LATEST NEWS
Itohoza
Abanyarwanda baragaya bikomeye amagambo yavuzwe na Depite Byabarumwanzi
Publish Date: samedi 22 octobre 2016
VISITS :7892
By Admin

Kuri uyu wa kabiri mu gitondo twumvise inkuru ibabaje kuri radio flash ijyanye n’amagambo mabi yavuzwe na Hon. Byabarumwanzi. Amagambo ababaje cyane ndetse akaba ari amagambo adakwiye kuvugwa n’umuntu ukorera Leta cyane intumwa ya rubanda kuko arimo agashinyaguro, kutemera Leta y’u Rwanda, FPR inkotayi no kutiyumva muri bagenzi be.

Gusa abo twari kumwe twumva iyo nkuru hari uwatubwiye ko niba ari Byabarumwanzi wabivuze bidatangaje kuko baca umugani mu Kinyarwanda burya ngo “izina ni ryo muntu”. Ubundi mu Kinyarwanda iyo havuzwe inkuru yifuriza inabi umuntu cyangwa umuryango runaka, abandi bantu runaka bagaye iyo nkuru mbi cyangwa bumva itari ngombwa ko ivugwa, baravuga bati “ byabara umwanzi”. Byabarumwanzi rero yavuze amagambo mabi yavugwa gusa n’umuntu ufite urwango mu mutima, wanga u Rwanda, FPR na bagenzi baba abakiriho ndetse n’abatuvuyemo.

Imyitwarire mibi, amagambo mabi ya Byabarumwanzi kuri Nyakwigendera Mucyo n’urupfu rwe.

Birababaje cyane kubona Byabarumwanzi yaramenyeshejwe urupfu rutunguranye rwa Senateri Mucyo akica amatwi, ntahagarike inama. Gusa ikibabaje cyane ni uko yageretseho amagambo mabi cyane akavuga ngo “urupfu rwa Senatri Mucyo ntirwahagarika inama kuko ngo Mucyo yari yarapfuye kera”. Ibi bintu byabara umwanzi koko, nta wundi wabivuga atari Byabarumwanzi.

Umuntu yakwibaza impamvu Byabarumwanzi avuga ko Senateri Mucyo yari yarapfuye kera kandi yaritabye Imana ari ku kazi, yaraje ku kazi yitwaye mu modoka. Wenda Byabarumwanzi yaba yarashakaga kuvuga ko Impanuka yo kugwa kuri escalier yahitanye Mucyo yabaye asanzwe hari indi ndwara afite ? Niba ari n’ibyo yashakaga kuvuga ndagirango mbwire Byabarumwanzi ko ari icyaha gikomeye kuko na Byabarumwanzi ubwe, ku myaka ye, ntabuze indwara afite, agendana, akorana akazi. Byabarumwanzi rero ubu uramutse upfuye ntwavuga ngo “yari warapfuye kera”.

Tugarutse kubyo umuco wa Kinyarwanda uteganya ndagirango menyeshe Byabarumwanzi ko hari amagambo umuntu atavugwa iyo umuntu atakaje ubuzima, iyo abantu bafite ikiriyo, iyo igihugu kiri mu cyunamo cyangwa mu bindi bihe bifitanye isano n’imihango y’urupfu cyangwa gushyingura abitabye imana.

Ariko ikintu kibabaje kurushaho ni ukuntu umuntu nka Byabarumwanzi adashobora kwitondera ibyavuga nibura ngo najya kubivuga abanze atekereze inshingano ze nk’intumwa ya Rubanda : Byabarumwanzi aba muri Komisiyo y’uburenganzira bwa muntu, Ubumwe bw’Abanyarwanda no kurwanya Jenoside. Byabarumwanzi aramutse atirengagije inshingano zijyanye n’iyi Komisiyo abamo ntiyavuga amagambo nkariya.

Kwica akazi, kuvangira bagenzi be, kwangisha abaturage ubutegetsi

Byabarumwanzi na bagenzi be bari muri Nyamagabe banasuye na Gereza baganiriza abafungwa biganjemo abakoze jenoside yakorewe abatutsi. Bamporiki yatanze ikiganiro abafungwa baranyurwa bamuha amashyi y’urufaya. Byabarumwanzi afashe ijambo abwira abafungwa ngo “ Jye sinkeneye ayo mashyi mwahaye Bamporiki”. Arakomeza aravuga ngo “Hon. Bamporiki, mujye mumuha amashyi jye sindi inkomamashyi nka Bamporiki”.

