LATEST NEWS
Itohoza
Ibintu 5 bigaragaza ko Kayumba Nyamwasa ari ikigarasha
Publish Date: lundi 21 novembre 2016
VISITS :6572
By Admin

Kuva aho Perezida w’u Rwanda, Paul Kagame yitabiriye imyitozo ya gisirikare y’ingabo z’u Rwanda y’urukomatane rw’intwaro, yabereye mu kigo cy’i Gabiro mu karere ka Gatsibo ku wa Gatanu ku ya 4 Ugushyingo 2016.

Iyo myitozo yakozwe na diviziyo ya mbere y’ingabo, yari igizwe n’ibice bitandukanye birimo icy’ingabo zirwanira ku butaka n’izirwanira mu kirere.

Gen. Kayumba Nyamwasa byaramuriye ndetse ababazwa bikomeye n’uko u Rwanda rufite ubwirinzi buhambaye, ajya kwiyahura kuri Radio RTLM/Itahuka, avuga ko Kagame ngo agaragaza intwaro za rutura ariko mu gihugu nta ruganda ruko n’igikwasi.

Ibi bitekerezo bya Kayumba bigaragaza ko atigeze akunda igihugu ko ahubwo yarwaniraga inyungu ze bwite, ari nayo mpamvu yahisemo kuba ikigarasha, ni gute ababajwe n’uko igihugu gifite ubwirinzi ?

Kayumba na Rosette

Kayumba aheruka mu Rwanda 2010, RDF yari azi siyo y’ubu, ingabo z’u Rwanda zimaze kugira ingufu zihambaye n’intwaro zikakaye zo kwivuna umwanzi niba rero Kayumba yakekaga ko ashobora kugaruka mu Rwanda guhungabanya umutekano nk’ibyo yakoraga we na Karegeya bayobora ibitero bya Grenade muri Kigali, baca abaturage amaguru, aribeshya.

Icya kabiri : Kuba Kayumba Nyamwasa yarandikiye abacamanza b’ubufaransa bashinzwe gukora iperereza ku ihanurwa ry’indege yarimo perezida Habyarimana na Ntaryamira w’u Burundi, abasaba ko bamwumva agatanga ubuhamya bugamije gushinja Perezida Kagame kuba ariwe ngo wahanuye indege ya Habyarimana.

Akabeshya ko yari mu mwanya umwemerera kubimenya, bamubaza niba yari mu nama itegura icyo gikorwa cyo guhanura indege aho kugisubiza ati “nari ndi mu mwanya unyemerera kubimenya”. Mu by’ukuri biragaragara ko Kayumba ari ikigarasha.

Icya gatatu : Kuba Kayumba ashaka ubuhunzi mu bufaransa kuburyo yatangiye no kuvugana na Kanziga Agatha umupfakazi wa Habyarimana amubwira ko agiye gutanga ubuhamya ku ihanurwa ry’indege yarimo umugabo we nawe akamusaba kumuvugira kubayobozi b’ubufaransa kubona ubuhungiro mu bufaransa kandi Agathe Kanziga nawe amaze imyaka isaga 18 asaba ibyangombwa byo kuba mu Bufaransa yarabibuze, ni ikerekana ko koko Kayumba ari ikigarasha.

Icya kane : Kuba ishyaka reye RNC rifitanye imikoranire ya bugufi na Willy Nyamitwe uherutse mu nama Oslo aho yerekanye amashusho (Film Documentaire) y’intwaro n’ abasilikare, abeshya ko ari iby’igisilikare cy’u Rwanda, kandi ahubwo herekanywe amashusho arimo intwaro n’abasikare by’aba Congomani b’Abatwa b’Impunyu ziba mu mashyamba ya Congo, abandi ari aba Mai Mai.Ibi byose ni ibigaragaza ko Kayumba ari ikigarasha.

Icya gatanu : Kujya kurwanira hejuru y’umugogo w’Umwami Kigeli afatanije na Rujugiro, Rujugiro agatanga amafaranga ngo umugogo wa Kigeli utajya gutabarizwa mu Rwanda, ahubwo ujyanwe muri Protugal, Chancellor w’umwami Boniface Benzinge, akemera kugurisha umugogo w’umwami, agahaho Emmanuel na Rwigemera bakayasangira nabashiki ba Benzinge bivugwa ko ari nabo basahuye ibintu byari munzu kwa Kigeli, babona bimaze kumenyekana bagakwepa, bagasiga umugogo w’Umwami mu buruhukiro.

Rujugiro Ayabatwa Tribert

Hari amakuru avuga ko Benzinge yari yarakodesherejwe inzu yakataraboneka n’imodoka yo kugendamo, avuye kuba munzu z’abasaza none akaba yaraburiwe irengero n’ubwo hari amakuru twamenye avuga ko yigiriye mu Bwongereza kurirayo ayo mafaranga ya Rujugiro.

