LATEST NEWS
Itohoza
B’ Ambasaderi bavuyeho nabi kurusha abandi
Publish Date: mercredi 17 août 2016
VISITS :7747
By Admin

Amakuru agera kuri Rushyashya yatangiye guhwihwiswa kuri uyu wa mbere tariki ya 15 Kanama 2016 aravuga ko Ambasaderi Eugène Richard Gasana yafashe icyemezo cyo guhunga ntasubire mu Rwanda.

Amakuru twashoboye kubona aravuga ko kugeza ubu akiri mu gihugu cya Leta zunze ubumwe bw’Amerika ariko akaba yaravuye mu nzu y’Ambasade y’u Rwanda.

Benshi bahamya ko adashobora gutinyuka kuguma mu gihugu cy’Amerika igihe kinini kubera amagambo y’ubwishobozi n’agasuzuguro yakoresheje kuri Samantha Power uhagarariye Amerika mu muryango w’abibumbye.

Biravugwa ko ashobora kwerekeza mu gihugu cy’u Budage yabayemo igihe kitari gito ndetse bivugwa ko afitemo amazu ndetse n’ibindi bikorwa bibyara inyungu, bikaba binavugwa ko nyina w’Ambasaderi Gasana nawe mu minsi ishize yabarizwaga mu gihugu cy’u Budage dore ko icyo gihugu Ambasaderi Gasana yakibayemo kuva kera ari umunyeshuri n’ubwo yari impunzi y’umunyarwanda yabaga mu gihugu cy’u Burundi.

Amakuru dufite n’uko aba mu Budage nk’umunyeshuri yagenderaga kuri Passport y’u Rwanda yari yarahawe ngo n’ Ambasaderi Yuvenali Renzaho. (witabye Imana ari mu ndege ya Perezida Habyalimana yahanuwe ku ya 6 Mata 1994).

Ngo hari ikibazo cyatangiye kugaragara cy’uko hari benshi bari bafite ibyo bapfa na Ambasaderi Gasana batangiye kugaragaza ko bishimiye ibibazo arimo. Uretse abafite ibyo bapfuye bishingiye ku gasuzuguro n’ubwishongozi yagaragazaga kubera umwanya ukomeye yari arimo,ubu noneho haravugwa ikibazo cy’abagabo bakoranye na Ambasaderi Gasana muri za Ambasade zitandukanye barimo kugaragaza amakosa menshi y’uyu muyobozi, harimo no kunyereza umutungo, gusuzugura abamukuriye barimo n’umukuru w’igihugu n’ibindi…..

Iyi nkuru y’ihunga rya Amadasaderi Gasana ije ikurikira iya Protais Mitali nawe wahunze igihugu yasabwe kugaruka i Kigali, nyuma y’umwiherero w’abayobozi bakuru wabereye I Gabiro ndetse nuw’abambasaderi bahagarariye Igihugu cy’u Rwanda mumahanga wabaye ku itariki 3 Werurwe 2015 wabereye muri Hotel Gorillas I Nyarutarama.

Uyu mwiherero udasanzwe w’abambasaderi wigiwemo ibintu bikomeye warimo naba Minisitiri Conseilles ( Urwego rwohejuru rwungirije b’ambasaderi) ukaba kandi warimo n’abasilikare bakuru, ukaba wari uyobowe na Minisitiri w’ububanyi n’amahanga Louise Mushikiwabo na Gasana Eugene wari ambasaderi w’uRwanda I NewYork muri Amarika.

Amasaderi Mitali K. Protais na Amdasaderi Gasana Eugene

Muri uyu mwiherero hagarutswe kukibazo cy’abambasaderi bitwara nabi barimo Muligande Charles waje kwirukanwa ndetse na Masozera Lobert wari ufite ikibazo cy’uko ntabushobozi yari afite mukazi, SIZA Kayizari wari muri Tourkiya n’abandi …. ariko cyane cyane Mitali Kabanda Protais wari ambasaderi w’u Rwanda muri Etiyopiya kuva 8-9/2014.

