LATEST NEWS
New section No6
Umuhanzi Safari John yashyinguwe uyu munsi
Publish Date: mardi 15 décembre 2015
VISITS :1151
By Admin

Safari John wamamaye mu muziki ku izina rya Papy Safa John, yashyinguwe kuri uyu wa Kabiri tariki ya 15 Ukuboza 2015 mu irimbi rya Busanza i Kanombe mu Karere ka Kicukiro.

Papy Safa John yakunzwe mu buryo bukomeye mu Rwanda mu mwaka wa 2005 kubera indirimbo yakoranye na Kelly bise ‘Umutima Ukunda’.

Uyu muhanzi w’imyaka 49 y’amavuko, yapfuye mu ijoro ryo kuwa Gatandatu tariki ya 12 Ukuboza 2015 azize indwara ya Diyabete yari amaranye igihe.

Mbere yo gushyingura Papy Safa John mu irimbi rya Busanza, habanje umuhango wo gusezera ku murambo no kumusengera mu gitambo cya misa yabereye muri Centre Christus i Remera.



Umugore wa nyakwigenera

Byari amarira, agahinda n’ishavu ku muryango wa nyakwigendera ndetse n’inshuti zari zaje kumuherekeza. Hari abahanzi nyarwanda babarirwa ku ntoki, haba abo mu kigero cya Papy Safa John ndetse n’abacuranganye na we.

Mu bazwi mu Rwanda bagaragaye muri uyu muhango hagaragayemo harimo Makanyaga Abdul, Ngarambe François Xavier wamamaye mu ndirimbo ’Umwana ni umutware’, Eric Mucyo, MC Lion Imanzi na Aimable Twahirwa.

Padiri wayoboye igitambo cya misa yo gusezera kuri Papy Safa John, yavuze ko ‘imirimo myiza yo gucurangira abantu bakishima izoroshya urubanza rwe mu ijuru’.

Abana banyakwigendera Safi n`umugore we

Yibukije abaherekeje Papy Safa John ko urupfu rw’uyu muhanzi ari isomo rikomeye rigaragaza neza ko buri muntu ku Isi agomba kuzapfa ndetse bagaharanira kubaho mu buzima bwishimye.

Ati “Yari umucuranzi, njye sinari muzi ariko ndebye ifoto mbona ko hari ahandi namubonye. Yacurangiraga abantu bakishima, yari icyamamare mu Rwanda none aragiye. Ibi bibe isomo […] muharanire kubaho mu buzima mwishimye, mwishime mukiri bato kuko imyaka ya nyuma yo ku Isi ni imibabaro gusa.”

’Umugabo wacaga bugufi’

Mu butumwa bwo gusezera Papy, abo mu muryango we bahurije ku kuba yari umugabo ukunda umutuzo, kwicisha bugufi no kwiyoroshya muri byose.

Mushiki we muto, yavuze ko mu byo yibukira kuri musaza we ‘ngo ni uko iyo yabonaga ifaranga yahita ajya iwabo ku ivuko muri Nyamyumba i Rubavu, akazanira nyina igitenge cyiza’.

Ati “Papy yari umunyamahoro, agakunda mama cyane. Yakundaga gusoma ibitabo, iyo yabaga yaje i Gisenyi yajya kuruhukira ku Kivu atwaye ibitabo byinshi.”

Impine y’amateka ya Papy Safa John

Papy Safa John yavutse mu 1966 mu Karere ka Rubavu mu Murenge wa Nyamyumba ari naho yize amashuri abanza. Mu 1978 yerekeje mu Bubiligi aho yagiye kwiga ibijyanye n’amahoteli.

Yagarutse mu Rwanda mu 1984 akora muri hoteli zitandukanye zirimo Hôtel des Milles Collines, Hoteli Diplomate n’ahandi.

Kuva mu 1984 kugeza mu 1990, Papy Safa John yacurangaga piano muri “Les Huit Anges”. Mu 1990 yagiye kuba i Kisangani muri Repubulika Iharanira Demokarasi ya Congo aho yakomereje ibikorwa byo gucuranga.

Yagarutse mu Rwanda mu 1993 asubira kubana n’abavandimwe be i Gisenyi gusa ahamara igihe gito agaruka i Kigali aho yakomereje umuziki no gukora muri hoteli.

Mu 1994, Papy n’abavandimwe be bahungiye muri RDC baza kugaruka u Rwanda rumaze kubona amahoro nyuma ya Jenoside yakorewe Abatutsi.

Mu 1995 yarushinganye na Uzamushaka Maderena babyarana abana batatu.
Mu mwaka wa 2000, Papy yashyize hanze album ye ya mbere yise ‘Umutima Ucyeye’ yariho nyinshi mu ndirimbo zatumye amenyekana nk’umuhanzi ukomeye.

Mu 2003, Papy Safa John yaserukiye u Rwanda mu iserukiramuco rikomeye rya FESPAM (Festival Panafricain de la Musique).

Mu 2010 yasohoye album ya Kabiri itaramenyekanye. Mu mwaka wa 2014 yatangaje ko abaye ahagaritse gato iby’umuziki gusa muri Nyakanga 2015 yongera gutangaza ko agiye kongera kuririmba nta kimukoma imbere.

Apfuye yari umwe mu bacuranzi bakunzwe baririmba umuziki w’umwimerere mu tubari dukomeye n’amahoteli.

M.Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Handball 2017 : Police yatsinze Nyakabanda 37- 18

Handball 2017 : Police yatsinze Nyakabanda 37- 18

Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

NEW POSTS
Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...

Kigali : Ubutinganyi bwafashe indi ntera

17-03-2017

Kigali : Ubutinganyi bwafashe indi ntera

Gloria Kayitesi Umugore wa Lt. Joel Mutabazi arafatanya na Kayumba mu bikorwa byo guhungabanya umutekano w’u Rwanda

14-03-2017

Gloria Kayitesi Umugore wa Lt. Joel Mutabazi arafatanya na Kayumba mu...

Nta terambere rishoboka bikozwe n’umuntu umwe kabone nubwo yaba Perezida-Kagame

13-03-2017

Nta terambere rishoboka bikozwe n’umuntu umwe kabone nubwo yaba...

Ibitekerezo bya Ange Kagame ku ruhare rw’urubyiruko mu guhashya icyorezo cya Sida

13-03-2017

Ibitekerezo bya Ange Kagame ku ruhare rw’urubyiruko mu guhashya icyorezo cya...