iz’ibindi byamamare muri Reggae ; nka Bobb Marley, Luck Dube n’abandi.
Uko igitaramo cyagenze .

Haile Selassie I, umwami w’Abami

Ahabereye iki gitaramo hazwi nko kwa Rasta Gatera hari higanje abantu bafite amaduredi (dreadlocks) ku mutwe.

Benshi bari baje bambaye imyambaro yiganjemo iy’amabara y’umutuku, icyatsi n’umuhondo ; ari nayo mabara akunda kwambarwa n’abarasta.
Mu gusuhuzanya benshi mu barista bari bahari bavugaga imvugo zabo zihariye, mu bisa nk’ibyivugo zitapfa kumvwa na buri wese.

Bagira bati “Jah Rastafari, Haile Selassie The First (I), The Emperor, Majesty, The King of Kings, Lion of Judas, Umwami w’Abami, Umutware w’Abatware”, nuko abandi bagasubiza bikiriza bagira bati “Intare yo kwa Dawudi, igisekuruza cya Salomo, ku mwamikazi Sheba !”

Ahagana saa kumi n’ebyiri abahanzi n’abarasita bari baje begeranye nuko bakina ikintu bita Nyabingi (Niyabinghi ku ba Jamaica) baririmba indirimbo bavuga ko zihimbaza Imana. Ibi kuri benshi mu barasita bemera ko ari ko gusenga kwabo.
Ibi babikoraga basubiramo amagambo bavugaga mu gusuhuzanya.

Aha niho umuhanzi Jah Bone D watangije ibi bitaramo mu Rwanda yafashe umwanya uhagije wo gusobanura inkomoko y’uyu munsi, amateka y’Umwami Haile Selassie.
Ati “Uyu munsi ni uwo kwiyibutsa twe, Abanyafurika, ko Afurika ifite uruhare runini mu Isi ; niho nkomoko y’abatuye Isi, ubungabunga ubusugire bwa Afurika aba abungabunga ubusugire bw’Isi.”

Yakomeje avuga ibigwi bw’uyu mwami, ati “Ni n’umwanya wo kuzirikana Haile Selassie I witangiye Afurika, niwe mwami wa Zion, King Of Zion, kuko twemera ko Afurika ari yo Zion, ubuhungiro bw’Isi !”

Nyuma y’uku gutarama, haje kubaho gutarama nyirizina, abahanzi bajya ku rubyiniro baririmba basimburanwa.

Haririmbye umuhanzi Natty Dread wahereye ku ndirimbo ye “Hobe Hobe” n’izindi ze. Abafana baririmbanaga n’abahanzi, bahagaze bari kubyinana.

Mu bandi baririmbyi harimo Jah Bone D nawe washimishije abari bitabiriye ibi birori aririmba indirimbo ze zakunzwe by’umwihariko “Ba Bagabo Ntibari Abantu”.
Aganira n’Ikinyamakuru Izuba Rirashe, Jah Bone D, yavuze ko igihugu cy’u Rwanda cyo gifite umwihariko w’uko ari rwo mutima wa Afurika, bityo ko mu kwigira kuri Haile Selassie I bamufatiraho urugero.

Ati “Amateka y’u Rwanda n’aya Etiyopiya ni amwe, buriya dusangiye amazi ya Nili, dusangiye umuco kandi by’umwihariko u Rwanda ni umutima wa Afurika, niwo mutima w’uyu mugabane.

Twaje kwibuka Selassie I twiyibutsa inshingano dufite nk’Abanyarwanda zo kubunga bungaumutekano w’u Rwanda, uw’Akarere turimo, uw’Afurika n’uw’Isi yose muri rusange nk’umurage twasigiwe n’Umwami w’Abami”.

Liberata Nyirasafari, w’imyaka 35, waje muri iki gitaramo aturutse Nyabugogo avuga ko aho atuye nta barasita benshi bahari, kandi ko uburasita batarabwakira.
Ati “Abambonye bavuga ko uburasita ari ukunywa urumogo, kari rasitafari ni ugukundana.”

Musengimana Michael, uzwi cyane ku izina rya Rad Mike we avuga ko yavutse ari umurasita.

Avuga ko yakuze umuryango we umujyana gusengera muri Gatulika, ariko ko aho amariye gukura ubu asengera mu muryango w’abarasita.
Ati “Dusengera muri za ‘Ghetto’, iyo twahuye turirimba indirimbo zihimbaza Imana, tukaririmba Jah Rastafarayi.”

Muri iki gitaramo hari haje abahanzi basanzwe bazwi barimo Murigande Jacques uzwi ku izina rya Mighty Popo.

We yabwiye Iki Kinyamakuru ko uburasita ari ibyiyumvo by’abantu bagamije impinduka.

Ati “Uburasita ni umuryango uhuza abantu bose bamagana amacakubiri, yamagana akarengane […]”

Rushyashya

IBITEKEREZO

TANGA IGITEKEREZO

Kwamamaza
Kwamamaza
Also in this section
FERWAFA yihanganishije abanya-Brazil kubw’impanuka y’indege yahitanye abakinnyi babo

FERWAFA yihanganishije abanya-Brazil kubw’impanuka y’indege yahitanye...

Ciney yashyize hanze indirimbo ’Impeta’ nyuma y’umwaka atari mu muziki

Ciney yashyize hanze indirimbo ’Impeta’ nyuma y’umwaka atari mu...

Man United 4-0 Feyenoord : Rooney umaze iminsi akomerwa n’abafana yaciye agahigo

Man United 4-0 Feyenoord : Rooney umaze iminsi akomerwa n’abafana yaciye...

UEFA CL2016 : Manchester City yabonye itike mu mukino warangiye harimo abakinnyi 20

UEFA CL2016 : Manchester City yabonye itike mu mukino warangiye harimo...

Umunyarwanda Valens Ndayisenga ni we wegukanye tour du Rwanda 2016

Umunyarwanda Valens Ndayisenga ni we wegukanye tour du Rwanda...

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon