LATEST NEWS
Itohoza
Abanzi b’Igihugu bikomye bikomeye Ikinyamakuru Rushyashya n’umuyobozi wacyo
Publish Date: samedi 12 mars 2016
VISITS :4285
By Admin

Nkunda gusoma amakuru anyuranye ku mbuga nkoranyambaga zikusanya amakuru anyuranye. Ni muri urwo rwego mperutse kugwa ku nkuru yanditswe na Gallican yise ngo “ Rushyashya ni Kangura Nshya”.

Muri iyi nyandiko ndifuza kugira icyo mvuga kuri iyi Nkuru ya Gallican Gasana. Ndaza ariko no kugira icyo mvuga k’uvugwa n’ikivugwa ( Burasa/Rushyashya) ariko ndagira n’icyo mvuga k’uvuga (Gallican) n’icyo avuga (Leta y’u Rwanda, Burasa, Rushyashya na Kangura).

Burasa Jean Gualbert ni umunyamakuru ukora umwuga w’itangazamakuru ryandika akaba yararokotse Jenoside yakorewe Abatutsi, umuryango we wose warishwe. Mbere y’intambara no mu ntambara yabaga i Kigali kwa Nyirarume, Bwana Kameya Andreya, wamenyekanye cyane mu itangazamakuru kuko yari afite ikinyamakuru cyitwa “Rwanda Rushya”. akaba yarishwe muri Jenoside yakorewe Abatutsi.

Ku rundi ruhande, Gallicani na we ni umunyarwanda akaba umunya kigali, mu Muhima, aho afite umuryango. Uyu muryango we wakunze kwibasirwa no kugirirwa nabi n ’abari mu butegetsi bwa Habyarimana, mu gihe Gallican yari i Burayi, aho yagiye mu 1992, ajyanywe n’umuzungu wari Ambasaderi w’u Bubiligi mu Rwanda, mbere ya Jenoside yakorewe Abatutsi, uwo mubiligi ni we wari warashinze akanatera inkunga Orchstre “Les Huit Anges” yaririmbagamo abana atoraguye i Nyamirambo no mu Muhima akabigisha gucuranga, harimo n’uyu Gasana Gallican, yageze aho agahindura umugore we kugeza aho amujyaniye iwabo mu Bubiligi. Ubu Gallican aba muri Canada.

Burasa na Gallican bafite icyo bahuriyeho. Bombi bagiriwe nabi n’ubutegetsi bwa Habyarimana ndetse Jenoside yabagizeho ingaruka zitoroshye ku bigero bitandukanye. Nanone aba bombi bafite aho batandukaniye.

Icya mbere

Burasa aba i Kigali na ho Gallican aba muri Canada. Ikintu kinini gikomeye kibatandukanyije ni imyumvire yabo ya politiki. Burasa yanyuzwe n’imiyoborere myiza, imyifatire n’imitekerereze ya Perezida Paul Kagame, akaba anashima cyane umurongo wa politiki, ibyagezweho n’ibiteganywa na Politiki y’u Rwanda, irangajwe imbere na FPR Inkotanyi, nk’uko abigaragaza mu kinyamakuru cye Rushyashya.

Umunyamakuru Burasa Jean Gualbert na Gasana Gallican umpunzi irwanya Leta y’u Rwanda

Gallican we, iyo witegereje ibyo akunda kwandika, ku rukuta rwe (Facebook) no ku mbuga za internet nka The Rwandan, imivugire ye n’ibitekerezo bye usanga yanga urunuka ndetse anarwanya ubutegetsi bw’u Rwanda na Gahunda yabwo. Nk’uko Gallican abyivugira we ubwe mu nyandiko ye yakwirakwije ku mbuga nkoranyambaga, harimo n’urw’abacitse ku icumu rukorera mu buhungiro, bigaragara ko ari mu gice cy’abahezanguni barwanya Leta y’u Rwanda.

