LATEST NEWS
Itohoza
FDLR IRISHYUZA PEREZIDA NKURUNZIZA AMAFARANGA Y’IBIKORWA IRI KUMUFASHAMO MU BURUNDI
Publish Date: lundi 16 novembre 2015
VISITS :4366
By Admin

Mu gihe hashize igihe kinini itangazamakuru riteguza amahanga ko Leta y’u Burundi iyobowe na Perezida Pierre Nkurunziza ikomeje umugambi wo kwica abaturage, bikomeje gufatwa nk’inzira ishyira Genocide mu Burundi, kandi ntibikiri ibanga kuko abantu bose bagaragaje ko badashyigikiye manda ya 3 ya Nkurunziza batangiye kwibasirwa bicwa uko bucyeye.

Taliki ya 4 Ugushyingo 2015, FDLR yandikiye Perezida Nkurunziza bamwishyuza amafaranga yabemereye ngo bamufashe “igikorwa” arimo ndetse bamwandikira bamuburira ko ababangamiye muri gahunda bari bafite yo gutera u Rwanda baturutse mu Burundi.

Muri iyo baruwa harimo iby’ingenzi bikurikira :

FDLR yandikiye urwandiko Perezida Nkurunziza, imwibutsa ibijyanye n’amasezerano bagiranye mu gihe binjiraga mu bufatanye na Leta y’u Burundi.

Baragaragaza impungenge ziri mu gutinda kurangiza akazi bahawe mu Burundi.

Mubyo bari bumvikanye na General Adolphe, ngo byari ugukuraho imbogamizi zagombaga kubangamira manda ya 3 ya Nkurunziza, ibi bikaba byari gukorwa hagati y’ukwezi kwa Gicurasi n’Ukwakira 2015.

Bateganyaga ko nyuma y’ubwo bwicanyi abacitse ku icumu bari guhunga ari benshi berekeza mu gihugu cy’amajyaruguru (Rwanda), maze bamwe mu barwanyi ba FDLR bakivanga n’impunzi bityo bakabasha gucengera mu Rwanda (bise igihugu cy’umwanzi).

Bakomeje bagaragaza ko nyuma y’urupfu rw’uwo bita umuyobozi wabo ariwe General Adolphe Nshimirimana , batongeye guhembwa amafaranga yabo ya buri kwezi, ari nabyo byaciye intege abarwanyi babo.

Muri uru rwandiko kandi FDLR, igaragariza Nkurunziza impungenge ko uko batinda ariko amakuru agenda, kandi umwanzi wabo wo mumajyaruguru (Rwanda) akomeje kubitegura.

Yasabye Nkurunziza kuganiriza abarwanyi bayo kugirango basubirane ituze, kandi ikamusaba ko yakongera amasezerano nawe, nibura kugera m’Ukuboza 2015.

Yasabye Nkurunziza ko yavugana n’ababishinzwe mu Burundi bakishyura abarwanyi bayo ibirarane by’imishahara bya Nzeli n’Ukwakira 2015.

Yasabye Nkurunziza kureba uko hanozwa uburyo bwo gukorana kugirango babashe kurangiza umugambi yabashinze.

Basoje urwandiko basaba ko uburyo bumvikanye bwakihutishwa, bamubwirako agomba kwibuka ko Ushinzwe iby’amafaranga ari wa wundi ujya uza kumureba rimwe na rimwe.

Bamusabye kubikora vuba, kuko bashobora gutungurwa.

Pierre Nkurunziza na Adolphe Nshimirimana (yarapfuye).

Uru rwandiko rurashimangira ko abarwanyi ba FDLR bari mu bwicanyi buriho bubera mu Burundi ku mabwiriza ya Nkurunziza. Leta y’u Burundi ifatanije na FDLR barapanga kwica abarwanya leta abandi bagahunga kugirango FDLR babone uko binjiriramo maze abacengeye mu mpunzi babone uko binjira mu Rwanda bagamije guhungabanya umutekano warwo.

