LATEST NEWS
Imyidagaduro
Umutoza mukuru w’Amavubi Johnny Mckinstry yatangaje uwatezaga ibibazo mu ikipe
Publish Date: mercredi 16 décembre 2015
VISITS :1457
By Admin

Umutoza w’ikipe y’igihugu Amavubi Johnny Mckinstry yemeje ko ari we wasabye Minisiteri y’Umuco na Siporo ko yahagarika Mashami Vincent wari umutoza wungirije mu Mavubi kugira ngo umwuka utari mwiza uvemo maze umusaruro wari warabuze uboneke.


Johnny Mckinstry na Mashami Vencent

Nyuma y’ amezi abiri gusa Johnny Mckinstry asabye ko Mashami Vincent wari umutoza wa APR FC aza kumwungiriza mu ikipe y’igihugu kugira ngo amufashe kugera ku nshingano ze, Mckinstry yahamije ko ari na we wifatiye icyemezo ko atagikeneye Mashami mu ikipe bityo anabisaba Minispoc.

Yagize ati :” Ijana ku ijana ninjye wasabye ko habaho impinduka. Nabitekerejeho mbere gato ya Cecafa mbibwira n’ubuyobozi bwa Ferwafa. Tuvuye muri Cecafa twaganiriye n’abayobozi ba Ferwafa na Minispoc mbabwira ko nifuza impinduka. Bambajije impamvu ndazibabwira. Na bo bati ni wowe mutoza mukuru icyo ushaka gukora ugikore.”

Mckinstry yakomeje avuga ko na mbere yo kugeza icyo cyifuzo ku bayobozi yabanje kwicarana na Mashami amubwira icyo yifuza.

Yagize ati”Ni icyemezo nafashe ndashaka kukigarukaho cyane kuko Mashami ubwe twaraganiriye mu buryo bw’ibanga kandi n’ibyo twaganiriye bizaguma ari ibanga. Njye numvaga kugira ngo tujye ku murongo mwiza nifuza ndetse dutere imbere kurushaho ari uko twakora ziriya mpinduka ; twarazikoze ubu turatekereza kwitwara neza muri CHAN. Impamvu nakoze ibi ni ukugira ngo tuzarusheho kwitwara neza nta kindi.”

Ku bijyanye no kuba ari we wisabiye ko Mashami agirwa umutoza wungirije uhoraho mu Mavubi, Mckinstry yavuze ko yamutoranyije agendeye ku makuru macye yari afite icyo gihe ariko ubu yamaze kumenya byinshi ari na yo mpamvu atakomeza kugendera ku bya kera.

Yagize ati :” Hari byinshi ntari nzi mu mezi atatu ashize. Nagendeye ku byariho icyo gihe nyine ariko buri munsi hari byinshi ugenda ubona. Ibyo twamenye rero mu byumweru bishize byatumye hari impinduka ziba kandi ni ku nyungu z’ikipe. Twabikoze kugira ngo ikipe itere imbere kurushaho.”

Mashami we, aganira na IGIHE yavuze ko abona umutoza mukuru ari urwitwazo yashakaga kuko ubwe yumva ko yakoraga igishoboka cyose ngo ikipe itere imbere kandi nk’igihugu cye nta mpamvu n’imwe yari gutuma atishimira ko Amavubi yatera imbere.

Mashami Vencent

Yagize ati :” Ni igihugu cyanjye nakoreraga. Nta n’umuntu undusha kugikunda. Ikindi kandi ni ko kazi kantunze nta mpamvu yari gutuma ntifuza iterambere ry’ikipe y’igihugu cya njye. Biriya ni ugushaka urwitwazo gusa sinshaka kubivugaho byinshi.”

Biravugwa ko akazi Mashami yakoraga mu Mavubi gashobora gusigarana Jimmy Mulisa usanzwe ari umutoza w’ikipe y’Isonga, ndetse anungirije ushinzwe tekiniki mu ikipe y’igihugu.


M.FILS

IBITEKEREZO

TANGA IGITEKEREZO

Kwamamaza
Kwamamaza
Also in this section
Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

CAN 2017 : Abahungu ba Abedi Pele basezereye DR Congo ya Florent Ibenge

CAN 2017 : Abahungu ba Abedi Pele basezereye DR Congo ya Florent...

NEW POSTS
Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi