LATEST NEWS
New section No6
Police FC yatsinze Mukura VS igitego 1-0 mu irushanwa ryateguwe n’ikipe ya Rayon Sport
Publish Date: jeudi 26 novembre 2015
VISITS :227
By Admin

Kuri uyu wa gatatu tariki ya 25 Ugushyingo 2015, irushanwa ryateguwe n’ikipe ya Rayon Sport ryitwa “Rayon Sport Christmas Cup” nibwo ryatangiye ku bibuga bitandukanye byo mu mujyi wa Kigali.

Iri rushanwa ryitabiriwe n’amakipe umunani agabanyijemo amatsinda abiri akurikira : itsinda rya mbere ririmo amakipe ya Rayon Sport, Kiyovu Sport, Gicumbi FC na Villa Sport Club yo muri Uganda.

Itsinda rya kabiri ririmo amakipe ya Police FC, Mukura Vs, AS Kigali na Bukavu Dawa yo muri Repubulika Iharanira Demokarasi ya Kongo.

Ku munsi wa mbere w’iri rushanwa, ikipe ya Police FC yatsinze Mukura VS igitego 1-0, umukino ukaba warabereye ku kibuga cya Mumena i Nyamirambo. Ni umukino waranzwe no gusatirana ku mpande zombi cyane cyane mu gice cya mbere ariko ikipe ya Police FC ikanyuzamo ikarusha Mukura VS.

Ku munota wa 22 w’igice cya mbere, rutahizamu wa Police FC Usengimana Dany yacitse ba myugariro ba Mukura VS maze atsinda igitego cya Police FC.

Iki gitego cyahaye ingufu abakinnyi ba Police FC ku buryo mu minota ibiri gusa batsinze igitego, byaje gutuma ba myugariro ba Mukura VS bakora amakosa menshi bityo umwe muri bo witwa Habimana Hussein akora umupira mu rubuga rw’amahina biba penaliti. Cyakora amahirwe ntiyasekeye Police FC kuko Nshuti Idesbald yayiteye mu ntoki z’umunyezamu wa Mukura VS.

Igice cya mbere cyaje kurangira gutyo ari igitego kimwe cya Police FC ku busa bwa Mukura VS. Mu gice cya kabiri, ikipe ya Mukura VS yarasatiriye ishaka kwishyura igitego ariko biba iby’ubusa kuko umukino warangiye ku ntsinzi ya Police FC y’igitego kimwe ku busa.

Umukinnyi wa Police FC Mushimiyimana Mohamed niwe watowe nk’umukinnyi witwaye neza mu mukino na sosiyeti ya Startimes, ikaba ariyo muterankunga w’iri rushanwa.

Yahembwe dekoderi y’iyi sosiyeti irimo amashusho anyuranye, akazayarebera ubuntu atishyuye amafaranga mu gihe cy’amezi abiri.

Nyuma y’umukino, umutoza wa Police FC Cassa Mbungo André yashimiye abakinnyi be uko bitwaye maze abasaba kutirara kuko imikino y’iri rushanwa izakomeza vuba aha. Ku mukino ukurikira, Police FC izakina na AS Kigali kuwa gatanu tariki ya 27 Ugushyingo 2015 ku kibuga cya Kicukiro.

RNP

IBITEKEREZO
Juma

Police FC ndayiha amahirwe yo kwegukana iri rushanwa umukino nyiteze ni uyihuza na AS Kigali uyu munsi nibwo turabona uzegukana iki gikombe kuko n'ubundi uyu mukino ni nka final

Mike

Bravo Police FC. Komeza utsinde n'indi mikino kandi abafana bawe tukuri inyuma.


TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Impamvu : Umuyobozi muri Uganda yasohowe igitaraganya muri Rwandair

27-06-2017

Impamvu : Umuyobozi muri Uganda yasohowe igitaraganya muri...

Minisitiri w’Intebe yarahije Lt. Col Déo Rusizana, Visi-Perezida w’Urukiko rwa Gisirikare

26-06-2017

Minisitiri w’Intebe yarahije Lt. Col Déo Rusizana, Visi-Perezida w’Urukiko...

Perezida Paul Kagame yakomoje ku gitero cyagabwe mu Karere ka Rusizi

26-06-2017

Perezida Paul Kagame yakomoje ku gitero cyagabwe mu Karere ka...

Dr Gerard Gahima yandagaje bamwe mu bashaka gupfobya no guhakana Jenoside yakorewe abatutsi mu 1994

24-06-2017

Dr Gerard Gahima yandagaje bamwe mu bashaka gupfobya no guhakana Jenoside...

Bombori-Bombori mu Ishema Party : Uwitwa Muzungu Pierre yandikiye Padiri Nahimana Imyanzuro Ikakaye

24-06-2017

Bombori-Bombori mu Ishema Party : Uwitwa Muzungu Pierre yandikiye Padiri...

Ingabo z’u Rwanda zirashakisha Uruhindu abagabye Igitero i Rusizi cyaguyemo umwe, umunani bagakomereka

23-06-2017

Ingabo z’u Rwanda zirashakisha Uruhindu abagabye Igitero i Rusizi...

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...