LATEST NEWS
Itohoza
IBYO UTARI UZI KURI DAVID HIMBARA N’UKO YAJE KUBA UMUJYANAMA WA PEREZIDA KAGAME
Publish Date: jeudi 9 juin 2016
VISITS :3756
By Admin

Himbara, izina rye nyaryo ni Murunganywa, yavukiye mu Rwanda, ariko akurira I Gashonjwa ka Nakivale muri Ankole, mu gihugu cy’Ubugande. Mu bwana yabayeho yigunze kubera ingorane yavutsemo.

Ni umuhungu wa nyakwigendera Muzehe Byabagamba, wamubyaranye na muka se (umugore wa nyuma w’umubyeyi w’uyu musaza Byabagamba). Ibi mu mico y’abanyafrika bose ntibiteye ubwoba gusa ahubwo ni ishyano rikabije. Himbara yakuze ari umwana wanzwe, ari nabyo byahungabanyije ubuzima bwe.

Abakuranye nawe bemeza yuko yakuze ari ingunge idasabana n’urungano, ariko ngo yari azi guhamiriza kuko se yari umutoza w’intore. Himbara yarwanye n’ubuzima bw’impunzi kimwe n’abandi banyaranda, arwara amavunja kimwe n’abandi bakene bose b’impunzi.

Nk’ingimbi ntiyabashije gutera imbere mu mashuri, ubuzima bwari umutwaro uremereye.

Himbara David

Mu myaka y’1970, uwari Perezida wa Uganda Idi Amin, yibasiye abanyarwanda maze biviramo benshi muri bo guhunga. Bamwe bagiye muri Tanzania, Himbara wari mu kigero cy’imyaka 20 icyo gihe, akaba mu bahungiye muri Kenya.

Ubuzima bwaramuriye cyane I Nairobi, maze yisanga mu mihanda, cyane cyane ahakundaga guhurira abakerarugendo.

Amayeri yari yisanganiwe yatumye areshya umugore w’umunyamerika, baba barafatanye, maze bidatinze, nyamugore amushakira impapuro z’inzira, bucya berekeza I Toronto muri Canada.

“Babanye n’inshoreke, maze basezerana nyuma y’imyaka itatu,” nk’uko bivugwa n’uwo babanye muri Canada. Yongeraho ko nyuma “Himbara akimara kubona ubwene-gihugu bwa Canada yahise akwepa nyamugore birangirira aho kuko yataye umugore maze arabura”.

Himbara yakomeje kurwana n’ubuzima biza kumenyekana ko asigaye afite undi mugore wo mu birwa bya West Indies hafi ya Caraibes.

Kuvuga ubuzima bwa Himbara biragoye ariko biranatangaje. Yari undi muntu umeze nk’uwunyugujwe mu mutwe.

Abanyarwanda banywa itabi risanzwe, Himbara yanyweye marijuana n’ibindi biyobyabwenge bitagira ingano.

Imyitwarire ye yari yarahindutse cyane, ariko akomeza ingeso ze z’amahane, guhubuka n’ubwibone.

Aha ameze nk’uwacanganyikiwe

Aho hari mu myaka y’1980. Imyiteguro y’intambara yo gucyura impunzi yari irimbanyije, ndetse abanyarwanda bo hirya no hino ku isi harimo na kure nko muri Canada, begeranyaga inkunga zitandukanye zo gushyigikira umuryango, Rwanda Patriotic Front (RPF)-Inkotanyi.

Himbara ntiyasabanaga n’abanyarwanda bo muri Canada, nta n’icyo yakoze ngo atere inkunga urugamba.

Icyo gihe inyungu ze zari muri Afrika y’epfo aho yari yarimukiye ava muri Canada mu ntangiririo za 90.

Aho yahashinze ishyirahamwe ryitwa “Solidarity”. Mu gihe Inkotanyi zaharaniraga guhamagara urubyiruko rwo muri Canada kwitabira urugamba, Himbara we yari ahugiye gushaka urubyiruko rufasha ANC kurwanya ingoma y aba gashabuhake.
Ibi ntabwo yabigezeho na gato kandi byagaragaje amafuti ye n’inda nini.

Nyakwigera Claude Dusaidi wari Inkotanyi ikomeye muri Canada, yari nka rukuruzi ku rubyiruko rwaho.

