LATEST NEWS
Itohoza
Dr Rudasingwa, reka gutoba amateka y’igihugu
Publish Date: vendredi 30 septembre 2016
VISITS :2798
By Admin

Ndolimana Tatien Alias Miheto uba mu gihugu cy’Ububiligi ariko akaba akunze kuza mu Rwanda mu bikorwa bye by’Ubucuruzi yoherereje Ikinyamakuru Rushyashya inyandiko ndende agira icyo avuga kubyo Rudasingwa Theogene aheruka gutangaza avuga ko ngo habayeho Jenoside y’Abahutu, ibintu byafashwe nko gutoba amateka y’u Rwanda, nyamara bitakagombye gukorwa n’umuntu nka Rudasingwa, wabaye kurugamba rwo kubohora iki gihugu.SOMA....

Nta genocide yakorewe abahutu, ibyo Dr Rudasingwa na bagenzi be batangaza, nta kuri kurimo kandi nabo barabizi neza. Ahubwo ikibazo umuntu yababaza cyangwa yakwibaza, ni impamvu zibatera kugerageza kurangaza abantu no kwigisha rubbishs/amafuti asanzwe yigishwa n’abakoze genocide yakorewe abatutsi, bibera mu nzozi zo kwifuza ko FPR ndetse n’abandi banyarwanda bose twese, natwe twakwitwa, mu maso y’Isi, abanyabyaha bikomeye.

Kimwe n’abagenosideri barimbuye abatutsi, hanze aha hari abandi bantu batari abagenosideri, nabo bigisha ko FPR yakoreye abahutu genocide, ahari babiterwa no kudashishoza ngo babone cyangwa bibuke ko kimwe n’izindi ntambara zabayeho kuva Isi yaremwa, iziriho ziba ubu n’izizabaho kw’Isi, intambara y’uRwanda ya 1990-1994, iyakurikiyeho yo kuburizamo igitero cya exFAR, yakurikiwe n’iyiswe iy’abacengezi, nazo zahitanye abarwanyi b’Inkotanyi APR/RDF n’abaFAR-milices INTERAHAMWE-exFAR- FDRL, zihitana n’abaturage (des civiles) benshi.

Uwigisha ko abahitanwe n’intambara n’Ingaruka zazo kuva 1990 kugeza 1997, ari FPR yabahitanye, agakataza akigisha ndetse ko bakorewe genocide antihutu, ibyo akora ni ibintu insensé et ridicule kandi ni uguta igihe kuko ni ibigambo bitazigera byakirwa na conscience na subconscient de l’humanité/conscience et subconscient des peuples et dirigeants des différents pays du monde. Usibye n’abanyamahanga, abanyarwanda muri rusange ntituzigera twemera ko abahutu bakorewe genocide.

Mu bantu bazi ukuri, bakaba badashobora kwemera kubeshyerwa, hari by’umwihariko abahutu LETA ya FPR yabereye MUSSA (UMUCUNGUZI), ibacyura mu Rwanda ku ruhembe rwa diplomatie (abo yavanye Tanzanie, Burundi n’ahandi) abandi ku ruhembe rw’umuheto (abo yacyuye ku ngufu ibavanye Zaïre).

Nta shiti hari abantu bashobora kuvuga ngo iyi mvugo yange ni ugushinyagura, gushinyagura se nte kandi nyuma yo gupfusha abarenga ibihumbi 100.000 bazize macinya n’imibereho mibi baroshywemo na Leta y’abatabazi/abagenosideri na FAR, abandi bakicwa mu bikorwa byo gusubiranamo ubwabo (abemeraga gutaha mu Rwanda n’abatabyemeraga), harakurikiyeho ko millioni zirenga eshatu zacyuwe mu Rwanda na Leta ya FPR, bisobanuye ko rwose yabaramiye nubwo urugamba rwo kubacyura no kuburizamo igitero cya exFAR n’interahamwe, rwahitanye bamwe mu barwanyi b’Inkotanyi n’abaexFAR-milices INTERAHAMWE-exFAR, rugahitana na zimwe mu mpunzi zari zaragizwe ibikoresho/bouclier humain n’abagenosideri.