Mitali waregwaga imicungire mibi y’ishyaka rye PL.no kwiba akayabo gasaga miliyoni 60 mu ishyaka PL.

Kuki b’Ambasaderi bakomeje kuvaho nabi mukazi kabo, abazi neza imikorere yaz’Ambasade bavuga ko impamvu ibitera ari uko bagerayo bakigira utumana, kudatangira igihe Raporo n’ibindi.. kuburyo bagera aho ntibabe bacyumvira amabwiriza ya Minisiteri ibakuriye. Ikindi ni ukwiha imbaraga zirenze izo baba bahawe, kuburyo imikorere yabo usanga ihabanye n’iyi igihugu kiba cyabahaye izo nshingano ugasanga barimo kwangiza Diplomasi mpuzamahanga kandi atarizo nshingano zabo kuko baba bagiye gushaka umubano ntabwo baba bagiye kuryanisha ibihugu byombi. Ngo hari n’abagerayo bagatangira kujya mu dutsiko tw’abahezanguni n’ubugambanyi bwa rwisha.

Umwanditsi wacu

IBITEKEREZO
Shamba André

Ntimugatangaze amakuru adasesenguye/adasobanuye cg avanga avanga byanasebya ntampamvu cyeretse aribyo mugamije... Nka Murigande y'akoze iki ko iby'abandi byinshi tubizi cyatumye ngo "anirukanwa" ?! Abanyarwanda si injiji...Reka tujye dushyira imbaraga aho zikwiye...abo kurwanya baraharis !

Jovit

Ubuhutu n'ubututsi si byo kamara dore ko nuwashaka kubigenderaho nta cyemezo cyabyo ashobora kugaragaza kimugira umunyarwanda udasa n'abandi. Icya ngombwa ni ukuba umunyarwanda naho ubuhutu n'ubututsi biba ari umwihariko wawe bwite wo mu rugo iwanyu, nk'idini n'amateka y'umuryango wawe bitareba Leta. Kugarura ivangura ry'amoko nk'aho ingaruka zabyo tutazibonye, byaba bigaruye intambara kandi uwayishora yishuka ngo azayitsinda ashobora kuba yibeshya cyane nkuko byagenze n'ubundi. Ucyifuza ko iturufu ry"ubwoko rigarurwa mur'uru Rwanda ashatse yasubiza amerwe mw'isaho. Uwinjiye muri ambassade akahasanga ambasaderi atibonamo ngo kuko badahuje ubwoko azajye yihangana amiraze,

Alonso

"ambassades zose ziyoborwa n' abatutsi umuhutu bahagitsemo aba afite a tutsi decision maker or reporter" Nkuyu MAHORO ibyo avuga arabizi ?cyangwa nugupfa kuvuga kubera urwango atunze mungirwa mutima ye ? Belgique hayobora nde ?aba murihe shyaka ? Ugatinyuka ukandika ibintu nkibi pour le public iyo wandika ntufata n'umwanya byibuze ngo usome ? Abantu nkawe ntacyo bamariye u Rwanda

Ohh my God

Ohh no wibeshera uwo mubyeyi Uzi koko ntawe uneza rubanda mbyemeye Uragirango ambas wa sweden akore iki koko Wimusebya wimusebya Ninyangamugayo Kuko nta bitiku ajyamo niyo mamvu ubwo umwandagaje Humura uyu mudamu abenshi baramukunda Nabanyamahanga rwose usibye wowe Utangiye kumubeshyera Sigaho. Kandi nawe wamenyekanisha urwanda kurusha na ambasaderi ubishatse Aho umuturarwanda ari hose yubaka urwanda

Kalisa Emy

Ariko Bene Data mwaretse guheza inguni ! Ubwo se mutaniye he n'interahamwe ! Guharabika abantu gusa ! Nyamara uriya mubyeyi ntako atagize muri Canada. Imana yonyine niyo Mucamanza utabera. Ndabona mutangiye no guhimbira abandi ! Ngo passport yatanzwe na ...! Ni akumiro. Imana ifashe igihugu cyacu n'abagikunda nta buryarya !

