LATEST NEWS
Itohoza
Gerard Gahima arahigwa bukware na Police ya Timor
Publish Date: vendredi 17 juin 2016
VISITS :3809
By Admin

Gahima Gerard wabaye Porokireri wa Repubulika mu Rwanda, akaza guhunga igihugu ,ubu akaba ari umwe mu bagize umutwe wa RNC, aherutse guta ibara aho yari yarabonye ikazi nk’umunyamategeko wakoze mu gihugu cyahungabanijwe na Genocide.

Gahima yari yabonye ikiraka (consultant) muri NGO muri Timor Leste aho yagombaga guha training abakozi muri truth and reconcilation dept.

Budget yari amadolari imiliyoni 4 ku myaka ine. Maze igice cy’ayo mafaranga kigeze mu ntoki za Gahima, avanamo make nuko ariyakira.

Hamaze gukorwa Audit , Gahima yaje gutabwa muri yombi , aza kurekurwa, avuga ko yemeye kuriha mu mezi atandatu kuko yari yabonye ahandi akora muri Irland.

Kuva ubwo kugeza ubu nta nigiceri Gahima arishyura, ubu akaba arimo gushakishwa na Police ya Tiomor,ngo ashyikirizwe inzego z’ubutabera.

Tubibutseko Gahima Gerard yabaye umuntu ukomeye mu Rwanda, yabaye Porokoreri Mukuru wa Repubulika, aho yicaga agakiza, abacuruzi benshi muri Kigali, bahunze igihugu, bajya gucururiza muri Uganda , Kenya, Zambia, Mozambic, abandi bajya mu mahanga kure bahungaga Gahima kubera kubaka Ruswa bazimwima, akabacira umunyururu.

Gearard Gahima arahigwa bukware

Abenshi mu banyarwanda b’impunzi, bagiye bahunze Porokireri Gerard Gahima, Urugero : ni nka Kajeguhakwa Valens ( Waje gutahuka ubu akaba atuye I Rubavu we na Bizimungu Paster) , Kajeguhakwa ni umunyemari wabaye umwe mu batabariye urugamba, babohoye iki gihugu, aza kugihunga nyuma yo gutotezwa na Gahima, amaze kumurira amafaranga muri Bank ye BACAR, Gahima yubaka Hotel iramunanira izakugurwa mu cyamunara na Gangarali nyiri Lemigo Hotel.

Gahima wari wagizwe Perezida w’Inama y’ubutegetsi ya BACAR, akajya yiha amadeni uko yishakiye, abifashijwemo na Kabanda ( wari umwe muba Cadre ba FPR, bakera waje gufungwa no kwirukanwa muri RPF kubera amanyanga) Gahima wari ukomeye cyane yari yarazanye Kabanda, amuha ubwa Porokireri i Nyanza , aza kwirukanwa ubwo yataga amadosiye y’ubushinjacyaha mu bagore.

Uyu niwe Gahima yari yaragize umwe mu bayobozi ba BACAR, kugirango ajye amufasha kuyiba, no kwiha amadeni.Kugeza naho amwe muri ayo madeni ajya ayandika kuri nyina wari ufite imyaka isaga 75.

Undi Gahima yajujubije akamufungira ubusa ni Depite Mbanda Jean wakomokaga mu ishyaka rya PSD waje gufungwa imyaka isaga ibiri nta dosiye , akaza kurekurwa.

Depite Mbanda Jean wahemukiwe na Gahima Gerard

Abandi yagambaniye niba Celestin Rwigema, Gasana Anastase n’abandi benshi cyane … Ibi byose babimubaza agahitamo kuba ikigarasha, kuko bamubujije kwiba no guhemuka.

Kimwe n’abandi bose babazwa inshingano zabo, bakarakara, babakura mu mwanya ikomeye, bababuza kurya Ruswa, bagahinduka bakaba babi ( Gen. Rusagara na Col. Tom Byabagamba) bakajya kugambanira igihugu cyabo n’ubuyobozi buriho, Gahima na murumuna we Rudasingwa Theogene bari mubahemukiye iki gihugu na Perezida Kagame wari wabizeye akabashyira mu myanya ikomeye y’ubuyobozi bwo hejuru muri Leta y’u Rwanda.