Kuba rero Gallican arwanya Leta byanatumye yanga umuntu uwo ari wese ukunda, ukorera, ushyigikira Leta y’u Rwanda na Perezida Kagame. Akaba ari muri urwo rwego yanditse inyandiko igereranya Rushyashya na Kangura ya Ngeze Hassan.

Jyewe ndengeje imyaka 40, ni ukuvuga ko namenye Ubutegetsi bwa Habyarimana n’ikinyamakuru Kangura cyabushyigikiraga kugera n’aho byombi bifatanya gukora no kugira uruhare muri Jenoside yakorewe Abatutsi.

Kangura ni ikinyamakuru cyabaye umuyoboro wo gukaza urwango n’umurego w’amacakubiri ashingiye ku moko mu Rwanda, kikaba cyaranagize uruhare runini mu gushishikariza Abahutu kwica Abatutsi haba mbere ya Jenoside no muri Jenoside. Kangura yaranzwe no gutangaza inyandiko zibiba urwango zisohowe na Ngeze Hassan zirimo inyandiko yamamaye cyane yiswe amategeko 10 y’Abahutu, yanditswe na Gitera Joseph mu 1959, we akayizura umugambi wa Jenoside uri hafi gushyirwa mu bikorwa.

Umuyobozi wa Kangura Ngeze Hassan ubwe yitabiriye ibikorwa bitandukanye byo kwica Abatutsi nk’igeragezwa rya Jenoside ryakorewe mu Bigogwe, Kibirira, Bugesera, Murambi yayoborwaga na Gatete n’ahandi, ndetse anitabira imyitozo y’Interahamwe muri Gishwati no mu kigo cya gisirikare cya Gabiro, aho batozwaga kurimbura Abatutsi.

Ibi byose Ngeze yabifashijwemo n’abari bagize umutwe wiswe Escadro de la mort. Ibyo bikorwa by’ubugizi bwa nabi, Kangura yabyamaje 1994 nk’ibikorwa by’ubutwari.

Aha rero kugereranya Rushyashya na Kangura, ni ibintu bidafitanye isano na gato, kuko nta kintu na kimwe kiriho ubu cyakwemererwa gukora kiramutse gifite umurongo w’amacakubiri ayo ari yo yose mu Rwanda ku butegetsi bwa FPR Inkotanyi.

Rushyashya ni Ikinyamakuru cyigenga, cyandika ku bintu binyuranye ariko gifite umurongo mugari wo kurwanya Jenoside n’inyengabitekerezo yayo. Kugereranya Rushyashya na Kangura ni igitutsi gikomeye.

Mu nyandiko ya Gallican yanagaragaje ko Rushyashya itigenga mu mikorere. Dutanze urugero uyu munsi tariki 08/03/2016, kuri www.rushyashya.net ku ipaji ibanza (main page) urahasanga inkuru zivuga kuri Ingabire Victoire, ku bibera i Burundi, ku matora y’i Bugande, Ababikira biciwe muri Yemen, Politiki y’u Rwanda n’ibyagezweho n’ibindi.

Nta hantu na hamwe wahera uvuga ko Rushyashya itigenga ko cyangwa ikorera inzego z’ubutasi z’u Rwanda, kuko bandika amakuru asanzwe ushobora no gusanga mu bindi binyamakuru.

Ku giti cyanjye wakwibaza uti « ese kuki hari inyandiko nyinshi Burasa yandika zihuye n’umurongo wa Leta ? » Njye mbona ari ibisanzwe, ahantu henshi ku isi, Leta ni yo iza mbere mu gutanga umurongo ngenderwaho mu bitekerezo, mu bikorwa no mu migirire.

Iyo Leta ikora neza, ibitekerezo byayo bigenga imikorere n’imitekerereze ya benshi, by’umwihariko n’umurongo mwiza w’itangazamakuru. Nkaba ari muri urwo rwego mbona Burasa akunda kwandika inyandiko zivuga rumwe n’umurongo w’imiyoborere ya Guverinoma y’u Rwanda.