Victor nyampame

Ndashaka gusubiza Mutezintare, nonese ko abantu nkawe arimwe mwagombaga guhabwa za ambassade harimo niyaho Canada uba ntimwanze gukore igihugu reba nka papa wawe Mutezintare Joachim yahisemo gutwara taxi,nyamara ababa Canada bavugaga ko uriya mugore yagerageje kwegeranya amoko, gusa ikindi navuga nuko Kagame benshi baramubeshya baba bahahira abana babo mwibuke ko abo bose bahunga ari abatutsi kuko bo niyo bahunze uzasanga babarega ibujura gusa naho abahutu yibeshye agahunga aba génocidaire ,rwanda We ubuse tuzizera nde ?

E.J.Musonera

Dore kandi ra ! Uwitwa Mahoro ngo Ambassades zose ziyoborwa n'Abatutsi. Hagire umumbariza ko yashinga akarahirira ibyo avuze, nubwo Ali babandi basabitswe n'urwango , n'ingengabitekerezo. Kandi si na Kagame uhitamo back Ambasaderi, habaho système ya VETTING muli za services nyinshi, halimo na Security, bikazagera kwa Perezida agasinya. Kubera gusaranganya imyanya no mu bicanyi n'ibisimba nk'uliya Maheru, ntakundi byagenda nyine, aliko bizatugora nk'igihugu. Ibi bitekerezo by a Nyamwinshi bizadusubiza aho twari muli 1959-1994, kuko jye mbona urwishe ya nka ntaho rwagiye.

Emma

iyi si tugezemo ntamuntu muzima numuzima ntiwamumenya ubu tugiye kujya ducunga ba ambassadeur igihugu ndimo nimbimenya nzajya noherereza rushyashya .

Ikibasumba

Ubuswa, ubujiji, gusebanta no kwiyemera nibyo biranga b'ambasaderi bacu. Nanjye nimungire ambasaderi kuko ibyo byose ndabyujuje. Ubuswa bwanjye bwatuma mva ambasaderi mwiza mububiligi ahari abanyarwanda benshi naho ubujiji bwanjye bwamfasha muri UK.

mahoro

ariko se kuki mutabona ikibazo ? Kuba ambassades zose ziyoborwa n' abatutsi ntabwo zishobora kwintegra abanyarwanda ! Yewe niyo haba hari umuhutu bahagitsemo aba afite a tutsi decision maker or reporter

Kanakuze

Uyu mugabo ubu agiye kuba ikigarasha nk'abandi bose koko ? ubu se yabuze iki mu Rwanda ? ntawagambanira igihugu ngo agire amahoro kandi igihango kirakugaruka igihe icyo ari cyose. Guhunga kwe c bidutwaye iki nashaka azagume iyo n'ubundi gushaka kuduhungabanyiriza amahoro ntacyo byamugezaho. Mwe muravuga agasuzuguro ? ntimumuzi kuko njye twarabanye uzashaka azamumbaze neza. Ndashimira ikinyamakuru RUSHYASHYA ko gikomeje kutugezaho amakuru y'ishwana ry'ibigarasha n'abashaka kwiyunga nabyo. Big up Burasa kandi Imana izaguhembe rwose kuko wahisemo neza.

