LATEST NEWS
Itohoza
Impamvu y’Urupfu rw’ Umwami Kigeli V Ndahindurwa ‘Watangiye’ muri Amerika
Publish Date: mardi 18 octobre 2016
VISITS :18390
By Admin

Inkuru y’urupfu rw’Umwami Kigeli V Ndahindurwa wategetse u Rwanda kuva kuwa 28 Nyakanga 1959 kugera ahiritswe ku butegetsi kuwa 28 Mutarama 1961 rwamenyekanye kuri iki cyumweru tariki ya 16 Mutarama 2016 ko yatanze mu ijoro ryo kuwa Gatandatu rishyira ku Cyumweru tariki 16 Ukwakira 2016.

Kigeli akaba yaguye mu Mujyi wa Oakton muri Virginia,imwe muri Leta 50 zigize Leta Zunze Ubumwe za Amerika aho yari amaze imyaka 24.

Amakuru twabwiwe n’umunyarwanda uba muri Canada, avuga ko Umwami Kigeli , yazize indwara y’impyiko yari amaze igihe kitari gito arwaye. Yagize ati : Kigeli yari arwaye impyiko, kandi yari afite na (hypertension) kuburyo abaganga bari baramutegetse gukora Sport kuko yari munini, arayikora aza kugabanuka, urupfu rwe rwatubabaje cyane kuko yahoraga yifuza gutaha.

Ndahindurwa wari ugize imyaka 80 y’amavuko, yabonye izuba kuwa 29 Kamena 1936, avuka ku Mwami Yuhi V Musinga n’Umwamikazi Mukashema, i Kamembe mu Burengerazuba bw’u Rwanda.

Mu 1944, Umwami Yuhi V Musinga ‘yatangiye’ mu buhungiro muri Zaire ubu yabaye Repubulika Iharanira Demokarasi ya Congo, nyuma yo guhirikwa n’Ababiligi, asimburwa ku ngoma n’umuhungu we Rudahigwa, ahabwa izina rya Mutara III.

Ubwo Umwami Musinga yatangaga, Ndahindurwa yari umwana w’imyaka umunani. Yize amashuri yisumbuye muri Groupe Scolaire Astrida ubu yahindutse Groupe Scolaire Officiel de Butare, akomereza i Nyangezi muri Zaire.

Nyuma y’uko umuvandiwe we kuri Se, Mutara III Rudahigwa atanze bitunguranye ubwo yari yagiye kwivuriza i Bujumbura, kuwa 25 Nyakanga 1959, nyuma y’iminsi itatu byatangajwe ko Ndahindurwa abaye Umwami w’u Rwanda afata izina rya Kigeli V, icyo gihe akaba yari afite imyaka 23 kandi atarashaka kugeza n’uyu munsi.

Kigeli V Ndahindurwa yabaye umwami kugeza tariki 28 Mutarama 1961, ubwo yahirikanwaga n’ingoma ya cyami ndetse Kamarampaka yemeza ko ingoma ya cyami isezererwa hakimikwa Repubulika. Yakuweho na Mbonyumutwa ubwo we (Kigeli V) yari yagiye i Kinshasa, aho yagombaga kubonana n’Umunyamabanga Mukuru w’Umuryango w’Abibumbye, Dag Hammarskjöld, ahunga atyo, yabanje kuba muri Kenya nyuma ajya kuba muri Amerika ariho aguye.

Ntiramenyekana niba Umwami Kigeli, azashyingurwa mu Rwanda nkuko Abanyarwanda baba hanze babyifuza, ubwo babwiraga Rushyashya ko na Musinga yaguye i Moba ariko aza gushyingurwa mu Rwanda, Rudahigwa yaguye Bujumbura nawe yashyinguwe mu Rwanda.

Umwami Kigeli RIP

IBITEKEREZO
UwiringiyeImana Joseph Mks

Uyu niwe nalintsigalanye nka sogokulu,none nawe alapfu, gusa ndihanganisha mwese abakomoka mumiry-ango,wi bwami,cyacyane umuly-ango wa yuhi, sokulu wacu. uwali umwami, Imana imwakire.

valentin

sha ni byiza

eric nicklaus

rest in peace

clemence

oh mana mwakire mubawe agiye twari tukimukeneye

Agumasabe laurent

Nyagasani amwakire mube !

Agumasabe laurent

Nyagasani amwakire mube !

NSHIMIYIMANA Eric

umwami KIGERI V RUDAHIRWA tumwakiriye murwamubyaye ariko agire iruhuko ridashira uwiteka abane nawe

tito

Birarangiye imfura zirashize. Imana imwakire mu batagatifu bayo. Yakunze u Rwanda n'abanyarwanda, naruhuke mu mahoro.