Icya kabiri

Ingabo za FPR ziyobowe na Perezida Kagame zagiriye neza Burasa, ziramurokora ubwo zahagarikaga Jenoside. Kurata ibigwi by’uwakugiriye neza, akanakubitiraho kuba yarahagaritse Jenoside, igihugu akacyubaka kugeza aho cyubashywe n’amahanga nyamara cyari cyarasenyutse mu buryo bugaragara, ndumva atari inenge mu muco mwiza wa Kinyarwanda.

Ikinyamakuru Rushyashya n’Umuyobozi wacyo Burasa, akaba na nyiracyo

Perezida Paul Kagame na Leta y’u Rwanda bashimwa n’amahanga ku ntambwe ihebuje mu iterambere n’imiyoborere myiza yimakaza Ubumwe n’ubwiyunge bw’Abanyarwanda u Rwanda rwagezeho nyuma ya Jenoside.

Urugero : u Rwanda ni urwa Gatatu muri Afurika mu korohereza abakora ubucuruzi ( 3rd in Africa by the World Bank Doing Business Report 2015), U Rwanda rwemewe na Forumu y’iby’ubukungu ku isi nk’igihugu gifite Leta ikora neza cyane muri Afurika (most efficient government in Africa) n’ibindi. Uretse na Rushyashya, umuntu wese ukunda igihugu, ibi yabuzwa n’iki kubyishimira no kubitangaza !

Ubu se nk’ibi bintu byiza Leta ikora, ndetse hamwe n’ibindi byinshi, Burasa hari ukundi yabyandika uretse kubishima nk’uko abandi baba babishimye ? None se Burasa yagaya ibyiza kugira ngo opposition yishime ? Aha ni ho mvugira ko kuba Burasa ashima ibyiza Leta ikora, ntibivuze ko akorera Leta, kandi nta nubwo byamubuza kwigenga nk’umunyamakuru w’umunyamwuga.

Tugarutse kuri Gallican nk’umuntu urwanya Leta, nkeka ko wandika iriya nyandiko wabitewe ni uko Burasa yagushyize ku rutonde rw’abarwanya Leta ndetse akagira amakuru agutangazaho. Erega kwandika inkuru ku barwanya Leta ntabwo bibujijwe, kuko mu by’ukuri Gallican ibikorwa ukora bikugaragaza nk’umuntu wo muri opposition.

Nta kundi kuntu Burasa yakuvuga uretse kukuvuga uko uri. Urwanya Leta nawe urabyiyemerera, Burasa nk’umunyamakuru, aramutse ashaka kwandika inyandiko kuri opposition uragira ngo azavuge ko ukunda Leta y’u Rwanda kandi uyanga ?

Gusa muri Canada hakunze kwiganza abantu b’Abanyarwanda bafite imyumvire nk’iyawe, barimo David Himbara wabaye iciro ry’imigani mu kwandika ibinyoma ahimbira Leta yakoreye, kubera imyitwarire mibi yamugaragayeho akamburwa umwanya yari afite w’ubujyanama bw’umukuru w’igihugu, agahitamo inzira yo gusenya, nkeka ko uko iminsi izagenda ihita muzava ibuzimu mukajya ibuntu.

Gallican n’abandi bake baba hanze rero hari igihe mwitiranya ibintu. Uvuga rumwe na Leta ubwo aba akoreshwa n’umuyobozi runaka ? Icyo Gallican akwiye kumenya ni uko abo bayobozi muvuga, ari bo ba mbere batakwemera ikintu icyo ari cyo cyose cyaba gisa, cyangwa kiganisha ku macakubiri nk’aya Kangura.

Mu nyandiko ya Gallican rero nabonye anatega iminsi Burasa. Ibi ni iterabwoba ry’abanyantege nke, ntacyo Burasa azaba, kuko n’imihoro ya mu 1994 yamusize amahoro.

Mu gusoza uti rero, Rushyashya yaba ishyigikiye Leta cyangwa opposition ? Niba wumva se ishyigikiye opposition ukwiye kuba ufite ikihe kibazo.

