LATEST NEWS
Itohoza
Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur
Publish Date: samedi 14 janvier 2017
VISITS :4837
By Admin

Hari igihe abantu bitera ibibazo byabakomerana bagatangira kubigereka kuri Leta kandi akenshi babitewe n’indanini ariyo ibatera guhemuka no guhemukira uwabakamiye ( Perezida Kagame). Uyu munsi turabagezaho Amateka y’Umunyamakuru Shyaka Kanuma wa Rwanda Focus uri mu gihome. Uko yinjiye mu itangazamakuru n’uko yageze mu Buyanja bwa Pasteur Bizimungu.

Kanuma itangazamakuru ryamuguye neza agerageje kurivamo bimugwa nabi
Kugeza mu mpera z’umwaka ushize iyo wabazaga buri munyamakuru umuntu itangazamakuru ryandika ryaguye neza hano mu Rwanda yakubwiraga yuko ari Shyaka Kanuma, umuyobozi w’ikinyamakuru Rwanda Focus !

Kuvuga yuko Kanuma itangazamakuru ryandika ryamuguye neza ntabwo byari ibintu byo gushakisha, byarigaragazaga kandi bikagaragarira buri wese.

Igihe byinshi mu binyamakuru byandika by’abantu ku giti cyabo bitagiraga aho bikorera hasobanutse kubera kunanirwa kuba babona amafaranga yo gukodesha aho gushyira ibiro, Kanuma we icyo kibazo ntabwo cyamurebaga. Ikinyamakuru cye Rwanda Focus cyari gifite biro (offices) nziza, mu nyubako ya SHF Rwanda ku Kacyiru, werekeza ku bitaro by’umwami Faisal. Mbere The Focus yakoreraga muri ya etage nziza iri haruguru ya Trading Center, hino ya Hotel The Mile Collines. hejuru ya Blue caffe.

Kubera amikiro make aranga ibitangazamakuru byandika, usanga byinshi bidasohokera igihe cyangwa bitanagisohoka. Ibyo ariko ntabwo byarebaga Rwanda Focus. Yari ifite amasoko menshi y’amabanki n’ibigo bya Leta yamamazaga ibikorwa byabyo, ikahakura amafaranga atatuma ihungabana mu mikorere yayo !

Iyo wafunguraga ikinyamakuru Rwanda Focus wasangagamo umurundo wa za publicite, waba nawe ufite ikinyamakuru cyawe ugasigara wigaya kuba utazi gushakisha nka Shyaka Kanuma !

Kanuma Shyaka

Kanuma ubwe ifaranga ryamugaragaragaho. Yari afite imodoka nziza, n’icyuma muri Serena Hotel yakiriramo abo ashatse ntiyishyure, uko yabagaho byari VIP atanakigaragara ahantu haciriritse abandi banyamakuru bahurira nko ku inzu y’abanyamakuru iri iruhande rwa Sports View Hotel, imbere ya Stade Amahoro !

Kanuma rwose itangazamakuru ryamuguye neza nk’uko anarifitemo amateka maremare n’ibintu bivangitiranye.

Shyaka Kanuma ntabwo ari umwe mu bantu batangiranye n’itangazamakuru, Jenoside ikimara guhagarikwa. Kanuma yabonetse mu itangazamukru hano mu Rwanda mu mpera ya za 90, aturutse muri Uganda. Yabanje kuzajya yohereza inkuru mu kinyamakuru cyo muri Kenya, The East African, ariko nyuma aza gukorana na The NewsLine ku buryo buhoraho. Iyi NewsLine niyo yaje kubyara UMUSESO na Champion yandikaga amakuru y’imikino. Ibyo binyamakuru byari byibumbiye mu kitwaga RIMEG.