Aya ni amagambo mabi cyane muri politiki. Kubwira abafungwa ko adakeneye amashyi nk’ayari amaze guhabwa Bamporiki nyuma kubaganiriza bakanyurwa, bivuze ko Byabarumwanzi yagiye kuganiriza abafungwa yumva atari ngombwa, yumva atari ngombwa kubaha ubutumwa bubafasha cyangwa bubanyura nubwo bafunze, ntiyari yiteguye kumvisha abafungwa akamaro ka gahunda y’ubutabera, guhana no guhanura abafungwa no kubagaragaza isano iyo gahunda ifitanye na Genoside yakorewe abatutsi n’ibindi.

Nkaho ibyo bitari bihagije, Byabarumwanzi yongeyeho ko Bamporiki ari inkomamashyi. Ubundi umuntu bamwita inkomamashyi iyo ari umuntu urangwa no guhakwa cyane kuri shebuja ku buryo burenze igipimo gikenewe. Aha umuntu yakwibaza icyo bitwaye Byabarumwanzi kuba Bamporiki ari inkomamashyi cyane cyane ko badasangiye ishyaka.

Tubishyize mu mvugo ya giturage twavuga ko Shebuja wa Bamporiki ari RPF Inkotanyi. Kugaya rero ko Bamporiki akomera amashyi RPF, ahakwa cyane kuri RPF bifite icyo bihishe kandi kibi. Kuko kuba Bamporiki yahakwa kuri RPF atari icyaha, cyangwa inenge kuburyo Byabarumwanzi yabigaya mu ruhame. Mu yandi magambo ikibazo Byabarumwanzi ntagifite k’ukoma amashyi (Bamporiki) ahubwo agifite k’uyakomerwa (RPF). Ibyo Byabarumwanzi yavuze bigaragaza ko ikigega ibitekerezo bye ubu ari ukurwanya RPF n’umurongo n’ibikorwa byabo.

Byabarumwanzi arongera ati sindi inkomamashyi nka Bamporiki. Bivuze ngo ibyo Byabarumwanzi yagezeho murwego rwa politiki ntawe abikesha, ntawabimugejejeho mbega ni a self made man muri politiki. Byabarumwanzi uribeshya cyane, iki gihugu ugikesha byinshi birimo n’ibirenze ubikwiriye.

Byabarumwanzi yakomeje avuga ko iby’iyi Leta atabizi ngo azi ibyo muri Leta ya Habyalimana. Intumwa ya rubanda ivuga ibi ubwo yaba yemera umurongo wa Leta iriho ? Ibi byabara umwanzi gusa ntawundi wabivuga akicaye mu ntebe yo guhagararira abanyarwanda.

Mu gusoza, Byabarumwanzi akwiye kumenya ko atari byiza gukurikiza amagambo mabi umuntu witabye Imana. Ntibyari ngombwa kuvuga ariya magambo Senateri Mucyo amaze kwitaba Imana cyane cyane yakurushaga agaciro n’ubugabo. Kwica akazi byo ukwiye kubibazwa naho kugaya abubaha bihagije ababayobora, buriya sibo uba ugaya ahubwo uba urwanya ababayobora.

Depite Byabarumwanzi Francois

Turasaba ko imyifatire ya Byabarumwanzi yayibazwa, akamburwa ubudahangarwa byaba ngombwa akayihanirwa.

Emmanuel-Kigali Umusomyi wa Rushyashya

IBITEKEREZO
Mabano

Wowe uvuga urwango urashaka kuvuga iki. Ko abantu mukunda gushyigikira amafuti ninde wabimutumye !! Ibyo nibyo yari yagiye kwigisha abaturage !! Eeeh akarenze umunwa karushya ihamagara.

ngaho

Rushyashya murayihora iki ? Ibinyamakuru byose byarayanditse kd abavuga ko akuze yize none se mugesera ntiyari Dr mu mategeko ; Munyeshyaka si Dr bose bize kandi baminuje bazi ubwinge ; ariko amakosa bakoze nanjye utarize sinayakora jye rero sinabitindaho nawe byamwanze munda dore ko iyo umuntu asaza aba umu conservateur. Simushinja ariko sinabitindaho byashoboka.

natete

UMWANDITSI WA RUSHYASHYA MUCUGUZE IBYO YANDIKA KUKO YAHOZE MURI PL MUREBE NEZA NIBA HATIHISHE IKINDI INYUMA, HONORABLE FRANCOIS C'EST UN HOMME INTELLIGENT, SAGE QUI FAIT LA COMMUNICATION cad AZI NEZA IBYO YAVUGA NIBYO ATAVUGA , ARI MUBANTU BATAKWAGISHA ABATURAGE UBUTEGETSI , TWE ABATURAGE TURASABA KO MWAREBANA IBIBINTU IKIBYIHISHE INYUMA KANDI TWIZEYE LETA YACU NTI HUBUKA.

