LATEST NEWS
Itohoza
Indimi ebyiri mu Nteko Nshingamategeko y’u Rwanda k’urupfu rwa nyakwigendera Mucyo J.D
Publish Date: jeudi 20 octobre 2016
VISITS :14124
By Admin

Muri iki gihe Inteko ishingamategeko y’u Rwanda ikomeje gutakaza bamwe mu bayigize bapfuye urupfu rutunguranye, habanje Hon. Mucyo JD witabye Imana mu ntangiriro z’uku kwezi nyuma hakurikiraho Hon. Nyandwi Desire nawe washyinguwe uyu munsi ntanukwezi kurashira.

Ariko ikibabaje ni uko muri ako kababaro n’agahinda hari bamwe muri abo ba nyakubahwa bumvikana bavuga amagambo y’agashinyaguro kuri ba nyakwigendera Urugero  : dutanga ni uko muri iyi minsi aba Depite bamaze iminsi bamanuka kwegera Abaturage ngo babigishe k’Ubumwe bw’Abanyarwanda no ku ndangagaciro na Kirazira bikwiye kuranga Abanyarwanda.

Aha sindi buvuge Inteko ishingamategeko yose ndibanda gusa ku itsinda rimwe ryari ririmo Depite Bamporiki Edouard, ukomoka mu ishyaka FPR-Inkotanyi na Depite Byabarumwanzi Francois wo mu ishyaka PL.

Iryo tsinda mbabwira ryari ryagiye muri Nyamagabe, gusura Abaturage ryari riyobowe na Depite Byabarumwanzi Francois, we na bagenzi be bari mukazi aho mu Ntara y’Amajyepfo yasuye ahantu hatandukaye ndetse igirana inama n’ubuyobozi bw’Akarere ka Nyamagabe, harimo Nyobozi, abayobozi b’Ingabo na Polisi n’abandi bayobozi bavuga rikijyana muri ako karere.

Hon. Byabarumwanzi Francois wo mu ishyaka PL

Nibwo haje message kuri Honorable Bamporiki ukomoka mu ishyaka rya FPR inkotanyi, bari kumwe amaze kuyisoma yegera mugenzi we Byabarumwanzi Francois ati mbonye inkuru mbi ko Senateri Mucyo yitabye Imana kandi aguye ku kazi kacu.

Bamporiki ati : kandi wibuke ko Senateri Mucyo avuka hano mu ntara y’amapjyepfo amusaba guhagarika inama iyo nkuru mbi ikamenyeshwa abari bayirimo.

Ni uko depite Byabarumwanzi Francois ukomoka mu ishyaka PL, akaba na Visi Perezida w’iryo shyaka ryo kwishyira ukizana, akaba ari nawe wari akuriye iryo tsinda rigize Komisiyo y’Uburenganzira bwa muntu, Ubumwe bw’Abanyarwanda no kurwanya Jenoside. Depite Byabarumwanzi akibyumva yahise yica amatwi akomeza inama nkaho ntacyabaye ! Ariko ngo asubiza nabi cyane Bamporiki (ati uriya se yahagarika inama ?). Nuko Inama irakomeza.

Nyakwigendera Senateri Mucyo Jean de Dieu

Aho ije kurangirira depite Byabarumwanzi abwira abayobozi bari aho ati ariko sinagenda ntanababwiye ibyo navuganaga na mugenzi wanjye Bamporiki.., yambwiraga ko Senateri Mucyo yitabye Imana . Ati mubwira ko bitahagarika inama cyane ko yari yaranapfuye kera. Yakomeje avuga ati yari yarapfuye kera ! barasohoka bibaza niba biriya aribyo Abadepite bita indangagaciro (kuvuga amagambo asa atyo kuri mugenzi wabo witabye Imana unayabwira bene wabo wuwo witabye imana.

Amakuru twabwiwe nabamwe mu bayobozi baraho batifuje ko dutangaza amazina yabo ngo bagiye bijujuta bavuga bati : ese ubu nibi inteko iba yabatumye ? Ubu se niko, ishyaka ryabo PL ribyemera rikanabishyigikira ?