Byaje guhwihwiswa yuko Kanuma yaba yarakoranaga n’abarwanyaga Leta bayobowe n’uwahoze ari Perezida wa Repubulika Pasteur Bizimungu na Ntakirutinka Charles ubwo bashingaga ishyaka Ubuyanja RIMEG yarimo Shyaka yabonye akayabo k’Amadorali ibihumbi makumyabiri by’amadorari ( 20.000 usd ) yari yoherejwe n’umuhungu wa Ntakirutinka wabaga muri Amerika waje kugwa mundege akoze impanuka ayo madorali yohererejwe RIMEG biciye kuri compte yabo yari muri BCDI, Kanuma abonye ko byatahuwe n’inzego z’iperereza, ahungira muri Afurika y’Epfo aho yahise ahabwa igihembo cy’umunyamakuru mwiza ariko benshi hano mu Rwanda bagahamya yuko ubwo bunyamakuru bwiza batari babumuziho !

Icyo gihembo cyatumye Kanuma abona buruse yo kujya kwiga muri Amerika, ariko abantu bagakomeza kuvuga yuko yakomeje akorana n’abarwanya leta y’u Rwanda, dore ko icyo gihe bari beze cyane harimo n’ikitwaga ingabo z’umwami !

Andi makuru akavuga yuko atararangiza amasomo ye aho muri Amerika yasabye imbabazi leta y’u Rwanda abinyijije ku bari bayihagararariye muri icyo gihugu, bemeranya ko atahuka kandi akazajya akorana nayo.

Kanuma yaratahutse asubira muri RIMEG ariko nyuma aza kugirana ubwumvikane buke na ba Charles Kabonero bari bayiyoboye, bamuturumburamo. Abo bayobozi ba NewsLine n’Umuseso bashinjaga Kanuma ko nta kindi yakoraga uretse kubaneka.

Kanuma avuye muri RIMEG nibwo yatangije Rwanda Focus, ikinyamakuru wabonaga cyarageragezaga kurwanya akarengane no kurwanya abanzi ba leta y’u Rwanda. Uyu murongo benshi bawushimiraga Kanuma, ikaba ishobora kuba ari nayo mpamvu yatumaga Rwanda Focus yarabonaga amasoko menshi kuva muri Leta cyangwa mu bigo biyishamikiyeho !

Shyaka Kanuma mu manama yakundaga kwigaragaza cyane

Muri uwo murongo Rwanda Focus yari yarafashe ariko hari ikintu Kanuma yigeze gukora bituma abanyamakuru bose babimwangira. Muri cya gihe haterwagwa ibisasu hirya no hino muri Kigali, Kanuma yasohoye ikinyamakuru cyarimo inyandiko yagaragazaga yuko Charles Kabonero yohererezwaga amafaranga na ba Col. Karegeya akayaha abo baturitsaga ibisasa byakomeretsaga abantu batari bake !

Iyo nyandiko yari iriho kopi ya E- mail yohererejwe Kabonero kandi koko ugasanga yaravuye kuri adresi ya E- mail ya Kabonero. Iyo kopi ya E-mail yohererejwe Kabonero niyo yagaragazaga yuko uwo muyobozi w’Umuseso yakoranaga n’abategaga ibisasu hano mu gihugu. Kuko Umuseso utari umeranye neza na bamwe muri Leta nk’uwari umushinjacyaha mukuru, Gerald Hahima, intego ya Kanuma yari iyo gucisha umutwe Charles Kabonero ariko Imana ikinga akaboko kuko inzego z’iperereza zatahuye yuko yari E- mail mpimbano, ntizabiha agaciro Kabonero arokoka atyo !

Twatangiye tuvuga yuko itangazamakuru ryaguye neza Kanuma none, kugerageza kurivamo bikaba bimuguye nabi. Mu mpera z’uyu mwa Kanuma yatunguye benshi atangaje yuko Rwanda Focus ayihagaritse, ikibera umukangura mbaga muri politike, niba ariko political activist bisobanuye. Yambura abanyamakuru yakoreshaga ndetse n’inzu yakoreregamo kuburyo ny’irinzu yaje guteza cyamunara ibikoresho byo mubiro ngo yiyishyure.

