LATEST NEWS
Imyidagaduro
Umutoza w’Amavubi amaze kwirukanwa (yavuguruwe)
Publish Date: jeudi 18 août 2016
VISITS :842
By Admin

Umutoza w’Amavubi Jonathan Mckinstry ukomoka muri Northern Iriland amaze kwirukanwa kuri uwo mwanya.

Ni nyuma y’uko hari ibitangazamakuru bitandukanye byari byanditse ko Mckinstry agomba kwirukanwa kuri uyu wa Kane tariki ya 18 Kanama 2016.

Hakaba hari hashize igihe gito bi hwihwiswa ko Mckinstry ashobora kwirukanwa mbere y’umukino uzahuza Amavubi na Ghana kuwa 5 Nzeli 2016.

Ku rutonde ngarukakwezi rw’Ishyirahamwe ry’umupira w’amaguru ku Isi (FIFA) rwasohotse muri Kanama Amavubi yasubiye inyuma imyanya icumi iri ku mwanya 121 yari ivuye ku mwanya 111

Jonathan Mckinstry

Ku ikubitiro uyu mutoza yatezwe umukino wa gishuti na Zambia ihita imutera ibitego 2-0 mu buryo bwihuse hari tariki 29 Werurwe 2015.Uyu mutoza yahise akomeza gushakirwa imikino ya gishuti kuko kugeza iki gihe yirukanwa yari amaze gukina imikino umunani (8) ya gishuti, uheruka yawutsinzwe na Senegal ibitego 2-0 tariki 28 Gicurasi 2016 kuri sitade Amahoro.

Imikino 8 ya gishuti yakinnye yatsinzemo itatu(3), anganya ibiri (2) atsindwa itatu (3).Mu mikino yatsinze harimo umukino u Rwanda rwatsinzemo Tanzania ibitego 2-0 tariki 7 Kamena 2016, yatsinze Ethiopia ibitego 3-1 tariki 28 Kanama 2015 ndetse anatsinda Repubulika Iharanira Demokarasi ya Congo igitego 1-0 tariki ya 10 Mutarama 2016 mu mukino wa gishuti wateguraga imikino ya CHAN 2016 yari gutangira nyuma y’iminsi itandatu.

Yanganyije na Kenya 0-0 tariki 6 Kamena 2015 ndetse aza kunganya na Cameroon igitego 1-1 tariki ya 6 Mutarama 2016 mu wundi mukino nawo wateguraga CHAN2016 yabereye mu Rwanda.

Uretse kuba yaratsinzwe n’ibihugu nka Zambia na Senegal mu mikino ya gishuti, McKinstry yanatsinzwe na Gabon igitego 1-0 mu mukino wa gishuti wakinwe tariki 12 Nzeli 2015.

Mu mikino yo gushaka itike yon gushaka itike y’igikombe cya Afurika 2017 kizakinirwa muri Gabon, u Rwanda rwari rwashyizwe mu itsinda rya mumani (H) aho rwari kumwe na Ghana, Mozambique na Mauritius.

Mu mikino itandatu u Rwanda rwasabwaga gukina, rumaze gukinamo imikino itanu (5).Mu mikino itanu Amavubi amaze gutsindamo imikino ibiri (2) harimo umukino ubanza u Rwanda rwatsinzemo Mozambique igitego 1-0 ndetse na Mauritius ibitego 5-0.Gusa U Rwanda rwatsinzwemo imikino itatu (5) nubwo hasigaye umukino umwe u Rwanda rugomba gukina na Ghana kuwa 1 Nzeli 2016.

Mu mikino Nyafurika y’ibihugu ku bakinnyi bakina mu mashampiyona y’ibihugu (CHAN2016), u Rwanda rwasezerewe rugeze mu mikino ya ¼ nyuma yo gukurwamo na DR Congo mu minota y’inyongera. Mu rugendo rwo gushaka itike y’igikombe cy’isi cya 2018, u Rwanda rwakuwemo na Libya nyuma y’ikinyuranyo cy’ibitego 4-2 mu mikino ibiri yahuje ibihugu byombi. Aha u Rwanda rwatsinze umukino ubanza igitego 1-0, Libya itsinda ibitego 3-1 mu mukino wo kwishyura wabereye i Kigali.

Muri CECAFA y’ibihugu, u Rwanda rwakinnye imikino itandatu (6), rutsindwa imikino ibiri harimo uwo Amavubi yatsinzwemo na Uganda ku mukino wa nyuma ndetse n’undi u Rwanda rwatsinzwe na Tanzania ibitego 2-0 mu matsinda.

Mu mikino 26 Jonathan McKinstry yatoje, yatsinzemo imikino icumi (10), anganya ine (4) atsindwa imikino 12. Iyo ugerageje gushyira ku mpuzandengo y’imikino uyu mutoza yatoje, usanga yaratsinze 38.4 ku ijana (38.4%) by’imikino yatoje.Yanganyije 15.3% atsindwa 46.1%.

Ibi byatumye Minisiteri y’umuco na siporo(MINISPOC) yari ifite uyu mutoza mu maboko ihitamo kumuhambiriza utwangushye nyuma yo kubona ko nta musaruro yagaragaje nk’uko Rurangayire Guy ushinzwe ibikorwa by’amakipe y’ibihugu muri MINISPOC yabitangarije Radio10.

