LATEST NEWS
Itohoza
Padiri Nahimana arategura imyigaragambyo itemewe kuri Ambasade y’u Rwanda i Buruseli
Publish Date: mardi 29 novembre 2016
VISITS :10079
By Admin

Padiri Nahimana Thomas nyuma yo gusubizwa igitaraganya mu Bufaransa ngo arategura imyigagarambyo itemewe kuri Amasade y’u Rwanda i Buruseli.

Ni nyuma y’aho yangiwe kwinjira kubutaka bw’u Rwanda kubera ko ntabyangombwa by’inzira (visa) yari afite, amasaha 72 akaza kumushirana ari muri Transit ku Kibuga cy’Indege mpuzamahanga cya Jomo Kenyatta International Airport.

Kuwa Gatandatu taliki ya 26 Ugushyingo 2016, niho Padiri yurijwe indege nyuma y’iminsi itatu ari muri Transit i Nairobi asubizwa mu gihugu cy’ubufaransa aho yari yaturutse.

Ubusanzwe nta muntu ugenda mu gihugu runaka ngo arenze amasaha 72 ari muri " Transit" . Amasaha 72, kuri Nahimana yaje mushirana bimuvuramo kwirukanwa, adakandagiye mu Rwanda.

Itsinda ryari ririmo Nahimana Thomas, Nadine Claire Kasinge, uruhinja rwe na Nkurunziza Venant mu gihe bari i Nairobi ryagiye rigabanuka kuburyo haje gusigara babiri muri bane bari biyemeje gutangiza ibikorwa bya politiki by’ishyaka Ishema mu Rwanda.

Aha Nahimana amasaha yo kuguma muri Jomo Kenyatta International Airport yari hafi kumushirana

Padiri Nahimana nyuma yo kwirukanwa Nairobi yabwiye BBC ko mu mishyikirano bagiranye na Leta ya Kenya, abategetsi b’icyo gihugu bamubwiye ko gukomeza kuba ku kibuga cy’indege cya Jommo Kenyatta i Nairobi kandi arwanya Leta y’u Rwanda, bishobora guhungabanya umutekano.

Padiri Nahimana Thomas na bagenzi be bageze ku kibuga cy’indege cya Jommo Kenyatta mu mujyi wa Nairobi kuwa Gatatu, ariko ntibemerewe kwinjira mu Rwanda.

Impamvu yatumye bangirwa kwinjira mu gihugu, ni uko Padiri Nahimana Thomas yari afite VISA yo gukora ibikorwa by’ubukerarugendo muri Afurika y’Uburasirazuba, kandi bikaba bivugwa ko itemerewe abanyepolitiki.

Umwanditsi wacu

IBITEKEREZO
Barekayo Daniel

Abantu bigerezaho pe !

