LATEST NEWS
Itohoza
Bruxelles : Udutsiko tw’abiyita abasirikare muri RNC dukomeje kwikoma Ikinyamakuru Rushyashya
Publish Date: vendredi 22 juillet 2016
VISITS :3379
By Admin

Ngire icyo mvuga ku dutsiko twa Gen. Kayumba Nyamwasa dukorera mu Bubiligi I Charleroi , agatsiko kayobowe n’uwitwa Alexis Rudasingwa uhagarariye RNC-Belgique, ako gatsiko gakomeje kwikoma ikinyamakuru Rushyashya, gikunze kutugezaho amakuru acukumbuye dukunze gusoma hano mu Bubiligi, uyu Alexis Rudasingwa avuka mu cyahoze ari komini Ntyazo,ariko se akaba ari umwimukira wa komini Rusatira ahitwa Mukato.

Alexis Rudasingwa, mbere ya 1994, yahoze ari umushoferi wa Ruhumuriza Gaspard wari Perefe wa Kibuye, aho amashyaka menshi avukiye mu Rwanda, Ruhumuriza yagiye mu ishyaka rya Nayinzira PDC, agirwa Minisitiri w’ Ibidukikije, akomeza gutwarwa na Alexis Rudasingwa, akajya asimburana na Bangambiki wari Se wabo wa Alexis wanamufashije kubona akazi, nawe wari umushoferi muriyo Minisiteri y’ibidukikije n’ubukerarugendo.

Mu mpera 1993, Alexis na Se wabo Bangambiki, baje gucura umugambi wo kwiba imodoka ya Minisiteri y’ibidukikije Pegot RA 4005, bajya kuyigurishiriza I Burundi, bamaze kuyigurisha n’umurundi kuko inzego za Maneko zari zatangatanze hose kumipaka , iyo modoka yaje gufatirwa kumupaka wa Tanzania n’u Burundi, igarurwa mu Rwanda, ariko wa murundi wayiguze akurikirana Alexis Rudasingwa na Bangambiki, Alexis aza gutoroka mugihe mwene wabo Bangambiki yari amaze gutabwa muri yombi.

Ingabo zari iza RPF, zimaze kubohoza igihugu Alexis Rudasingwa wari umaze kuba ruharwa mu bujura bw’amamodoka, yagarutse mu Rwanda, ashuka umugore we ( umukobwa wa Sukiranya wari Adjidat Chef mu ngabo za Habyarimana ) wakoraga mu kigo cyacuruzaga amamodoka mu Rwanda kitwa KJAER,yiba amafaranga aratoroka, ajya mu Bubiligi.

Alexis Rudsingwa yaje kuza hano mu Bubiligi nyuma akurikiye umugore, ariko nawe baje gutandukana nyuma. Alexis Rudasingwa ashaka undi . Mu Bubiligi, Alexis Rudasingwa atwara ama taxi yari yaraguriwe na Mutsindashyaka, bakoranaga muri iyo Business, baje gushwana nyuma kubera ubujura bwa Alexis Rudasingwa.

Uyu Alexis Rudasingwa, avuka kubabyeyi babiri badahuje ubwoko, akaba ava inda imwe na Rose nawe uba mu Bubiligi na Me Ndikumana Vincent, uyu ni Avoka mu Rwanda ( Nawe tuzababwira ibye) akava inda imwe kandi na Usanase Vedaste ( Gipushi ) wabaye OPJ nyuma akaza kuba umu polisi ishami rya CID, aho bahuje igipolisi naba OPJ, uyu Usanase Vedaste, yaje guhamwa n’ibyaha bya Jenoside muri Gacaca y’iwabo Intyazo, mugihe yagombaga gufatwa aratoroka, aza mu Bubiligi, abifashijwemo na Alexis n’abandi bantu bari bakomeye mu Rwanda, duhishiriye muri iyi nkuru, ubu aba hano yihishahisha ubutabera bwo mu Rwanda.

Ubwose Alexis niba koko murumuna wawe yaragendanaga imbunda muri Jenoside nkuko twumva ko babimuregaga muri Gacaca y’iwanyu , urumva ntampavu yabyo ko twabonye uhakana ko utavuka mu bwoko butahigwaga ? Alexis uhakana ubugore aragarama.

Uyu Alexis Rudasingwa mu nkuru ye yacishije mu kinyamakuru Inyenyerinews yiha kubeshyuza ibyo Rushyashya yamwanditseho by’ukuri kwambaye ubusa, twe tumuzi twaratangaye ! Aho ahimbahimba n’ibinyoma k’umuyobozi w’ikinyamakuru Rushyashya Bwana Burasa Jean Gualbert mwishywa wa Nyakwigendera Kameya Andreya , ari nawe wamureze kugeza amwinjije mu kinyamakuru cye Rwanda Rushya, twese twabaga mu Rwanda turabizi.

Alexis Rudasingwa, mu nkuru ye avugako yabaye umusilikare wa RPF, natubwire Barracks cyangwa se Chief Commander wa battalion yabagamo uko yitwa n’uwayiyoboraga, atubwire igihe yinjiriye naho yinjiriye muri icyo gisilikare avuga ? uretse kuba umujura w’amamodoka.

Alexis Rudasingwa, yarayobye, yayobotse agatsiko k’abatutsi, bahoze mu ngabo bakorera Kayumba atazi uko bakora abo ni Major Micombero JM, Ben Rutabana, Jean Paul Turayishimye , Cpt Rwakampala, Cpt Appolo n’abandi…bamubeshya ko azabona ubukire akava muburetwa bwa Mutsindashyaka ni uko yinjiye muri politiki y’ikinyoma ya RNC.

