LATEST NEWS
Imyidagaduro
Urupfu rwa Papy Safa John rwasigiye ibikomere ababanye na we
Publish Date: mardi 15 décembre 2015
VISITS :551
By Admin

Umuhanzi Safari John [Papy Safa John] wapfuye ku itariki ya 12 Ukuboza 2015 azashyingurwa kuri uyu wa Kabiri tariki ya 15 Ukuboza 2015 mu irimbi rya Busanza i Kanombe mu Karere ka Kicukiro.


Papy Safa John yakunzwe mu buryo bukomeye mu Rwanda mu mwaka wa 2005 kubera indirimbo yakoranye na Kelly bise ‘Umutima Ukunda’.

Iyi ndirimbo yakunzwe cyane kubera uburyo yacurangwaga inshuro nyinshi kuri Radiyo 10 by’umwihariko mu kiganiro ‘Duteze imbere umuziki nyarwanda’ cyakorwaga na MC Monday kuri Radiyo 10 ku Cyumweru nimugoroba.

iyi niyo ndirimbo yamenyekanyeho cyane

Safa Papy John, yavutse mu 1966 ashiramo umwuka mu ijoro ryo kuwa Gatandatu tariki ya 12 Ukuboza afite imyaka 49 y’amavuko. Yazize indwara ya Diyabete yari amaranye igihe nk’uko byemezwa n’abo mu muryango we.

Imihango yose gusabira no gusezera gikirisitu umurambo wa nyakwigendera izabera muri Centre Christus i Remera kuri uyu wa Kabiri guhera saa yine z’igitondo hanyuma ashyingurwe mu irimbi rya Busanza i Kanombe.

Umurambo wa Papy Safa John uracyari mu buruhukiro bw’ibitaro bya CHUK, Uzahavanwa mu gitondo cyo kuwa Kabiri ujyanwe mu Kiliziya ahazabera igitambo cya Misa yo kumusezeraho.

Papy Safa John yapfuye asize abana bane yabyaye ku bagore babiri batandukanye. Yari umuhanzi ufite ubuhanga mu muziki wa Live, yacurangaga piano na gitari.

Yavukiye muri Repubulika Iharanira Demokarasi ya Congo mu 1966 gusa iwabo ku ivuko ni mu Murenge wa Nyamyumba mu Karere ka Rubavu aho yabaye igihe gito ahita ajya kuba i Burayi.

Mu mwaka wa 2005 nibwo yamamaye cyane mu muziki wo mu Rwanda kubera indirimbo ‘Umutima Ukunda’ nyuma asa n’uburiwe irengero.

Muri Nyakanga 2015, Pappy Safa John yatangaje ko agiye kongera kwigaragaza mu ruhando rwa muzika mu cyo yari yise manda ya kabiri gusa apfuye atabigezeho.
Urupfu rwe rwasigiye ibikomere umuryango n’ababanye na we akora umuziki.

M.Fils

IBITEKEREZO

TANGA IGITEKEREZO

Kwamamaza
Kwamamaza
Also in this section
Aimable Bayingana wa Ferwacy yatowe mu bagize inama y’ubutegetsi y’umukino w’amagare muri Afurika

Aimable Bayingana wa Ferwacy yatowe mu bagize inama y’ubutegetsi y’umukino...

Volleyball : Amatora ya FRVB asize Abayobozi babiri batawe muri yombi bazira gutanga ruswa

Volleyball : Amatora ya FRVB asize Abayobozi babiri batawe muri yombi...

’Mvuka mu rwa Gasabo kandi nteye nk’Igisabo’- Nyampinga Honorine

’Mvuka mu rwa Gasabo kandi nteye nk’Igisabo’- Nyampinga Honorine

Irene Uwoya uzwi nka “Oprah” yahishuye ko yikundira abasore bafite isura mbi

Irene Uwoya uzwi nka “Oprah” yahishuye ko yikundira abasore bafite isura...

CAN 2017 : Abahungu ba Abedi Pele basezereye DR Congo ya Florent Ibenge

CAN 2017 : Abahungu ba Abedi Pele basezereye DR Congo ya Florent...

NEW POSTS
Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...