Nguwo Boniface Benzinge mu Bwongereza

Ariko ibintu bitangiye kujya mu buryo kuko mu itangazo ryashyizwe ahagaragara kuri uyu wa 17 Ugushyingo 2016 n’Umuryango w’Umwami Kigeli V uhagarariwe na Christine Mukabayojo, rivuga ko ibivugwa ko Umwami Kigeli V Ndahindurwa yari yaranze ko azatabarizwa mu Rwanda atari ukuri.

Iryo tangazo rigira riti “ Umuryango w’Umwami Kigeli V Ndahindurwa wamaganye ibi byose bigaragara kuri internet no ku mbuga nkoranyambaga ko : Umwami atazatabarizwa mu Rwanda, ko Umwami yasize abwiye icyo yifuza inshuti ze za hafi ku bijyanye n’itabarizwa rye, ko umuryango we wa hafi uri gushakisha ubufasha mu bantu batandukanye haba mu mazina yawo no mu izina ry’Umuryango washinzwe n’Umwami.”

Nyakwigendera Umwami wanyuma w’u Rwanda Kigeli V Ndahindurwa

Iri tangazo rikomeza rigira riti “ Kuri ubu, ibijyanye no gutabariza Umwami biracyategurwa kandi Umuryango we wa hafi n’abafitanye nawe isano ry’amaraso bya hafi bashimangira ko Umwami azatabarizwa mu Rwanda kandi bari gukora ibishoboka byose ngo ibyo bikorwe.”

Uyu muryango waburiye abantu bose bazatanga amafaranga muri gahunda zo gutabariza Umwami, ko atari iby’Umuryango ndetse n’ubikora agomba kwirengera uko byagenda kose.

Cyiza Davidson

IBITEKEREZO
Dumbuli

Bihorere bariya barundi bagumye bashotorane bamenye ko twabatijwe kera twari Inkotanyi Cyane none twabatijwe RDF ariko hari umunsi umujinya wasumbye kwihangana ; nibakomeze nawe ubabujije bashatse batuza tugaturana mu mahoro ntibazi ibyo bakina nabyo. ni abasakuza bavuga biruka

Soso

Hagize uwibeshya se. Inkuba yamukubita ntiyamenya aho iturutse. Yakubitwa n'itagira amazi. Bose ni inda nini zibibatera mubareke nabo barabizi ko ntacyo bishoboreye uretse ibigamboooooo. Muzehe wacu araganje mirere na mirere.

Inzobere

Icyakoza biragaragara ko Benzige ari igisambo koko !!!!Ukuntu angana uko areshya uko asa,ehhhh uriya ameze nka bya bisaza byo mu cyaro byajyaga birwanira ibishyimbo n'ibijumba n'abana babo !!!Ese umukobwa we ukora mur iSerena ko ntacyo atangaza nukuntu yishyizeho ?????

mugsbo

kera twarinkotanyi ubuturiRDF urabyumvako twahindutse niyompamvu ubona aba rundi bar fatira ukobashatse tukemera ariko inkotanyi ntizari kubyemera,

Kay

Ruhago abarundi bariyahura si ukuvugako baturusha ubuhangange ni ingufu oya ahubwo barashka ko ikibazo cyabo gihinduka icyacu ikindi mtabwo Rwanda rushaka intambara mugihe rushishikajwe niterambere rirambye kubaturarwanda ariko nkeka n'abarundi babizi ko nibagerageza bitazabagwa amahoro

Ruhago

HANO MUVUGISHIJE UKURI. RDF KIRIYA KIGARASHA CYARI KIZI SIYO YUBU !!! INTWARO ZIHAMBAYE ,ARIKO. ABARUNDI BARADUKORA IBYO BISHAKIYE RDF YAKERA NTIYARI KUBYEMERA BYARAHINDUTSE KOKO !!


TANGA IGITEKEREZO

Kwamamaza
Kwamamaza
Also in this section
Abayobozi barindwi batawe muri yombi

Abayobozi barindwi batawe muri yombi

Umu ofisiye w’umupolisi n’umukunzi we bakoze impanuka mu buryo bw’amayobera

Umu ofisiye w’umupolisi n’umukunzi we bakoze impanuka mu buryo...

RNC : Abagore b’ibigarasha mu Bubiligi mu mihango yo gupfobya Jenoside yakorewe Abatutsi

RNC : Abagore b’ibigarasha mu Bubiligi mu mihango yo gupfobya Jenoside...

Karamaga wahishe umurambo wa Uwiringiyimana Agathe yatangiye kurindirwa umutekano

Karamaga wahishe umurambo wa Uwiringiyimana Agathe yatangiye kurindirwa...

NEW POSTS
Abava muri FDLR bose bagaragaza gucikamo ibice gukomeye

29-04-2017

Abava muri FDLR bose bagaragaza gucikamo ibice gukomeye

Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...