“Impamvu nyamukuru ni umusaruro mucye w’ikipe (Amavubi) kuva igihe yari ayifite no kuba yaratakaje intego yo kugeza ikipe mu gikombe cya Afurika.Ndumva impamvu ikomeye aruko atabashije gutuma ikipe ihagarara neza ku ruhando mpuzamahanga nk’uko twabyifuzaga (MINISPOC)”.

Rurangayire akomeza avuga ko nta rwitwazo McKinstry yari afite rwo kwitwara nabi kuko avuga ko ibyasabwaga byose yari yarabihawe.

Uyu mutoza yirukanwe nyamara yari yaramaze kongererwa amasezerano y’imyaka ibiri(2) amasezerano yasinye mbere yo gukina na Mauritius muri Werurwe 2016.Icyo gihe yahise atsindwa igitego 1-0 mu mukino ubanza.Umukino wo kwishyura ahita anyagira iyi kipe ibitego 5-0 i Kigali.
McKinstry yafashe ikipe y’u Rwanda iri ku mwanya wa 68 ku rutonde ngarukakwezi rwa FIFA ariko kugeza ubu ku rutonde ruheruka gusohoka u Rwanda ruri ku mwanya wa 121.

Bigendanye no kuba u Rwanda rufite umukino rugomba gukina na Ghana ku itariki ya 1 Nzeli 2016, Amavubi ari mu kaga gakomeye ko kuzamuka cyane cyangwa kumanuka bikanganye.U Rwanda ruramutse rutsinze Ghana ntacyo byamara muri gahunda yo gushaka itike y’igikombe cya Afurika ariko byatanga amanota yatuma u Rwanda rujya ku mwanya uri munsi ya 121.

Mu gihe ku rundi ruhande, u Rwanda rutsinzwe uyu mukino ntabwo byaba igitangaza Amavubi yisanze mu myanya ya 125 ku rutonde rwakurikira.

Dore urugendo rwose rwa Jonathan Bryan McKinstry mu Rwanda.
Imikino ya gishuti :
Tariki 29/3/2015:Zambia 2-0 Rwanda
Tariki 6/6/2015:Rwanda 0-0 Kenya
Tariki 7/6/2015:Rwanda 2-0 Tanzania
Tariki 28/8/2015:Rwanda 3-1 Ethiopia
Tariki 12/9/2015:Rwanda 0-1 Gabon
Tariki 6/1/2016:Rwanda 1-1 Cameroon
Tariki 10/1/2016:Rwanda 1-0 DR Congo
Tariki 28/5/2016:Rwanda 2-0 Senegal
Urugendo rugana Gabon 2017 :
Tariki 14/6/2015:Mozambique 0-1 Rwanda
Tariki 5/9/2015:Rwanda 0-1 Ghana
Tariki 26/3/2016:Mauritius 1-0 Rwanda
Tariki 29/3/2016:Rwanda 5-0 Mauritius
Tariki 4/6/2016:Rwanda 2-3 Mozambique
Tariki 1/9/2016:Ghana vs Rwanda (Uzatozwa n’undi)
Imikino ya CHAN2016 :
Amatsinda
Tariki 16/1/2016:Rwanda 1-0 Cote d’Ivoire
Tariki 20/1/2016:Rwanda 2-1 Gabon
Tariki 24/1/2016:Moroco 4-1 Rwanda
Muri ¼ cy’irangiza
Tariki 30/1/2016:Rwanda 1-1 DR Congo(AET 1-2)
Muri CECAFA 2015 :
Mu matsinda
Tariki 21/11/2015:Ethiopia 0-1 Rwanda
Tariki 24/11/2015:Rwanda 1-2 Tanzania
Tariki 27/11/2015:Rwanda 3-0 Somalia
Muri ¼ cy’irangiza
Tariki 1/12/2015 : Rwanda 0-0 Kenya (penaliti 5-3)
Muri ½ cy’irangiza
Tariki 3/12/2015:Rwanda 1-1 Sudan(4-2)
Umukino wa nyuma
Tariki 5/12/2015:Uganda 1-0 Rwanda
Urugendo rugana mu Burusiya 2018 (Igikombe cy’isi)
Tariki 13/11/2015:Libya 1-0 Rwanda
Tariki 17/11/2015:Rwanda 1-3 Libya

Ntakirutimana Alfred

IBITEKEREZO

TANGA IGITEKEREZO

Kwamamaza
Kwamamaza
Also in this section
Man United 4-0 Feyenoord : Rooney umaze iminsi akomerwa n’abafana yaciye agahigo

Man United 4-0 Feyenoord : Rooney umaze iminsi akomerwa n’abafana yaciye...

UEFA CL2016 : Manchester City yabonye itike mu mukino warangiye harimo abakinnyi 20

UEFA CL2016 : Manchester City yabonye itike mu mukino warangiye harimo...

Umunyarwanda Valens Ndayisenga ni we wegukanye tour du Rwanda 2016

Umunyarwanda Valens Ndayisenga ni we wegukanye tour du Rwanda...

Valens Ndayisenga yegukanye agace ka Musanze_Kigali muri Tour du Rwanda

Valens Ndayisenga yegukanye agace ka Musanze_Kigali muri Tour du...

Tour du Rwanda 2016 : Eyob Metkel yegukanye agace ka Muhanga-Musanze, Valens agumana ’Maillot Jaune’

Tour du Rwanda 2016 : Eyob Metkel yegukanye agace ka Muhanga-Musanze,...

NEW POSTS
Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...