LATEST NEWS
Itohoza
Ibintu 7 bituma PASTOR RICK WARREN akunda u Rwanda
Publish Date: dimanche 2 octobre 2016
VISITS :1529
By Admin

Umuvugabutumwa akaba n’umushumba w’Itorero rya Saddleback Church ryo muri Calfornia Pastor Rick Warren yatangaje ibintu bigera kuri birindwi bituma akunda u Rwanda ndetse akanarufata nk’igihugu kidafite ikindi bihwanye kuri Iyi Si ya Rulema.

Ibi akaba yabitangarije mu gikorwa cya Rwanda Cultural Day cyabereye I San Francisco kuri uyu wa gatandatu taliki ya 24/9/2016 kigahuza abanyarwanda baturutse ahantu hatandukanye ho muri Amerika, Canada, Uburayi ndetse no mu Rwanda.

Abantu Bari baje ari benshi.

1. Kudacika intege no kudaheranwa n’ibibazo by’ababarwanya.(Resilience of The People)

Buri muntu wese mu buzima ahura n’ibimuca intege, ibimusubiza hasi, ibimukubita hasi, ariko burya ikibazo si ibyo uhura nabyo ahubwo imbaraga ukoresha ukongera guhaguruka nizo zikenewe kandi abanyarwanda batazifite. Nyuma y’ibyo baciyemo bikomeye byabaciye intege mu mateka yabo, bahisemo kubirenga Bambara imbaraga baharanira ibyiza birushijeho bakwiriye. Burya inyuma ya buri terambere rigaragarira Bose hari umubabaro uba uhihishe. (Behind every public success then is a private pain).

Umuco

2. Ubunyangamugayo bw’abayobozi b’U Rwanda (Integrity of Rwandan Leadership)

Kuba inyangamugayo Ni ugukora ibyo uvuga, ukavuga ibyo ukora kandi ukirinda kwishushanya ahubwo ukaba wowe kandi ukaba umuntu umwe ahantu hose, kandi ku bantu bose. Ubuyobozi bw’U Rwanda rero bushyira mu bikorwa ibyo buvuga kandi bukavuga ikibari ku mutima batishushanyije. Kudahora uhindagura cyangwa wisubira ku byo uvuga no guhora uri wowe ahantu hose ni bwo bunyangamugayo. Rick Warren yavuze ko Paul Kagame ari umuyobozi udasanzwe ariko avuga ko ba Janette Kagame nawe ari uko. U Rwanda Ni kimwe mu bihugu bifite umubare munini w’abagore mu buyobozi kandi banafite imyanya ikomeye, ahangaha Rick Warren yatanze urugero rwa Ministre w’Ububabyi n’Amahanga Louise Mushikiwabo, Ambassador w’U Rwanda muri Amerika Matilde Mukantabana, …

Ambassador Matilde, Rick Warren, HE Paul Kagame, Janette Kagame, Ladegaunde

3. Umutima n’ubushake bwo kubabarira abanyarwanda bafite (Willingness to Forgive)

Kubabarira ntabwo ari ikintu cyoroshye ariko abanyarwanda bahisemo kuva ibuzimu bajya ibuntu ( chose to be better than bitter ) bahitamo kubabarira ababahekuye n’ababahemukiye babana mu mahoro. Rick Warren akaba yavuze ko Isiraheli ikwiriye kwigira ku Rwanda ku birebana n’ubwiyunge no kubana amahoro no kubabarira uwaguhemukiye. Iyo utababariye ugahora ushyira ibibazo byawe ku bandi uramugara (Blame= Be Lame). Rick Warren akaba yavuze ko urugero rwo kubabarira no kubana mu Mahoro Isiraheli ikwiriye kubyigira ku Rwanda.