Ikindi kandi, uwakwiyemeza gusuzuma responsabilités mu mpfu z’abasivili muri izi ntambara kuva mu kwezi 10/1990, za Leta y’uRwanda na FAR ku ruhande rumwe n’iz’Inkotanyi ku rundi ruhande, agakora isuzuma ku buryo buri scientifique, ntiyaijijiganya kwemeza ko FAR na Leta, aribo bafite uruhare runini mw’ipfa ry’abasivili muri izi ntambara. Dr Rudasingwa wari SG wa FPR muri ibi bihe bikomeye mu mateka y’uRwanda, ndahamya ko yemeranya nange ko uwari umwanzi twarwanyaga, ariwe ufite responsabilité nini mu mpfu z’abanyarwanda bazize intambara.

Rudasingwa Theogene RNC-NEW

Abandi bakwemeranya nange baramutse babaye abanyakuri, ni abari bakuriye amashyaka n’abari mu milimo inyuranye muri Leta na secteur privé, yatumaga tumenya neza imirwanire ya FAR n’nkotanyi. Twese tuzi uko kuva muri 1990, Leta ya Habyalimana na FAR, barwanye urugamba bakoresha abaturage nka bouclier humain, uko babashoye ku rugamba ngo bafashe ingabo kurwanya inkotanyi, batsinsurwa bakabahungisha ku ngufu ngo bereke Isi ko abaturage banga inkotanyi.

Tuzi kandi ukuntu mu kwezi kwa Kalindwi 1994, Leta na FAR n’interahamwe, batwaye abaturage bunyago, bagamije kwerekana ko Inkotanyi zifashe igihugu kitagira abaturage, ko abaturage bose bazihunga.

Abaturage, cyane cyane b’abahutu, bapfuye umugenda ku rugamba bashyirwagaho na FAR no muri iri hungishwa ku ngufu kuva octobre 1990 kugeza 1997 (abaguye mu nzira, abaguye mu nkambi za déplacés de guerre mu Rwanda, abazize macinya cyane cyane muri 1994, abazize umwuma, inzara, indwara, abaguye mu mashyamba n’ahandi, ....) bazize principalement Leta ya Habyalimana nyuma bazira iy’Abatabazi na exFAR ; izi Leta zabagize bouclier humain zihatana ngo zerekane ko badashaka Inkotanyi, ko bazirwanya bakaba banazihunga bose. Mu mwaka wa 1996/1997, abaguye mu mirwano ya exFAR-Interahamwe na Leta ya FPR muri Congo na nyuma gato mu ntambara y’abacengezi mu Rwanda, nabo bazize imiterere y’iyi ntambara yashorwagamo abasivili.

Na none kuva octobre 1990 kugeza 1993, FAR na Leta ya Habyalimana, byibasiye abatutsi mu Rwanda, abarenga 10.000 bafungwa bitwa ibyitso, bamwe baricwa, mu Mutara abatutsi n’abahima ingabo za FAR zarabatsembye burundu, mu Ngororero naho abatutsi barishwe bikabije, mu Bugesera na Kibuye nabo barishwe bazizwa ubwoko.

Muri make, FAR na Leta ya Habyalimana, bishe abasivili b’abatutsi benshi, bagira n’uruhare runini mu mpfu z’abanyarwanda benshi bo mu bwoko bw’abahutu. Nyuma Leta y’abatabazi na FAR na exFAR, bakomeje urugamba bagendeye kuri logique ya Kinani, bakora genocide bagambiriye kurimbura burundu abatutsi mu Rwanda kandi babigezeho presque, bakurizaho gutwara bunyago abahutu.

Muti ese FPR yo ni malayika mutagatifu mu ntambara yatangije iyambere Ukwakira 1990 kugeza ifashe igihugu na nyuma kugeza ivanye mu nzira abacengezi mu mwaka wa 1997, oya si malayika, nayo ifite responsabilité mu mpfu z’abasivili batari bake ariko uwakora igereranya objective, yakwemeza ko uruhare runini ari urwa Leta ya Habyalimana n’iyabatabazi + FAR-ExFAR-INTERAHAMWE-ABACENGEZI.

Ngiyo Jenoside yakorewe abahutu Rudasingwa avuga

Ese mwari muzi ko kuva mu mwaka wa 1990 kugeza 1994, Leta ya Habyalimana nta na rimwe yigeze ikoresha inama ya gouvernement ngo ishinje FPR kwica abasivili b’abahutu ibaziza ko ari abahutu . Impamvu nta yindi, ni uko Inkotanyi koko nta muturage zicaga zimuziza ubwoko bwe, abo zishe ni abazirwanyaga, bamwe bitwaje intwaro gakondo nk’imipanga, ubuhiri n’ibindi.

