LATEST NEWS
Itohoza
I BOSTON : RNC YIRIWE MU IKINAMICO YO GUSENGERA COL. PATRICK KAREGEYA
Publish Date: mercredi 20 janvier 2016
VISITS :3769
By Admin

Kuwa gatandatu tariki ya 16 Mutarama 2016 i Boston muri Leta ya Texas muri Amarika, habereye ikinamico yo gusengera Col. Patrick Karegeya witabye Imana, nyuma y’uwo muhango abo muri RNC baraye inkera babyina umuziki bacurangiwe na Ben Rutabana.

Kuwa kane tariki ya 02 Mutarama2014, nibwo inkuru yabaye kimomo mu bitangazamakuru byinshi by’amahanga nibyo mu Rwanda ko Patrick KAREGEYA yiciwe mu gihugu cy’ Afurika y’epfo muri Hoteli Michelangelo Towers iri mu gace ka Sandton,mu mujyi wa Johannesburg.

Inkuru y’urwo rupfu ikimara kumenyekana havuzwe byinshi cyane ku buryo kumenya neza icyo yazize bisaba ubushishozi. Abarwanya Leta iriho mu Rwanda bahise bihutira gutangaza ko yishwe na Guverinema y’u Rwanda.
Nyamara ukoze neza isesengura, hari ibintu bitatu by’ingenzi byatuma uwariwe wese yasobanukirwa uburyo uyu mugabo yishwemo n’impamvu zishobora kuba zarateye urwo rupfu :

1. Ese umuntu yaguhamagara ngo umusange kuri Hotel akaba ariwowe ukodesha chambre muri buhuriremo ?Ibi bikaba bitumvikana ukuntu Col. Karegeya yaba yaraguye muri chambre ya Hotel we ubwe yafashe ngo aze kubonaniramo n’uwomuntu bavuga wamugambaniye , ese wajya kureba umuntu warangiza ugafata chambre ya Hotel muri buhuriremo, kuko iyo chambre bigaragara ko yari iya Karegeya kandi ntabwo yabaga muri iyo Hotel, kuki yafashe chambre ?

2. Ese kuki Col. Karegeya yari yarahawe abamurinda na Leta y’Afrika y’Epfo,akagenda abihishe, yarangiza akajya gukodesha chambre muri hotel iri mu mujyi abamo, ubwo ntabintu yari arimo yashakaga gukora rwihishwa kugirango abamurinda batabimenya ? kuki yagiye yihishe abantu bamurindaga, kuki yabakwepye !

3. Ese abavuga ko yahamagawe na Apolo hari gihamya igaragaza ko koko yamuhamagaye ngo babigaragarize na polisi mu iperereza ?



Rudasingwa Theogene ( Ibumoso) abana ba Karegeya na Lea Karegeya umupfakazi wa Patrick Karegeya uba i Maryland aho yoza indembe z’abarwayi mu bitaro

Ibi bintu uko ari bitatu uwabikorera isesengura wese yabonamo ukuri kuruta ibyirirwa bitangazwa ku rupfu rw’uyu mugabo n’abaharabika Leta y’u Rwanda.

Abantu benshi bavuganye na Rushyashya bayibwiye ko ibi ari ugushinyagura no kujomba igikwasi imfubyi za Christophe Matata yirengeje ubwo yiteguraga gukora igitaramo muri South Africa, n’abandi benshi yagize impfubyi hano mu Rwanda.

Ese byibuze Col. Karegeya Patrick yapfuye yarihannye ubuhotozi yakoreye nyakwigendera Christophe Matata ? ese byibuze mbere yuko agwa mu maguru y’indaya yaba hari uwo muri RNC yatumye ngo azamusabire imbabazi ku bana uriya muhanzi yasize ku isi ? n’umugore we Lea yari yaciye inyuma. Niba ntabyo yakoze ayo masengesho barimo yari ayo kwa Rusoferi kuko atigeze arenga igisenge cyaho ngaho.

Cyiza Davidson

IBITEKEREZO
Mandanda

Nemera ko igihe gifite imbaraga kuruta abantu.Ubwo ibyo wanditse usebya umupfakazi, urengera politique utazi aho igana...igihe nikigera uzahindura imvugo ! koza indembe ntakibazo... soyez serieux.