Depite

Birababaje kumva amagambo nk'aya, aho ikinyamakuru cyiha umuntu w'umuyobozi nka Byabarumwanzi Francois gishaka gusa kumuvutsa uburenganzira bwe.BYABARUMWANZI bigaragara ko mwari mumurwaye iminsi mbese hari harabuze imbarutso. Iyi mikorere ya Rushyashya ntaho itaniye n'iya Kangura kandi amaherezo muzasimbura NGEZE HASSAN mugihome. Ibihe biha ibindi nimushaka muvuge muziga kuko ntawe utabona icyo inyandiko nk'iyi ya RUSHYASHYA iba ihatse,uretse babandi bakuye ubwenge mu mutwe bakabushyira mu gifu. Banki mwazimaze muri kuziba mwaruciye murarumira,,abaturage inzara irabishe,murinumiye kubera ko muyabakamuramo mwamara guhaga mugacura amatiku ngo Byabarumwanzi.KUBONA IGIHUGU kirwaza Bwaki mu bagabo ,aho usanga umugabo w'imyaka 20 asigaye angana n,uw'imyaka 10 !? ;

K. Deogratias

Ntibyoroshye kumva ko umuntu nka Byabarumwanzi, ukuze bihagije nkaba nali nziko afite ubwenge burenze kuko yali mwalimu wacu kuli Université i Nyakinama, atwigisha SOC - communication sociale- , kandi ali umwe mu banyamakuru bake batarenze 2 we na Higiro JMV bize journalisme mu rwego rwa université , aza no kuba chef de service muli ORINFOR, atuyobora, ukuntu yavuga aliya magambo. N'umuturage usanzwe amenya amagambo yo kuvuga iyo abwiwe inkuru y'urupfu rw'umuntu azi bafite n'aho bahuriye mu kazi cyangwa mu buzima busanzwe. Only umurozi niwe wavuga amagambo ameze gutyo kandi n'umurozi sinzi niba yanegulira abazimu mu ndaro. Aliya magambo kuyabwira Bamporiki ni gukora allusion ku bayaboka ba RPF indirectly na RPF ubwayo nka system. Ibi byose mbivuze kubera ko ntumva ukuntu umuntu nkawe yagira" lapsus lingua" ngo urulimi rwanyereye akavuga kuliya.... akuzuye umutima gasesekara ku munwa. Ntacyo mpfa nawe kuko naramwemeraga mu bya Journalisme, aliko njye sinzi uko abantu bameze kuko koko n'umurengwe urasindisha. Mbere ya 1994 yali umurakare turabyemera tugereranyije n'ubwenge bwe kuko bamuhaga imyanya itali myiza ugereranyije na level ye. Aliko nabyo si absolute right. Umwanya mwiza limwe na limwe ni priviledge kuko haba hali n'abandi bawujyamo bagakora kandi bikagenda. Noneho agashyiraho no kugaya ikimuhatse. Yabishaka atabishaka ali kuli uwo mwanya kuko RPF itabyitambitse ngo imubuze kuwugeraho. Uzi kumva yakumva ibyo nshatse kuvuga aha ngaha. Ikindi kandi njye ndabona halimo no kuba igihararumbo, kuvuga amagambo nkayo uzi contexte socio-politique y'u Rwanda, rumaze kuva muli genocide ya 1994.

B.Jean Baptiste

AHO UBWO NTIYIKOZEHO ! KUBERA IVUZIVUZI RYE ? GUSA NTIYAVUZE NEZA .