GUMANA J

TWAMUKUNDAGA ! NIYIGENDERE ? IMANA IMWAKIRE MUBAYO.

baziki

nibyiza ko umwami aje mugihugu

Soit x

Ntacyo narenzaho nange ejo ninge nawe nuko .murimake ntakundi akaje karemerwa

allan

roho zintungane ziri mubiganza bya nyagasani

Genda Mfura Yacu

Wowe Umuvuga Nabi Urakabura Uko Wigira Kavumwe Bayobozi Bacu Mudusabire Umugogo We Kandi Mumudushyirire Mutwari Zacu.

Dushimiyimana Ephrem

Imana imuhe iruhuko ridashira ariko ntamwana yagiraga nohanze ?aramutse ari ntawe byaba bibabaje cyane aramutse ahari yaza mumuryango twamwakirana urukundo n'ubwuzu mubavandimwe n'inshiti z'umuryango

Mushakamba Vicent

Imana imihe uburuhukyire budashira. Sogokuru bye. Twebwe abaana bawe mur'Uganda turwitugukunda rwose.

Ifeza

Imana imwakire mubayo

uwiteka imana izamwakire mu bayo

uwiteka izamwakire mu bayo

niyongira Aphrodice

Ä°mana imuhe irukoridashira twamukundaga ! Bamushyingure rwamubyaye.

Ndayisunze Olivier

Imana,imuhe,iruhukoridashira.

bazumutima

azashyingurwe mu mahoro nibyo twifuza,ubundi agire iruhuko ridashira

1 | 2 | 3

TANGA IGITEKEREZO

Kwamamaza
Kwamamaza
Also in this section
Kirehe : Mu bikorwa byo kurwanya itundwa ry’ibiyobyabwenge, Polish yafashe ibiro 115 by’urumogi

Kirehe : Mu bikorwa byo kurwanya itundwa ry’ibiyobyabwenge, Polish yafashe...

Mbanda yahaye ’ Gasopo’ Amashyaka yiyita Opposition harimo na RNC

Mbanda yahaye ’ Gasopo’ Amashyaka yiyita Opposition harimo na...

Rulindo : Umugabo w’imyaka 22 yishe umugore we w’imyaka 30 amukebye ijosi nawe ariyahura bapfa amafaranga y’ubukwe

Rulindo : Umugabo w’imyaka 22 yishe umugore we w’imyaka 30 amukebye ijosi...

Amatora 2017 : Diane Rwigara atanga amafaranga, Mwenedata we azi ko atazatsinda

Amatora 2017 : Diane Rwigara atanga amafaranga, Mwenedata we azi ko...

NEW POSTS
Ese Komisiyo y’Amatora ikwiriye kwakira Kandidatire ya Diane Shima Rwigara ?

28-05-2017

Ese Komisiyo y’Amatora ikwiriye kwakira Kandidatire ya Diane Shima Rwigara...

Minisitiri Mukantabana yashimiye umudepite w’u Rwanda watumye atahuka

26-05-2017

Minisitiri Mukantabana yashimiye umudepite w’u Rwanda watumye...

Inkoni y’Umwana ishira Dondi Dondi : Abandi bapasiteri 3 ba Zion Temple basezeye kuri Apotre Gitwaza, amaherezo ni ayahe ?

26-05-2017

Inkoni y’Umwana ishira Dondi Dondi : Abandi bapasiteri 3 ba Zion Temple...

ITANGAZO RYA RUSHYASHYA

24-05-2017

ITANGAZO RYA RUSHYASHYA

Rudasingwa Theogene yaba ahugiye kuki ?

23-05-2017

Rudasingwa Theogene yaba ahugiye kuki ?

Teteri Agnes Umugore wa Eugene Gasana aravugwa mu bikorwa bya Politiki

23-05-2017

Teteri Agnes Umugore wa Eugene Gasana aravugwa mu bikorwa bya...

Impamvu John Mirenge yakuwe k ’Ubuyobozi bwa ’ RwandAir ’ Igitaraganya

16-05-2017

Impamvu John Mirenge yakuwe k ’Ubuyobozi bwa ’ RwandAir ’ Igitaraganya

Isaranganywa ry’Ubutegetsi mu Rwanda rishobora kuzamo ibibazo by’Itegeko

15-05-2017

Isaranganywa ry’Ubutegetsi mu Rwanda rishobora kuzamo ibibazo...