Gerard Gahima mumazi abira

Cyiza Davidson

IBITEKEREZO
gikona

nimumbabalire inyandiko yanjye utambuke murakoze

2632z@hotmail.ca

gahima we urumuntu mubi cyane nujya kuryama ujye wibuka abantu washyilishije muburoko i mpanga ubabeshyera kubea inyungu zawe na wowundi wahoraga utumira mubiro byawe ngo agufashe kubeshyera Aneclet nkundimfura aguhakaniye umushyira mumwanya yalikujyamo wahemukiye twese umuryango we ikiziliko wamuzilikishije nubu aracyakizilitse aliko twese abe twiziye uhoraho iyo nkuru ninziza kuli twe na bandi nkatwe wabujije amahoro kumaherere ndashimira cyane nyirurubuga waduhaye aho tukubwilira ibibi wadukoreye

uwacu dada

uyu muntu gahima yahemukiye abantu benshi bamwe ubu bafungiye impanga muli gitarama kukagambane ka gahima nzi uwo yahamagaye mubiro bye aramubwira ngo namufashe ashinje uwali umucamanza yanze aramubwira ngo agiye kumushyira mumwanya yalikujyamo ngo kandi agiye kumufunga ntamuntu numwe ushobora kuzamufunguza ngo kuko agomba kuzamarayo ubuzima bwe bwose ninako byagenze rero gahima we niba usoma uru rubuga ubyibuke wigaye cyane kuko imana niba ihali koko izakubaza ubugome wakoze ndangije nshimira abampaye uyu mwanya wokugira icyo nkuvugaho

TiTi

ubuhemu ntanyungu bugira ku isi , uburyarya ubugome , inda nini n'ubwiyemezi iteka birangirira ku gukozwa isoni kuko niko Imana ihana ubundi rubanda rukikomera amashyi bitewe n'uruhande rushyigikiye ibyo byose narabyitegereje nsanga nubusa kuri iyi si turabagenzi uwashaka yakora ibyiza akigendera

Dorothee Iribagiza

Jyewe simurenganya kuko nibura abone amafranga yo kuvuza mwenenyina niba koko arembye. Erega muri Amerika s'umucezo,nta mituelle ihari.Iyo wibuze urapfa.Gahima ashobora no guhitamo akohereza mwene nyina mu Rwanda akavurwa atarinze guhangayika.Nzi ko yakwakirwa,nk'abandi bose,akagirirwa imbabazi.Ntabona se ko Rwarakabije avuga rikijyana kandi yar'umucengezi mubi watumariye abantu ?Ahubwo President Kagame nafata ikiruhuko azabe Pasitori,jye mbona asigaye akabya mu kubabarira izo ngurube.

Rutikanga Jaures

Ubwirasi bwa Gahima,ubugambanyi,ubusambo nibyo byaranze ubutabera mu gihe yarabukuriye.Bahemukiye H.E.yarabahunguye ivu we na mwenenyina,barangije baramwigarika,ahubwo bamubera abatindi.Reka rero nabo bumve.

Umurerwa M-Grace

Ubundi u Rwanda rwakabaye rumukurikizaho Interpol nkurikije amasezerano hagati y'inzego za police kw'isi.Uyu Gahima agomba kubazwa amafaranga ishyano ryose yanyereje,agafungura Interahamwe kubera kurya ruswa,n'ibindi byaha bijyanye n'ubutabera.Rero niba iyo ngeso yarayijyanye muri Indonesia bo ntibatinzamo,bazamubamba ku mugaragaro.

Munezero Innocent

Ingeso ntirara bushyitsi.Gahima koko aranze abaye umujura kabombo uzwi kw'isi hose.Niba rero atazi bariya bantu bo muri Timor,bo bazamuca umutwe ntakine.Nizere ko azagira vuba akagarura amafaranga y'abandi

Mahoro

Ubu burayi na America tutaretse Africa impunzi ibihumbi nibihumbagize bose bahunze Gahima ??? Abandi bakaba abagenocideri ????Mwiha mire muri dinial


TANGA IGITEKEREZO

Kwamamaza
Kwamamaza
Also in this section
Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Iryavuzwe riratashye : Nahimana yasohoye inyandiko ihakana Jenoside n’abayikoze

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

UK : Abanyarwanda barokotse Jenoside babangamiwe n’abayikoze...

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Padiri Nahimana arategura imyigaragambyo itemewe kuri Ambasade y’u Rwanda i Buruseli

Padiri Nahimana arategura imyigaragambyo itemewe kuri Ambasade y’u Rwanda...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...