Ese mwibuka ko nta shyaka na rimwe muyarwanyaga Habyalimana na MRND ye, ryigeze rivuga ko Inkotanyi zaba zica abahutu zibaziza kuba abahutu ? Impamvu ni uko koko nta muntu zicaga zimuziza ubwoko. Muzi ko nta shyaka na rimwe ryigeze rivuga ko abaturage bahunga inkotanyi ? Impamvu ni uko abanyamashyaka MDR, PSD, PL, PDC, PSR, UDPR n’ayandi, twari tuzi neza ko abaturage badahunga ahubwo bahungishwa ku ngufu na FAR.

Mwibuka se ko n’aba MRND-CDR, batigeze batangaza ko Inkotanyi zaba zica abasivili !! Bavugaga gusa ko Inyenzi-inkotanyi zishaka kugarura ubwami na gihake. Bashishikarizaga kandi abaturage gufata intwaro gakondo bagafatanya n’ingabo kurwanya inyenzi-inkotanyi, mbese bashoye abasivili mu masasu
Iyo FPR iba yaricaga abaturage batayirwanya, uRwanda rwari rufite ubushobozi buhagije bwo kubimenya no kubiyishinja. Leta n’inshuti zayo nka France ndetse n’amashyaka yose tubariyemo nayarwanyaga MRND, bose bose bari gukoma akamu bakabitangaza/ bakabyamagana maze FPR igashinjwa hirya hino kw’ISI ko irimo ikora genocide igahita igakomanyirizwa, bigatuma ihita itsindwa .

Genocide ngo yakorewe abahutu, ikaba itaramenywe ngo inamaganwe na Habyalimana na MRND -CDR ze, ntimenywe ngo inamaganwe na MDR-PSD-PL n’abandi, nyuma ikavumburwa n’abagenosideri ari uko bamaze gutsindwa no gutangira gukuriranwa ku cyaha cya genocide bakoreye abatutsi, none nyuma y’imyaka 22 ikaba yemezwa na Major Dr Rudasingwa wayoboraga abo ashinja kuba barayikoze (ashinja APR na FPR yari abereye SG), si genocide azi kandi yemera koko, ahubwo nicyo gitutsi kibi, nicyo gisebo kibi, nicyo cyaha gikomeye, niyo ntwaro asigaranye mu bubiko bwe, yiyemeje kurashisha abo yatandukanye nabo, et ce à défaut de pouvoir leur faire du tort autrement. Aragerageza kwanduza abo yatandukanye nabo, voilà tout.

Icyo bikoze, jye singambiriye kwiga no kwemeza ibyerekeye responsabilités mu mpfu z’abanyarwanda bahitanwe n’intambara n’Ingaruka zayo, ndimo ndasobanura ko nta genocide abahutu bakorewe, ko ahubwo intambara yahitanye abasirikari, ihitana n’abasivili nk’uko bigenda mu ntambara zose. Ngambiriye kandi gutanga ibitekerezo ku cyakorwa ngo abanyarwanda tuzahore twibuka ibyatubayeho kandi twiyunge n’amateka yacu akomeye, yatwiciye akanadukomeretsa cyane.

Muri uyu murongo ndimo, kuri uru rugamba abanyarwanda turiho, urugamba rwo kubasha kugira imibonere n’imyumvire imwe (même lecture/acceptation commune) y’amateka yacu, ma modeste contribution ni uko pages ebyili zikomeye cyane mu mateka y’uRwanda, arizo genocide yakorewe abatutsi n’intambara y’uRwanda ya 1990-1994 ndetse n’izayikururukanyeho zarwanywe muri Zaïre no mu Rwanda, ari pages mwikorezi w’uRwanda rushyashya, ruzira genocide ukundi kandi ruzira intambara ukundi. Mbona ari pages zikwiye kuzibukwa buri mwaka ubuziraherezo, de génération en génération , mbona ari pages zikwiye kuzahora zigishwa abanyarwanda, abariho n’abazavuka, mbona ari pages zikwiye kubera urukingo abariho n’abazavuka kugirango bitazongera ukundi. Ibiki bikwiye kutazongera ukundi, ndavuga genocide mu Rwanda, ndavuga kandi intambara mu banyarwanda.

