LATEST NEWS
Itohoza
Amerika yafatiye ibihano Abarundi 4 barimo n’abarwanya ubutegetsi
Publish Date: mercredi 25 novembre 2015
VISITS :899
By Admin

Nyuma y’igihe gito Perezida Barack Obama wa Amerika agejeje ijambo ku Barundi abasaba kureka ibikorwa byose bituma ubwicanyi n’urundi rugomo bikaza umurego mu gihugu, noneho yaraye asohoye iteka rya Perezida ( executive order) rishyiriraho ibihano Abarundi bane Washington ihamya yuko bakomeje kugira uruhare mu bwicanyi n’ubundi bugome byibasiye kiremwamuntu muri icyo gihugu kuva mukwa gatanu uyu mwaka.

Abo Amerika yaraye ifatiye ibihano ni Minisitiri w’umutekano, Alain Bunyoni hamwe n’icyegera cy’umuyobozi mukuru wa Polisi y’igihugu, Godfroid Bizimana.

Abandi babiri ni abatavuga rumwe n’ubutegetsi aribo Godefroid Niyombare wahoze akuriye urwego rw’ubutasi na Cyrille Ndayirukiye wahoze ari Minisitiri w’ingabo. Aba bagabo uko ari babiri nibo bari ku isonga rya ya kudeta yari igamije guhirika ubutegetsi bwa Nkurunziza. Aba bombi Amerika ibashinja yuko bateguye bakanafasha gushyira mu bikorwa ubwicanyi bwakorerwaga abari ku ruhande rwa leta muri cya gihe cy’iyo kudeta yapfubye.

Alain Bunyoni

Kurundi ruhande Bunyoni na Bizimana bagashinjwa yuko aribo bakomeje guha ibirwanisho imbonerakure za CNDD-FDD zikabikoresha kwica abatavuga rumwe na leta. Ubwicanyi bwakomeje gukorwa na Polisi nabwo bushyirwa ku gatwe k’aba bagabo bombi.

Godfroid Niyombare

Ibihano Washington yafatiye abo bagabo uko ari bane harimo kuba batakwinjira ku butaka bwa Amerika no kuba imitungo yabo yafatirwa ahantu hose icyo gihugu kihafitiye ubushobozi !

Godfroid Bizimana

Ibi bihano ariko bishobora kuba ari ubutumwa gusa bwo kwihanangiriza abandi kuko abo bagabo uko ari bane bashobora kuba nta n’imitungo bafite ku butaka bwa Amerika nk’uko nta n’igihombo byabatera badakandagije ikirenge muri icyo gihugu !
Usibye ibyo bihano kandi kuri abo bantu ku giti cyabo, Amerika imaze igihe gito itangaje yuko guhera mu kwa mbere umwaka utaha icyo gihugu kizafatira u Burundi ibihano byo gukurwa ku rutonde rw’ibihugu bya Afurika ubutegetsi bwa Amerika bworohereza mu by’ubucuruzi !

Cyrille Ndayirukiye

Na none nubwo u Burundi budafite ibicuruzwa byinshi bushora mu masoko ya Amerika ariko na none ni ubutumwa bukomeye yuko Washington itishimiye ubutegetsi buriho mu Burundi bikaba byanatuma n’ibindi bihugu bucuditse na Amerika nabyo byafatira u Burundi ibyemezo nk’ibyo nk’uko byarangije gukorwa n’ibihugu by’ubumwe bw’u Bulayi.

Casmiry Kayumba

IBITEKEREZO

TANGA IGITEKEREZO

Kwamamaza
Kwamamaza
Also in this section
Padiri Nahimana yagiye kwishinganisha Abazungu bamutera utwatsi

Padiri Nahimana yagiye kwishinganisha Abazungu bamutera utwatsi

Urubanza rwa Murekezi ukekwaho Jenoside rwasubitswe, hitabazwa Minisiteri

Urubanza rwa Murekezi ukekwaho Jenoside rwasubitswe, hitabazwa...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

Umurundi Nahimana Thomas, ari guteka umutwe muri Amarika

NEW POSTS
Ibyiza dukesha ikoranabuhanga biruta kure ibibazo rishobora gutera - Perezida Kagame

23-01-2017

Ibyiza dukesha ikoranabuhanga biruta kure ibibazo rishobora gutera -...

Abanyafurika bakeneye kwihutisha ibyo bakora ngo hagerwe ku byo batashoboye kugeraho- Kagame

23-01-2017

Abanyafurika bakeneye kwihutisha ibyo bakora ngo hagerwe ku byo batashoboye...

Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...