Abana barababarira kandi bakibagirwa

4. Kutemera igitutu no kugenerwa n’amahanga (Refused to be influenced and pressured by the outsiders)

U Rwanda rwahisemo kwishakira ibisubibazo by’ibibazo rufite kandi rukabikora mu buryo bwarwo, bituma rutemerera uwo ari wese uri hanze yarwo kuruha umurongo n’amabwiriza ngenderwaho, kuko atari bo Mana, ntabwo ucyeneye umuntu uguhesha uburenganzira bwo kwishima, kwishima Ni amahitamo yawe, nta nubwo ukeneye ibitekerezo by’abandi bantu ngo bakubwire ko ukwiriye gutera imbere (to be successful),

Abanyarwanda bahisemo kwishakira ibisubizo by’ibibazo byabo.

5. Kutita ku byo abantu bagutekerezaho (They Don’t mind about what people think about them)

Ntukemerere umuntu n’umwe kugushyiraho igitutu cyane cyane ko nta n’u kwifuriza ibyiza kurusha wowe ubwawe cyangwa ngo abe azi ibyiza ukwiriye, muzi abo muri bo kandi muzi icyo mushaka, ntimugatinde ku byo abantu babavugaho mujye mwita ku cyo Imana ibavugaho, ibi nibyo Rick Warren yabwiraga abanyarwanda .

Urubyiruko rwifitiye ikizere

6. Abanyarwanda bafite indoto nini (Rwandans are Big Dreamers)

Rick Warren yavuze ko abanyarwanda cyane cyane abakiri bato abakundira ko bafite indoto kandi nini, ariko anakomeza kubashishikariza kugira inzozi nini kubw’Imana no kubw’u Rwanda haba mu by’ubuzima, uburezi, ubukungu ikoranabuhanga n’ibindi. Kurota ibintu binini ntibyishyuzwa ugomba rero kurota ibintu binini kubw’Imana, igihugu cyawe, umuryango wawe, business yawe. Tugomba kurota u Rwanda rutarimo ikigo cy’imfubyi, abana bose bakaba mu miryango.

Umukuru w’igihugu buri gihe asaba abanyarwanda kureba kure no kurota ibinini.

7. Kutishingikiriza ku wo uriwe ahubwo ukishingikiriza ku MANA. (Your dreams shall not be based on Who you are but on Who God is)

Abantu benshi batinya kugira inzozi nini kuko bahora bareba abo bari bo btibarebe ubunini n’ubushobozi bw’Imana. Rick Warren yasoje agira inama abanyarwanda bari kwiga muri Amerika kuri Bourse ya President, guhaha ubumenyi, gushaka incuti, barangiza bagasubira mu Rwanda kubaka igihugu bakirotera inzozi nini kandi yasabye abantu ko mu byo bakora byose bakwiriye guharanira kuba ibyitegererezo byiza ku bandi bantu.

Umuvugabutumwa akaba n’umushumba w’Itorero rya Saddleback Church ryo muri Calfornia Pastor Rick Warren

IBITEKEREZO
jon mb

Rick Any One Thing Know For Rwanda,strenga Man.


TANGA IGITEKEREZO

Kwamamaza
Kwamamaza
Also in this section
Umurundi Nahimana Thomas, ari guteka umutwe muri Amarika

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

Fatima-Portugal : Habaye umuhango wo gusezera kuri Kigeli V, ikimenyetso...

Guterana amagambo hagati ya Donald Trump n’Inzego z’Ubutasi bizagarukira he ?

Guterana amagambo hagati ya Donald Trump n’Inzego z’Ubutasi bizagarukira he...

Nta gihamya yuko Uburaya buterwa n’ubukene

Nta gihamya yuko Uburaya buterwa n’ubukene

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

DONALD TRUMP Ashobora kuba atazi ikimuhatse n’ubwo agiye kuba Perezida...

NEW POSTS
Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...

Uko Kigeli bashakaga kumutabariza muri Portugal, n’ uko yazanywe mu Rwanda bujura

13-01-2017

Uko Kigeli bashakaga kumutabariza muri Portugal, n’ uko yazanywe mu Rwanda...

Mugihe twiturije Abanyapolitiki n’Abaherwe barategura aho bazahungira

13-01-2017

Mugihe twiturije Abanyapolitiki n’Abaherwe barategura aho bazahungira

Amahano : Umwami wimikiwe ishyanga

12-01-2017

Amahano : Umwami wimikiwe ishyanga