Urwandiko rwasinywe taliki ya 4 Ugushyingo 2015 n’umuyobozi muri FDLR wiyita Col Kabuyoya (A.H.) ariko mumazina ye bwite ari Col Anaclet Hitimana, (wiyita kandi Gasarasi Odilo), wavuzwe n’abahoze muri FDLR batashye ko yahoze yungirije commandant wa reserve brigade muri Kivu y’amajyaruguru.

Ibaruwa FDLR yandikiye Perezida w’u Burundi

Cyiza Davidson

IBITEKEREZO
Ester Irebe

@Hans Von Gandhi, Nta rwango nibaza ko Cyiza afite kubera iyo baruwa cg se akorana naFDRL nkuko ubimwibazaho. Ndagusaba ko uyisoma neza,aho igaragara itubutse kuri Bujumbura .news.Ushaka no kumenya ibyiyo baruwa,ushakishe kure website ya DHR urayihasanga irambuye.

Buja

Harya mwabonye abahutu ari ibigoryi cyane ku buryo ubugoryi bwose mutekinitse mubibitirira.First,iyo cashet mwashize kuri icyo gipapuro ni igicurano,ibyo byose ni ugusebya muba mugambiriye,igihe kizagera namwe mubeshyerwe.Igice kinini cya FDLR gikorera muri RDF niki muba mushaka,mwabaryamyeho mu byaha bakoze murababika,mubaha akazi ahubwo mubigereka ku batarabikoze.

Rugira

News sound interesting but the key is the letter we can't read. can u make the characters a little bit bigger ?

Misago

Kabuyoya yapfuye 2009.Gusa ikiriho ni uko FDLR yohereje bamwe mu barwanyi bayo muri icyo gihugu ariko ntabwo intego yabo izagerwaho kuko abantu bari maso.

GAKIZA

urumunyakinyoma pe !! Mushikiwabo yatubwiye ko ntagatege ikigira

cyiza

Cyiza we ujya umenya ko Imana ishobora byose ireba ibyo ukora, umenye ko ibyo uvuga niba atari ukuri amaraso yose ameneka akugeretswe k' umutwe by ' iteka ryose keretse niwihana. Mbona ibyo wandika byose ari iby'abagabo b' indarikwa bavugwa muri Bibiliya nyamara niba inyo uvuga ari ukuri Imana iguhe umugisha, kuko utabariza abari mu kaga !! Ni uko rero niwumva ijwi ry' Uwiteka ntiwinangire umutima. Erega shenge kurwanirira ubwoko bikugeze kure !!!

Gasake

Davidson we ! Uwo mukoloneli wasinye iyo baruwa ko yapfuye kera yazutse ? Ese mujya mwibuka ko nimutitonda muzarimbukana n'ingoma ? Nimwitonde rero !

Mahoro

Ese ko mutari gutomora ubwo si genocide irimo gukorerwa abatutsi bo mubu urundi !

Hans Von Gandhi

Iyo Baruwa Wayibonye Ute ? Niba Udakorana Na Fdrl Gusa Iyo Uyitubura Ikabashwa Gusomwa Niba Atari Photochop Iyo Nipropaganda Yurwango Wowe Cyiza Wifitiye


TANGA IGITEKEREZO

Kwamamaza
Kwamamaza
Also in this section
Urubanza rwa Murekezi ukekwaho Jenoside rwasubitswe, hitabazwa Minisiteri

Urubanza rwa Murekezi ukekwaho Jenoside rwasubitswe, hitabazwa...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

Fatima-Portugal : Habaye umuhango wo gusezera kuri Kigeli V, ikimenyetso...

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...

Uko Kigeli bashakaga kumutabariza muri Portugal, n’ uko yazanywe mu Rwanda bujura

13-01-2017

Uko Kigeli bashakaga kumutabariza muri Portugal, n’ uko yazanywe mu Rwanda...

Mugihe twiturije Abanyapolitiki n’Abaherwe barategura aho bazahungira

13-01-2017

Mugihe twiturije Abanyapolitiki n’Abaherwe barategura aho bazahungira

Amahano : Umwami wimikiwe ishyanga

12-01-2017

Amahano : Umwami wimikiwe ishyanga