Nyamibwa Janviere

Uwahoze ari Embassdeur hano i wacu muri Suisse witwa Solina yari yaraturembeje n'agasuzuguro kenshi kandi ntanatinye no gusuzugura abaje bashaka za visas zo gukora tourisme mu Rwanda.Yari yarigize Intakoreka,dore ko iteka baba bakwiza ibihuha ngo n'abatoni kwa Kagame kndi bamubeshya.Hanyuma se niba ari n'abatoni be kuki bamwicir'akazi ?Urwo rutonde rw'abo Baterambabazi bashya,bateye n'isesemi ibyo bigira no wifata gitindi mu banyamahanga.Kandi na none ntibakore diplomatie bashinzwe,ariko bagakora udutsiko tw'Abajenosideri.Maze rero iyo bahamagawe,dore ko babyanga kubi,bagira urwitwazo rwo kwivuza,abana,n'ibindi byo gutera urujijo.Oya bazajye bataha duhumeke tugire n'amahoro.Mwabonye intumwa z'igihu zonona umubano w'igihugu cyabo no guterany'Abanyarwanda.?

Haennerk Josee Uwase

Ubusanzwe ndasoma ariko sinkunze kwandika.Ariko iyi nkuru iranshimishije kuko nakomeje kubitekerezaho nk'Umunyarwandakazi utuye mu mahanga.Ese abaduhagarariye bifata bate mu bihugu boherejwemo ?Jean-michel abikomojeho,ariko nabonye atari twe twenyine duhagarariwe nabi gusa.Ino muri Swede,ho ntanigikorwa nagato.Madamu wacu nicweee !!!Nta activites zihaba,nta busabane buriho,nta bashyitsi batugana,nta promotion ikorerwa igihugu cyacu,we yahisemo kwicara mu biro yarangiza agategereza paycheck ye gusa,ibindi ntumubaze.Ibyobiteye agahinda kubona ukuntu muri Swede baba bashaka kumenya igihugu cyacu ndetse banagerageza gufata Interahamwe.Ariko kubera ko dufite Embassdeur uagira icyo yitayeho,bigaragara nkaho ari sabotage rwose biratubabaza.Ubutaha tuzasabaH.E.aduhe umwiherero n'abo ba Embasaderi tubabwire icyo dutekereza kuko twarambiwe guhora tubona ibintu bipfa kandi byicwa n'abaduhagarariye,bahawe icyizere.2017 NTIBIZONGERE

Mutezintare Jean-Michel

Bamwe mu ba ambasaderi dufite n'agahomeramunwa.Hari uwitwa Edda Mukabagwiza,wahoze ahagarariye u Rwanda muri Canada,wakoze hasi mu guteranya no kurema udutsiko mu Banyarwanda batuye Canada.Ibyo yabikoze mu gihe cyose yarari mu ruwo mwanya.Izo ngeso,benshi bari bazimuziho dore ko yari CDR-Power ku mugaragaro,ariko yiyoberanya.Yagiye akingirwa ikibaba kenshi cyane,mu gihe yakomeje gusebya igihugu,na H.E.wamugiriye icyizere.Amaze kubona ko azashyirwa ahagaragara,ahitamo kwitandukanya na murumuna we w'ikigarasha muri Maine,ariko bya nyirarureshwa kugirango akomeze kurya ku mbehe ebyiri.Kagame azironge zange zibe insogo,ngo ''Akabaye icwende ntikoga,kandi niyo koze ntigashira umunuko.Ariko twe turibaza ngo"Habuze abantu bazima,b'Inyangamugayo baduhagararira mu bihugu ?Utar'igisambo,aba ar'ikigarasha cyangwa injiji muri diplomatie.Ubu se koko u Rwanda rubaye urwa nde ?H.E.ko ntako atagize,none niwe uzakora akazi kose kandi har'ababihemberwa ?Ese ni Ho.Minister Mushikiwabo ?Oya rwose Kagame akwiye kuruhuka nawe n'umuntu.Maze barangiza ngo n'Umunyagitugu da !Iyo azajya abashishura bigac'aho byagaciye n'ubundi ntacyo agikiza,dore aho yabatamikiye.


TANGA IGITEKEREZO

Kwamamaza
Kwamamaza
Also in this section
Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Umudiho uva mu itako

Umudiho uva mu itako

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...