LATEST NEWS
Itohoza
Abatemera yuko FDRL igiye ni abashinyaguzi
Publish Date: lundi 6 juin 2016
VISITS :1733
By Admin

Ibyahoze kiboneka nk’amakimbirane asanzwe abantu bakwibanira nayo muri FDLR ubu bimaze kuba ibibazo bikomeye bishobora kutazarangira uwo mutwe udasenyutse.

Ni byinshi ariko ibya vuba aha twavuga kuri Col. Wilson Irategeka uherutse no kwitandukanya n’uyu mutwe awutwaye igice kitari gito cy’abarwanyi.

Amakuru aturuka ahantu hatandukanye avuga yuko n’ubusanzwe FDLR yari isigaranye abarwanyi bake, kuko babarirwa ku 1500, undi wese witandukanyije nayo ku buryo ubwo aribwo bwose biba biyibereye igihombo gikomeye.

Ikibazo ahanini cyatangiye muri 2015 aho operasiyo Sukula, ikinakomeza na n’ubu, yamenesheje FDLR mu birindiro byayo byinshi harimo no mu bice bya Ihura.

Nk’uko abari hafi nayo babihamya ibi byatumye muri uyu mutwe, wari unasanzwe utagifite utubaraga hadukamo urwikekwe n’amacakubiri. Bamwe bagakeka yuko abandi babagambanira, bagakuramo akabo karenge ariko nabo biyita FDLR y’igipande runaka !

Ntabwo bisobanutse neza uko Gen. Sylivestre Mudacumura (Bernard Mupenzi) witwa yuko ariwe muyobozi mukuru wa FDLR gisirikare imyaka myinshi agifite koko ubwo buyobozi muri uwo mutwe ushinjwa kuba benshi mu bawugize barakoze jenoside mu Rwanda 1994 bakaba baranakoze ubundi bwicanyi ndengakamera mu burasirazuba bwa Congo (DRC).

Ntibisobanutse kuko umwungirije (chie of staff), Gen. Leopold Iyamuremye yatawe muri yombi, ubu akaba afungiwe Kinshasa kuko hasigaye Gen. Pacific Ntawunguka (Omega) udatahiriza umugozi umwe na Mudacumura.

Muminsi ishize umuyobozi mukuru wa FDLR muri politike, Ignace Murwanashyaka urukiko mu Budage rwaramukatiye kimwe na Straton Musoni. Basimbuwe by’agateganyo na Gen. Victor Byiringiro yungirijwe na Wilson nyamara aba bagabo bombi byaribisanzwe yuko badacana uwaka. Uko bakorana rero ni inshoberamahanga.

Ikibazo cyakomeje kugora FDLR ni imikoranire n’abafatanyabikorwa bayo, bivuze imiryango y’abayigize n’abanyarwanda bahunganye muri rusange. Byakomeje kuvugwa yuko FDLR yakomeje gukoresha abantu nk’imitaka yihishamo (human Shields), aho ikura umutungo kimwe n’abarwanyi bashya.

FDLR mu marembera

Amakuru ahamya yuko hashize igihe kirekire hari ubwumvikane buke muri FDLR bitewe n’uko abo banyarwanda babo bafatwa.

Imyaka 22 irashize ariko byananiye ishami rya LONI rishinzwe impunzi (UNHCR) cyangwa irya DRC (CNR) kumenya mu by’ukuri uri impunzi y’abanyarwanda cyangwa aba “Secondo”). Aba Secondo bivuze abanyekongo bavuga urulimi rw’ikinyarwanda bakaba barakuwe mu byabo n’intambara. Aba baturage rero barakomerewe kandi ataribo biturutseho ahubwo biturutse ku bayobozi ba FDLR.

fdlr mugikorwa cyo gutanga intwaro

Wilson yashakishije ukuntu hari ikintu gifatika cyabakorerwa ariko bituma yirukanwa na ba Victor, Omega, Mudacumura kimwe n’umuvugizi wa FDLR, LaForge Fills Bazeye. Bagenzi be bamumenesheje, Wilson yashinze icyitwa CNRD-Ubwiyunge ngo kigerageze kugarura abandi ku mu rongo ariko nti byagira icyo bitanga.

CNRD-Ubwiyunge iramutse ibonye abayoboke yaba ibaye igice cya kane kihunguye kuri FDLR-Foca kuva yatangizwa muri 2000. hakaba hari n’amakuru avuga ko aba baba bafatanyije na Gen. Kayumba Nyamwasa.

Baje bakurikira RDR, ALiR ya mbere na ALiR ya kabiri. Hari n’ikindi gice ariko kiyitaga Rastas cyakoreraga muri Kivu y’Epfo hakaba n’ikindi kitwaga FDLR-Soki na RUD-Urunana byigobotoye kuri FDLR nyirizina muri 2007.

Ibi bice bya FDLR byakomeje guhangana, kugambanirana no kurwana biza no kuvamo ryafungwa twavuze rya Lepold Iyamuremye n’iyicwa rya Gen. Musare mu majyepfo ya Lubero.

Uko ibintu bihagaze n’uko FDLR igiye kandi ahanini yimaze. Bwa bukiga n’ubanyanduga barabukomeje, bamwe barabuhunga baratahuka naho abandi bakomeza guhanyanyaza none ibyo guhanyanyaza nabyo byageze ku ndunduro. FDLR rero iragiye, utabyemera ni umushinyaguzi !

Kayumba Casmiry

IBITEKEREZO
vision 2050

Amaraso bamennye ntago Imana yabemerera ko bakora umugambi ngo usohore cg ngo bishoboke ko bashyira hamwe. Icyo Imana yabafasha ni ukuzerera isi yose nka Gahini


TANGA IGITEKEREZO

Kwamamaza
Kwamamaza
Also in this section
Bidasubirwaho UTC ya Rujugiro iratezwa cyamunara muri uku kwezi

Bidasubirwaho UTC ya Rujugiro iratezwa cyamunara muri uku kwezi

Haburijwemo umugambi wo kugera ku nyandiko za Mitterand zivuga kuri Jenoside yakorewe Abatutsi

Haburijwemo umugambi wo kugera ku nyandiko za Mitterand zivuga kuri...

Nyuma yo kuvugwaho kwivanga muri politiki y’u Rwanda Michael Ryan yasimbujwe

Nyuma yo kuvugwaho kwivanga muri politiki y’u Rwanda Michael Ryan...

Umuzamu wa Rayon Sports yitabye Imana bitunguranye

Umuzamu wa Rayon Sports yitabye Imana bitunguranye

NEW POSTS
’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...

Financial Times : Perezida Kagame yagarutse ku buryo yinjiye igisirikare, uko yavuye mu ishuri muri Amerika n’amasomo byasize

4-09-2017

Financial Times : Perezida Kagame yagarutse ku buryo yinjiye igisirikare,...