Muri iyo political activism ye ngo yari gushinga urugaga ruvugira abantu bari mu karengane gafitanye isano na politike, barimo Col. Tom Byabagamba na Gen. Frank Rusagara, Kanuma kandi ngo yari yiteguye kuzajya anahamagarira n’abantu kwigaragambya bamagana akarengane gakomeye gakorwa na Leta aho kaba kagaragaye !

Umunyamkauru Shyaka Kanuma

Kanuma ataratangiza neza uwo mushinga, mugihe yarimo guhamagarwa abazwa n’ubugenzacyaha yafatiwe i Kayonza igicuku kinishye bivugwa ko yari ahunze igihugu arafungwa akurikiranyweho icyaha cyo gukoresha impapuro mpimbano mu kubona mu manyanga amwe muri ya masoko twavuze yatumye Rwada Focus iba ikinyamakuru k’igitangaza !

Tuzakomeza kubakurikiranira ibya Shyaka Kanuma....


Cyiza D.

IBITEKEREZO
pattrick

niba ibi muvuze arukuri uyumugabo bizamugora kuba kuriyisi kuko gukina imikino nkiyi bijya bihira bacyeya rwose

emmanuel

akabaye icwende ntikoga, agiye mu buyanja arababariwe none ashinze "political activism" yo kurwanya Leta !!!!!!! akaga karagwira, baca umugani ngo inkuruzi y'igikoba yikururiye amakara

Beatrice Ufitingabire

Ahaaa, ntacyo mvuze ntiteranya. Ba Cora nikubite ko mbona bazatuma atari ukwikubita ahubwo ari ukwiyahura ra ? Ni hatari. Amaso aberaho kubona, n'amatwi kumva.

Beatrice Ufitingabire

Ahaaaa, Ntacyo mvuze ntirenganya. N'akari inyuma karahinda. Bacira nikubite bazatugeza no kubitari ibyo.

Mahoro

You say yes or mu gihome or ifuni ! Said Me Evode


TANGA IGITEKEREZO

Kwamamaza
Kwamamaza
Also in this section
Nta gihamya yuko Uburaya buterwa n’ubukene

Nta gihamya yuko Uburaya buterwa n’ubukene

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

DONALD TRUMP Ashobora kuba atazi ikimuhatse n’ubwo agiye kuba Perezida...

Hari abakoze Jenoside bari mu Gihugu biyita Abapagasi

Hari abakoze Jenoside bari mu Gihugu biyita Abapagasi

Press Conference : Intambara yongeye kurota hagati ya Donald Trump n’Itangazamakuru

Press Conference : Intambara yongeye kurota hagati ya Donald Trump...

Uko Kigeli bashakaga kumutabariza muri Portugal, n’ uko yazanywe mu Rwanda bujura

Uko Kigeli bashakaga kumutabariza muri Portugal, n’ uko yazanywe mu Rwanda...

NEW POSTS
Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

Mugihe twiturije Abanyapolitiki n’Abaherwe barategura aho bazahungira

13-01-2017

Mugihe twiturije Abanyapolitiki n’Abaherwe barategura aho bazahungira

Amahano : Umwami wimikiwe ishyanga

12-01-2017

Amahano : Umwami wimikiwe ishyanga

Kohereza Umugogo w’Umwami Kigeli mu Rwanda : Gutsindwa kwa Rujugiro na RNC

11-01-2017

Kohereza Umugogo w’Umwami Kigeli mu Rwanda : Gutsindwa kwa Rujugiro na...

Kwishishanya hagati ya DONALD TRUMP n’Inzego z’Iperereza kuraca amarenga atari meza

10-01-2017

Kwishishanya hagati ya DONALD TRUMP n’Inzego z’Iperereza kuraca amarenga...

N’uwanga Urukwavu yemera ko ruzi kwiruka, Twagiramungu yashimye ibyiza U Rwanda rwagezeho

9-01-2017

N’uwanga Urukwavu yemera ko ruzi kwiruka, Twagiramungu yashimye ibyiza U...

Urugaga rw’Abavoka rwasezeye Me Toy, ruvuga ko rwifuza ubutabera

6-01-2017

Urugaga rw’Abavoka rwasezeye Me Toy, ruvuga ko rwifuza ubutabera