Ahubwo nta makuru ahagije Burasa afite kuri Gallican kuko azwiho byinshi bibi cyane birenze ibyo Rushyashya yamwanditseho.

Ngeze Hassan wabibye amacakubiri mubanyarwanda akaba yarahamwe n’icyaha cya Jenoside

Cyakora Gallican hari ikintu cyamukiza, ni ukureka kwivanga mu bitakureba. Impamvu mvuze ibi ni uko Gallican yiyita uri muri opposition ariko mu by’ukuri ni umuntu w’umunyantege nke cyane kuko si n’umunyapolitiki uhamye wahangana n’itangazamakuru rishyigikiye ubumwe bw’abanyarwanda n’ibyo bamaze kugeraho.

Emmanuel Kigali

IBITEKEREZO
andrew

Ariko njye narumiwe koko iyo mbona umntu wiciwe n 'interahamwe nka Gasana (GATENERI) izina ryo mubwana/ yirirwa asebanya njye numva mugaye cyane ariko ntawamurenganya ni ay'inda yibagiwe uko nyina bamutemaguye na murumuna we koko ? Aha cyakora mujye mubareka barasaze pe

Gasora Jean-marie

Ikinyamakuru Rushyashya kimaze guhashya abanzi b'u Rwanda.Bari barihaye imbuga zose bandika ibyo bishakiye.Ariko ubu bamaze gucogora aho abenegihugu bamenyeye amateka y'ibyo bigarasha.Ntawe bazongera kubehya,tuzifashisha izindi media ngo tubashyire ahagaragara.Bravo rushyashya mukomeze kuborosora,tumenye ibyabo.Ibyo Gallicani yanditse niby'ikimwaro gusa nta kindi.

Jaques Ntazinda

Gallican niwe washoje intambara yirirwa asebya H.E.kuri za media zose zishoboka.Yakoze agakungu kagendereye guhora basenya ubuyobozi,birirwa babwejagura mu mahanga iyo muri za Canada. Gallicani nakomere,ahangane n'Abanyarwanda bo muri Diaspora kuko nitwe tumuzi.Mu munsi ishize yarasebye arimo gushaka abanyekongo bo gutuka President wacu Toronto,baramwiyama.Atumaho Boston ngo Abarundi bazajye kwigaragambya,naho ahatera agaciro kuko Abarundi baje ari benshi kwifatanya n'Abanyarwanda kwakira President.Abakongomani bo bamuteye utwatsi.Mu gihe yumva ko akoresha intwaro yo gusebya no gutuka uwutamusubiza,azakenyere tumukanire urumukwiye.

Bushayija Aime

Ubwo Gallicani yikomye ikinyamakuru cyo mu Rwanda,kuki atanyomoje ?Ko muri 2006 igihe yifatanije n'abandi banyarwanda barindagiriye Ottawa nka ba Masozera muri partie bise ARENA maze ikinyamateka cya Canada kikavuga ko benshi muri bo basaba Assylum babeshya ko bacitse kw'icumu kandi muri genocide batari bahari ?Kuki atireguyeejo bundi ,umugore we amushinja mu rukiko kandi mu ruhame ko atashobora kubana nawe afite ihabara ry'umugabo ?Nakenyere duhangane twe tumuzi naho areke kwanjwa ngo aratera icyuka rushyashya.Umwanditsi yandika amakuru bamuhaye.Kandi Gallicani niba yumva ko bamusebeje,afite uburenganzira bwo kurega.

eric habamenshi

Ndasubiza Kalisa. Nta opposition iriho,kandi yigeze ibaho kuva nyuma ya 1994.Habayeho gusana ibyangiritse,gucyura impunzi,gufata mu mugongo no gufasha Abacitse kwicumu,kwita ku mfubyi n'abapfakazi etc....Ibyo nibyo byari priorite ya gouvernement naho yar'icyiri nshya,yubaka inzego zari zarasenyutse nayo yiyubaka ubwayo. U Rwanda rwafashe isura nshya muri 2003,rukomeza kujya imbere na nubu.Amahyaka yakomeje kubaho,ndetse arigenga.Naho opposition Kalisa avuga niya yindi ya baringa ivugira hanze y'igihugu,kandi nayo yubakiye ku nda nini,amacakubiri,na ideologie ya genocide.Murumva ko mu byukuri nta shingiro opposition ifite. Ese mwari mwabona icyitwa oppoition kitagira umurongo wa politique ?Nta gahunda,nta bitekerezo bizima,nta kuvugurura ibihari,mbese ntacyo opposition ifite kigaragara atari ugusebya ubutegetsi.Indi demokarasi irenze kwishyira ukizana mu gihugu niyihe ?