Bisimana

Reka murAmumeshyera. Ibyo bintu ntabyo yarota avuga

gihozo

uyu ndabona Bamporiki amwirengeje da

Kalisa

Erega ubwo urubanza uraruciye rurarangiye !!!

ngendo

Mu by,ukuri ntabwo ibi bikwiye umuntu uhagarariye 11millions z'abanyarda ufite ubudahangarwa.Mugihe umukuru w,umudugudu ukorera ubushake natwe abaturage twese dushima Leta Y.ubumwe n,umuryango FPR ubu rero koko ibi Bintu Byara umwanzi iso ntakwanga akwita nabi.arko aho kugirango azagoreke benshi niba ibya Leta ya Muzee Kagame ntabyo azi azi ibyo kwa Habyara bamuhe intebe akwiye,kuko U Rwanda ruyobowe na Muzehe Kagame ntabwo ari Habyara .byonyine kuvugira ku mubyeyi wacu Mucyo ibi ni ugushinyagurira uwitabye Imana icyaha Penal,umwanzuro ntanga uyu mugabo nahamagazwe nababishinzwe bamubwire ko intebe yahawe ariyo kwicara ho atari iyo guhagarara ho bityo ahindurirwe kuko igihe kirageze ngo intebe yahawe akayihagararaho kdi bidakwiye ayiveho ahagarare kuko nibyo yahisemo areke abafite gahunda n,imitekerereze mizima bicare bakorere abanyarwanda.

Kashaza Gashamura

Yari yarapfuye cyera : Ntaho yari agihagaze, yari yarahahamutse,baramutsembatsembye bakamumaraho umuryango.

Ruhago

HARYA UWITWA MAGALI NAWE NTIYARI DEPITE NDETSE WA FPR ? NTAGO MPERUTSE AMAKURU YE !!!

Birebwe neza, harimo niba birimo ukuri. Ubundi yari inyangamugayo mu kazi ashinzwe.

Sikubwabo

Usoma iyi nkuru arahita abona neza urwango Hon Bamporiki yanga mugenzi we bari muri Komisiyo imwe. Bamporiki yerekanye ko ari gatumwa yitwara nk'utari umunyarwanda. Mushishoze

Ayabagabo

Ariko uwandika ibi koko ntaciraHon Byabarumwanzi urwa Pilato....ntihagire ubiha agaciro

nzabandora

ariko ikinyamakuru nkiki,ubukoko ntago kizazana ishyano mubanyarwanda ??? nzaba mbarirwa !! Guss kuba mwandika ibintu nkibi ntihagire ukoma,bihishe byihshi !! ese wowe mwanditsi wiyinkuru nkwibarize,iyo uvuga ngo abanyarwanda baragaya amagambo yavuzwe na Hon. Byabarumwanzi, ntuvuge nibura izina na1 ryuwagaye ayo magambo,ukavuga gusa ngo abo twarikumwe...ubwo ukuri kuri hehe ? icya2,wamaze deja kumushinja ngo yavuze amagambo !! Ayavuga waruhari ?? wamuciriye se urubanza cg hari urukiko rwamwemeje icyo cyaha ?? ariko mwagiye muba abanyamwuga mubyo mukora ????

Cyusa Canisius

Ngewe ndumva Byabarumwanzi ntabitekerezo bizima afite nk'intumwa ya rubanda kuko ndumva ari inyangarwanda discours yavuze akwiye kuzihanirwa kuko ntamu Depite wavuga nkibyo yavuze harimo gushinyagurira umuntu witangiye igihugu agapfa anacyitangira no gusebya umudepite mugenzi we imbere yabanyabyaha barimo nabakoze Genocide birababaje cyane rwose nkishyaka akomokamo rya PL rimufatire ibihano,Leta nayo ishake ukuntu yamuha kujya mw'itorero kuko ndumva ntabunyarwanda afite,Morakoze

gaetan

Jye ndatangaye pe !gusa ntibinshimishije gusa ibuye ryagaragaye ntirikishe isuka, kandi ayo magambo ntakwiye umuntu ashaka impinduka nziza .

Shami Emery

Ibyo mwanditse byose ni ibinyoma mumuhimbiye mubyukuri.numwana wigitambambuga ntiyavuga ayomagambo yose mugeretse kuri Byabarumwanzi François. Gusa muri Abahanga mugu tekinika.Imana izabibabaza muri jugement yanyuma.Courage rwose.

Aime

Niba koko ibyo byose. Byabarumwanzi yarabikoze kandi hakaba hari Proofs zabyo koko dutegereje kumva inteko ishinga amategeko byihuse cyane ifata umwanzuro kuri iyi myitwarire cyane cyane agasuzuguro yakoreye mugenzi we naho urwango rwo kwanga Mucyo no kwangisha ubuyobozi abagororwa akabihanirwa namategeko.

1 | 2

TANGA IGITEKEREZO

Kwamamaza
Kwamamaza
Also in this section
Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Umudiho uva mu itako

Umudiho uva mu itako

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...