None se ejo ejo bundi intambara niyongera/nizongera kuba mu banyarwanda ? Igisubizo : abanyarwanda tuzaba nta somo twavanye mu ntambara ya 1990-1994, tuzaba tubaye nk’abadage n’abanyaburayi. Ibyo aribyo byose, nyuma yo gukubitika/kuzahazwa n’intambara y’Isi yose ya 1940-1945, mu banyaburayi n’Amerika ndetse na Japon, Chine, Australie n’abandi twabarira muri Western countries, nta ntambara zishobora kuzongera kuba iwabo. Iyi ntsinzi bayigezeho bate ? That is the question.

Mu byabafashije kubigeraho, harimo kwibuka ubuziraherezo biyemeje no kwigisha nta mbereka nta kinyoma, mu mashuri n’ahandi hose, aya mateka yabo y’intambara z’isi yose na genocide yakorewe abajuifs (Shoah). Ikindi cyabafashije ni ukumenya neza ko nta mibereho myiza n’iterambere rirambye rishoboka mu gihugu/bihugu bifite risque yo kuba byabamo intambara. Birumvikana hari n’izindi ngamba n’ibindi bikorwa bakoze kandi bakora, bituma ubu batengamaye, bishyira bakizana, bafite ejo hazaza hazira intambara ukundi.

Abantu nka Dr Rudasingwa, ibyo barimo byo kwigisha ngo habayeho double genocide, ngo ba General Kagame, General Kayumba n’abandi, ngo bakoze genocide Major Rudasingwa wari SG wa FPR arababuza baramunanira, bamurusha intege, maze bayikora we yifashe mapfubyi, ni ugutoba amateka y’uRwanda nk’uko umuhanzi Kizito yabiririmbye.

Genocide yakorewe abatutsi, yo n’intambara y’uRwanda ya 1990, nibyo biha legitimité, garantie n’intwaro (armes) Leta iriho n’izizakurikiraho mu Rwanda rwa nyuma ya genocide, nibyo kandi biha ingufu Leta, zo kurinda abanyarwanda kuzongera kurimburana.

Nshoje (conclusion) iyi nyandiko, nshimangira ko uburyo bwuje ukuri n’ubuhanga bwo kwambura intwaro abakora intoxication mu bantu bigisha ngo habayeho double genocide, bwaba ukwigisha ukuri kwa genocide yakorewe abatutsi d’un côté n’ukuri kw’intambara y’uRwanda ya 1990-1994 d’un autre côté. Kwigisha mu mashuri n’ahandi bikagendana kandi bigashimangirwa na za commemorations.

Mu yandi magambo, kwigisha no kwibuka ubuziraherezo iyi genocide yakorewe abatutsi n’intambara y’uRwanda ya 1990 (icyayiteye, uko yarwanywe, abayiguyemo bose, intwari zayo, intsinzi), ni ukubaka fondation idasaza y’igihugu cyacu. Izi pages zombi z’amateka yacu, uwahatanira ko zitibukwa, ko zitigishwa ubuziraherezo, uwo ariwe wese, yaba abura ikintu cya ngombwa mu bushishozi bwe no muri projet de société akora, yaba arimo asenya fondation y’inzu arimo, yaba adaha agaciro impanuro y’abahanga b’abanyarwanda, bagize bati "UJYA/USHAKA GUKIRA INDWARA ARAYIRATA".

Ndolimana Tatien Miheto

Iyi mpanuro isobanuye ko imwe mu ntwaro z’ingenzi zo kurinda uRwanda intambara, kurinda uRwanda genocide, ari "ukurata", ni ukuvuga kwigisha no gukora za commemorations buri mwaka de génération en génération, mbese nk’uko bimeze kuri Shoah n’intambara z’isi. Ntekereza kandi ko byihutirwa kwambura urwitwazo abigisha double genocide, basigaye bakora n’ibyo bita kwibuka ; ibi bakora baramutse bashoboye kubikomeza nta nkomyi, byakwangiza.

Ese bakwamburwa urwitwazo gute ? igisubizo : maze kubisobanura, niba uko nabisobanuye bidahagije, nzabigarukaho. Ikindi nzagarukaho ni commémoration y’intambara y’uRwanda ya 1990, jye mbona nk’uko commemoration ya genocide imara amezi atatu guhera kuwa 07 avril, na commemoration y’iyi ntambara yamara amezi atatu, mbese ntibe gusa liberation day. Mbona isa nimirwa na commémorations za genocide kandi liberation day ni aspect imwe muri nyinshi zikwiye kuba muri commemoration y’intambara.