Nganji

Ese Burasa reka nkwibarize. Urupfu rwa Karegeya muruhakana kandi Afandi Perezida yararwemeye nka nde ? Gusebya umupfakazi we wumva byakumarira iki ? Umuntu w' umugabo iyo ananiwe bagenzi be akadukira impfubyi n' abapfakazi aba yirahuriraho umuriro.

Kamikazi Francine

Yoooo !!! Jewe mba muri North Carolina ndazi uyo mupfasoni Leah cane kubera nagiye Washington kumuraba yabuze umugabo wiwe,mugabo yama atubwira yuko batari bakibana hashize imyaka indwi,kuko bataniye muri South Africa kuko ngo yari umugabo ashurashura cane.Vyaratubabaje gwose kubera ko bataherukana ngo amenye neza ingene yapfuye,naho abariza.Icatangaje cane nuko bagiriza u Rwanda kandi nta bimenyetso vyerekanye mu matohoza ya South Africa.Abo bariko baramushira muri politike,nibamureke yirerere abana biwe kandi bariko barakura bazogire chance yo gutaha no gukora i wabo Mbega simbona n'abana b'Interahamwe Leta y'u Rwanda ibaha ama scholarship kandi bagataha bagakora ?

Irebe Ester

@ Hadasah, Muzajye musoma neza inkuru zanditswe.Umunyamakuru wa Rushyashya ntiyigeze avuga ko Leah Karegeya aba Boston,ahubgo yavuze ko RNC yahuriye Boston mu muhango wo kwibuka umugabo we. Nibyo Leah akora mu bitaro na nursing home gufash'indembe,n'abasaza badashoboye kwikorera imirimo ya buri munsi kubera gusaza cg kuzahazwa n'indwara.Muri Amerika na Canada babita PSW(Personnal Support Workers) cg Aid Workers.Rero nta mwuga udakiza,kandi uranamutunze nta gitangaza kirimo kandi nta nuwabimugayira.Icya ngombga nuko adasabiriza. Naho uko Karegeya yapfuye,ni nako yabayeho,niba yarishwe n'umugabo,nukuvuga ko yari yarabaye umutinganyi(homosexuel)kuko ntibyumvikana kugirango afate hoteli yiyishyuriye kandi afite iwe Morning Side aho yabanaga na nephew we,agiye guhura n'umuntu kandi ijoro rya New Year.Ubgo bunani yarihiye hoteli nibgo bgamukozeho,umutindi yicwa n'icyo akunda.

Umurerwa

Ariko kuki ubwenge bwanyu mwabumariye mu bifu ? Ngo Leah Karegeya yoza indembe ? Ni yo yaba ari byo akora se musanze atari akazi` ? None se wowe wanditse aya mateshwa uramurusha iki ? Uhembwa angahe ? Ko ayo uhembwa ashobora no kuba atakugurira inkweto, ari yo mpamvu wirirwa wandika aya mahomvu ngo wenda ubone ko wamara kabiri ! Reba Leah Karegeya, ureba na bariya bana be urebe ko hari ubarusha fraicheuer muri mwese !

Hadasah

yabaaaaabaaa, mupfuye nabi, kandi muricwa n ibinyoma, no gushinyagura !!! Leah ntabwo akora Boston, nta n ubwo aba Boston... Nta n ubwo Yoza indembe n ubwo nako ari akazi !!! Wowe wanditse ibi igomba kuba nta nkuru y imvaho ufite !! Karegeya uko yapfuye birazwi, uwamwishe yarabyivugiye, none wowe ngo iki ? Apolo nawe azi uko yabigenje..n abandi. Muve muretse , nta gahora gahanze...

shema lucien

Aliko kuki Imana itagihaniraho nka kera ngo maze inkozi zibibi zo muli rutwitsi zijye mumuliro utazima koko

mahoro

Keep trying ! abamwishe ko batabihakana muravunwa niki mubahakanira ko mwe muri abanyamakuru ? Kandi RTLM kuri list zimaze kuba nyinshi ! Dore aho nibereye, ejo nizihindura imirisho muzashyirwa kurutonde rw ibinyamakuru rutwitsi !


TANGA IGITEKEREZO

Kwamamaza
Kwamamaza
Also in this section
Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Umudiho uva mu itako

Umudiho uva mu itako

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...