Ibi rero nibyo byatumye twegera Depite Bamporiki, Umwe mu badepite bakorana wari muri iyo nama I Nyamagabe mu Karere nuko abihamiriza Ikinyamakuru Rushyashya mu kiganiro gito twagiranye. Depite Bamporiki ( Ababaye ) ati : Nibyo koko nkimara kubona ubwo butumwa kuri Whatsapp, amaze kuyisoma negereye Depite Byabarumwanzi Francois ndamubwira nti : “Mbonye inkuru mbi ko Senateri Mucyo yitabye Imana kandi aguye ku kazi kacu. Ko dukwiye guhagarika inama . Ariko ansubiza nabi cyane (ati : uriya se yahagarika inama ?). Nuko Inama irakomeza.

Hon. Bamporiki Edouard wo mu ishyaka FPR-Inkotanyi

Hon. Bamporiki akomeza agira ati : Sibyo gusa kuko Depite Byabarumwanzi yaramvangiye bikomeye aho muri Nyamagabe, ubwo twasuraga Gereza, abagororwa baradusaranye bavuga ko Leta yabarenganije ko ntabutabera buri mu gihugu.

"Ni uko ngerageza gucubya uburakari bwabo bagororwa nasobanuye uko Jenoside yateguwe n’uko bo ubwabo nk’ubwoko butahigwaga bwayitabiriye bukayishyira mubikorwa ko kandi RPF itihoreye yari kubishobora nuko abagororwa bamaze gucururuka bampa amashyi menshi."- Hon Bamporiki

Hon. Bamporiki akomeza agira ati : Icyambabaje ni uko mugenzi wanjye Depite Byabarumwanzi afashe ijambo yabwiye abo bagororwa ati : “ Jye sinkeneye ayo mashyi mwahaye Hon. Bamporiki, mujye mumuha amashyi jye sindi inkomamashyi nka Bamporiki”. Ikindi ngo bagiye muri dine ( kurya) yavuze amagambo menshi atari meza baganira n’abandi ati : jye mumbaze ibyo kwa Habyarimana nibyonzi, ibindi mubibaze depite Bamporiki na Leta yabo, ngo hari abadepite barindwa kurusha abandi muri za missions n’ibyinshi...

Aha rero niho tubona ko mu bayobozi bakuru muri iki gihugu hari indimi ebyiri cyane cyane muri ba Nyakubahwa.

Uyu depite Byabarumwanzi Francois ninawe wavuzweho umwaka ushize gufasha uwahoze ari ambasaderi Mitali Protais kunyereza miliyoni 45 z’amafaranga y’u Rwanda y’ishyaka PL.

Cyiza Davidson

IBITEKEREZO
Muhoracyeye anne

Umurengwe w'ikinonko ugirango imvura ntizagwa. Bamporiki utazi umukiga amureresaho amabya ! Uhemukiye mwenewanyu pe ! Ndi umunyarwanda !

qween

niba uriya musaza yaravuze ibyo bintu ndumva bamporiki muri kumuhohotera ahubwo uriya musaza nakurikiranwe il n'est pas digne d'etre depute

Marie Merci

Mbega Bamporiki ?!Uransekeje pe.Uwo musaza uramuhemukiye.Ariko ikosa ukoze nuko ururimi rugucitse !Ruragutegetse !Uzahora wibukwa ko washatse gucisha mugenzi wawe umutwe.Ko wasuye abagororwa wabonye ari ahantu heza wakwifuriza mugenzi wawe gutura ?Ese waba waramwegereye nk'umugabo ukamugira inama akakunanira ?!Sha ubanza hari ibindi mupfa !

Kalisa

Biriya bya Bamporiki tubyita ubujajwa mu Kinyarwanda.Bitaniye he na bya bindi uwahoze ari minisitiri w'urubyiruko yavuze kuri mugenzi we ? ubu se bose bari he ? Ijambo ngo ni nk'igikona , iyo urirekuye ntushobora kongera kurifata.

Mosssss

Uyu Byabarumwanzi niba yaravuze ko bamporiki ari inkomamashyi ntiyabeshye kuko biragaragaye.nonese nkawe uri nkabamporiki wakora iki ? Abure kuvugavuga yubikirwe imbehe ?ariko biriya akora ntaninyungu azabigiramo .none ni abandi ejo niwe ashatse yacisha make kuko si inzu yiwe cyangwa yiwabo ateteramo.

Nzobonariba

Ubwo mutegereje ko President Kagame agira icyo avuga kugirango mimuhagatike ? Nabacika ? Mukorera ijisho ?

Rwamuhizi

Bamporiki anyibukije habineza joseph- bosenibamwe koko !