Kuwa 26/09/2016

Tatien NDOLIMANA MIHETO

IBITEKEREZO
Moreno

Wowe Kaka, uwakugira umujyanama wa Leta wayigira inama yo gukora debate n'abantu bagitekereza bagendeye ku ngengabitekerezo z'amoko zo muri 1950 mu gihe tugeze muri 2016 ? Ahubwo njye mbona imbaraga wazishyira mu kwereka urwo wita urubyiruko ububi bwagejeje igihugu kuri ayo mahano noneho rukubaka u Rwanda rushya rwo guturamo nta mwiryane. Naho iyo debate yamara imyaka 1000 aho gutanga igisubizo ikangiza byinshi biruta ibyangiritse mbere. Mu kubaka society, extremist wese ahabwa akato nk'itungo rirwaye mu bushyo. Turi mu isi yo kubana

Kalisa

@ kaka Iyo debate wifuza wenda komisiyo y'ubumwe n'ubwiyunge yareba uko yayishyira muri gahunda zayo cyangwa n'urundi rwego rushobora gusanga biri mu nshingano zarwo. Cyakora kubigira gahunda ihoraho byo sinabishyigikira kuko byarangaza abantu bikababuza kwita bikwiye kuri gahunda zizamura abaturage nko kuvomera imyaka, gukwiza amashanyarazi n'amazi, kwirindira umutekano, kwita ku bidukikije n'ibindi. Sintekereza ko mu Rwanda hakenewe cyane iriya debate ku buryo idashyiriweho gahunda byaba issue. Ubu nka Twagiramungu, Rusesabagina, Micombero n'abandi washyiraho gahunda ya debate igerageza kuganira ku byo bavuze mu gihe ariho bakura amaramuko kandi nta n'akandi kazi bagira ?

david

Sinzi uko mubona Rudasingwa ariko mubona ariko gewe mbona afite ikibazo mumutwe ashobora kuba yarite ye cyokuba hanze ntacyo akora cyangwa ashobora kuba ankwa urumogi

Miweto

Ikibasumba niba utari umugome uri umushinyaguzi.kuvuga ngo abatutsi bishwe kuko ex.far na rpf barwanaga ni ukwigiza nkana.utekereza ko iriya ntambara ya 90-94 yaberaga ahagera kuri 1/2 cy'u Rwanda ?Hanyuma se ahasigaye intambara y'amasasu itageze bo ubu bariho ?ese ubundi ko abahutu bishe miliyoni y'abatutsi mu mezi 3 gusa kandi bakoresha intwaro gakondo,utekereza ko inkotanyi zifite intwaro zatojwe intambara zari kunanirwa kurasa abahutu bagera kuri miliyoni 3 mugihe gito gishoboka cyane ko bari bari no mu mashyamba y'inzitane ?none se gutahuka mu kivunge kingana kuriya niyo jenoside uvuga mwakorewe muko..?ubutaha nujya kuvuga ujye ubanza gutekereza.simvugira leta ntanicyo yari yampa dore imyaka ibaye 22 ariko ku ngingo ya jenoside yakorewe abatutsi nanjye ndimo,iyo uyipfobeje uba unshojeho intambara.cunga sana we !.

kaka

@Kalisa. Urakoze cyane kubw"igisubizo cyiza umpaye. Ntanakimwe cyatuma abashinja Leta Kayumba cg Rudasingwa etc.... bikura mubyo barega Leta. Nibyo koko ni ikibazo kuba babivuga bavuye kumugati ariko icyibazwa ni aho bakura ibimenyetso batanga. Nkunze cyane buryo ki usubiza Leta ifite byinshi byo gukora abo bayishinja bazagane inkiko. ariko kubwo kugira abasoma bakanumva ibivugwa nabo cyane cyane ababyiruka hakagombye kujyaho uburyo buhoraho bwa bebate( ikiganiro mpaka kumateka) atari na ngombwa ko abarwanya Leta bayigiramo uruhare ahubwo hakaba ibice bibiri : uruhande ruhagaze kubya RPF na avocat du diable iyishinja ibibi ; impande zombi zikajya zicukumbura imvo n'imvano yabyo kandi kuburyo buhoraho bigaca kuri television na radio. impamvuntanga iki gitekerezo nuko umwana akura yigishwa ariko iyo akuze hakabaho kumva aya makuru avugwa n"abatavuga rumwe na Leta aratekereza cyane kandi aba akeneye kumva agasobanukirwa. iyo debate irakenewe.