Nyuma yo gutsindwa kwaba gashabuhake n’ihagarikwa rya Jenoside (RPF yarafashe ubutegetsi), Himbara noneho yimukiye muri Africa y’epfo ku buryo busesuye aba ajugunye wa mugore wa kabiri ahita arongo uwa gatatu (umuhindekazi w’umunyafrika y’epfo).

Muri icyo gihugu yaje kuhahurira na Dusaidi bari basanzwe baziranye kandi basangiye igihugu maze bahana aderessi.

Icyo gihe ubwo Dusaidi yari umujyanama wa V/Prezida Paul Kagame, yubashywe kandi anakunzwe kubera umurava yahoranaga.

Himbara yari abayeho nabi muri Africa y’epfo, ibintu byari bikaze. Afata inzira aza mu Rwanda anyuze iy’I Bugande.

Ageze ino yamaze igihe asura bene wabo n’abandi bari baziranye.

Dusaidi ari mu ba mbere babonye Himbara I Kigali, maze atungurwa no kwibaza icyamuhinduye ku buryo akunda igihugu agira ku mutima cyangwa akurikirane amakuru yacyo.

N’ubo Dusaidi yagiriye inama yo kutagira imikoranire na Himbara, ntiharamenyekana uburyo uyu yakoresheje ngo avane ku izima uyu mujyanama.

Ariko rero birazwi ko Himbara yakoresheje uburyarya no gushira amanga mu nyungu ze.

Nyamara nyuma yo guhabwa akazi gakomeye I bukuru, Himbara yasuzuguye imirimo ye nko kwanga gusakwa n’abashinzwe umutekano, ibitutsi ku basirikare bawushinzwe no gushyira ubuzima bwa V/prezida mu kaga kubera amakosa ye.

Igihe cyose abarinzi bamusabaga ko abanza gusakwa, yahitaga ava mu modoka akigendera, bityo akaba yugariye irembo ry’umuyobozi we.

Imikorere ye n’izindi nzego za Leta nayo yakomeje kuba umwanda.

Yasuzuguye inshuro nyinshi Ministre w’intebe baba bari kumwe cyangwa kuri telephone. Telephone zo mu gicuku yasinze zizwi n’abaministre benshi Himbara yahamagaraga n’ibitutsi byinshi.

Hari n’ubwo yabasangaga aho bari kimwe n’abandi bayobozi b’ibigo akabatera ubwoba ndetse akabatega akanabasaba gusinya inyandiko zidasobanutse neza.

Hari ibimenyetse byinshi byerekana ukuntu Himbara yateje igihugu ibibazo agenera abantu be amasoko ya Leta yishe amategeko.

Himbara mu biganiro bisebya u Rwanda

Ntashobora kubara inshuro byabaye ngombwa ko asaba imbabazi mu ruhame kugeza umunsi ahunga igihugu. Yahawe amahirwe yo gutaha mu rwamubyaye. Ntiyahindutse. Yabaye mubi kurushaho.

Ubugome, isenya-bikorwa n’ibindi yateye abanyarwanda mu buhunzi ntibibarika.

Mu yandi magambo, Himbara arwaye kwifuza n’o kurenganya abagore, umunyamahane, nta nyungu yitaho uretse ize gusa, arikunda, agatikura akanirata bikabije ku buryo yabangamiye akanavuna abakoranye nawe bose.

Turashyira hamwe ibyo Himbara yakoze ari hano mu mirimo ya Leta, nibimara kwegerana (kandi ni vuba bitari kera), tuzabitangaza.

Biracyaza…..

Umwanditsi wacu

IBITEKEREZO
tony

@ yasmin benekigeri, merci pour info, jye nabivuze kubera iyi nkuru bamwanditseho ariko nakumva umuntu ufite impamyabushobozi ya docteur nkumva birancanze, so niba yarabaye nabi abari hafi ye bamuhwiture sinon get fucked himself akomeze abe ikigarasha ari doctor, c'est dommage kumva doctor wikigarasha

Kashaza Gashamura

Twajyaga tumucokoza kubera kugenda ajyaritse ibirenge, tukaririmba uko yahuye n'INKUNGUGU (Imbaragasa ) maze ngo ziramuramutsa ziti : YEZU AKUZWE MU NTOKI nawe ati : ITEKA RYOSE MU MANO. Yari very depressed, aliko yari umuhanga mw' ishuli, mw'itiku, mu binyoma no mu bwirasi. Yategeraga abazungu muli New Stanley Hotel akabagurisha drugs , cyane abakobwa.