Semana

Mbega umunyamatiku Bamporiki ? Buriya se yahawe amafranga angahe ngo acushe umutwelugenzi we ? Mbega injajwa yy'Umudepite ! Ariko se ninde waruyobewe ko Nyakwigendera Mucyo yarasanzwe arwaye bikomeye koko. Niba ari umwanya wa Hon Byabarumwanzi bashaka itiku barirebe muri PL

Ariko ibi bintu ko bishobora kuba ari impuha cyangwa amazimwe.

Semigabo

Hon Bamporiki ni gatumwa. Kuvuga ko umuntu apfuye yararwaye iminsi icyaha kiri he. Kuki yihutiye mu Binyamakuru atabanje kubigeza muri komite de discipline y'Inteko ubu ntamushakaho akamunani. Ubugenzacyaha bucukumbure neza icyo Hon Bamporiku agamije. Biriya ni itiku ribisi biragaragarira buri wese.

Nzabambarirwa

Ahhhhhh !!!! nzaba mbarirwa, uriya musaza ararengana so akunda kuganira kuko ntekerezagako abaye yarabivuze ntabwo byaba byaraturutse kurwango. ahubwo uriya muhungu ntashobotse noguteranya yateranya. guhitayirukira mwitangazamakuru ???? Ahhhhhh !!!!

Shema Chris

None se Hon. Mucyo Ko yitabyimana Mu gitondo saa mbili ajya Ku kazi, akaba ari naho aba Depute babimenyeshwaga, Ubwo Iyo Nama muri Nyamagabe Yari yatangiye 6h ?? Hahahah, Muraturagiiiiiiiira

JOAN

Hhh reta yu bumwe yarabizeye none mutangiye kuryanira mu buyobozi.baca umugani mu kinyarwanda ngo umuhutu umuvura ijisho bwacya akarigukanurira cyangwa ngo inda ntindi uyiha amata ikaruka amaraso. Iyo migani singe wayihimbye ni abanyarwanda.bareke Mucyo ibyo yakoreye igihugu muri abo ntanumwe uteze kubigeraho kuko yadukoreye byinshi byiza Imana imwakire.

serwakira

kuki mwumvako muri democratie abatumva ibintu kimwe baba arabanzi ??? ikingenzi sukumukuraho cg kumufunga kukise ataba abeshyerwa ???

Alphonsine

Ibi niba ariko bimeze byaba bibabaje cyane kubona igihugu kigifite abantu nkaba ndetse banaduhagararira mu nteko ! Mudufashe iki kibazo gikemuke mu nteko kugira ngo imitima yacu isubire mu gitereko. Nyakubahwa Ntore izirusha intambwe tabara abanyarwanda iyi ngirwa ntumwa ya rubanda ikanirwe uruyikwiye. Ikindi amakuru nkaya mu bitangazamakuru nkibi nayo sinzi icyo adufasha nkabanyarwanda atari ukudutera ubwoba no kudusenya.

bagabo

Birababaje cyane kubona umuntu ungana kuriya mumyaka numwanya afite mugihugu kuvuga amagambo nkariya, Yabuze ubwenge nubumunntu. Akwiriye guhanwa

jocelyne

Uyu hon.ntiyakagombye kuvuga Senateri Mucyo cyane cyane ko tumwibukira kuri byinshi byiza,wowe Byabarumwanzi wasize ukoze iki mu Ruhango,twazakwibukiraho ?

jocelyne

Mujye musaba kugira iherezo ryiza,Senateri Mucyo yarakoze kandi neza,kandi apfuye urupfu rw'Intungane !Abamarayika nibameakire,baguhe Yeruzaremu,wakirwe na Lozaro wahoze ari umukene !

jocelyne

Mujye musaba kugira iherezo ryiza,Senateri Mucyo yarakoze kandi neza,kandi apfuye urupfu rw'Intungane !Abamarayika nibameakire,baguhe Yeruzaremu,wakirwe na Lozaro wahoze ari umukene !

Kamana

Bamporiki urashaka kurusha urukundo rw'ishyaka ba nyiraryo ! Hari n'abakubanjirije bakurushaga amarere baritonze. Genda gahoro were kubeshyera abantu.

1 | 2 | 3

TANGA IGITEKEREZO

Kwamamaza
Kwamamaza
Also in this section
Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Umudiho uva mu itako

Umudiho uva mu itako

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...