Francine Uwera

Ndasubiza Chris, Ikinyamakuru kirigenga kandi gifite uburenganzira bwo kwandika amakuru aturutse yirya no hino.Muri America dufite ikinyamakuru cyitwa''THE ENQUIRER"kimeze nka rushyashya kuko gishyira hanze ibyo abantu basanzwe batazi.Mu gihe amakuru afite ishingiro aturutse kuri sources zizewe,ziyubashye,kandi hari n'uburenganzira bwo kunyomoza ibyanditse,simbona impamvu Gallicani atandika ngo avuge ubwe nib'amakuru avugwa atariyo.Ntabitutsi twigeze dusoma muri rushyashya,ahubwo ngo "UHAKANA UBUGORE ARAGARAMA"nanyomoze tumwumve naho kugereranya Rushyashya na Kangura,yabuze ibyo avuga yiregura.

irebe ester

Nta gitangaza kirimo nubu uwo Gasana Gallicani yari yaratinze kwandika.Ababana nawe,bavuze ko inkuru rushyashya yamwanditseho,yar'azi ko ar'ibanga cg vie privee ye ko ntawuzi ibyo yirirw'akora muri Toronto.Ahubwo umwanditsi wa rushyashya agaragara ko yamupfuye agasoni. Ku bwanjye nibwira ko mu gihe Gallican asebya igihugu,n'ubutegetsi yahunze kandi ntawamwirukanye,we yaragiye kera cyane na mbere y'intambara,ariko akifatira ku gahanga Nyiricyubahiro President wacu Paul Kagame,nawe akwiye kugaragara kandi nakomeza bizamuviramo ubundi bucukumbuzi bumwerekeye maze naho ari bamumenye kandi bazamuryoze iryo bara asiga u Rwanda n'ubutegetsi .

Cris

None ko ubitubwira siwowe uba wabatangiye icara muyaterane amagambo none wirwa ubandika uziko bo nta rurimi nuko nyine akazi gakorwa courage rero icara mutukane

kalisa

Ariko Rushyashya yumva ko opposition itagomba kubaho ? murakataje muri demokarasi.

kay

Gaallican yararangiye n'umugore yaramutaye inama namugira nukwisubirira muba Gay kuko nibyo ashoboye


TANGA IGITEKEREZO

Kwamamaza
Kwamamaza
Also in this section
Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Padiri Nahimana arategura imyigaragambyo itemewe kuri Ambasade y’u Rwanda i Buruseli

Padiri Nahimana arategura imyigaragambyo itemewe kuri Ambasade y’u Rwanda...

Burundi : Willy Nyamitwe yarusimbutse, umwe mu bamurindaga ahasiga ubuzima

Burundi : Willy Nyamitwe yarusimbutse, umwe mu bamurindaga ahasiga...

Uganda : Imvuru zadukiriye Umujyi wa Kasese

Uganda : Imvuru zadukiriye Umujyi wa Kasese

Urukiko Ruzemeza Aho Umugogo w’Umwami Kigeli V Uzatabarizwa

Urukiko Ruzemeza Aho Umugogo w’Umwami Kigeli V Uzatabarizwa

NEW POSTS
Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...

Ibibazo bibazwa Padiri Thomas Nahimana uzagera mu Rwanda kuri uyu wa Gatatu

23-11-2016

Ibibazo bibazwa Padiri Thomas Nahimana uzagera mu Rwanda kuri uyu wa...