Moreno

Abantu biha guha agaciro amagambo y'abanyapolitike muba muta igihe cy'ubusa. Ntago umuntu yaba ari muri opposition ngo avuge neza cg byiza Leta iri ku butegetsi. Ahora iteka ashaka kuyandagaza no kuyihindanya. N'ikimenyimenyi ko RUDASINGWA yari de muntu ukomeye muri iki gihugu ejobundi avuga rikijyana, kuki ibyo bintu atabivuze icyo gihe n'abanyarwanda bakimwumva ? Ahubwo umuntu ahita abona ko ari urwango n'uburakare bubimutera n'izindi nyungu za politique. Icyo umuturage yakagombye kumenya ni uko Leta ariyo imurinze ikamuha n'umutekano, naho kugendera ku nzangano n'amacenga by'abanyapolitike aho byamujyana ni ugukurikira uwo RUDASINGWA akabura n'ayo mahoro n'umutekano yari afite. Mwirinde amaturufu y'abanyapolitike yo kuzura inzigo, iki ni igihe cyo kubana s'icyo kuzura akaboze hejuru y'inyungu z'abanyapolitike

Kalisa

@ kaka Nta Leta ku isi nzi ishobora guhora isobanura cyangwa yisobanura ku byo abayirwanya bavuga kuko nta kindi cyakorwa kandi iba ifite gahunda yiyemeje iigomba kugeza ku baturage bayo. Icya ngombwa ni uko igaragaza ibikorwa bifatika hanyuma abafite ibyo bayishinja bakagana inkiko bagatanga ibirego byabo ! Mu Rwanda ho ni urubanza umuntu yakwita urucabana kuko abo bose banenga Leta cyangwa bavuga ibibi byakozwe babikora ari uko bagiranye ibindi bibazo nayo kandi mbere barakoranaga n'iyo leta, ndetse no muri ibyo bikorwa bayishinja. None se nk'umuntu nka Kayumba yashinja RPF ate ko yishe abantu akanikuramo kandi yari mu bayobozi bayo ? Nihagaragara umuntu w'umwere ugira icyo avuga atari amatakirangoyi abantu bazamutege amatwi...

kaka

Nimureke amarangamutima. hazabeho debate ihuza impande zombi kuri double jenocide mureke kuducanga kandi zikorwa n"ababibayemo. Naho amarangamutima no kubogamira kuruhande runaka ntaho byageza ubumwe dukeneye. Dukeneye ukuri please, Rudasingwa aratanga facts zituma abyemeza kuki Leta ashinja(FPR) nta declaration inyomoza buri facts aba yatanze urugero nka Kibeho ? Uwabishobora ni uwahuza abatavuga rumwe na Leta yacu na Leta hakaba debat constructive kuri buri fact tukamenya niba koko abitwa ibigarashya bavuga ubusa cg niba hari icyo reta yirengagiza itwigisha igira ngo irengere abayigize bashinjwa. Ntamuntu uruta undi Please.

Yohani Kanono

I like your article Mr Tatien Miheto. Rwose Rudasingwa n'ibindi bigarasha mufatanyije kurwanya Leta yabakamiye ikabakuzaesha, mukwiye gushaka indi ntwaro mukoresha ariko mukareka kudutoneka mupfobya Genocide yadukorewe. Biteye agahinda kubona umuntu nkawe uzi ukuri wihanukira ukemeza ko habaye Genocide y'Abahutu/Double Genocide. Ni ryari wigeze wumva FPR cg Abatutsi bahamagarirwa guhiga Umuhutu aho ari hose nk'uko byakozwe ku Batutsi koko. Wigeze wumva Radio Muhabura ivuga nk'ibya RTLM yazindukaga iranga aho Abatutsi bihishe ngo Interahamwe zijye kubica ? Ese iyo FPR iba ishaka kwica Abahutu haba hari uwasigaye muri uru Rwanda ko na FAR yabo yari yayabangiye ingata ihunga ? Ubu se Abana b'Abasirikare bafunzwe bazira ko bashatse kwihorera murabayobewe. Uzi kugera iwanyu ugasanga ari imirambo gusa kandi ababishe bari hafi aho warangiza ntugire icyo ukora kandi ufite imbunda, kubera amabwiriza ya HE yabuzaga abantu kwihorera. None muri aho murata ibitabapfu gusaaaaaaa. Sha abo mushuka bamenye ko ari inda nini ibakoresha nibashaka bitandukanye namwe inzira zikigendwa. Thx a lot Miheto. Nkunda ko utajya wihanganira abapfobya Genocide. Keep it up.