Kayumba Nyamwasa na Alexis Rudasingwa

Twanamenye ko ubu bari guhiga umuyobozi wa Rushyashya ngo bamuhe uburozi mu Rwanda iyi nama yabereye mu kabari kamwe kahano i Bruxelles, tuzababwira ibyayivugiwemo byose ubu turacyabyegeranya.

Umusomyi wa Rushyashya I Bruxelles

IBITEKEREZO
haruna

gumaguma.rwandanziza

damascene

Jye kubwanjye ndumva abangaba barataye umurongo cyane kuko ntibazi bari guta umwanya bajajwa gusa uyu Alexis ntaco arico n'a gato uwashaka yamureka kuko ntazi n ivyo arimwo kuko abitwa ba rudasingwa bo babuze uko wasaba imbabazi inama zabo uzigiyemwo wakwica nagahinda nibareke urwanda rutwarwe n ababishoboye H.E amaze kutwereka uko igihugu giterane imbere ntabgo ibi bigarasha bizatwigisha gutwara taxi gusa n ubuhemu twe turababona hano BXL bataye umutwe ntibazi aho tugeze ariko niba koko nashaka iki ?vyaranyobeye hari uwundi witwa JPaul yari umuvunjayi uri kuyoba nabo birababaje cyane ahubwo bakebe mbote turi kubabona ivyo nakora vyose ariko RNC ntabgo yihe se ugira imbaraga n'a rimwe muhumure abariya mu rwanda barafyuye ahubwo.Tugire ishyaka n ubutwari

maître

(iyi message yanjye ntimuyitangaze ni Burasa nyandikiye) : ibyo by'uburozi niba aribyo ni ukwitonda kuko uwo Alexis afite abantu benshi inaha, afite umukobwa we wagize indaya witwa Uwimbabazi RUDASINGWA Liliane wize muri LDK, LA COLOMBIERE na MARTYRES ariwe umwishyurira, ajya anyura kuri rwandapaparazzi yambaye ubusa, wakurikirana ukareba niba nawe adakorera se inaha. Ajya anyweraKaizen Kabeza

Nsabimana Charles

Uyu muvandimwe wanditse iyi nkuru, nareke gukurura amazina y'abandi bantu mu kibazo cya Rudasingwa Alexis, kabone niyo baba bafitanye isano koko,ibyo umuntu akora byose biba ari gatozi ku gatwe ke. Ndanatangaye kdi kumva avuga ngo murumuna wa Alexis arashinjwa ibikorwa bya genocide, icyo ni ikinyoma cyambaye ubusa ndetse nkanabibonamo gushinyagurira uwo muryango warokotse genocide yakorewe abatutsi nyuma yo kubatsembera ababyeyi n'abavandimwe babo. Reka cyakora ngucire inzira yaguha amakuru afatika, Rudasingwa Alexis n'abo bavukana ni bene Ruhamiriza, wazize genocide yakorewe abatutsi mu 1994 i Ntyazo, uyu Ruhamiriza arazwi cyane mu Mayaga hose, nawe akaba ari mwene MUHUNNYI MODESTE ukomoka i Rusatira mu Kato nkuko wabivuze. Nubasha gukurikirana ibyo nguhaye uzamenya ukuri cyangwa se ukaba ukuri ukuzi ariko ukakwirengagiza bitewe n'izindi nyungu waba ubifitemo. Murakoze !

Maître

N'iyo bakwikoma rushyashya.net, twe inaha i Kigali turayishyigikiye 100%, nicyo kinyamakuru cyitarya iminwa mu gutangaza ababangamiye ibyiza u Rwanda na H. E bamaze kutugezaho mu mahoro arambye

emmy

dear munyamakuru, ndakubaza kuki munkuru zawe wibanda ku nkomoko yumuntu ,ubwoko bwe ,bishatse kuvuga iki ? ese ko abantu bose babaye abajura babaye abajura cg na mbere baribo ?


TANGA IGITEKEREZO

Kwamamaza
Kwamamaza
Also in this section
Pasiteri Maggie Mutesi yishwe anizwe- Iperereza rya Polisi

Pasiteri Maggie Mutesi yishwe anizwe- Iperereza rya Polisi

Perezida wa Koreya ya Ruguru yiyemeje kunganya ingufu za gisirikare n’iza Amerika

Perezida wa Koreya ya Ruguru yiyemeje kunganya ingufu za gisirikare n’iza...

USA : Perezida Paul Kagame yitabiriye inama ngarukamwaka ya ’ The Nantucket Project ’

USA : Perezida Paul Kagame yitabiriye inama ngarukamwaka ya ’ The Nantucket...

Bugarama : Imvururu zashyamiranyije Abarundi n’Abanye-Congo zaguyemo Umunyarwanda

Bugarama : Imvururu zashyamiranyije Abarundi n’Abanye-Congo zaguyemo...

Bidasubirwaho UTC ya Rujugiro iratezwa cyamunara muri uku kwezi

Bidasubirwaho UTC ya Rujugiro iratezwa cyamunara muri uku kwezi

NEW POSTS
’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...

Financial Times : Perezida Kagame yagarutse ku buryo yinjiye igisirikare, uko yavuye mu ishuri muri Amerika n’amasomo byasize

4-09-2017

Financial Times : Perezida Kagame yagarutse ku buryo yinjiye igisirikare,...