Kashaza Gashamura

Murunganwa yagendaga ajyaritse ibirenge kubera amavunja (twayitaga INKUNGUGU), maze twahura tukaririmba ngo : Inkungugu zarateye, INKUNGUGU No kwa Byabagamba, INKUNGUGU Zihura na Rwacyuma, Inkungugj

Yasmin Benekigeri

@ Tony, Nta sebanya ririmo,bamuvuze uko ari nuko yabayeho.Abavuga ayo mateka ye n'ababanye nawe mur'izo nkambi,kandi.Wibuke ko muri 2003,yivugiye ubwe ko H.E.yamuvanye kure,akamugira umuntu.Ariko kubera umurengwe no gukira akibagirwa gukinga,intugu zishaka gusumba ijosi,ndetse acira mu biganza by'uwamugabiye.Ubu Himbara n'umuntu ususzuguritse cyane ugenda araraguza mu bagore b'Abanyamahanga.Iryo s'isebanya,turamuzi.

Maziyateke

Niba kurwara amavunja, no kuba inzererezi mu mihanda ya Kampala na Nairobie kumpunzi z'abanyarwanda ari icyaha urega Himbara ndumva hari benshi muri iyo leta uvugira bagifite including your big boss.

Bavuga Charles

Muraho neza ! Sinavuga ko ibyo mwanditse ari ibinyoma ariko kandi hari ikintu nababaza. Ko mutigeze mutubwira amashuri yize n'impamaybumenyi yaba afite. Yaba se ari inkandagirabitabo kandi yarabaye umwe mu bajyanama bakomeye ku rwego rw'igihugu ? Murakoze BAVUGA

Sheriff Nyakarundi

Ariko natwe abo muri Canada-Toronto abamubona n'ibyo yigira muzaturye akara,maze natwe tubahe inkuru z'imvaho zerekeye uburiganya bwe.Agomba kuba yarabaye MARIO,kuko ahora yinjira abagore batandukanye,buri mwaka.Umugabo wiyubashye w'Umunyarwanda,ufite agaciro ntagenda araraguza. Yabaye RUTAGAYISASO,birababaje cyane.

Mutabaruka Jean de Dieu

Ariko se igitangaje n'iki ?Muzarebe abakomeza gusebya no kwandagaza ubutegetsi mu Rwanda,ndetse bashinja President Paul Kagame ubwe,muzasanga,benshi muri bo ,ar'abo His Excellecy yahunguye ivu. Ariko bose buriya bazabyishyura.

Paul

EREGA IMPUZI ZOSE KURWARA AMAVUNJA NAKIVALE BYARI IBISANZWE ! SIWE GUSA...ARIKO UKUNTU MUZEHE ASHISHOZA,YAHA UMUNTU AKAZI JUST GUTYA ?

tony

aho mushobora kuba mumusebeje kubera ari muri opposition, ngirango birazwi ko ari docteur mais ntahantu nahamwe mwigeze mwandika ko yize, niba iyo dr ari akabyiniriro nka chameleon josee wo muri uganda mwatubwira tukabimenya, kandi ubuzima bwose mwamuvuzeho hanyuma yataha bakabirengaho bakamuha akazi en plus muri presidence kandi atari abishcyoboye nikibazo ku bakamuhaye. yewe ntanubwo bamuhaye kuba depite cg secretaire d'etat ou ministre ? directement muri presidence kdi aho ntihagera umuntu uwo ariwe wese. anyway mujye mwandika inkuru nyazo harimo isebanyabwenge ryiza mujye mushyiramo ubwenge mu gusebya umuntu, murabona koko umuntu wabaye mayibobo kenya na south africa yari kuba conseil wa president ??????????????????? think twice


TANGA IGITEKEREZO

Kwamamaza
Kwamamaza
Also in this section
( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Uburaya muri hotel zikomeye z’i Kigali buravuza ubuhuha

Uburaya muri hotel zikomeye z’i Kigali buravuza ubuhuha

Maboneza wari Umujyanama wa mbere muri Ambasade y’u Rwanda muri Loni yapfuye

Maboneza wari Umujyanama wa mbere muri Ambasade y’u Rwanda muri Loni...

Umuhango wo kwibuka Mucyo Jean de Dieu mu Bubiligi ( AMAFOTO )

Umuhango wo kwibuka Mucyo Jean de Dieu mu Bubiligi ( AMAFOTO...

NEW POSTS
Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...