Ikibasumba

Ndasubiza Miheto mumagambo make kandi akubiye muvuzivuzi rye. Ndemeranya na Miheto ko abahutu baguye muri Congo bahaguye kubera intambara yarwanaga na FPR muri congo, gusa icyo yibagiwe hano nuko n'abatutsi baguye hano mu Rwanda 94 nabo bapfuye hari intambara hagati ya FAR na FPR, nonese tuvuge ko kuba abatutsi barapfuye turi muntambara hari aho bitandukaniye n'abahutu baguye muntambara muri Congo ? Niba se utaramenye ko MRND irigutegura genocide ikarinda iba utarabimenya niki kemeza ko Wagombaga kumenya ko FPR irigutegura genocide against hutu ? Cyangwa utekereza ko FPR yari kujya kumaradio ikavuga ko igiye gutegura genocide ? Ubwose atiwowe ari na Rudasingwa urumva hari aho muhuriye mukumenya imigambi ya FPR muri icyogihe yateguraga genocide yakorewe abahutu ? Ubwo urabona utaranditse iyinyandiko umaze guhaga Juppirer aho abantu nkamwe mutangira kwivuga ibigwi mukibonamo ibyo mutaribyo, mutigeze munababyo ngaho amakaruvati n'amakote mukamvara sinakubwira, ama speechs mukayiha mukigira ibitangaza ! Wari iki muri iriyamyaka wavuze munyandiko zawe cyatuma wumva ko uzibyinshi kurusha Rudasingwa ?

Emmanuelrurangirwa

Mujye mubwira aba babura gufatanya nabandi gukomeza kubaka igihugu ahubwo bakirirwa Babe shya ngo bazajya kuboza urwanda ahubwo bari kwiboha naho urwanda ruratekanye kuko

kaka

Mwiriwe neza, ese ko abato tutabaye muri ubwo buzima muducanga ? Abavugira Leta barayitaka gusa, abatavuga rumwe nayo bagasebya. ikidutangaza rubanda ruto tutazi ibibera ibwami, nuko hari facts abarwanya Leta batanga zigatera benshi kwibaza byinshi kubyabaye. Njye numva hakenewe debat kuri iyi ngingo, debat idaheza uruhande runaka naho kubuza abatavuga rumwe na Leta kuvuga uko babonye cg banabona ibintu bituma ahubwo benshi bibaza ko hari ikiri guhishwa na Leta mumbaraga zayo. Dufatanyije twese buri umwe ku rwego rwe duharanire gusigasira ubumwe n'iterambere birambye ariko na none niba ibyo Rudasingwa avuga hari aho bihuriye nukuri cyane ko bitujijisha ababa barabigizemo uruhare bagomba kubihanirwa nkuko abakoze jenocide yakorewe abatutsi bahanwa. ariko se niba barabikoze bakaba aribo bafata ibyemezo murumva bakwishyirishyamo ???????? Debate yaguye ntakwikanyaza ku mpande zombi ni ngombwa. Imana Iturinde ikibi.

Emmanuelrurangirwa

Mujye mubwira aba babura gufatanya nabandi gukomeza kubaka igihugu ahubwo

kayitare jnr.

@ Mr miheto, I can not thank you enough for the beautiful piece of knowledge, you have just shared with us the new generation,urumuntu wumugabo,usobanutse,kandi na lettre yanyu irasobanutse,icyampa byibuze 3months around you,nanjye namenya amateka yigihugu cyacu, Thank you May God bless you and your family.K J


TANGA IGITEKEREZO

Kwamamaza
Kwamamaza
Also in this section
Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Iryavuzwe riratashye : Nahimana yasohoye inyandiko ihakana Jenoside n’abayikoze

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

UK : Abanyarwanda barokotse Jenoside babangamiwe n’abayikoze...

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Padiri Nahimana arategura imyigaragambyo itemewe kuri Ambasade y’u Rwanda i Buruseli

Padiri Nahimana arategura imyigaragambyo itemewe kuri Ambasade y’u Rwanda...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...