patrick

ni perezida waba rara kumihanda

ntarugera deo koya

Padiri Nahimana Thomasi ntabwo ari umunyepolitiki, ahubwo ni umubandi wo mu rwego rwa politiki. Ntitukagye dupfa kwihutira kuvuga ngo kanaka akora politiki, kanaka ni umunyepolitiki. gukora politiki ni ukubaka ibihugu, suukubisenya. uriya ni umunyarwanda mu bakiri bato barwana "urugamba" rwo kugarura amatwara ya MDR Parmehutu mu Rwanda. Padiri Nahimana amaze imyaka 5 akoresha internet mu bikorwa by'ububandi n'ubugome bubi cyana : kongera kubiba amacakubiri mu mitwe y'abana b'u Rwanda bagifite ishavu ryinshi n'ibikomere bibisi ku mutima ; gusuzugura, gusuzuguza, gutesha agaciro no gusebya abayobozi ba Leta y'ubumwe bw'abanyarwanda. Ayo matwara yo guhungabanya abanyarwanda no kubasubiza irudubi rero, niba hakiri abanyarwanda babyita gukora politiki, baribeshya cyane. Abafransa baracyabashuka babashora mu bikorwa byo gusenya u Rwanda, namwe mukemera mwa bantu mwe ? Ngo murashaka political space mu Rwanda, hargya ? no gutoza abanyarwanda democratie ...? Murisema ? Muzabanza mucishwe mu nkiko, ubutabera bw'u Rwanda nibubagira abere, muzabone gutekereza ibindi, mwitonze. Mwirinde gusaragurika. Ese ariko muzi aho u Rwanda ruvuye ? muzi akaaga katagira ingano u Rwanda rwagize ? ... ntimubizi ba sha, niyo mpamvu mwikinira. Murateta mu bikomeye ariko. Uburenganzira bwo gutaha mu rwanda ba Nahimana n'abandi bagomera urwanda hanze aho, murabufite. Nta munyarwanda ukwiye kuvutswa uburenganzira ku gihugu cye. Ariko mugomba kuza mugana rya shuri bita Ingando. Mugatozwa kumenya u Rwanda icyo aricyo. Urwanda Nahimana ashaka kubera President ni uruhe ? Urwanda mwavukiyemo ntabwo rwari rukiri igihugu cya muntu, Nahimana we ! rwari rwarabaye agatobero k'ababiligi, abafransa na Parmehutu yabo y'inkozi z'ibibi : udutsiko abazungu bararuzaga hirya no hino bakadushyira ku butegetsi vuba vuba ... ngabo ba Colonel Logiest, ngabo ba Harroy n'utwo dutsiko twabo, tutanazwi n'abanyarwanda, muri za referendum zagwaga nk'imvura i Gitarama— : Abazungu bati : Dore igihugu cyanyu kibonye ubwigyengye. Ngiyo republika y'u Rwanda, igihugu cya democratie y'abahutu ! ... Ari "republika", ari "democratie", ari "independence", "souverainete", ba Gregoire Kayibanda na ba Kaliyopi ntibari bazi icyo ari cyo. Niba mushaka "space" nkuko muvuga, space yo gukoreramo politiki yo gushinga igihugu cy'agatobero k'abafransa, gouvernement y'abafransa izabahe aho muzakorera ibyo byontazi byanyu. Ntasoni muratinyuka mukavuga ngo icyo mugamije nuugutoza abanyarwanda democrasi ? (reference : http://leprophete.fr/press-release-november-23rd-is-the-date-to-land-in-rwanda-to-claim-the-political-space/). Icyo mutazi rero, hari umugabo w'umunyepolitiki witwa Louis Michel (se wa prime minister w'ububiligi) ujya ubwira abashaka kumva b'iburayi n'ahandi ati : "Ushaka kwiga democratie, azajye kuyigira mu Rwanda". U Rwanda avuga ni u Rwanda rwo hanyuma ya genocide : RPF driven Rwanda ! None Padiri nahimana n'agatsiko ke ngo barashaka kuza bavunda ngo batangire batoze abanyarwanda democratie ! Nababwiriki.

nsekuye Ladis

Urugo se ntiyarutinye akiberaho bukone ! Hhhhhh.

Kashaza Gashamura

N'ubundi ngo urugendo rw'imbwa rushirira mw' ihunahuna. Muzungamuzunga, bagendaaaa bakazisanga basubiye iyo bavuye nko muli ya mashyamba ya Congo bakuriyemo. Pole sana Candidat Predisant😎

bbc

Haaaa, nahimana Arashaka gusigarana umurage wa rukokoma kurya bavuka hamwe. Ikinamico arayirangije yisubiriyeyo. Abaterankunga be mwihangane.

bosco

Haha, uyu mugabo afite agasuzuguro gakabije uretse nokuyobora igihugu nurugo ntiyarushobora. Ibaze gutinyuka kuza adafite ibyangombwa ngo arakubita mugihuru ! Ngaho nasimbukane nibikivuyemo.

Musa

Ariko timwabuze byose mwifitiye amahirwe yibisazi ,Mudebere namwe ushaka kuba go presinda aho aryamye .


TANGA IGITEKEREZO

Kwamamaza
Kwamamaza
Also in this section
RNC –Ishaje yadukanye ’Agashya ’ noneho igeze no mubapfakazi

RNC –Ishaje yadukanye ’Agashya ’ noneho igeze no mubapfakazi

Kugirango u Rwanda rugire amahoro ni uko Abafaransa bava muri Uganda, ese birashoboka ?

Kugirango u Rwanda rugire amahoro ni uko Abafaransa bava muri Uganda, ese...

Nibogora Lydie warutuye mu Mujyi wa Bujumbura ( mu Ijabe ) yishwe bunyamanswa

Nibogora Lydie warutuye mu Mujyi wa Bujumbura ( mu Ijabe ) yishwe...

Amakimbirane hagati ya Company zitwara abagenzi Nyabugogo na RITCO (Rwanda Interlink Company Limited)

Amakimbirane hagati ya Company zitwara abagenzi Nyabugogo na RITCO (Rwanda...

NEW POSTS
Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...

Ubutinganyi (homosexuals) buravuza ubuhuha muri RNC

13-02-2017

Ubutinganyi (homosexuals) buravuza ubuhuha muri RNC

Ni nde Muyobozi ukwiriye u Rwanda

13-02-2017

Ni nde Muyobozi ukwiriye u Rwanda